O Mosese e tucake tu ena ulunivanua

Droini kei Mosese ena Ulunivanua o Nebo, © Dauveivakarautaki na iKumuni/vakalaiseni mai na goodsalt.com

16–22 ni Me

Nai Vakarua 6–8; 15; 18; 29–30; 34

“Qarauna De o Guilecava na Turaga”

A vakarota o Mosese vei ira na luvei Isireli me ra vakavulica na vosa ni Turaga vei ira na luvedra (raica Nai Vakarua 6:7). Ni o vulica Na iVakarua ena macawa oqo, vakaraica na sala mo wasea kina na veika o sa vulica kei ira na lewe ni nomu matavuvale.

Vola na Veika o Vakauqeti Kina

Na veiqaravi vakavuravura nei Mosese a tekivu ena dua na ulunivanua, ena nona vosa vua na Kalou mai na veikau kama (raica na Lako Yani 3:1–10). E a tini talega ena ulunivanua, sivia ni 40 na yabaki e muri, ni solia vei Mosese na Kalou na irairai ni vanua yalataki mai na Ulunivanua o Nebo (raica Nai Vakarua 34:1–4). A vakayagataka o Mosese na nona bula ena nodra vakarautaki na luvei Isireli me ra curu yani ki na vanua yalataki, kei na ivola ni iVakarua ka volai kina na iotioti ni nona ivakasala, na ivakaraitaki, na vakamamasu, kei na vakatakekere vei ira na Isireli. Na wiliki ni nona vosa e vakamatatataka ni inaki dina ni nona veiqaravi o Mosese—na vakavakarau era gadreva na tamata—e sega ni baleta na nodra rawa ni bula ena lekutu, na valuti ni veimatanitu, se tara e dua na itikotiko raraba. E baleta na vulici ni lomana na Kalou, talairawarawa vua, ka yalodina tikoga vua. Oqori na vakavakarau eda gadreva taucoko me rawa ni da curuma kina na vanua yalataki ni bula tawamudu. Ni sa sega ni butuka o Mosese na “vanua sa dave kina na wai ni sucu kei na oni” (Lako Yani 3:8), ena vuku ni nona vakabauta kei na yalodina, a curuma kina na vanua yalataki sa vakarautaka tu na Kalou me baleti ira kece era muri koya.

Me baleta na kena raici raraba na iVakarua, raica na “Deuteronomy” ena Bible Dictionary.

ivakatakilakila ni vuli ni tamata yadua

Vakasama ni Vuli iVolanikalou ni Tamata Yadua

NaiVakarua 6:4–7; 8:2–5, 11–17; 29:18–20; 30:6–10, 15–20

Na Turaga e vinakata me’u qaravi Koya ena yaloqu taucoko.

Ena iotioti ni nona ivakavuvuli, a vakananumi ira na luvei Isireli o Mosese, “E 40 na yabaki sa oti oqo sa tiko kei kemuni ko Jiova na nomuni Kalou; sa sega na ka ko ni sa dravudravua kina,”ena loma ni lekutu sara mada ga (Na iVakarua 2:7). Oqo ni ra sa curuma tiko na Isireli na vanua yalataki, ena “veikoro lelevu, ko ni a sega ni tara, kei na veivale sa oso ena veika vinaka kecega, ko a sega ni vakasinaita” (Nai Vakarua 6:10–11), sa rere ko Mosese ni ra na vakaukauwataka na lomadra ka guilecava na Turaga.

Vakasamataka na ituvaki ni yalomu ni ko wilika na ivakasala nei Mosese. O na vinakata beka mo vakanamata ki na veitikina oqo ka vola na nomu nanuma:

• Na iVakarua 6:4–7:

• Na iVakarua 8:2–5:

• Nai Vakarua 8:11–17:

• Nai Vakarua 29:18–20:

• Nai Vakarua 30:6–10:

• Nai Vakarua 30:15–20:

Na cava o rawa ni o cakava mo vakamalumalumutaka kina na yalomu ka lomana na Turaga mai vuniyalomu? Na isema cava soti o raica ena Nai Vakarua 6:5–6 kei na Maciu 22:35–40? (raica talega na Vunau ni Soro 19:18).

Raica talega na Dieter F. Uchtdorf, “Na Maleleti ni Vuvale,” Liaona, Nove. 2017, 21–24.

Na iVakarua 6:4–12, 20–25

“Mo qarauna mo kakua ni guilecava na Turaga.”

E vuqa na itabatamata ni Isireli era na curu ki na vanua yalataki era a sega ni vakadinadinataka na mate veitauvi e Ijipita se kosova na Wasa Damudamu. E kila o Mosese ni o ira—kei ira na itabatamata ni gauna mai muri—era na gadreva me ra nanuma na cakamana ni Kalou kei na lawa ni Kalou kevaka me ra na dau tiko ga ena nodra bula na tamata ni Kalou.

Na ivakasala cava e solia o Mosese ena iVakarua 6:4–12, 20–25 ena rawa ni vukei iko mo nanuma na veika cecere sa cakava vei iko na Kalou? Na cava o sa vakauqeti mo cakava me na “tiko e yalomu na vosa ni Turaga” e veisiga? (tikina e 6).

O na solia vakacava na nomu vakabauta vei ira na itabatamata mai muri?

