“Tianuare 11–17. Reirei ao Berita aika Tabu 2; Iotebwa Timiti—Rongorongo 1:-27–65: ‘Ao a Na Rairi Nanoia Naati Nakon Tamaia’” Nakomai, Iriirai—Ibukiia Aomata n Tatabemaniia ao Utu: Reirei ao Berita aika Tabu 2021 (2020)
“Tianuare 11–17. Reirei ao Berita aika Tabu 2; Iotebwa Timiti—Rongorongo 1:-27–65” Nakomai, Iriirai—Ibukiia Aomata n Tatabemaniia ao Utu: 2021
E Weteai n Arau, iroun Michael Malm
Tianuare 11–17
Reirei ao Berita aika Tabu 2; Iotebwa Timiti—Rongorongo 1:27–65
“Ao a Na Rairi Nanoia Naati Nakon Tamaia”
Te Tamnei ae Raoiroi e kona n reireiniko ni katoa tai are ko wareki koroboki aika tabu—n ai aron koroboki aika tabu ake ko a tia ni wareki mai imwaina. Ngaia are butimwaai iango aika boou mai iroun te Tamnei.
Korei Am Namakin
Ai teniua te ririki i mwiin te tai ngke te Atua te Tama ao Natina, Iesu Kristo, a kaoti nakon Iotebwa Timiti n te buakonikai, ma Iotebwa e tuai karekei riki kaotioti mai imwiin te tai anne. E a moana ni kan ataia bwa e kanga arona n tei imatan te Uea. N ai aekakira, e a tia ni karaoi kairua, ao e namakina kabuakakana ibukin kairua akanne. Ma te Atua bon iai te mwakuri ibukina ae e na karaoia. Ao te mwakuri are e weteaki Iotebwa bwa e na karaoia e bon irekereke ma te bwai are e tuangiira naba te Atua. Iotebwa e na bon karokoa Ana Boki Moomon; tera ae ti a tia n tuangaki bwa ti na karoaoi ma te boki? Iotebwa e na karekei kiingin te nakoanibonga n rairan nanoia naati nakon tamaia; ti kanga n rairi nanora nakoia ara bakatibu? E tuangaki Iotebwa ibukin te taetae ni burabeti are e nang kakoroaki nanona; tera bukinakira ni buoka kakoroan nanoia? Ngkana ti ira waakin Ana mwakuri te Atua, ti kona ni kantaningaia bwa ti na rinanon taian totoko ao te bwanikirinaki, n ai aron naba te Burabeti. Ma ti kona naba ni karekea te onimaki bwa te Uea e na karaoiira bwa bwaai ni mwakuri inanon Baina, n ai aron are e karaoia ibukin Iotebwa.
Taraa naba Saints, 1:20–48.
Iango ibukin te Kamatebwai i bon Iroum ni Koroboki aika Tabu
Iotebwa Timiti—Rongorongo 1:27–33
Iai te mwakuri ae e katauraoia te Atua ibukiu.
Ngkai ko wareka Iotebwa Timiti—Rongorongo 1:27–33, iangoia bwa iai te mwakuri ae e katauraoia te Atua ibukim, n aron are E karaoia ibukin Iotebwa Timiti. Iangoa te kakao aei mai iroun Beretitenti Russell M. Nelson: “Tuanga Tamam are i Karawa n aran Iesu Kristo, bwa E kanga Ana namakin ibukim ao am mwakuri ikai iaon te aba. Ngkana ko bubuti ma nanom ni koaua, inanon taina e na wirikiriki nakoim te Tamnei ibukin te koaua are e bita te maiu. … I berita nakoim bwa ngkana ko moana n oota teutana bwa aekakira aron taraam iroun Tamam are i Karawa ao tera ae E kantaningaia mai iroum bwa ko na karaoia Ibukina, e na aki tiku maium n arona!” (“Becoming True Millennials” [te bootaki n taromauri ni kabuta te aonaaba ibukia kairake ni ikawai, Tianuare 10, 2016], broadcasts.ChurchofJesusChrist.org).
N tabetai are ko na karekea te namakin n aron are e namakinna Iotebwa n kiibu 28–29. Tera ae ko kona n reiakina man ana katooto Iotebwa bwa tera ae ko na karaoia ngkana te bwai are ko karaoia a aki booraoi ma Ana mwakuri te Atua are e weteiko bwa ko na karaoia?
Iotebwa Timiti—Rongorongo 1:34–65
Ana Boki Moomon iai i nanona “bwaninin te Euangkerio ae akea tokina.”
Ngkai ko wareka Iotebwa Timiti—Rongorongo 1:34–65, iangoia bwa baikara kabwarabwara inanon kiibu aikai ae a taraa ni kakawaki ngke arona bwa ko tuai n ongo taekan Ana Boki Moomon mai imwaina. Ngkai ko a onimaki, bukin tera e kakawaki te rongorongo aei nakon am koaua iaon Ana Boki Moomon?
Iangoia bwa e kanga ana Boki Moomon ni kakoroa nanon te taetae ni burabeti n Itaia 29:4, 11–18.
Iotebwa Timiti—Rongorongo 1:36–41
Kaokakin te euangkerio e kakoroa nanon te taetae ni burabeti ake rimoa.
