buca dravuisiga

9–15 ni Me

Tiko mai na Lekutu 11–14; 20–24

“Dou Kakua ni Vorati Jiova se Rere”

Na ituvatuva oqo e vakamatatataka tiko e levu na ivakavuvuli yaga ena ivola ni Tiko mai na Lekutu. Mo tadola talega vei ira na tani ena rawa ni vukei iko na Yalo mo raica.

Vola na Veika o Vakauqeti kina

Ni da taubale, ena sega ni taura e 40 na yabaki na ilakolako mai na lekutu kei Saineai ki na vanua yalataki e Kenani. Ia oqori na levu ni gauna era gadreva na luvei Isireli, sega ni robota kina na yawa ni vanua ia me robota kina na veiyawaki vakayalo: na yawa ni vanua era tu kina ena gauna oya ki na vanua e vinakata na Turaga me ra tu kina me rawa ni yaco me ra Nona tamata ni veiyalayalati.

Na ivola ni Tiko mai na Lekutu e vakamacalataka eso na ka e yaco ena 40 na yabaki , oka kina na lesoni era gadreva na luvei Isireli me ra vulica ni bera ni ra curu ki na vanua yalataki. Era vulica me baleta nodra yalodina vei ira na italai digitaki ni Turaga (raica na Tiko mai na Lekutu 12). Era vulica me ra vakararavi ki na kaukauwa ni Turaga, ena gauna sa luluqa kina na nodra inuinui ni veisiga ni mataka (raica na Tiko mai na Lekutu 13–14). Ka ra vulica ni vakatitiqa se sega ni veivakabauti e kauta mai na mavoa vakayalo, ia e rawa ni ra veivutuni ka rai vua na iVakabula me ra vakabulai (raica na Tiko mai na Lekutu 21:4–9).

E na so na gauna na noda ivakarau e vakataki ira na Isireli. Eda kila kece na cava na tu ena lekutu vakayalo, kei na lesoni era vulica e rawa ni vukea nodra vakavakarau me ra curuma yani na noda dui vanua yalataki: bula tawamudu vata kei na Tamada Vakalomalagi.

Me laurai vakararaba na ivola ni Tiko mai na Lekutu, raica na “Numbers” ena Bible Dictionary.

ivakatakilakila ni vuli ni tamata yadua

Vakasama ni Vuli iVolanikalou ni Tamata Yadua

Tiko Mai na Lekutu 11:11–17, 24–29; 12

Na ivakatakila e baleti keda kece, ia na Kalou e dusimaka tiko na Nona Lotu mai vua na Nona parofita.

Ena Tiko mai na Lekutu 11:11–17, 24–29, raica na leqa a sotava o Mosese kei na kena iwali e vakatura na Kalou. Na cava o nanuma e vakaibalebaletaka tiko o Mosese ena nona kaya ni gadreva “o ira kece na tamata ni Turaga me ra parofita”? (tikina 29). Vakasamataka vakatitobu na veitikina oqo, vakasamataka na vosa nei Peresitedi Russell M. Nelson: “e vinakata dina beka na Kalou me vosa vei iko? Io! … Io, e levu na ka e vinakata na Tamada Vakalomalagi mo kila” (“Na iVakatakila me Baleta na Lotu, Na iVakatakila me Baleta na Noda Bula,” Liaona, Me 2018, 95).

Ia, ni tukuna na tamata kece e rawa ni ra parofita sega ni kena ibalebale ni tamata kece era rawa ni liutaki ira na tamata ni Kalou vakai Mosese. Na ka a volai ena Tiko Mai na Lekutu 12 e vakamatatataka na tikina oqo. Ni o wilika na wase oqo, na ivakaro cava o sa kunea? Na cava o vakila e vinakata na Turaga mo kila vakamatata kina na ivakatakila yadua ka vakamuria na parofita?

Raica talega na 1 Nifai 10:17; Vunau kei na Veiyalayalati 28:1–7; Dallin H. Oaks, “Rua na Sala ni Veitaratara,” Liaona, Nove. 2010, 83 – 86.

Na Tiko Mai na Lekutu 13–14

Na vakabauta na Turaga, sa rawa nai nuinui ni veisiga ni mataka.

Ni o wilika na Tiko mai na Lekutu 13–14, tovolea mo biuti iko ena nodra itutu na Isireli. Na cava na vuna o nanuma kina ni ra vinakata me ra “lesu tale ki Ijipita”Tiko mai na Lekutu 14:3). O dau vakataki ira beka era sa vakanuinui ca me baleta na kena curumi na vanua yalataki? O na vakamacalataka beka vakacava na “yalo” cava e tu vei KelepiTiko mai na Lekutu 14:24). Na cava e vakauqeti iko me baleta na vakabauta nei Kelepi kei Josua, ka mo na vakayagataka vakacava na nodra ivakaraitaki ki na veika o sotava tiko?

Raica talega Nodra iVakavuvuli na Peresitedi ni Lotu: Gordon B. Hinckley (2016), 75–76.

Na Tiko mai na Lekutu 21:4–9

Kevaka au rai vei Jisu Karisito ena vakabauta, e rawa ni vakabulai au vakayalo ko Koya.

