“Jānwōde 25–31. Katak im Bujen ko 6–9: ‘En̄in ej Jitōbōn Revelesōn,’” Itok, Ļoor Eō—N̄an Kajjojo Armej im Baam̧le ko: Katak im Bujen ko 2021 (2020)
“Jānwōde 25–31. Katak im Bujen ko 6–9,” Itok, Ļoor Eō—N̄an Kajjojo Armej im Baam̧le ko: 2021
Jānwōde 25–31
Katak im Bujen ko 6–9
“En̄in ej Jitōbōn Revelesōn”
Irooj ej kwaļo̧k m̧ool ko n̄an kōj ilo kōļmenļo̧kjeņ ko ad im būruōd (lale Katak im Bujen ko 8:2–3). Ilo am̧ riiti Katak im Bujen ko 6–9, je jabdewōt en̄jake ko rej im̧we eok.
Je En̄jake ko Rej Im̧we Eok
Ilo fall 1828, juon rūkaki em̧m̧an dettan etan Oliver Cowdery ekar bōk jerbal in rūkaki ilo Manchester, New York, im ekar jokwe ippān baam̧le eo an Lucy im Josep Smith Sr. Oliver ekar ron̄ kōn ļaddik eo nejier Josep, eo ekar ilo tōre eo jokwe ilo Harmony, Pennsylvania, im Oliver, eo ekar watōke e make juon rikappukōt m̧ool, ekar kōņaan jeļā eļapļo̧k. Smith baam̧le rekar kōmeļeļeik lotok ko an enjeļ ro, juon rekoot in etto, im menin letok eo n̄an ukook jān kajoor eo an Anij. Oliver ekar lukkuun itok limoin. Emaron̄ ke kar m̧ool? Lucy im Josep Sr. rekar leļo̧k n̄an e kapilōk me ej iookļo̧k aolep n̄an kappukōt m̧ool eo: jar im kajjitōk ippān Irooj.
Oliver ekar kōm̧m̧ane, im Irooj ekar uwaake, ej kōnono aeņōm̧m̧an im kam̧ool n̄an kōļmenļo̧kjeņ eo an Oliver. Revelesōn, Oliver ekar lo, emaron̄ an make—juon men emaron̄ ekkatak eļapļo̧k meļeļein ilo allōn̄ ko rej itok wōt. Revelesōn ejjab n̄an rikanaan ro wōt; ej n̄an aolep ro me rej ikdeleel im kappukōt e. Oliver ejjan̄in kar jeļā aolep men, ak ekar bwe an jeļā n̄an bōk bun̄tōn eo tok juon. Irooj ekar kōm̧m̧ane menin eaorōk n̄an Josep Smith, im Oliver ekar kōņaan bwe en m̧ōttan menin.
N̄an meļeļe ko reļļapļo̧k kōn kar bwebwenato ko Katak im Bujen ko 6–9, lale Saints, 1:58–64; “Days of Harmony” (video, ChurchofJesusChrist.org).
Ļōmņak ko n̄an Ekkatak Jeje ko Rekwojarjar Ippam̧ Make
Jemādwōj Ilan̄ ej kōnono n̄an eō kōn “Jetōb in m̧ool.”
Ilo Spring 1829 Oliver Cowdery ekar em̧m̧akūt n̄an Harmony im kar bōk koņaan bwe en rijeje n̄an Josep Smith ilo an kar ukōte Bok in Mormon. Oliver ilo tōre ņe ekar wōr juon an erreiļo̧kjeņ kōn revelesōn in jerbal in ukook. En̄jake eo ekar kaitoklimoin, im ekar ļōmņak eļan̄n̄e emaron̄ kar jeraam̧m̧an kōn juon menin letok n̄an ukook. Irooj ekar kōtļo̧k bwe en kajjieon̄ n̄an ukook, ak ebbōk revelesōn ekar juon men ekāāl n̄an Oliver, im kajjieon̄ eo an ekar jab lukkuun em̧m̧an. Ekar wōr wōt men ko ej aikuj ekkatak, im Katak im Bujen ko 6, 8, im 9 ej kwaļo̧k bwe Irooj ekar kōņaan katakin e.
