Ammōn im Kiin̄ Lamonai, jān Scott M. Snow

Juun 22–28.

Alma 17–22

“Inaaj Kōm̧m̧ane Eok Kein Jerbal ilo Peiū”

Āinwōt Lamonai im ro jet ilo bwebwenato in raar bōk jetōbin oktak ilo mour, ajri ro kwoj katakin er remaron̄ bōk jetōbin en̄jake kōn jeje ko rekwojarjar me enaaj im̧we mour ko aer ilo iiō ko rej itok. Keememej menin ilo am̧ kejōkļo̧kjeņ elmen am̧ naaj katakin er.

Je En̄jake ko Rej Im̧we Eok

Kajjitōk n̄an Kwaļo̧k

Kwaļo̧k juon pija kōn m̧akūtkūt in ilo Alma 17–22 (lale unin tōl eo an wiik in ilo Itok, Ļoor Eō—N̄an Kajjojo Armej im Baam̧le ko). Kajjitōk ippān ajri ro n̄an jiron̄ eok kōn ta eo raar loe ilo pija eo.

Katakin Katak ko: Ajri ro Reddikļo̧k

Alma 17–19

Imaron̄ kwaļo̧k gospel eo n̄an ro jet.

Elmen an waanjon̄ok eo an ļōm̧aro nejin Mosaia maron̄ im̧we kūlaaj eo am̧ n̄an kwaļo̧k naan in kam̧ool ko aer n̄an ro jet?

Makūtkūt ko Maron̄ Kōm̧m̧ani

• Jipan̄ ajri ro m̧akūtkūt āinwōt Ammōn ilo bwebwenato in ilo Alma 17–19. Komaron̄ etal n̄an “Jebta 23: Ammōn: Juon Rikarejar Em̧m̧an” (Bwebwenato ko ilo Bok in Mormon, 64–68, ak video ko ilo ChurchofJesusChrist.org). Eļan̄n̄e kwoj ļōmņak bwe ajri ro remaron̄ kōņaan, bōktok nuknuk costume ko im kein ikkure tieta ko. Jiron̄ļo̧k ajri ro ta eo kwar ekkatak jān bwebwenato in, innām kajjitōk ippāer n̄an kōm̧m̧an ejja āinwōt.

• Kwaļo̧k juon kein jerbal ak tuuļ, im kōnono n̄an ajri ro kōn ta jerbal eo an. Ta tuuļ ko jet ajri ro rejeļā kake? Kajjitōk ippāer āinwōt n̄e rej kōjerbal juon tuuļ. Kōmeļeļeiki bwe ilo ad kōjerbal kein jerbal ko ak tuuļ ko n̄an kadedeļo̧k juon men, Jemedwōj Ilan̄ emaron̄ kōjerbal kōj n̄an kōm̧m̧ane jerbal eo An. Riiti Alma 17:11, im kōmeļeļeik bwe Ammōn im ļōm̧aro jein im jatin raar kein jerbal ilo pein Jemedwōj Ilan̄ n̄an jipan̄ Rileman ro jeļā kōn gospel eo.

• Kajjitōk ippān ajri ro n̄an ettōr n̄an juon jikin im āinwōt n̄e ren kōļļaļ ilo kōjem ko ilo am̧ kwaļo̧k bwebwenato in Abish ilo an etal jen em̧ n̄an em̧ im katakin armej ro kōn kajoor eo an Anij (lale Alma 19:16–34). Jipan̄ ajri ro ļōmņak kōn wāween ko remaron̄ in āinwōt Abish n̄an kwaļo̧k gospel eo n̄an ro jet.

• Kajjitōk ippān ajri ro n̄an jin̄aik juon pija in aer make kwaļo̧k gospel eo n̄an ro jet. Jipan̄ er ļōmņake men ko rekkar remaron̄ kwaļo̧ki. Al juon al ippān doon kōn kwaļo̧k gospel eo, āinwōt “I Want to Be a Missionary Now” (Children’s Songbook, 168). Leļo̧k n̄an er iien em̧m̧an n̄an kwaļo̧k en̄jake ko aer kōn men ko Ammōn eaar kwaļo̧ki.

Alma 17:21–25; 20:9–27

Imaron̄ jipan̄ ro jet itok n̄an Kraist ilo aō kwaļo̧k iakwe n̄an er.

Iakwe im jerbal in jipan̄ eo an Ammōn eaar kapidodoik būruwōn Kiin̄ Lamonai im jemen. Ta eo ajri ro remaron̄ ekkatak jān bwebwenato kein?

