« ថ្ងៃទី ២០–២៦ ខែ ធ្នូ ។ បុណ្យគ្រីស្ទម៉ាស់ ៖ អំណោយទានដ៏ប្រៀបផ្ទឹមពុំបាននៃព្រះរាជបុត្រារបស់ទ្រង់ដ៏ឧត្តម » ចូរមកតាមខ្ញុំ—សម្រាប់បុគ្គលម្នាក់ៗ និងក្រុមគ្រួសារ ៖ គោលលទ្ធិ និង សេចក្ដីសញ្ញា ឆ្នាំ ២០២១ ( ឆ្នាំ ២០២០ )
« ថ្ងៃទី ២០–២៦ ខែ ធ្នូ ។ បុណ្យគ្រីស្ទម៉ាស់ » ចូរមកតាមខ្ញុំ—សម្រាប់បុគ្គលម្នាក់ៗ និងក្រុមគ្រួសារ ៖ ឆ្នាំ ២០២១
ប្រសូតកម្មជាពណ៌ទង់ដែង និងស្លែ ដោយ ជេ ខឺក រីឆាដ
ថ្ងៃទី ២០–២៦ ខែ ធ្នូ
បុណ្យគ្រីស្ទម៉ាស់
អំណោយទានដ៏ប្រៀបផ្ទឹមពុំបាននៃព្រះរាជបុត្រារបស់ទ្រង់ដ៏ឧត្តម
វិធីមួយដើម្បីផ្តោតគំនិតរបស់អ្នកលើព្រះអង្គសង្គ្រោះ គឺសិក្សាអំពីបុណ្យគ្រីស្ទម៉ាស់ « ព្រះគ្រីស្ទដ៏មានព្រះជន្មរស់ ៖ ទីបន្ទាល់នៃពួកសាវក » ។ គម្រោងមេរៀននេះផ្តល់យោបល់ពីរបៀបដែលអ្នកអាចធ្វើឲ្យទីបន្ទាល់នៃការព្យាករណ៍នេះក្លាយជាផ្នែកមួយនៃការសិក្សាដំណឹងល្អផ្ទាល់ខ្លួន និងជាគ្រួសាររបស់អ្នក ។
កត់ត្រាចំណាប់អារម្មណ៍របស់អ្នក
នៅក្នុងឆ្នាំ ១៨៣៨ ព្យាការី យ៉ូសែប ស៊្មីធ បានប្រកាសថា « គោលការណ៍គ្រឹះនៃសាសនារបស់យើងគឺជាទីបន្ទាល់របស់ពួកសាវក និងព្យាការីទាំងឡាយដែលទាក់ទងទៅនឹងព្រះយេស៊ូវគ្រីស្ទ ថាទ្រង់បានសុគត ត្រូវបានគេបញ្ចុះសព និងបានរស់ឡើងវិញម្ដងទៀតនៅថ្ងៃទីបី ហើយបានយាងឡើងទៅស្ថានសួគ៌វិញ ហើយរឿងផ្សេងទៀតទាំងឡាយដែលបានជាប់ទាក់ទងទៅនឹងសាសនារបស់យើងគឺគ្រាន់តែជារឿងបន្ទាប់បន្សំចំពោះការណ៍នេះប៉ុណ្ណោះ » ( Teachings of Presidents of the Church: Joseph Smith ទំព័រ ៤៩ ) ។ ប៉ុន្មានឆ្នាំក្រោយមកប្រធាន រ័សុល អិម ណិលសុន បានកត់សម្គាល់ឃើញថា « វាជាសេចក្ដីថ្លែងការណ៍របស់ព្យាការីនេះហើយ ដែលបានធ្វើឲ្យពួកព្យាការី អ្នកមើលឆុត អ្នកទទួលវិវរណៈ ១៥ រូបផ្ដួចផ្ដើមគំនិតចេញ និងចុះហត្ថលេខាលើទីបន្ទាល់របស់ពួកលោកដើម្បីរំឭកខួប ២០០០ ឆ្នាំនៃការប្រសូតរបស់ព្រះអម្ចាស់ ។ ទីបន្ទាល់ជាប្រវត្តិសាស្ត្រនោះមានចំណងជើងថា ‹ ព្រះគ្រីស្ទដ៏មានព្រះជន្មរស់ › ។ សមាជិកជាច្រើនបានទន្ទេញចាំសេចក្ដីពិតនោះ ។ អ្នកខ្លះទៀតស្ទើរតែមិនដែលឮពីវា ។ កាលណាអ្នកស្វែងរកការរៀនបន្ថែមទៀតអំពីព្រះយេស៊ូវគ្រីស្ទ ខ្ញុំសូមជម្រុញទឹកចិត្តអ្នកឲ្យសិក្សា ‹ ព្រះគ្រីស្ទដ៏មានព្រះជន្មរស់ › » ( « ការទាញយកព្រះចេស្ដានៃព្រះយេស៊ូវគ្រីស្ទមកក្នុងជីវិតរបស់យើង » Ensign ឬ លីអាហូណា ខែ ឧសភា ឆ្នាំ ២០១៧ ទំព័រ ៤០ ) ។