Raica talega na iVakarua 11:18–21; Gerrit W. Gong, “Dau Nanumi Koya Tikoga,” Liaona, Me 2016, 108–11; iVolavosa ni iVolatabu, “Frontlets se phylacteries.”

Na iVakarua 15:1–15

Na nodra vukei na vakaleqai ena gadrevi kina na liga dausolisoli kei na yalo sa tuvakarau.

Na iVakarua 15:1–15 e solia na ivakasala me baleta na nodra vukei na dravudravua kei na vakaleqai, oka kina eso na veika e sega ni muri tiko nikua. Ia raica na cava e vakavulica na veitikina oqo me baleta na vuna e dodonu meda vukei ira kina na dravudravua kei na sala e rawa ni vukei ira kina na noda ivakarau ni rai me baleta na Turaga. Na cava o vakila e vinakata na Turaga mo vulica mai na veitikina oqo me baleta na nodra qaravi na tani?

Raica talega na Russell M. Nelson, “Na iKarua ni iVakaro Cecere,” Liaona, Nove. 2019, 96–100.

Na iVakarua 18:15–19

O Jisu Karisito Na parofita ka na vakaturi cake me vakataki Mosese.

O Pita, Nifai, Moronai, kei na iVakabula vakataki koya a kaya taucoko ena parofisai ena iVakarua 18:15–19 (raica na Cakacaka 3:20–23; 1 Nifai 22:20–21; Josefa Simici — Ai Tukutuku 1:40; 3 Nifai 20:23). Na cava eda sa vulica baleta na iVakabula mai na veitikina oqo? E “vakataki Mosese vakacava” na iVakabula.Na iVakarua 18:15).

E tekiduru ka tautauri toka o Jisu vana tamata

O Jisu Karisito na parofita me vakataki Mosese.

Nai Vakarua 34:5-8

Na cava a yaco vei Mosese?”

E dina ni tukuni ena iVakarua 34:5–8 ni a mate o Mosese, e vakamatatataka na kilaka ena gauna oqo ni a vakamataliataki o koya, se veisautaki me kakua ni sotava na mosi kei na mate me yacova ni sa vakaturi cake tale (raica na Alama 45:18–19; IVolavosa ni iVolatabu, “Mosese”; IDusidusi ki na iVolanikalou, “Tamata Vakamataliataki,” scriptures.ChurchofJesusChrist.org). E gadrevi vei Mosese me vakamataliataki baleta ni gadreva me tiko e dua na yago me rawa ni solia kina na idola ni matabete vei Pita, Jemesa, kei Joni ena Ulunivanua ni Veivakamataliataki (raica na Maciu 17:1–13).

ivakatakilakila ni vuli vakamatavuvale

Vakasama baleta na Vuli iVolanikalou Vakamatavuvale kei na Lotu Vakamatavuvale

Nai Vakarua 6:10–15.Na veitikina oqo e rawa ni vakauqeti ira na lewe ni nomu matavuvale mera vakasamataka na sala eso era sa vakalougatataki kina. Eda na muria vakacava na ivakasala meda “qarauna de ko guilecava na Turaga”Na iVakarua 6:12). O na vinakata beka mo vola na veika o vakila me baleta na nomu veivakalougatataki, ena dua na ivolaniveisiga se ena FamilySearch.

Na iVakarua 6:13, 16; 8:3.Na veitikina oqo e vukea na iVakabula ena dua na gauna bibi ni nona bula; me laurai na sala, wilika vata na Maciu 4:1–10. Na malanivosa cava ni ivolanikalou sa vukei keda ena gauna ni leqa?

Nai Vakarua 7:6–9.Cakava e dua na ka mo vukei ira kina na lewe ni nomu matavuvale me ra vakila ni ra sa ka bibi, me vaka na vakarautaki ni dua na kakana taleitaki. Sa rawa mo wilika na iVakarua 7:6–9 ka veivosakitaka na cava o nanuma ni kena ibalebale mo “tamata digitaki” (tikina e 6) vua na Turaga.

NaiVakarua 29:12–13.Ni veivosakitaki na iVakarua 29:12–13 vakarautaka e dua na madigi vei ira na lewe ni nomu matavuvale me ra veivosakitaka na veiyalayalati era na cakava se a cakava vei Tamada Vakalomalagi. Na cava na kena ibalebale me da tamata ni Kalou? Na noda veiyayalati e “yavutaki [keda] vakacava me da tamata ni [Kalou]”? (tikina e 13).

Me ikuri ni tukutuku ni vakavulici ni gone, raica na idusidusi ni macawa oqo ena Lako Mai, Mo Muri Au—Me Baleta na Lalai.

Na sere vakaturi: “Meu Sa Bulataka Tu,” iVolanisere ni Gonelalai, 148.

Vakavinakataki ni Vuli Yadudua

Vakasaqara ena nomu veivakasama titobu vakayalo. Na idusidusi oqo e vakatura eso na tikina kei na ivakavuvuli meda vakanamata kina, ia me kakua ni yalana na nomu vuli. Ni o vuli tiko, o na vulica beka e dua na ivakavuvuli e sega ni tukuni eke. Laiva me dusimaki iko na Yalo ki na veika e gadrevi mo vulica.

Tucake tu ena ulunivanua ko Mosese

Sa Vakaraitaka Vua na Kalou na Vanua Taucoko, mai vei Walter Rane.