Ilo am̧ riiti jekjen kein, lale ta eo Irooj ekar katakin kōn revelesōn an juon make. Ewi wāween an naan ko An iookļo̧k en̄jake ko kwaar en̄jaki—ak kōņaan in en̄jaki?
N̄an waanjon̄ak, ta eo Katak im Bujen ko 6:5–7; 8:1; 9:7–8 ej kwaļo̧k kōn ta eo Irooj ej kajjitōkin eok m̧okta jen An naaj kwaļo̧k Ankilaan?
Ta eo kwoj ekkatak jān Katak im Bujen ko 6:14–17, 22–24; 8:2–3; 9:7–9 kōn wāween ko reokkotaktak ilo an revelesōn maron̄ itok?
Elōn̄ ke jabdewōt men kwoj ekkatak kake kōn revelesōn jān jekjen kein?
N̄an ekkatak eļapļo̧k kōn revelesōn, lale Russell M. Nelson, “Revelesōn n̄an Kabun̄ in, Revelation n̄an Mour ko Ad,” Ensign ak Liaona, Māe 2018, 93–96; Julie B. Beck, “And upon the Handmaids in Those Days Will I Pour Out My Spirit,” Ensign ak Liaona, Māe 2010, 10–12. N̄an meļeļe ko reļļapļo̧k kōn “mennin letok eo an Aaron” kar kōmeļeļeik ilo jekjen 8, lale “Oliver Cowdery’s Gift,” Revelations in Context, 15–19.
Katak im Bujen ko 6:18–21, 29–37
Reiļo̧k n̄an Kraist ilo ļōmņak otemjeļo̧k;
Men̄e Josep ekar en̄jake wōt m̧oktaļo̧k “jekjek ko reppen” ke ej kōm̧m̧ane jerbal eo an Irooj (Katak im Bujen ko 6:18), e im Oliver rekar jab jeļā ewi jon̄an an naaj pen jekjek ko ilo iiō ko jet tokālik. Ak Irooj ekar jeļā, im Ebar jeļā ta melejon̄ ko rej pād ilo ilju im jekļaj eo am̧? Kapilōk eo An n̄an Josep im Oliver ilo Katak im Bujen ko 6:18–21, 29–37 emaron̄ bar jipan̄ eok Ewi wāween an Josep im Oliver kar en̄jake ālkin aer kar ron̄ naan kein? Ta eo kwoj loe ilo eoon kein me rej jipan̄ eok lōke Irooj? Ewi wāween an ļapļo̧k am̧ reiļo̧k n̄an Kraist ilo mour eo am̧?
Oliver Cowdery, jān Lewis A. Ramsey
Katak im Bujen ko 6–7; 9:3, 7–14
“Em̧ool āinwōt am̧ kōņaan jān Eō āindein enaaj n̄an eok.”
Lale wāween an lōn̄ kōttan naan ko āinwōt “ikdeleel” ak “ikdeleel ko” rej waļo̧k ilo jekjen 6 im 7. Ta eo kwoj ekkatak jān jekjen kein kōn aorōk an Anij likūti ilo ikdeleel ko am̧? Kajjitōkin eok make kajjitōk eo an Irooj ilo Katak im Bujen ko 7:1: “Ta eo kwōj kōņaan?”
Juon iaan ikdeleel ko rejim̧we an Oliver Cowdery—n̄an ukook āinwōt an kar Josep Smith kōm̧m̧ane—rekar jab kūrm̧ool. Ilo am̧ riiti Katak im Bujen ko 9:3, 7–14, ta en̄jake ko rej im̧we eok me emaron̄ jipan̄ eok n̄e rej kūrm̧ool ikdeleel ko am̧ me rejim̧we?
