Bilanggoan sang Carthage

Nobyembre 24—30: Iya “Ginselyohan ang Iya Misyon kag Iya mga Binuhatan sang Iya Kaugalingon nga Dugo”

Doktrina kag mga Kasugtanan 135–136

Sang hapon sang Hunyo 27, 1844, napriso liwat si Joseph kag Hyrum Smith, upod si John Taylor kag Willard Richards. Nagapati sila nga inosente sila sa bisan ano nga krimen, pero nagpaaresto sila, nga nagalaum nga mangin hilway sa katalagman ang mga Santos sa Nauvoo. Indi ini ang una nga bes nga ginpapriso sang mga kaaway sang Simbahan si Propetang Joseph, pero sini nga tion daw nahibal-an niya nga indi na sia makabalik nga buhi. Gintinguhaan niya kag sang iya mga abyan nga paumpawan ang isa kag isa paagi sa pagbasa halin sa Libro ni Mormon kag sa pagkanta sang mga himno. Dayon nabatian ang linupok, kag sa sulod sang pila ka minutos ang mortal nga mga kabuhi nanday Joseph Smith kag sang iya utod nga si Hyrum natapos.

Pero sa gihapon indi ato ang katapusan sang diosnon nga kawsa nga ila lubos nga ginbaton. Kag indi ato ang katapusan sang Pagpanumbalik sang ebanghelyo ni Jesucristo. May madamo pa nga dapat buhaton kag madamo pa nga rebelasyon nga magagiya sa Simbahan paabante. Ang pagtapos sang kabuhi sang Propeta indi ang katapusan sang buluhaton sang Dios.

Mga Ideya sa Pagtuon sa Puluy-an kag sa Simbahan

Doktrina kag mga Kasugtanan 135; 136:37–39

Ginselyohan nanday Joseph kag Hyrum Smith ang ila mga testimonya sang ila dugo.

Hunahunaa kon ano ayhan ang imo mabatyagan kon nagaistar ka sa Nauvoo sang si Joseph kag Hyrum Smith ginpatay (tan-awa sa Saints, 1:554–55). Paano mo ayhan maintiendihan ang kahulugan sining masubo nga hitabo? Ang Doktrina kag mga Kasugtanan 135, nga ginpublikar pagligad sang tatlo ka bulan, nakabulig kuntani. Samtang ginatun-an mo ini nga seksyon, pamensara kon ano ayhan ang nakahatag sa imo sang paghangop kag pasalig. Ano ang imo ihambal sa tawo nga mamangkot, “Ngaa gintugtan sang Dios ang Iya Propeta nga patyon?” (tan-awa sa Doktrina kag mga Kasugtanan 136:37–39).

Pwede mo man pangitaon sa seksyon 135 ang mga tinaga ukon dinalan nga nagainspirar sa imo nga mangin tampad kay Cristo hasta sa katapusan, pareho kay Joseph kag Hyrum.

Tan-awa man sa Doktrina kag mga Kasugtanan 5:21–22.

Testimony of the Book of Mormon

A modern-day Apostle describes the unwavering faith the Church's founders showed, even in the face of death, to remain true to their testimonies of the Book of Mormon.

Doktrina kag mga Kasugtanan 135:3

Si Joseph Smith isa ka propeta kag saksi ni Jesucristo

Ang Doktrina kag mga Kasugtanan 135:3 may lista sang mga butang nga nahuman ni Joseph Smith “sa malip-ot nga lang-at sang beynte ka tuig” Paano nakaapekto ining mga butang sa imo kag sa imo relasyon sa Amay nga Langitnon kag kay Jesucristo? Pamensara kon paano mo kumpletuhon ang dinalan nga pareho sini: Tungod sa ginhimo sang Ginuo paagi kay Joseph Smith, akon … Pwede mo man isulat kag ipakigbahin ang imo testimonya kay Propetang Joseph Smith sa iban.

Isa pa ka paagi para tun-an ang misyon ni Propetang Joseph Smith amo ang magsulat sang malip-ot nga obituaryo ukon eulogy para sa iya. Ano ang imo ihambal para magpatubo sang pagtuo kay Cristo kag sa Iya ginpanumbalik nga ebanghelyo? Pwede mo man dalhon ang importante nga mga okasyon ukon mga natapos nga makita sa Doktrina kag mga Kasugtanan 135 ukon ang mga namitlang sa mga balasahon sa idalom.