ក្នុងនាមជាពួកបរិសុទ្ធថ្ងៃចុងក្រោយ យើងរីករាយជាមួយពរជ័យនៃការបន្តទទួលវិវរណៈតាមរយៈព្យាការីសម័យទំនើប និងសាវករបស់ទ្រង់ ។ យើងមានអំណរគុណចំពោះពាក្យពេចន៍ដ៏បំផុសគំនិតនៃដំបូន្មាន ការព្រមាន និងការលើកទឹកចិត្ត ។ ប៉ុន្តែអ្វីដែលសំខាន់បំផុត គឺយើងបានទទួលពរជ័យតាមរយៈទីបន្ទាល់ដ៏មានព្រះចេស្តាអំពីព្រះយេស៊ូវគ្រីស្ទ—អំឡុងរដូវបុណ្យគ្រីស្ទម៉ាស់នេះ និងនៅពេញមួយឆ្នាំ ។ វាមានន័យច្រើនជាងពាក្យពេចន៍ធ្វើឲ្យរំភើបចិត្តនៃអ្នកនិពន្ធដ៏ជំនាញ ឬអ្នកនិយាយសាធារណៈ ឬអ្នកជំនាញខាងផ្នែកព្រះគម្ពីរ ។ វាគឺជាពាក្យពេចន៍របស់ « ពួកសាក្សីពិសេសអំពីព្រះនាមនៃព្រះគ្រីស្ទ នៅពេញសព្វក្នុងពិភពលោក » ដែលត្រូវបានជ្រើសរើស បានហៅ និងបានផ្ដល់សិទ្ធិអំណាចដោយព្រះ ( គោលលទ្ធិ និង សេចក្ដីសញ្ញា ១០៧:២៣ ) ។
គំនិតយោបល់ផ្សេងៗសម្រាប់ការសិក្សាព្រះគម្ពីរផ្ទាល់ខ្លួន
« សូម្បីតែមួយក៏គ្មានសោះដែលឥទ្ធិពលដ៏ជ្រាលជ្រៅ » ។
តើមានគំនិតអ្វីខ្លះកើតមានក្នុងគំនិតអ្នក នៅពេលអ្នកអាន លូកា ២:១០–១១ ព្រមជាមួយនឹងឃ្លាទីមួយនៃ « ព្រះគ្រីស្ទដ៏មានព្រះជន្មរស់ » ? តើអ្នកនឹងនិយាយអ្វីដើម្បីគាំទ្រសេចក្តីថ្លែងការណ៍ដែលថា « សូម្បីតែមួយក៏គ្មានសោះដែលឥទ្ធិពលដ៏ជ្រាលជ្រៅ [ ដូចព្រះយេស៊ូវគ្រីស្ទ ] ទៅលើអស់ទាំងមនុស្សដែលបានរស់នៅ ហើយដែលនឹងរស់នៅលើផែនដីនៅអនាគតកាល » ? សូមរកមើលសេចក្តីពិតនៅក្នុង « ព្រះគ្រីស្ទដ៏មានព្រះជន្មរស់ » ដែលបានពិពណ៌នាអំពីឥទ្ធិពលដ៏ខ្លាំងរបស់ព្រះអង្គសង្គ្រោះ ។ តើទ្រង់មានឥទ្ធិពលលើអ្នក និងនាំមកនូវ « ក្ដីអំណរដ៏មហិមា » ដល់អ្នកដោយរបៀបណា ?( លូកា ២:១០ ) ។
« ទ្រង់បានរស់ឡើងវិញចេញពីផ្នូរ » ។
នៅក្នុង « ព្រះគ្រីស្ទដ៏មានព្រះជន្មរស់ » សាវកថ្លែងទីបន្ទាល់អំពីការស់ឡើងវិញរបស់ព្រះអង្គសង្គ្រោះ រៀបរាប់បីចំណុចនៃការលេចមកនៃព្រះអម្ចាស់ដែលមានព្រះជន្មរស់ឡើងវិញ ( សូមមើល កថាខណ្ឌទីប្រាំ ) ។ សូមពិចារណាអានអំពីការយាងមកជួបទាំងនេះនៅក្នុង យ៉ូហាន ២០–២១; នីហ្វៃទី ៣ ១១–២៦ និង យ៉ូសែប ស្ម៊ីធ—ប្រវត្តិ ១:១៤–២០ ។ តើអ្នករៀនអ្វីខ្លះអំពីព្រះអង្គសង្គ្រោះចេញមកពីព្រះបន្ទូល និងសកម្មភាពរបស់ទ្រង់នៅក្នុងអំឡុងពេលនៃការបង្ហាញព្រះកាយទាំងនេះ ?