Moronaai e taekinna nakon Iotebwa taetae ni burabeti aika bati man te O-Tetemanti ao te Nu-Tetemanti, n aron Itaia 11; Makuri 3:22–23; ao Ioera 2:28–32. E aera ngkai taetae ni burabeti aikai a tia n rangi ni kakawaki ibukin Iotebwa bwa e na atai? Bukin tera a kakawaki ibukim bwa ko na atai?
Tera ae e kaokia Eria?
E taku Beretitenti Henry B. Eyring: “E rangi ni kakawaki ataakina bwa e aera te Uea e berita bwa E na kanakoa Eria. Eria bon te burabeti ae korakora ma te mwaaka ae korakora are e anganaki iroun te Atua. Iai irouna te mwaaka ae korakora are e anga te Atua nakoia Natina: e taua te mwaaka ni kabaebae, te mwaaka ni kabaea ae iaon te aba ao iai naba kabaeana i karawa” (“Hearts Bound Together,” Ensign ke Riaona, Meei 2005, 78).
Taraa naba Reirei ao Berita aika Tabu 110:13-16; David A. Bednar, “E na Kateaki te Auti Aei Nakon Arau,” Ensign ke Riaona, Meei 2020, 84–87.
Palmyra New York Tembora. Utu a kabaeaki n te tembora man te mwaaka are e kaokaki rinanon Eria.
E roko Eria n raira nanou nakoia au bakatibu.
Tera taian taeka n aron “unika” “naano,” ao “raira” n te mwakoro aio are e reiakiniko ibukin ana mition Eria ao the kakabwaia ni kiing n te nakoanibonga are e kaokia? Ko kanga n namakinna nanom bwa e rairaki nakoia am bakatibu? Iangoi kawai ake ko konaa n rinanon te namakin ae ai aron akanne ni katoa tai. Tao ko kona n tuanga temana am koraki bwa e na tibwa te karaki nakoim iaon temana am bakatibu—ae e raoiroi riki, ko kona n raweia. Tao ko kona ni katebenakoa temana am bakatibu ae e a tia ni mate ae e tuai ni karekea te otenanti n te euangkerio ao ngkane karaoa te mwakuri n te tembora.
Iango ibukin Kamatebwai ni Koroboki aika Tabu n te Utu ao te Bootaki n te Tairiki
-
Iotebwa Timiti—Rongorongo 1:28–29.E kanga ana namakin Iotebwa Timiti ibukin ana kairua? Tera ae e karaoia ibukin taian namakin akanne? Tera ae ti reiakinna mai i rouna bwa tera ae ti na karaoia ngkana ti karaoi kairua?
-
Iotebwa Timiti—Rongorongo 1:33–54.Ko kona n tuanga temanna kain te utu bwa e na wareka ni kabaibati mwakoron ke ni kabane ana rongorongo Moronaai man Iotebwa Timiti—Rongorongo 1:33–42 aua te tai (ibukina bwa Moronaai e kaokioka te rongorongo aio aua te tai). Imarenan te wareware, tuanga temana kain te utu n tibwaia bwa tera ae a uringa man ana rongorongo, n aki tarai koroboki aika tabu. E aera bwa te Uea e kaokiokii rongorongo aika a kakawaki n ae mwaiti taia? Tera kawai tabeua ae te Uea e reireiniira iai rinanon kaokiokan te bwai teuana?
-
Reirei ao Berita aika Tabu 2:2.Ni buokiia am ataei bwa ana mataata n te “berita are a tia ni karaoaki nakoia taama,” ko kona ni wareka Aberaam 2:9–11 ni kabane ke mataku n te witeo “Special Witnesses of Christ—Beretitenti Russell M. Nelson” (ChurchofJesusChrist.org). Kakaei kakabwaia are e karaoia te Atua bwa mwakoron Ana berita ma Aberaam. Ti na kanga n “unikii” kakabwaia aikai inanora?
-
Reirei ao Berita aika Tabu 2:2–3.Ni buokiia kain te utu n raira nanoia nakon tamaia (ke bakatibu), ko kona ni kaoia n reiakina aron temanna te bakatibu ao n tibwaia bwa tera ae a reiakina nakoia te utu ake tabeman. E aera te Uea e tangiriira bwa ti na reiakin aroia kain ara utu ao ni karaoa te otenanti n te tembora ibukiia? Ti kanga ni kakabwaiaaki ngkana ti ira buakon te mwakuri n rongorongon te utu ao te mwakuri n te tembora? (taraa Dale G. Renlund, “Rongorongon te Utu ao te Mwakuri n te Tembora: Kabaebae ao Kamarurung,” Ensign ke Riaona, Meei 2018, 46–49).
Ibukin iango aika a mwaiti riki ibukiia ataei, taraa te kamataata n te wiiki aei n Nakomai, Iriirai—Ibukin te Moanrinan.
Te anene ae kona n aneneaki: “Family History—I Am Doing It,” Aia Boki n Anene Ataei, 94.
Kanakoraoan Am Kamatebwai I Bon Iroum
Kabonganai bwaai ni ibuobuoki ni kamatebwaian koroboki aika tabu. Bwaai ni mwakuri n aron te footnotes, Topical Guide, Bible Dictionary, Bwai ni kairi nakon Koroboki aika Tabu, ao ChurchofJesusChrist.org a kona ni buokiko ni ataia raoi aomata, te bwai ae e riki, ao kibu n taeka n koroboki aika tabu.
E Karekei taian Bwaatua Iotebwa, iroun Gary E. Smith