« ថ្ងៃទី ២០–២៦ ខែ ធ្នូ ។ បុណ្យគ្រីស្ទម៉ាស់ ៖ អំណោយដ៏មិនអាចប្រៀបផ្ទឹមបានពីព្រះរាជបុត្រាដ៏ទេវភាពរបស់ព្រះ » ចូរមកតាមខ្ញុំ—សម្រាប់ថ្នាក់បឋមសិក្សា ៖ គោលលទ្ធិ និង សេចក្ដីសញ្ញា ឆ្នាំ ២០២១ ( ឆ្នាំ ២០២០ )
« ថ្ងៃទី ២០–២៦ ខែ ធ្នូ ។ បុណ្យគ្រីស្ទម៉ាស់ » ចូរមកតាមខ្ញុំ—សម្រាប់ថ្នាក់បឋមសិក្សា ៖ ឆ្នាំ ២០២១
ប្រសូតកម្មធ្វើពីស្ពាន់ និងដីពណ៌ត្នោត ដោយ ជេខឺក រីឆាដ
ថ្ងៃទី ២០–២៦ ខែ ធ្នូ
បុណ្យគ្រីស្ទម៉ាស់
អំណោយដ៏មិនអាចប្រៀបផ្ទឹមបានពីព្រះរាជបុត្រាដ៏ទេវភាពរបស់ព្រះ
បុណ្យគ្រីស្មម៉ាស់គឺជាពេលវេលាដ៏រីករាយមួយសម្រាប់កុមារជាច្រើន ។ សូមពិចារណាពីរបៀបដែលអ្នកនឹងជួយពួកគេឲ្យភ្ជាប់សេចក្តីអំណរនៅក្នុងបុណ្យគ្រីស្ទម៉ាស់ ទៅនឹងសេចក្តីអំណរនៃដំណឹងល្អរបស់ព្រះអង្គសង្រ្គោះ ។
កត់ត្រាចំណាប់អារម្មណ៍របស់អ្នក
អញ្ជើញឲ្យចែកចាយ
សូមអញ្ជើញកុមារឲ្យចែកចាយអ្វីដែលពួកគេបានធ្វើនៅក្នុងសប្តាហ៍មុនដើម្បីប្រារព្ធអបអរការប្រសូតរបស់ព្រះអង្គសង្រ្គោះ ។
បង្រៀនគោលលទ្ធិ ៖ កុមារតូចៗ
ខ្ញុំអាច « ថ្លែងទីបន្ទាល់ [ របស់ខ្ញុំ ] ដើម្បីប្រារព្ធអបអរនឹងការប្រសូតរបស់ព្រះយេស៊ូវ ។
នៅក្នុង « ព្រះគ្រីស្ទដ៏មានព្រះជន្មរស់ » ( នៅលើគេហទំព័រ ChurchofJesusChrist.org ) គណៈប្រធានទីមួយ និងកូរ៉ុមនៃពួកសាវកដប់ពីរនាក់បានផ្តល់ទីបន្ទាល់របស់ពួកលោកអំពីព្រះយេស៊ូវគ្រីស្ទដើម្បី « រំឭកការប្រសូតនៃព្រះយេស៊ូវគ្រីស្ទ » ។ សូមពិចារណាពីរបៀបដែលអ្នកនឹងលើកទឹកចិត្តកុមារឲ្យចែកចាយទីបន្ទាល់របស់ពួកគេជាមួយអ្នកដទៃ ។
សកម្មភាពដែលអាចជ្រើសរើស
-
សូមបង្ហាញកុមារនូវច្បាប់ចម្លង « ព្រះគ្រីស្ទដ៏មានព្រះជន្មរស់ » ( សូមមើល គម្រោងមេរៀនប្រចាំសប្តាហ៍នេះនៅក្នុង ចូរមកតាមខ្ញុំ—សម្រាប់បុគ្គលម្នាក់ៗ និងក្រុមគ្រួសារ ) ។ សូមចង្អុលទៅពាក្យ ព្រះគ្រីស្ទ នៅក្នុងចំណងជើង ហើយសូមឲ្យកុមារចង្អុលទៅពាក្យនេះដែរ ។ សូមបង្ហាញហត្ថលេខានៅខាងក្រោមទំព័រផងដែរ ហើយប្រាប់កុមារថានៅក្នងឆ្នាំ ២០០០ គណៈប្រធានទីមួយ និងពួកសាវកដប់ពីរនាក់ បានសរសេរទីបន្ទាល់របស់ពួកលោកអំពីព្រះយេស៊ូវគ្រីស្ទ បានចុះហត្ថលេខាឈ្មោះរបស់លោក ហើយចែកចាយវាជាមួយពិភពលោក ។
-
