Mataupu 34
Ua Lapata’ia e le Atua Tagata o Siona
Iulai-Aukuso 1833
Sa poloai e le Atua isi o le Au Paia ia malaga atu i le itu malo 0 Siakisone, Misuli. Sa toatele tagata na malaga atu ma nonofo 1 inā. Sa fau o latou fale, ma fale oloa, ma latou fau foi se fale lomi tusi.
Sa le manao Satani ia nonofo le Au Paia i le itu malo o Siakisone. Sa le manao Satani ia faatuina le aai o Siona. Sa ia faaosoina tagata ia latou saua i le Au Paia. Sa manao Satani ia tutuli ese le Au Paia mai le itu malo o Siakisone. Sa fai e tagata leaga mea na manao i ai Satani. Sa latou taumafai e tutuli ese le Au Paia.
Sa oo ina faapotopoto tagata leaga. Sa latou auina atu nisi i taitai o le Ekalesia e fai atu i ai ia o ese ma le itu malo o Siakisone. Peitai sa iloa e tatai o le Ekalesia ua finagalo le Alii ia latou fausia se aai o Siona i le itu malo o Siakisone. Sa latou fai atu i tagata leaga e le o ese ie Au Paia.
Sa toe foi atu tagata leaga ma le ita tele, ma talepe le fale lomi tusi o le au paia. Sa oo ina le toe mafai ona lomia e le au paia se nusi pepa poo ni tusi.
Sa maua e tagata leaga Epikopo Paterika ma le uso o Aleni ma saei ese o la ofu a e vali o la tino i le ta vevela ma faapipii i ai fulumoa. Sa latou fasi foi isi o le Au Paia na latou maua.
Mavae aso e tolu a e toe tietie mai tagata leaga i a latou solofanua i le aai ma tafana fale o le au paia ma fai upu leaga mai ia i latou. Sa latou fai mai o le a latou sasa soo se tasi latou te maua. Sa latou taumafai e sue taitai o le Ekalesia, peitai, sa lalafi i latou.
0 se tasi o taitai o Oliva Kaotui. Sa tuua e ia le itu malo o Siakisone, a e malaga atu ia losefa i Katelani.
Sa tau e Oliva ia losefa mea o loo faia e tagata leaga i le au paia i Siona. Sa fia iloa e le au paia pe o le a le mea e ao ina latou faia.
Ona faamatala atu lea e losefa ia Oliva nisi o faaaliga na oo mai ia te ia. Ga fetalai mai le Alii e tatau i le au paia ona latou fau se malumalu i Siona. E tatau ona totogi e le Au Paia le sefuluai. O le tupe lena e fau ai le malumalu. Sa fetalai mai le Alii ia losefa o le a faateleina Siona pe a usiusitai le au paia i le Atua. A e a latou le usiusitai, o le a faasalaina i latou.
Sa fetalai mai lesu e tatau i le au paia ona usiusitai i tulafono o le malo. E tatau i le au paia ona palota mo ni taitai amio tonu o le malo, auā a taitai e tagata amio leaga le malo, o le a mafatia e e amio tonu.
Sa poloai e le Alii le au paia ia ’aua nei o latou toe faia amio leaga. Sa fetalai mai foi lesu i le au paia ia ’aua nei o latou popole i tagata amio leaga. E le tatau foi ona latou inoino i ai, a e tatau ona latou faamagalo atu i o latou fili. Sei vagana ua poloaiina i latou e le Atua, ona latou tau lea. 0 le a faasala e le Atua tagata agasala.
Sa fetalai mai lesu i se taimi mulimuli ane, o le a oo faalavelave ia Siona mo sina taimi. Sa le usiusitai le au paia i Siona i poloaiga. 0 le a oo mai le aso e fesoasoani mai ai lesu i le au paia e faatu Siona. Ona ia faamanuia ai lea o i latou.