« បព្វជិតភាព និងសាសនាចក្ររបស់ទ្រង់ត្រូវបានស្ដារឡើងវិញ » ។
អំឡុងពេលនៃការសិក្សាគោលលទ្ធិ និងសេចក្តីសញ្ញារបស់អ្នកឆ្នាំនេះ អ្នកមានឱកាសដើម្បីរៀនបន្ថែមទៀតអំពីរបៀបរបស់ព្រះអង្គសង្គ្រោះក្នុងការធ្វើឲ្យ « បព្វជិតភាព និងសាសនាចក្ររបស់ទ្រង់ត្រូវបានស្ដារឡើងវិញ » ។ តើសេចក្តីពិត ឬគោលការណ៍ដែលបានស្តារឡើងវិញណាមួយ ដែលមានអត្ថន័យជាពិសេសចំពោះអ្នក ? សូមពិចារណាពិនិត្យមើលបទគម្ពីរមួយចំនួនខាងក្រោមឡើងវិញ ដែលបង្រៀនអំពីការស្តារឡើងវិញ ៖ គោលលទ្ធិ និង សេចក្តីសញ្ញា ១:១៧–២៣; ១៣; ២០:១–១២; ៦៥; ១១០; ១១២:៣០–៣២; ១២៤:៣៩–៤២; ១២៨:១៩–២១ ។ សូមសញ្ជឹងគិតអំពីរបៀបដែលសេចក្តីពិតនៃដំណឹងល្អដែលបានស្តារឡើងវិញជួយអ្នកឲ្យដឹង និងថ្វាយបង្គំព្រះយេស៊ូវគ្រីស្ទ ( សូមមើល គោលលទ្ធិ និង សេចក្ដីសញ្ញា ៩៣:១៩ ) ។
« ថ្ងៃណាមួយ ទ្រង់នឹងយាងមកផែនដីម្តងទៀត » ។
បុណ្យគ្រីស្ទម៉ាស់គឺជាពេលវេលាដែលយើងគិតដល់ថ្ងៃប្រសូត្ររបស់ព្រះយេស៊ូវ គ្រីស្ទ និងទន្ទឹងរង់ចាំដល់ថ្ងៃដែលទ្រង់នឹងយាងមកម្តងទៀត ។ តើអ្នកបានរៀនអ្វីខ្លះអំពីការយាងមករបស់ទ្រង់ចេញពីកថាខណ្ឌពីរចុងក្រោយនៃ « ព្រះគ្រីស្ទដ៏មានព្រះជន្មរស់ » ? វាក៏អាចជារឿងគួរឲ្យចាប់អារម្មណ៍ផងដែរ ដើម្បីអាន ច្រៀង ឬស្តាប់ទំនុកតម្កើងបុណ្យគ្រីស្ទម៉ាស់ ដែលបង្រៀនអំពីការយាងមកជាលើកទីពីរ ដូចជាបទ « អំណរដល់លោក » ឬ « It Came upon the Midnight Clear » ( ទំនុកតម្កើង ល.រ ១២៤ ,២០៧ ) ។
« ព្រះអង្គគឺជាពន្លឺ ជាជីវិត ហើយជាសេចក្ដីសង្ឃឹមនៃពិភពលោក » ។
នៅក្នុងកថាខណ្ឌចុងក្រោយបង្អស់នៃ « ព្រះគ្រីស្ទដ៏មានព្រះជន្មរស់ » សូមកត់ចំណាំអំពីគុណលក្ខណៈ និងងារដែលបានផ្តល់ឲ្យព្រះអង្គសង្រ្គោះ ។ បទគម្ពីរខាងក្រោមអាចជួយអ្នកឲ្យពិចារណាពីរបៀបដែលព្រះយេស៊ូគ្រីស្ទ គឺជា « ពន្លឺ ជាជីវិត ហើយជាសេចក្ដីសង្ឃឹមនៃពិភពលោក » ៖ លូកា ២:២៥–៣២; កូរិនថូសទី ១ ១៥:១៩–២៣; មរ៉ូណៃ ៧:៤១; គោលលទ្ធិ និង សេចក្ដីសញ្ញា ៥០:២៤; ៨៤:៤៤–៤៦; ៩៣:៧–១០ ។ តើទ្រង់ជាពន្លឺ ជាជីវិត និងជាក្តីសង្ឈឹមរបស់អ្នកយ៉ាងដូចម្តេច ? តើគុណលក្ខណៈ និងងារអ្វីផ្សេងទៀតរបស់ព្រះអង្គសង្គ្រោះ ដែលមានន័យបំផុតចំពោះអ្នក ?
តើការសិក្សា « ព្រះគ្រីស្ទដ៏មានព្រះជន្មរស់ » មានឥទ្ធិពលលើសេចក្តីជំនឿ និងសេចក្តីស្រឡាញ់របស់អ្នកចំពោះព្រះអង្គសង្រ្គោះដោយរបៀបណា ?
ពន្លឺនៃលោកិយ ដោយ ហូវ៉ឺដ លីយ៉ន
គំនិតយោបល់សម្រាប់ការសិក្សាព្រះគម្ពីរជាគ្រួសារ និងរាត្រីជួបជុំក្រុមគ្រួសារ
-
« ព្រះគ្រីស្ទដ៏មានព្រះជន្មរស់ » ។ដើម្បីជួយក្រុមគ្រួសាររបស់អ្នកឲ្យយល់ពី សេចក្តីពិតដែលត្រូវបានបង្រៀនអំពីព្រះអង្គសង្គ្រោះនៅក្នុង « ព្រះគ្រីស្ទដ៏មានព្រះជន្មរស់ » អ្នកអាចជ្រើសរើសឃ្លាគន្លឹះមួយចំនួន និងធ្វើការជាមួយគ្នាដើម្បីស្វែងរក ឬគូររូបភាពដែលចង្អុលបង្ហាញឃ្លាទាំងនោះ ។ បន្ទាប់មក អ្នកអាចចងក្រងបទគម្ពីរ និង ឃ្លាទាំងនោះនៅក្នុងសៀវភៅមួយ ។
-
« យើងផ្តល់ទីបន្ទាល់របស់យើង » ។តើយើងបានរៀនអ្វីខ្លះមកពី ព្រះគ្រីស្ទដ៏មានព្រះជន្មរស់ អំពីអត្ថន័យនៃការថ្លែងទីបន្ទាល់ ? អ្នកអាចនឹងចង់កត់ត្រាទីបន្ទាល់របស់អ្នកអំពីព្រះយេស៊ូវគ្រីស្ទ ដើម្បីប្រារព្ធការប្រសូត្ររបស់ព្រះអង្គសង្គ្រោះ ។
-
« ទ្រង់បានយាងចុះឡើងធ្វើការល្អ » ។តើក្រុមគ្រួសារអ្នកអាចធ្វើតាមគំរូរបស់ព្រះអង្គសង្គ្រោះស្ដីពីការបម្រើក្នុងរដូវកាលបុណ្យគ្រីស្ទម៉ាស់នេះដោយរបៀបណា ? តើអ្នកនឹងពង្រីក « សេចក្តីសុខសាន្ត និងសេចក្តីល្អ » នៅក្នុងគ្រួសារ និងសហគមន៏របស់អ្នកដោយរបៀបណា ? តើអ្នកអាចជួយ « ព្យាបាលអ្នកឈឺ » ដោយរបៀបណា ? អ្នកអាចស្វែងរកគំនិតមួយចំនួនពីក្នង វីដេអូ ពិធីបុណ្យគ្រីស្ទម៉ាស់ ពីក្នុងកម្មវិធី Gospel Media ឬ Gospel Media library ( នៅលើគេហទំព័រ medialibrary.ChurchofJesusChrist.org ) ។