សូមបង្ហាញរូបភាពព្រះយេស៊ូវគ្រីស្ទ និងអញ្ជើញកុមារម្នាក់ៗឲ្យក្រោកឈរ ហើយចែកចាយអ្វីមួយដែលពួកគេដឹងអំពីទ្រង់ ។ ប្រសិនបើពួកគេត្រូវការជំនួយ សូមប្រាប់ពីសេចក្តីពិតចេញពី « ព្រះគ្រីស្ទដ៏មានព្រះជន្មរស់ » ។ សូមរំឭកកុមារថា នៅពេលពួកគេប្រាប់អ្នកដទៃអំពីព្រះយេស៊ូវ នោះពួកគេកំពុងចែកចាយទីបន្ទាល់របស់ពួកគេហើយ ។
-
សូមប្រាប់កុមារពីរបៀបដែលអ្នកទទួលបានទីបន្ទាល់របស់អ្នកអំពីព្រះយេស៊ូវគ្រីស្ទ ហើយនឹងអ្វីដែលអ្នកកំពុងធ្វើ ដើម្បីរក្សាទីបន្ទាល់របស់អ្នកឲ្យរឹងមាំ ។ សូមជួយពួកគេឲ្យគិតពីវិធីទាំងឡាយដែលពួកគេអាចពង្រឹងទីបន្ទាល់របស់ពួកគេអំពីព្រះយេស៊ូវគ្រីស្ទ ហើយអញ្ជើញពួកគេឲ្យជ្រើសរើសរឿងមួយដើម្បីធ្វើ ។
ព្រះវរបិតាសួគ៌បានបញ្ជូនព្រះរាជបុត្រារបស់ទ្រង់មក ទុកជាអំណោយដល់យើង ។
ការផ្តល់ និងការទទួលអំណោយគឺជាប្រពៃណីនៃបុណ្យគ្រីស្ទម៉ាស់សម្រាប់មនុស្សជាច្រើន ។ ប្រពៃណីនេះគួរតែជួយយើងឲ្យចងចាំពី« អំណោយដ៏មិនអាចប្រៀបផ្ទឹមបាននៃព្រះរាជបុត្រាដ៏ទេវភាព » របស់ព្រះ ( « ព្រះគ្រីស្ទដ៏មានព្រះជន្មរស់ » ) ។
សកម្មភាពដែលអាចជ្រើសរើស
-
សូមឲ្យកុមារប្រាប់អំពីអំណោយដែលពួកគេបានជូនទៅគេ និងបានទទួលពីគេ ។ សូមអានប្រយោគចុងក្រោយនៃ « ព្រះគ្រីស្ទដ៏មានព្រះជន្មរស់ » ហើយអញ្ជើញពួកគេឲ្យស្តាប់រកអំណោយទានរបស់ព្រះដែលបានប្រទានដល់យើង ។ ( ប្រសិនបើចាំបាច់ សូមជួយពួកគេឲ្យយល់ថា « មិនអាចប្រៀបផ្ទឹមបាន » មានន័យថា « ប្រសើរជាងអ្នកដទៃផ្សេងទៀតទាំងអស់ » ) ។ ហេតុអ្វីព្រះរាជបុត្រារបស់ព្រះ គឺព្រះយេស៊ូវគ្រីស្ទគឺជាអំណោយទានដ៏ប្រសើរបំផុត ?
-
សូមច្រៀងចម្រៀងមួយបទអំពីព្រះយេស៊ូវគ្រីស្ទជាមួយគ្នា ដូចជាបទ « ទ្រង់បញ្ជូនបុត្រាទ្រង់មក » ( សៀវភៅចម្រៀងកុមារ ទំព័រ ២០–២១ ) ។ សូមជួយកុមារឲ្យជ្រើសរើសឃ្លាមួយចេញពីបទចម្រៀង ដែលពួកគេចង់គូរជារូប ( ដូចជា « ទារកទើបកើត » ឬ « ដើរជាមួយមនុស្ស » ។ នៅពេលពួកគេគូររូប សូមឲ្យកុមារប្រាប់អ្នកពីរបៀបដែលពួកគេគិតពីអ្វីដែលព្រះយេស៊ូវបានធ្វើសម្រាប់ពួកគេ ។ ក៏សូមចែកចាយអារម្មណ៍របស់អ្នកផងដែរ ។
ព្រះយេស៊ូវគ្រីស្ទបានអញ្ជើញខ្ញុំឲ្យធ្វើតាមគំរូរបស់ទ្រង់ ។
ផ្នែកមួយនៃ « ឥទ្ធិពល.ដ៏ជ្រាលជ្រៅ » របស់ព្រះអង្គសង្រ្គោះនៅលើពិភពលោកគឺជាគំរូដ៏ឥតខ្ចោះរបស់ទ្រង់ ។ តើអ្នកនឹងបំផុសគំនិតកុមារឲ្យធ្វើតាមទ្រង់យ៉ាងដូចម្តេច ?