Bar lale Katak im Bujen ko 11:8; Dallin H. Oaks, “Ikdeleel,” Ensign ak Liaona, Māe 2011, 42–45.
Ļōmņak ko n̄an Ekkatak Jeje ko Rekwojarjar an Baam̧le im Nokon in Jota eo an Baam̧le
-
Katak im Bujen ko 6:7, 13.Ewi wāween am̧ maron̄ jipan̄ baam̧le eo am̧ meļeļe bwe lukkuun “m̧weie” rej n̄e ewōr ippāer mour indeeo (eoon 7). Komaron̄ kūr ro uwaan baam̧le eo am̧ n̄an kōm̧m̧an kōttōnn̄e jeen im je ak jin̄n̄aiki ioon jet iaan kōjeram̧m̧an ko baam̧le eo am̧ rekar bōke itok jān gospel eo me emōj an jepļaaktok.
-
Katak im Bujen ko 6:15, 22–23; 8:2–3; 9:7–9.Riiti eoon kein kōn wāween an Anij kōnono n̄an ajri ro Nejin emaron̄ juon iien em̧m̧an n̄an kwaļo̧k ippān baam̧le eo am̧ wāween An kar kōnono n̄an eok.
-
Katak im Bujen ko 6:33–37.Ro uwaan baam̧le eo am̧ remaron̄ kwaļo̧k wāween aer maron̄ “kōm̧m̧an em̧m̧an,” men̄e rej en̄jake aer mijak. Emaron̄ bar jipan̄ n̄an alooje aolep ak jet iaan ennaan ko an Elder Ronald A. Rasband “Kom̧win Jab Lōļn̄o̧n̄” (Ensign ak Liaona, Nob. 2018, 18–21). Ta meļeļein n̄an “Reitok n̄an [Kraist] ilo ļōmņak otemjeļo̧k”? (eoon 36). Ta jet iaan waanjon̄ak ko jet an armej ro me rekar oktak n̄an Irooj n̄an eļļā jān pere im mijak? (lale, n̄an waanjon̄ak, Esther 4; Alma 26:23–31).
-
Katak im Bujen ko 8:10.Menin emaron̄ juon iien em̧m̧an n̄an kwaļo̧k wāween an tōmak ilo Jisōs Kraist kōkajoor eok im baam̧le eo am̧ Etke eaorōk bwe jen “kajjitōk ilo tōmak”? Ta kōjeram̧m̧an ko em̧ōj am̧ loi ilo am̧ kappukōt uwaak ak jipan̄ ilo tōmak?
N̄an ļōmņak ko reļļapļo̧k n̄an katakin ajri ro, lale unin tōl eo an wiik in ilo Itok, Ļoor Eō—N̄an Būraimere.
Al eo kar kāālōte: “Dare to Do Right,” Children’s Songbook, 158.
Ainikien ko an Jepļaaktok eo
Ukook eo an Bok in Mormon
Ilo Eprōļ 1829, allōn̄ eo me kar bōke jekjen ko 6–9 ilo Katak im Bujen ko, jerbal eo eļap an Josep Smith ekar ukook eo an Bok in Mormon. Ke kar kajjitōkin tokālik n̄an iookļo̧k wāween an rekoot in kar ukook, Josep ekar ba “bwe ejjab kar un eo n̄an ba n̄an laļ in aolep men ko.”1 Ekkā an kwaļo̧k naan in eļam waan bwe ekar ukook “jān mennin letok, im kajoor an Anij.”2
Jejjab jeļā jabdewōt kōmeļeļe ko kōn kabwilōn̄lōn̄ in jerbal in ukook eo, ak jej jeļā bwe Josep Smith eaar juon rilolo, kein jerbal eo me Anij eaar kōpooje: ruo dōkā ko kar ņaetan Urim im Thummim im bar jet dōkā kar ņaetan dōkā in elolo.3
Ennaan in, jān rikam̧ool ro n̄an jerbal in ukook eo, rej jipān̄kam̧ool eo an Josep.