-
« សូមអរព្រះគុណដល់ព្រះ ចំពោះអំណោយទានដ៏ប្រៀបផ្ទឹមពុំបាននៃព្រះរាជបុត្រារបស់ទ្រង់ដ៏ឧត្តម » ។តើអំណោយទានអ្វីខ្លះដែលយើងបានទទួលដោយសារព្រះយេស៊ូវគ្រីស្ទ ? ប្រហែលសមាជិកគ្រួសារអាចស្វែងរកចម្លើយនៅក្នុង « ព្រះគ្រីស្ទដ៏មានព្រះជន្មរស់ » ហើយបន្ទាប់មកវេចខ្ចប់អំណោយដែលរបស់ទាំងនោះតំណាងឲ្យអំណោយមកពីព្រះអង្គសង្គ្រោះ ។ គ្រួសាររបស់អ្នកអាចបើកកាដូនៅថ្ងៃបុណ្យគ្រីស្ទម៉ាស់ ឬក្នុងអំឡុងពេលនៃសប្តាហ៍ ហើយអានព្រះគម្ពីរដែលទាក់ទងទៅនឹងអំណោយនោះនីមួយៗ ។ នេះគឺជាបទគម្ពីរមួយចំនួនប្រហែលជាអាចរកឃើញ ប៉ុន្តែគ្រួសារអ្នកអាចរកបានខគម្ពីរផ្សេងទៀតច្រើនជាងនោះ ៖ លូកា ២:១០–១៤; ពេត្រុស ទី១ ២:២១; ម៉ូសាយ ៣:៨; អាលម៉ា ១១:៤២–៤៣; គោលលទ្ធិ និង សេចក្តីសញ្ញា ១៨:១០–១២ ។ អ្នកក៏អាចច្រៀងចម្រៀងអំពីព្រះអង្គសង្គ្រោះ ដូចជាបទ « ទ្រង់បញ្ជូនបុត្រាទ្រង់មក » ( សៀវភៅចម្រៀងកុមារ ទំព័រ ២០–២១ ) ដើម្បីស្វែងរកអំណោយទានផ្សេងទៀត ដែលបានមកពីទ្រង់ ។
សម្រាប់គំនិតបន្ថែមសម្រាប់ការបង្រៀនដល់កុមារ សូមមើល គម្រោងមេរៀនប្រចាំសប្ដាហ៍នេះ នៅក្នុងសៀវភៅ ចូរមកតាមខ្ញុំ—សម្រាប់ថ្នាក់បឋមសិក្សា ។
ចម្រៀងស្នើ ៖ « ហ្ន៍ ! ឮពួកទេវតាច្រៀងបទ » ទំនុកតម្កើង ល.រ ១៣១ ។
ការកែលម្អដល់ការសិក្សាផ្ទាល់ខ្លួន
ផ្ដោតទៅលើព្រះអង្គសង្គ្រោះ ។ « ការអាន ‹ ព្រះគ្រីស្ទដ៏មានព្រះជន្មរស់ › ប្រកបដោយការអធិស្ឋានគឺដូចជាការអានទីបន្ទាល់ម៉ាថាយ, ម៉ាកុស, លូកា, យ៉ូហាន និង ព្យាការីនានានៅក្នុងព្រះគម្ពីរមរមនផងដែរ ។ វានឹងបង្កើនសេចក្តីជំនឿរបស់បងប្អូនលើព្រះអង្គសង្គ្រោះ ហើយជួយបងប្អូនឲ្យបន្ដផ្តោតចិត្តលើទ្រង់ » ( អិម រ័សុល បាឡឺដ «ត្រឡប់ទៅវិញ ហើយទទួល » Ensign ឬ Liahona ខែ ឧសភា ឆ្នាំ ២០១៧ ទំព័រ ៦៥ ) ។