សកម្មភាពដែលអាចជ្រើសរើស
-
ចេញពីកថាខណ្ឌទីពីរនៃ « ព្រះគ្រីស្ទដ៏មានព្រះជន្មរស់ » សូមអានឲ្យកុមារស្តាប់ពី រឿងខ្លះៗដែលព្រះយេស៊ូវបានធ្វើ ។ សូមបង្ហាញរូបភាពស្ដីពីព្រះជន្មរបស់ទ្រង់ ( សូមមើលទំព័រសកម្មភាពប្រចាំសប្តាហ៍នេះ ) ហើយអញ្ជើញកុមារឲ្យនិយាយអំពីអ្វីដែលព្រះ អង្គសង្រ្គោះកំពុងធ្វើនៅក្នុងរូបភាពទាំងនោះ ។ សូមជួយពួកគេឲ្យគិតពីវិធីមួយចំនួនដែលពួកគេអាចធ្វើតាមគំរូរបស់ទ្រង់ ។
-
សូមជ្រើសរើសវីដេអូ « ព្រះគ្រីស្ទដ៏មានព្រះជន្មរស់ » ( ComeuntoChrist.org ) ដើម្បីបង្ហាញកុមារ ឬប្រាប់អំពីគ្រានៅពេលអ្នកត្រូវបានទទួលពរជ័យ ដោយសារនរណាម្នាក់បានបម្រើដូចជាព្រះគ្រីស្ទ ។ សូមអញ្ជើញកុមារឲ្យសម្តែងធ្វើការងារបម្រើងាយៗ ហើយសុំឲ្យកុមារផ្សេងទៀតធ្វើការទស្សទាយពីអ្វីដែលពួកគេកំពុងធ្វើ ។ សូមឲ្យកុមារបានធ្វើគ្រប់គ្នា ។ សូមជួយកុមារឲ្យគិតពីអ្វីមួយដែលពួកគេអាចធ្វើដើម្បីបម្រើនរណាម្នាក់នៅក្នុងក្រុមគ្រួសាររបស់ពួកគេ ។
បង្រៀនគោលលទ្ធិ ៖ កុមារធំៗ
« យើងថ្លែងទីបន្ទាល់របស់យើង » ។
គំរូរបស់ពួកព្យាការី និងពួកសាវកដែលបានសរសេរ « ព្រះគ្រីស្ទដ៏មានព្រះជន្មរស់ » អាចបំផុសគំនិតកុមារឲ្យចែកចាយទីបន្ទាល់របស់ពួកគេពីព្រះយេស៊ូគ្រីស្ទ ។
សកម្មភាពដែលអាចជ្រើសរើស
-
សូមសរសេរនៅលើក្តារខៀន ខ្ញុំដឹងថា ព្រះយេស៊ូវគ្រីស្ទ … ហើយសូមឲ្យកុមារចែកចាយពីរបៀបដែលពួកគេអាចបំពេញប្រយោគនេះ ។ សូមស្នើឲ្យពួកគេមើលនៅក្នុង « ព្រះគ្រីស្ទដ៏មានព្រះជន្មរស់ » ដើម្បីរកគំនិតផ្សេងៗ ។ តើយើងអាចធ្វើអ្វីខ្លះ ដើម្បីពង្រឹងទីបន្ទាល់របស់យើងអំពីព្រះយេស៊ូវគ្រីស្ទ ? តើអ្នកដទៃបានទទួលពរជ័យនៅពេលយើងចែកចាយទីបន្ទាល់របស់យើងយ៉ាងដូចម្តេចខ្លះ ?
