Mataupu 44
O le Sefuluai
Iulai 1838
Sa i ai le au paia i Sisifo Mamao. Sa poloai mai le Alii ia losefa e tatau i ona tagata ona totogi le sefuluai. Sa tatalo atu losefa i le Tama o i le lagi. Sa ia fesili atu pe fia le sefuluai e tatau i le au paia ona totogi. Ona oo mai lea o se faaaliga ia te ia mai le Alii. Sa fetalai mai le Alii e tatau i le au paia ona totogi mai le tasi vae sefulu o a latou mea uma, e avea ma sefuluai.
Afai latou te maua se sefulu pene, e tatau ona latou avatu le pene e tasi e fai ma a latou sefuluai. Afai latou te maua se selau pene, e tatau ona latou avatu le sefulu pena e totogi ai la latou sefuluai.
E mafai foi ona latou totogi le sefuluai i isi mea. Sa latou totogi le sefuluai i fua o a latou faatoaga. Sa latou tuu atu le le tasi vae sefulu o a latou saito ma sefa. Sa latou avatu le tasi vae sefulu o a latou lafu moa ma manu. Sa latou totogi foi le sefuluai i susu ma fualaau ’aina.
A totogi a tatou sefuluai, e faamanuia i tatou e le Alii ina ia mafai ona tatou fesoasoani atu i isi tagata. E fesoasoani foi tupe o le sefuluai i le Ekalesia.
E faaaoga tupe o le sefuluai e fau ai malumalu ma fesoasoani i le talaiga o le tala lelei. E faaaoga foi e fesoasoani ai i tagata e faaaoga lo latou taimi atoa e galulue ai mo le Alii.
E tuu atu a tatou sefuluai i le epikopo. Ona tuu atu lea e le epikopo i taitai o le Ekalesia. 0 i latou e faia tonu o mea e faaaoga i ai le sefuluai.
E faamanuia e le Tama o i le lagi tagata o le au paia e totogi a latou sefuluai i faamanuiaga matagofie. E le mafai e tagata o le au paia e le totogia a latou sefuluai ona maua ia faamanuiaga. Ga fai mai le Tusi Paia o tagata e le totogia a latou sefuluai, ua latou fāoa mea a le Atua.