2–8 ni Me

Lako Yani 35 – 40; Vunau ni Soro 1; 16; 19

“Vakatabui vua na Kalou”

Ni o vulica na ivolanikalou, vakarorogo ki na veivakauqeti vakayalo o ciqoma me baleta na sala e rawa ni o vakataka na Tamada Vakalomalagi kei Jisu Karisito.

Vola na Veika o Vakauqeti kina

Biuti Ijipita—dina ni ka bibi ka veivakurabuitaki —a sega ni rawata taucoko na inaki ni Kalou me baleti ira na luvei Isireli. Na nodra sautu ena vanua yalataki e sega ni vakainaki se bibi vei ira. Oqo ga n ikalawa e vinakata dina na Kalou vei ira na Nona tamata: “Mo dou savasava: niu sa savasava koi Au ko Jiova na nomudou Kalou” (Vunau ni Soro 19:2). A saga vakacava na Kalou me ra savasava na Nona tamata ni ra sega ni kila e dua tale na mai na veivakabobulataki ni veitabatamata? A vakaroti ira o Koya me ra cakava e dua na itikotiko tabu vua na Turaga—e dua na valecavu ena lekutu. A solia vei ira na veiyalayalati kei na lawa me dusimaka na nodra ivalavala ka, kena itinitini, me ra veisautaka na lomadra. Ia ni ra sega ni yacova na nodra sasaga me ra maroroya na lawa, a vakaroti ira Okoya me ra vakacabora na manumanu me isoro me ivakatakilakila ni veisorovaki ni nodra ivalavala ca. Na veika kece oqo e kena inaki me dusia na nodra vakasama, na yalodra, kei na nodra bula vua na iVakabula kei na veivueti e solia o Koya. Sai koya na sala dina ki na savasava, me baleti ira na Isireli kei keda. E na vuqa na gauna eda vakabobulataki tu ena ivalavala ca, eda sureti me da veivutuni—meda vakanadakuya na ivalavala ca ka muri Jisu Karisito, o Koya sa yalataka, “Ni sa rawa meu qisi kemudou mo dou savasava” (Vunau kei na Veiyalayalati 60:7).

Me laurai vakararaba na ivola ni iVakatekivu, raica na “Leviticus” ena Bible Dictionary.

Vakasama ni Vuli iVolanikalou ni Tamata Yadua

Lako Yani 35 – 40; Vunau ni Soro 19

E vinakata na Turaga meu yaco me savasava me vakataki Koya.

NaLako Yani 25–31 e vakarota na Turaga vei ira na Isireli me baleta na kena tarai cake e dua na valecavu, me qaravi navei cakacakatabu vakalotu tabu me yaco me ra tamata savasava. NaLako Yani 35–40 e vakamacalataka na nodra sasaga na Isireli me ra muria na ivakaro eso oqo. Ni o wilika wase 35–40, vakaraica na veika a kerea na Turaga vei ira na Nona tamata me ra biuta ena loma ni valecavu, ka vakasamataka vakatitobu na veika e rawa ni matataka na iyaya oqo kei na veika era tukuna vei iko me baleta na tubu cake ena savasava. Vakasamataka vakabibi ena vagolea vakcava na nomu vakasama na veika oya vua iVakabula. E dua na teveli vakaoqo ena rawa ni vukei iko:

Na iyaya cava o kunea?	Na cava e tukuna tiko?
Na iyaya cava o kunea? Kato ni veiyalayalati (Lako Yani 37:1 – 9; 40:20 – 21)	Na cava e tukuna tiko? Na iserau ni Kalou; Nona veiyalayalati kei na ivakaro
Na iyaya cava o kunea? iCabocabo boi vinaka (Lako Yani 40:26 – 27; raica talega na Lako Yani 30:1, 6–8)	Na cava e tukuna tiko? Na masu e cabe cake vua na Turaga
Na iyaya cava o kunea? iDabedabe ni kadrala se itutunicina (Lako Yani 37:17 – 24)
Na iyaya cava o kunea? Cabocabo ni soro (Lako Yani 38:1 – 7; raica talega na Lako Yani 27:1; 29:10 – 14)
Na iyaya cava o kunea? Na taqe parasa ni wai (Lako Yani 30:17 – 21)

Kevaka o sa vakaitavi oti ena cakacaka vakalotu ni valetabu, na cava o vulica me baleta na valecavu mai na Lako Yani 35 – 40 e vakavotuya tiko vei iko na veika o sotava mai kina? (raica talega “Na Vakasama mo Nanuma Tiko: Na Valecavu kei na Solibula”). Vakasamataka vakatitobu na sala e vukei iko kina na veiyalayalati ni valetabu mo savasava cake me vaka na Tamada Vakalomalagi kei Jisu Karisito.

E dina sara, na noda tu ena veivanua tabu e sega ni vakasavasavataki keda. NaVunau ni Soro 19 e vakamacalataka na lawa kei na ivakaro e solia na Turaga me vukei ira na Isireli me ra tubu cake ena savasava. Na cava o raica ena ivakaro oqo ena rawa ni vukei iko mo savasava vakalevu cake? Na cava o vakila ni o vakauqeti mo cakava mo bulataka vakalevu cake kina na ivakavuvuli oqo?