Ginpahayag ni Jesucristo ang madamo nga kamatuoran parte sa Iya Kaugalingon kag sa Iya Pagbayad-Sala paagi kay Joseph Smith. Pamensara nga binagbinagon ang imo eksperiyensya sa pagtuon sang Doktrina kag mga Kasugtanan sini nga tuig. Ano nga mga kamatuoran ang nagtatak sa imo? Pwede mo ini iistorya sa imo pamilya, sa mga miyembro sang klase ukon korum, ukon sa iban samtang ginatun-an mo ini sini nga semana. Paano makabulig sa imo ining mga kamatuoran nga maintiendihan kag mangin malapit sa Manluluwas?

Joseph Smith: The Prophet of the Restoration

A motion picture about the life and legacy of Joseph Smith, the founding prophet of The Church of Jesus Christ of Latter-day Saints.

Konektado nga Musika

Ang pagkanta sang mga himno ukon pagtan-aw sang mga video makaimbitar sang Balaan nga Espiritu ukon magbukas sang paghinambalanay parte sa buluhaton ni Propetang Joseph Smith kag sang mga sakripisyo sang mga Santos nga nagpadayon sang wala na sia.

“A Poor Wayfaring Man of Grief” (Hymns, no. 29). Sang ara sa Bilanggoan sang Carthage, ginkanta ni John Taylor ining himno.

“Praise to the Man” (Hymns, no. 27.). Ang teksto sining himno ginsulat bilang halad kay Joseph Smith.

Praise to the Man – The Tabernacle Choir at Temple Square

The Tabernacle Choir and Orchestra at Temple Square perform "Praise to the Man". Follow along a recording session and see beautiful historical scenery and art.

“Come, Come, Ye Saints” (Hymns, no. 30.).

Come, Come, Ye Saints - Mormon Tabernacle Choir

The Mormon Tabernacle Choir and Orchestra at Temple Square perform one of their signature anthems, "Come, Come Ye Saints" arranged by Mack Wilberg. From the Music and the Spoken Word broadcast episode 4323, July 22, 2012.

“Faith in Every Footstep”.

Faith in Every Footstep - Mormon Tabernacle Choir

The Mormon Tabernacle Choir performs "Faith in Every Footstep" from the 2014 Pioneer Day concert. Music and lyrics by K. Newell Dayley.

Doktrina kag mga Kasugtanan 136

Makabulig ako nga matuman ang pagbuot sang Ginuo kon sundon ko ang Iya laygay.

Pagkatapos nga mapatay si Joseph Smith, gintabog ang mga Santos sa Nauvoo. Nagapangatubang sila karon sang 1,300-ka milya (2,100 km) nga biyahe patabok sa mapintas nga disyerto. Si Brigham Young, Presidente sang Korum sang Dose ka Apostoles, nabalaka kon paano malampuwasan sang mga Santos ang biyahe. Sa temporaryo nga ilistaran nga gintawag Winter Quarters, nagpangayo sia sang giya. Ang sabat sang Ginuo narekord sa seksyon 136.

Pwede mo man binagbinagon kon paano ka mabuligan sining laygay nga matuman ang pagbuot sang Ginuo sa imo kaugalingon nga kabuhi, pareho nga nabuligan sini ang nauna nga mga Santos sa ila mga pagpanglakaton.

Detalye halin sa Winter Quarters, ni Greg Olsen

Mga Ideya para sa Pagtudlo sang mga Kabataan

Doktrina kag mga Kasugtanan 135:1–2, 4–5

Ginhatag ni Joseph kag Hyrum Smith ang ila mga kabuhi para kay Jesucristo kag sa Iya ebanghelyo.

• Ihambal sa malip-ot para sa imo kabataan ang Doktrina kag mga Kasugtanan 135:1. Pwede ini mangin maayo nga oportunidad para sa imo kag sa imo kabataan nga istoryahan ang inyo mga nabatyagan parte sa sakripisyo nga ginhimo ni Joseph kag Hyrum para sa Manluluwas kag sa Iya ebanghelyo.