-
សូមលើកឡើងថា « ព្រះគ្រីស្ទដ៏មានព្រះជន្មរស់ » ត្រូវបានចុះហត្ថលេខាដោយគណៈប្រធានទីមួយ ហើយនឹងពួកសាវកដប់ពីរនាក់ ។ សូមអានជាមួយគ្នាក្នុង គោលលទ្ធិ និង សេចក្ដីសញ្ញា ១០៧:២៣ ។ តើអ្វីដែលធ្វើឲ្យពួកសាវកខុសពី « អ្នកកាន់មុខតំណែងដទៃទៀតក្នុងសាសនាចក្រ » ? សូមជ្រើសរើសវីដេអូមួយអំពី « សាក្សីពិសេសនៃព្រះគ្រីស្ទ ដើម្បីចែកចាយជាមួយកុមារ ( ChurchofJesusChrist.org ) ។ ហេតុអ្វីយើងមានអំណរគុណដែលមានសាក្សីពិសេសនៃព្រះគ្រីស្ទនៅក្នុងសម័យរបស់យើង ?
« សូម្បីតែមួយក៏គ្មានស្មោះដែលមានឥទ្ធិពលដ៏ជ្រាលជៅ » ។
នៅក្នុង « ព្រះគ្រីស្ទដ៏មានព្រះជន្មរស់ » ពួកព្យាការី និងពួកសាវកបានប្រកាសថា គ្មាននរណាម្នាក់មានឥទ្ធិពលលើបុត្រាបុត្រីរបស់ព្រះជាងព្រះយេស៊ូវគ្រីស្ទឡើយ ។ សូមពិចារណាអំពីរបៀបដែលអ្នកនឹងជួយកុមារឲ្យរៀនអំពីឥទ្ធិពលដ៏ជ្រាលជ្រៅរបស់ព្រះអង្គសង្រ្គោះលើយើងទាំងអស់គ្នា ។
សកម្មភាពដែលអាចជ្រើសរើស
-
សូមឲ្យកុមារម្នាក់នូវឃ្លា ឬប្រយោគមួយចេញពី « ព្រះគ្រីស្ទដ៏មានព្រះជន្មរស់ » ហើយសូមឲ្យពួកគេគូររូបភាពមួយពីឃ្លា ឬប្រយោគនោះ ។ នៅពេលកុមារម្នាក់ៗបង្ហាញរូបភាពដល់សិស្សក្នុងថ្នាក់ សូមឲ្យកុមារដទៃទៀតទស្សទាយអ្វីដែលរូបភាពនេះកំពុងបង្ហាញ ហើយស្វែងរកប្រយោគដែលត្រូវគ្នានៅក្នុង « ព្រះគ្រីស្ទដ៏មានព្រះជន្មរស់ » ។ តើយើងមានពរជ័យពីព្រោះតែដំណើរជីវិត និងបេសកកម្មរបស់ព្រះយេស៊ូវ គ្រីស្ទដោយរបៀបណា ?
-
សូមជួយកុមារឲ្យស្វែងរកឈ្មោះ ឬងារខុសៗគ្នារបស់ព្រះយេស៊ូវគ្រីស្ទនៅក្នុង « ព្រះគ្រីស្ទដ៏មានព្រះជន្មរស់ » ហើយសូមគូសបន្ទាត់ពីខាងក្រោមពាក្យនោះ ប្រសិនបើអាចធ្វើបាន ( ឧទាហរណ៍មួយចំនួនរួមទាំង ព្រះមែស៊ី ព្រះរាជបុត្រាច្បងបង្អស់ ជាដើម ហើយជាចុង អ្នកទូលអង្វរជំនួស និងថ្មជ្រុងយ៉ាងឯក ) ។ សូមនិយាយអំពីអ្វីដែលងារនីមួយៗទាំងនេះបង្រៀនយើងអំពីទ្រង់ ។ ( ងារមួយចំនួនទាំងនេះត្រូវបានឲ្យនិយមន័យនៅក្នុង សេចក្ដីណែនាំដល់បទគម្ពីរទាំងឡាយ ឬ Bible Dictionary ។ )
« ព្រះអង្គគឺជាពន្លឺ ជាជីវិត ហើយជាសេចក្ដីសង្ឃឹមនៃពិភពលោក » ។
បុណ្យគ្រីស្ទម៉ាស់គឺជារដូវកាលដ៏រីករាយមួយ ពីព្រោះតែសេចក្តីសង្ឃឹមដែលព្រះយេស៊ូវគ្រីស្ទបានឲ្យមកពិភពលោក តាមរយៈការបង្រៀន គំរូ និងការពលិកម្មដ៏ធួនរបស់ទ្រង់ ។