Raica talega na Carol F. McConkie, “Na Totoka ni Yalosavasava,” Liaona, Me 2017, 9 – 12; “The Tabernacle” (vidio), ChurchofJesusChrist.org; Bible Dictionary, “Holiness”; temple.ChurchofJesusChrist.org.

Lako Yani 35:4–36:7

Sa kerei au na Turaga meu vakacacabo ena yaloqu taucoko.

Ena yabaki ni oti na nodra biuti Ijipita, na nodra veimaliwai na luvei Isireli vata kei Jiova e rawa ni vakamacalataki ni sega ni tudei tu. Ia, ni o wilika na Lako Yani 35:4–36:7, raica na nodra a vakaio na Isireli ki na ivakaro me tara na valecavu. Na cava o vulica mai vei ira na Isireli ka rawa ni vukei iko mo qarava vakavinaka cake na Turaga?

E vakavulica o Peresitedi Bonnie L. Oscarson: “na lewenilotu yadua e dodonu me kila ni ra gadrevi vakalevu. Na tamata kece e tu na veika bibi baleti ira ka rawa me ra vakayagatak nodra taledi kei na kaukauwa me ra tosoya na cakacaka bibi qo.” (”Goneyalewa ena Cakacaka,” Liaona, Me 2018, 37). Ni o wilika na Lako Yani 36:1 – 4, vakasamataka vakatitobu na veika sa “biuta” tu vei iko na Turaga. Vakasamataka mo tarogi Tamada Vakalomalagi ena veika sa solia vei iko o Koya mo rawa ni vakaitavi ena Nona cakacaka.

Era solia na luvei Isireli na ivakacacabo ki na valecavu ena “lomasoli (Lako Yani 35:5). Droini mai vei Corbert Gauthier, © Lifeway Collection/licensed from goodsalt.com

Vunau ni Soro 1:1 – 9; 16

Ena Veisorovaki nei Jisu Karisito, au rawa ni vosoti.

E vuqa na ivola ni vunau ni soro eda na rairai vulagi kina—na sorovaki ni manumanu yavaiva, na ivalavala ni sokalou ka oka kina na dra kei na wai, kei na lawa e lewai kina vakamatailalai ni bula. Ia na ivakarau kei na lawa oqo a nakiti me vakatavulica na ivakavuvuli e kilai— na veivutuni, na savasava, kei na Veisorovaki ni iVakabula. Vakasaqara na ivakavuvuli oqo ni ko wilika Vunau ni Soro 1:1–9; 16, vakasamataka na taro vaka oqo: na cava au rawa ni vulica mai na nona solibula o Jisu Karisito kei na Nona veisorovaki? Au na vakataki ira vakacava era solia na nodra bula? Mo vakasamataka ka railesuva na “Vakanananu mo Nanuma Tiko: Na Valecavu kei na Solibula” ena ivurevure oqo kei “Solibula” ena iDusidusi ki na iVolanikalou (scriptures. ChurchofJesusChrist.org).

Vakasama baleta na Vuli iVolanikalou Vakamatavuvale kei na Lotu Vakamatavuvale

Exodus 36:1–7.Ena Lako Yani 36:1–7, na cava eda vulica mai na sala era a vakaio kina na Isireli ki na ivakaro me tara na valecavu? Vaka matavuvale, sa rawa mo vakasamataka na sala sa sureti keda kina na Turaga meda vakaitavi ena nona cakacaka. E rawa vakacava ni da vakamuria na nodra ivakaraitaki na Isireli?

Na Lako Yani 40.Ni dou wilika vata na Lako Yani 40 , sa rawa mo sureti ira na lewe ni matavuvale me ra laveta na ligadra na gauna era rogoca kina edua na malanivosa me vaka “a vakarota na Turaga.” Na cava eda vulica mai na wase oqo me baleta na talairawarawa vua na Turaga?

Na Lako Yani 40:1–34.Ni o wilika me baleta na vakasoqoni vata ni valecavu ena Lako Yani 40, e rawa ni dou cakacaka vata me laurai na veitiki duidui ni valecavu, ka vakayagataka na iyaloyalo e salavata kei na ituvatuva oqo. Ni ko via semata na veivosaki oqo kei na sokalou ena valetabu ena noda gauna oqo, e rawa ni dou railesuva vata “Na Vuna era Tara Valetabu kina na Yalododonu Edaidai” (temples.ChurchofJesusChrist.org) se sarava na vidio “Valetabu” (ChurchofJesusChrist.org).

Vunau ni Soro 19.Na lewe ni matavuvale yadua me ra raica e dua na tikina ena wase oqo ka ra nanuma ni na vukei ira me ra “savasava” (Vunau ni Soro 19:2) ka wasea vei ira na matavuvale.

Me ikuri ni tukutuku ni vakavulici ni gone, raica na idusidusi ni macawa oqo ena Lako Mai, Mo Muri Au—Me Baleta na Lalai.

Sere Vakaturi: “Meu Savasava Tu,” Sere ni Lotu, naba 73.

Vakavinakataki ni Vuli Yadudua

Vakaraici Jisu Karisito. Na ivolanikalou kece sara, na Veiyalayalati Makawa sara mada ga, e vakadinadinataki Jisu Karisito. Ni o wilika na Veiyalayalati Makawa, vakasamataka na cava era rawa ni vakavulica vei iko na ivakatakilakila, na tamata, kei na veika e yaco me baleta na iVakabula.

The Ancient Tabernacle, mai vei Bradley Clark