Era kila na parofita ni iVola i Momani na italanoa e volai tiko ena Tiko mai na Lekutu 21:4–9 ka kila vakavinaka na kena bibi vakayalo. Na cava eratou vakuria na 1 Nifai 17:40–41; Alama 33:18–22; kei na Ilamani 8:13–15 ki na nomu kila na italanoa oqo? Ni o vulica na veimalanivosa oqo, vakasamataka na veivakabulai vakayalo o nuitaka tu. O ira na Isireli me ra “[raica] na gata parasa” (Tiko mai na Lekutu 21:9) me ra vakabulai. Na cava o vakila ni vakauqeti iko mo cakava mo “vakararavi vua na luve ni Kalou ena vakabauta”Ilamani 8:15).

Raica talega na Joni 3:14–15; Vunau kei na Veiyalayalati 6:36; Dale G. Renlund, “Vakasinaiti ena Veivakalougatataki,” Liaona, Me 2019, 70–73.

na gata varasa

Era a vakabulai na Isireli ena nodra raica na gata parasa.

Na Tiko mai na Lekutu 22–24

Au rawa ni muria na loma ni Kalou, kevaka sara mada ga era tovolea eso mera vakauqeti au meu kakua.

Ni kila o Peleki, na tui Moapi, ni ra sa gole tiko mai na Isireli, a kacivi Pelami, e dua na tamata ka kilai tu ni dau cavuta na veivakalogatataki kei na cudru. A vinakata o Peleki me vakamalumalumutaki ira na Isireli ena nona cudruvi ira. Raica na sala a saga kina o Peleki me vakauqeti Pelami (raica na Tiko mai na Lekutu 22:5 – 7, 15 – 17), ka vakasamataka na veitemaki o sotava mo vorata na loma ni Kalou. Na cava e vakauqeti iko me baleta na kena isau mai vei Pelami ena Tiko mai na Lekutu 22:18, 38; 23:8, 12, 26; 24:13?

E ka ni rarawa, ni a rawai o Pelami ka cakitaki Isireli (raica na Tiko mai na Lekutu 31:16; Juta 1:11). Vakasamataka vakatitobu na sala e rawa ni o yalodina tikoga kina vua na Turaga e dina ga ni tu na idre mai vei ira na tani.

ivakatakilakila ni vuli vakamatavuvale

Vakasama baleta na Vuli iVolanikalou Vakamatavuvale kei na Lotu Vakamatavuvale

Tiko mai na Lekutu 11:4–6.Dau tautauvata beka na noda ivakarau ni rai kei na ivakarau ni rai era a vakaraitaka na Isireli ena Tiko mai na Lekutu 11:4–6? Ena rawa vakacava ni veivuke na ivakasala ena Vunau kei na Veiyalayalati 59:15–21 ?

Na Tiko Mai na Lekutu 12:3A vakaraitaka vakacava o Mosese ni a “yalomalua sara” ena Tiko mai na Lekutu 12 se ena so tale na malanivosa o wilika? Sa rawa mo railesuva na ivakamacala ni yalomalua nei Elder David A. Bednar ena nona itukutuku “Yalomalua ka Yalomalumalumu” (Liaona, Me 2018, 30–33) se ena “Yalomalua, Yalomalumalumu” ena iDusidusi ki na iVolanikalou (scriptures.ChurchofJesusChrist.org). Na cava eda vulica me baleta na ivakarau eda rawa ni yalomalua vakalevu cake kina? Na veivakalougatataki cava eso e rawa ni ciqomi ni da vakayacora vakakina?

Na Tiko Mai na Lekutu13–14.E rua (se sivia) na lewe ni nomu matavuvale e rawa ni ra “vakalecalecataka na” (Tiko mai na Lekutu 13:17) e dua tale na tiki ni nomu vale me vaka na vanua yalataki. Sa na qai rawa ni ra solia yadua e dua na ripote ka yavutaki ena Tiko mai na Lekutu 13:27–33 se na Tiko mai na Lekutu 14:6–9. Na cava eda vulica mai na rua na ripote duidui ena veitikina oqo me baleta na vakabauta? E rawa vakacava ni da vakataki Kelepi kei Josua?

Tiko maii na Lekutu 21:4–9.Ni oti na wiliki ni Tiko mai na Lekutu 21:4–9, vata kei na 1 Nifai 17:40–41; Alama 33:18–22; kei na Ilamani 8:13 15, e rawa ni cakava na nomu matavuvale e dua na gata mai na pepa se tete ka vola kina se ena dua na pepa na veika rawarawa e rawa ni o cakava mo “raica kina na luve ni Kalou ena vakabauta” (Ilamani 8:15).

Me ikuri ni tukutuku ni vakavulici ni gone, raica na idusidusi ni macawa oqo ena Lako Mai, Mo Muri Au—Me Baleta na Lalai.

Sere vakaturi: “Niu sa Nanumi Kemuni,” Sere ni Lotu, naba 79.

Vakatorocaketaki ni Noda Veivakavulici

Vukei ira na nomu matavuvale me ra tara cake na bula rawati ira vakayalo. “Me kakua ni tukuni walega na itukutuku, vukei [ira na lewe ni nomu matavuvale] mera raica na dina ni kosipeli me baleti ira ena ivolanikalou kei na nodra vosa na parofita” (Veivakavulici ena iVakarau ni iVakabula, 28).

Mosese kei na gata parasa

Moses and the Brass Serpent, mai vei Judith A. Mehr