Mataupu 16
Ua Aoao losefa Samita ma Sini Rikitone e Cliga ia Siona
1830
1 le taimi a’o fai misiona Oliva Kaotui ma uso na latou o, sa latou afe ane ai i Katelani, Ohaio, ma latou feiloa ai ma se alii e igoa ia Sini Rikitone sa taitai i se tasi ekalesia. (Vaai MFF 35:3.)
Sa tuu atu e faifeau talai ia Sini Rikitone le Tusi a Mamona, ma aoao atu ia te ia le tala lelei. Sa oo ina faitau e Sini Rikitone le Tusi a Mamona, ma ia tatalo atu e uiga i ai. Sa oo ina tau mai e le Tama o i le lagi ia te ia ua moni le tala lelei. Sa oo ina papatiso Sini Rikitone.
Sa oo ina fai atu Sini Rikitone i tagata o lana au lotu, ia latou faalogo i faifeau talai. E toatele i latou na papatiso. E lei umi a e atoa le 1,000 o tagata na papatiso i Katelani.
Sa manao Sini Rikitone e feiloa ia losefa Samita. Sa oo ina ia alu atu i Niu loka e feiloai ma le perofeta. Sa oo ina tuuina mai e lesu ia losefa Samita se faaaliga mo Sini Rikitone. Sa fetalai mai lesu o le a fai e Sini Rikitone ni mea taua. O le a ia aoao atu le tala lelei i le toatele o tagata. O le a ia papatiso i latou ma tuu atu ia i latou le mea alofa a le Agaga Paia.
Sa fetalai mai lesu ia losefa ma Sini e i ai nisi vaega o le Tusi Paia ua sui e tagata. E i ai nisi o tala taua e le o toe i ai i le Tusi Paia. Na fetalai mai lesu ia losefa o le a ia ta’u mai ia te ia tala e le o i le Tusi Paia. A e e tatau ia Sini Rikitone ona ia tusia.
O se tasi o ia tala o le tala ia Enoka. O Enoka o se tasi o perofeta tautaua. Sa ia aoao ona tagata ia latou amio tonu. Sa oo ina faaigoa e le Alii le nuu amio tonu o Enoka, o Siona. Sa oo ina faatu e le nuu o Enoka se aai, ma latou faaigoaina ia Siona. I Siona, e fealofani tagata. Sa latou tausi foi i le tasi. E leai se tasi o i latou e mativa pe faanoanoa.
Sa usiusitai tagata uma o Siona i poloaiga a le Tama o i le lagi. Sa amio tonu tele lenei nuu, sa oo ina afio ifo lesu ma mau faatasi ma i latou. Sa oo ina ave ola e le Atua i le lagi le nuu atoa o Siona e mau faatasi ma ia.
Sa fetalai mai lesu ia losefa Samita ia ona aoao atu i tagata o le Ekalesia ia amio tonu, ma latou taumafai e faatu se isi nuu e ta’u o Siona. O le a matagofie lena nuu, ma o le a alolofa ona tagata uma i le Tama o i le lagi. O le a fealofani foi ona tagata uma, ma o le a fiafia tagata uma i Siona. O le a afio mai lesu ma mau faatasi ma i latou.