  Chapter 57: The Prophet Is Killed: June 1844

• Ang Doktrina kag mga Kasugtanan 135:4–5 nagasiling nga si Hyrum Smith nagbasa sang isa ka dinalan halin sa Libro ni Mormon antes sia magkadto sa Bilanggoan sang Carthage. Pwede ninyo basahon sang imo kabataan ining dinalan (tan-awa sa Eter 12:36–38). Paano ginpaumpawan sining mga bersikulo si Hyrum? Pwede mo man iistorya ang balaan nga mga kasulatan nga nagahatag sa imo sang kasulhayan kon nabalaka ka ukon ginasuboan.

• Pwede kamo magtan-aw sang imo kabataan sang mga litrato sang mga propeta (tan-awa sa Libro sang mga Larawan nga Pang-Ebanghelyo, no. 7, 14, 67) kag hambali ang mga butang nga ginapahimo sang Dios sa mga propeta. Ano ang ginsakripisyo sining mga propeta para sa Manluluwas?

  

Sa balay, ang pagtuon kag pagpangabuhi indi maseparar. “Ang ebanghelyo may gilayon nga kapuslanan sa balay. Dira ang mga tawo nga upod mo sa pagtuon sang ebanghelyo mga tawo nga upod mo sa pagpangabuhi sini—adlaw-adlaw. Ang matuod, sa kalabanan nga tion, ang pagpangabuhi sang ebanghelyo amo ang kon paano kita nagatuon sang ebanghelyo” (Pagtudlo sa Paagi sang Manluluwas, 31).

Doktrina kag mga Kasugtanan 135:3

Si Joseph Smith isa ka propeta kag saksi ni Jesucristo

• Para buligan ang imo kabataan nga madumduman kag maapresyar kon paano kita ginbugayan sang Ginuo paagi sa misyon ni Joseph Smith, pwede ka mag-display sang mga bagay nga nagasimbolo sang ginhimo ni Joseph, pareho sang Libro ni Mormon, sang Doktrina kag mga Kasugtanan, ukon litrato sang templo (tan-awa man sa pahina sang kahiwatan sini nga semana). Dayon ipapangita sa imo kabataan sa Doktrina kag mga Kasugtanan 135:3 ang mga butang nga ginhimo ni Joseph Smith para buligan kita nga mas maglapit sa Amay nga Langitnon kag kay Jesucristo. Hagara ang imo kabataan nga iistorya kon ngaa nagapasalamat sila sa sining mga butang.

American Prophet [Amerikano nga Propeta], ni Del Parson

Doktrina kag mga Kasugtanan 136

Sarang ako bendisyunan sang Ginuo kon ginabudlayan ako.

• Hunahunaa ang magbutang sang litrato sang Templo sang Nauvoo sa isa ka parte sang kuwarto kag maghimo sang simple nga palasilungan sa pihak nga parte sang kuwarto. Hagara ang imo kabataan nga magpalapit sa litrato, kag sugiri sila parte sa mga Santos nga kinahanglan maghalin sa Nauvoo pagkatapos nga napatay si Joseph Smith. Ihambal gid ang pagtuo sining mga Santos kay Jesucristo, kag hagara ang imo kabataan nga maglakat sa palasilungan nga nagasimbolo sang pagpanglakaton pakadto sa Winter Quarters. Pwede sila magkanta sang pareho sang “To Be a Pioneer” (Children’s Songbook, 218–19) samtang nagalakat sila.

  Chapter 58: A New Leader for the Church: July–August 1844

  Chapter 60: The Saints Leave Nauvoo: September 1845–September 1846

  Chapter 62: The Saints Establish Winter Quarters: 1846–1847

• Ipaathag nga sa Doktrina kag mga Kasugtanan 136, naghatag ang Ginuo sang laygay para buligan ang mga Santos sa ila pagpanglakaton padulong sa Salt Lake Valley. Buligi ang imo kabataan nga mangita sa sining rebelasyon sang makahatag sa ila sang kaisog para sa sining pagpanglakaton (tan-awa sa mga bersikulo 4, 10–11, 18–30). Paano makabulig ining laygay sa aton nga atubangon ang mga pagtilaw naton karon?

Para sa dugang nga mga ideya, tan-awa sa isyu sang Abyan nga magasin sini nga bulan.

Greater Love Hath No Man [Walay Tawo nga May Gugma nga Dako pa [Sini], ni Casey Childs