Mataupu 47
Ua Tagi Atu losefa Samita i le Peresitene o Amerika mo se Fesoasoani
Mati-Novema 1839
Sa tusi e losefa Samita ni tusi ma auina atu i le au paia a’o i ai o ia i le fale puipui o Lipētī. Sa ia fai atu ia i latou ia latou tusi mea na fai e tagata leaga ia i latou, ma auina atu i taitai o le malo.
Sa fai atu losefa i le au paia ia latou tusia igoa o tagata sa sauaina i latou, ma faamatala atu le faaleagaina o o latou fale ma a latou faatoaga.
O se tasi aso na ave ai e nisi o leoleo losefa ma ana uo i se tasi fale puipui. Sa faatau e losefa ma ana uo mai leoleo ni solofanua se lua. Sa latou tuu atu i leoleo nisi o o latou lavalava e faatau ai le tasi solofanua. Sa latou folafola atu o le a latou auina mai le tau o le tasi solofanua.
Ona oo lea i le tasi po, ua onānā leoleo ma momoe ai. Ona alu ane lea o le tasi leoleo ma fesoasoani ia losefa ma ana uo e sosola.
Sa feauauai Iosefa ma ana uo e tietie i solofanua. Sa latou o atu i Kuinise, Ilinoi. E sefulu aso na mavae faatoa taunuu.
Sa toe feiloai losefa ma ana uo ma o latou aiga. Sa fiafia e toe faatasi ma i latou.
Sa mananao le au paia e sue se laueleele i llinoi e faatu ai so latou aai. Sa oo ina latou faatau se laueleele lelei latalata ane i le vai tafe o le Misisipi. Sa vaia le laueleele ma palapalā. Sa oo ina o atu iosefa ma le au paia ma nonofo ai. Sa latou galulue malosi e faamatūtū le laueleele. Ona fau ai lea o o latou fale ma totō ai a latou faatoaga. Sa latou faatu ai foi se aai matagofie lava sa latou faaigoa ia Navu. 0 le uiga o le upu o le Navu, o se nofoaga matagofie.
Sa oo ina malaga atu losefa Samita e feiloai ma le peresitene o le lunaite Setete. Sa faamatala atu e losefa i le peresitene e uiga i tagata leaga i Misuli. Sa ia faamatala atu i le peresitene le susunuga e tagata leaga o fale o le au paia ma lo latou gaoia o a latou manu.
Sa faamatala atu e losefa ua fasiotia foi nisi o le au paia. Sa fale puipui nisi o i latou. Sa ia faaali atu i le peresitene mea na tusia e le au paia. Sa fai atu Iosefa sa lē fesoasoani mai ia i latou taitai o le malo i Misuli. Sa ia talosaga atu i le peresitene e fesoasoani mai i le au paia ma faasala o latou fili.
Sa tali mai le peresitene ia losefa ua ia iloa le mafatia o le au paia. Peitai o le a ia lē fesoasoani mai ia i latou. Sa fai mai a ia fesoasoani i le au paia, o le a feita tagata Misuli ia te ia.
Sa faanoanoa lava losefa i le le fia fesoasoani mai o le peresitene i le au paia. Na’o le Tama o i le lagi o le a fesoasoani mai ia i latou.