ពន្លឺដល់ពិភពលោក ដោយ ហូវ័ឌ លីយ៉ុង
សកម្មភាពដែលអាចជ្រើសរើស
-
សូមអញ្ជើញកុមារម្នាក់ឲ្យគូររូបដើមគ្រីស្ទម៉ាស់មួយ ឬគូររូបដើមនេះនៅលើក្តារខៀន ។ សូមអញ្ជើញកុមារឲ្យតុបតែងដើមនេះជាមួយពាក្យ ឬឃ្លាចេញពី « ព្រះគ្រីស្ទដ៏មានព្រះជន្មរស់ » ដែលពិពណ៌នាពីអំណោយទានដែលព្រះអង្គសង្រ្គោះបានប្រទានដល់យើង ( ដូចជា « ពន្លឺ » « ជីវិត » និង « សេចក្តីសង្ឃឹម » ) ។ សូមឲ្យពួកគេនិយាយអំពីមូលហេតុដែលពួកគេបានជ្រើសរើសពាក្យ ឬឃ្លាទាំងនោះ ។
-
សូមជួយកុមារឲ្យស្វែងរកទំនុកតម្កើងបុណ្យគ្រីស្ទម៉ាស់ដែលប្រាប់ពីពន្លឺ ជីវិត និងក្តីសង្ឃឹមដែលការប្រសូតរបស់ព្រះអង្គសង្គ្រោះបាននាំំមកកាន់ពិភពលោកនេះ—ឧទាហរណ៍ « ឱ ! ភូមិបេថ្លេហិម ភូមិស្ងួនភ្ញា » ឬ « ស្តាប់ សំឡេងសួគ៌ាជាតិសាសន៍ទាំងឡាយ ! » ( ទំនុកតម្កើង ល.រ. ១២៩, ១៦៤ ) ។ សូមច្រៀងទំនុកតម្កើងនេះជាមួយគ្នា ហើយទុកឲ្យកុមារចែកចាយពីរបៀបដែលព្រះយេស៊ូវបាននាំពន្លឺ ជីវិត និងសេចក្តីសង្ឃឹមមកកាន់ជីវិតរបស់ពួកគេ ។
-
សូមឲ្យកុមារខ្លះអានអំពីពួកអ្នកគង្វាលនៅក្នុង លូកា ២:៨–២០ ។ សូមឲ្យកុមារអានអំពីស៊ីម្មាននៅក្នុង លូកា ២:២៥–៣៣ ។ សូមអញ្ជើញពួកគេឲ្យចែកចាយជាមួយគ្នាថាតើពួកអ្នកគង្វាល និងស៊ីម្មានមានអារម្មណ៍យ៉ាងណាអំពីការដឹងថា ព្រះយេស៊ូវបានប្រសូតមក ។ ហេតុអ្វីពួកគេមានអារម្មណ៍បែបនេះ ? ហេតុអ្វីការប្រសូតរបស់ទ្រង់នាំមកឲ្យយើងនូវ « សេចក្តីអំណរយ៉ាងអស្ចារ្យ » ?
លើកទឹកចិត្តឲ្យមានការរៀនសូត្រនៅឯគេហដ្ឋាន
សូមអញ្ជើញកុមារឲ្យគិតពីនរណាម្នាក់នៅក្នុងក្រុមគ្រួសាររបស់ពួកគេ ជាអ្នកដែលពួកគេអាចចែកចាយទីបន្ទាល់របស់ពួកគេអំពីព្រះយេស៊ូវគ្រីស្ទបាន ។ សូមជួយពួកគេឲ្យពិចារណាពីអ្វីដែលពួកគេអាចនិយាយដើម្បីពង្រឹងសេចក្តីជំនឿរបស់បុគ្គលនោះលើទ្រង់ ។
ការអភិវឌ្ឍន៍ការបង្រៀនរបស់យើង
រៀបចំខ្លួនដោយការសិក្សាព្រះគម្ពីរ ។ « ការសិក្សាព្រះបន្ទូលរបស់ព្រះប្រកបដោយការអធិស្ឋានធ្វើឲ្យយើងនៅស្របនឹងព្រះវិញ្ញាណបរិសុទ្ធ ។ បន្ទាប់មកទ្រង់អាចបំផុសគំនិតយើងឲ្យយល់ពីអ្វីដែលយើងបានសិក្សា នៅពេលយើងបង្រៀន និងលើកតម្កើងអ្នកដទៃ » ( ការបង្រៀនតាមរបៀបរបស់ព្រះអង្គសង្រ្គោះ ទំព័រ ១២ ។ )