Kar tōmak menin bwe bo̧o̧k in, eo me kar an Hyrum Smith, kar kōjerbale n̄an no̧o̧je pileij gold ko
Emma Smith
“Ke ļeo pāleeō ekar ukōt Bok in Mormon, Ikar je jidikin, ke ej riiti kajjojo jentōj ko, naan ļo̧k naan, im ke ekar itok n̄an lukkuun jim̧we in etan ejjab maron̄ kar ba ilo jejjetin, ak naan ko raitok, ekar jipeeļi tok, im ke ikar jei, eļan̄n̄e ikar kōm̧m̧an bōd ilo aō jipeeļ, ej kōbōjrak eō im kajim̧we aō jipeeļ men̄e ekar pen n̄an e bwe en lo wāween an kar jeje ilo tōre eo. Jekdoon naan in Sara ejjab maron̄ ba jejjetin ilo jinoin, im ikar ba jejjetin n̄an e.”4
Pileij ko me ekkā aer pād ioon tābōļ eo ilo an ejjeļo̧k kajeon̄ n̄an kabare, kar liboboiki kōn juon m̧ōttan nuknuk in āran tābōļ, eo me kar leļo̧k n̄an e n̄an kitmi ilowaan. Ikar jibwe juon kōttan pileij ko, ke rekar pād ioon tābōļ eo, ikar lale im en̄jake jekjek in. Rekar ilo kalimjōk epidodo kubōļe āinwōt peba killep ko, im maron̄ ālōklōke kōn juon ainikien metal n̄e kwoj ālōklōke kōn addi kileplep eo, āinwōt an juon kōm̧m̧ane jet iien n̄e ej ālōklōke juon bok.
“Tōmak eo aō bwe Bok in Mormon ej m̧ool ekwojarjar—Ijjab pere n̄an jidik kake. Emma eaar kōmeļeļeik ewi kar jekjekin n̄an jerbal āinwōt rijeje an Joseph: Ilukkun m̧ōņōņō bwe ejjeļo̧k armej emaron̄ kar riiti jeje ko ilo peij ko m̧ae iien kar im̧we e; ke ikar jerbal āinwōt juon an rijeje, [Josep] ekar riiti tok n̄an eō iumin awa im awa; im ke ekar jepļaaktok ālkin iien m̧ōn̄ā, ak kajjojo iien kam̧ad ko, ekar bar jino jān ijo ekar jem̧ļo̧k ie āliktata, ilo an kar jab lale peij ko me ikar jei ak kōtļo̧k bwe in riiti ļo̧k n̄an e men ko me ikar jei. Menin ekar ekkā an kōm̧m̧ane. Enaaj kar pen bwe juon em̧m̧aan eo ekar ekkatak wōt maron̄ kōm̧m̧ane menin; im, n̄an juon eo ekar jajeļo̧kjeņ im jabwe jeļā ippān, ekar lukkuun pen ilo m̧ool.”5
Kōmeļeļe eo an Emma im Josep Smith jān Michael T. Malm
Oliver Cowdery
“Ikar je kōn kein jeje eo aō make aolepān Bok in Mormon (kakkoņ jet peij) āinwōt rekar wōtļo̧k tok jān tien rikanaan eo, ke ej ukōt e jān mennin letok im kajoor eo an Anij, kōn jipan̄ eo an Urim im Thummim, ak, āinwōt kar ņa etan jān bok eo, kein ukook ko rekwojarjar Ikar kam̧oole kōn mej ko meja, im kar un̄ūri kōn pā ko peiū, pileij gold ko me emōj kar ukōti. Ikar bar kam̧oole kein ukook ko.”6
Josep Smith im Oliver Cowdery rekar ekkatak eļap jān jerbal in ukook eo an pileij gold ko.