Makūtkūt ko Maron̄ Kōm̧m̧ani

• Kōmeļeļe ilo tukaduin Alma 17:21–25 n̄an ajri ro, kwaļo̧k bwe Ammōn eaar kōņaan jerbal n̄an Lamonai. Kajjitōk ippān ajri ro n̄an kwaļo̧k en̄jake ko n̄āāt eo raar jipan̄ ro jet. Kakeememej ajri ro bwe jerbal eo eļap an Ammōn eaar jipan̄ Kiin̄ Lamonai jeļā kōn gospel in (lale Alma 18:15–23). Kajjitōk ippān ajri ro n̄an ļōmņake juon eo remaron̄ jerbal n̄an e rainin, im kōnono elmen aer maron̄ jipan̄ armej eo.

• Jiron̄ ajri ro kōn bwebwenato eo ilo Alma 20:8–27. Komaron̄ kōjerbal “Jebta 24; An Ammōn ej Ioon Jemen Kiin̄ Lamonai” (Bwebwenato ko ilo Bok in Mormon, 69–70, ak video ko ilo ChurchofJesusChrist.org). Kajjitōk ippān ajri ro n̄an ļōmņake oktak in m̧akūtkūt ko remaron̄ kōm̧m̧ane kajjojo iien kwoj kōnono kōn Ammōn, Lamonai, ak jemen Lamonai. Kalikkar bwe juon iaan un eo bwe būruwōn jemen Lamonai en kar oktak kōnke Ammōn eaar kanooj iakwe Lamonai. Kajjitōk ippān ajri ro n̄an jin̄aik juon pija in juon men eo remaron̄ in kwaļo̧k aer iakwe n̄an ro jet.

Katakin Katak ko: Ajri ro Rerūttoļo̧k

Alma 17:1–4

Naan in kam̧ool eo aō ej eddōkļo̧k n̄e ij riiti jeje ko rekwojarjar, jar, im jitlo̧k.

Ļōm̧aro nejin Mosaia raar kajoor ilo gospel eo im raar kanooj mijenede ro rekajoor kōnke raar niknik ekkatak jeje ko rekwojarjar, jar, im jitlo̧k. Ejja men kein remaron̄ bar jipan̄ ajri ro kwoj katakin er.

Makūtkūt ko Maron̄ Kōm̧m̧ani

• Bōktok n̄an kūlaaj jet men me rej bōk jikin jeje ko rekwojarjar, jar, im jitlo̧k, āinwōt jeje ko rekwojarjar, pija in juon eo ej jar, im pija in m̧ōn̄ā, im kōmeļeļeik ta kajjojo men ko rej bōk jikier. Riiti Alma 17:1–4, im kajjitōk ippān ajri ro elmen an men kein kar jipan̄ ļōm̧aro nejin Mosaia. Elmen an riiti jeje ko rekwojarjar, jar, im jitlo̧k jipan̄ kōj epaakeļo̧k Jemedwōj Ilan̄?

• Kōjerbal topics index ilo Children’s Songbook n̄an jipan̄ ajri ro pukot al ko kōn ekkatak jeje ko rekwojarjar im jar. Al jet iaan al kein ippān doon, im jipan̄ ajri ro kalikkar ta eo al ko rej kwaļo̧k kōn elmen an men kein kōjeraam̧m̧an kōj.

Alma 17–18; 22:1–3

Imaron̄ jipan̄ ro jet itok n̄an Kraist ilo aō kwaļo̧k iakwe n̄an er.

Ammōn eaar kōņaan bwe en juon rijerbal n̄an Lamonai kar tōlļo̧k n̄an iien em̧m̧an n̄an katakin Lamonai ke būruwōn eaar peļļo̧k im pojak n̄an bōk gospel eo.

Makūtkūt ko Maron̄ Kōm̧m̧ani

• Jipan̄ ajri ro riiti eoon kein jān Alma 17:21–39 innām kwaļo̧k bwebwenato in jerbal eo an Ammōn n̄an Kiin̄ Lamonai. Kajjitōk ippān ajri ro n̄an pija armej ak m̧akūtkūt ko ilo bwebwenato eo innām kwaļo̧k bwebwenato eo ilo naan ko aer make. Jipan̄ ajri ro lo bwe jerbal in jipan̄ eo an Ammōn ekar im̧we kiin̄ eo (lale Alma 18:9–23). Ta eo jemaron̄ ekkatak jān bwebwenato in elmen jipan̄ ro jet bwe ren kōņaan jeļā eļapļo̧k kōn gospel in.

  

  Minerva K. Teichert (1888–1976), Ammon Saves the King’s Flocks, 1935–1945, oil on masonite, 35 x 48 inches. Brigham Young University Museum of Art

• Riiti Alma 22:1–3, im kajjitōk ippān ajri ro n̄an ron̄jake waanjon̄ok ko rem̧m̧an an Ammōn me ekar jelet jemen kiin̄ Lamonai. Kajjitōk ippāer n̄an ļōmņake ļo̧k juon eo rejeļā kajjien eo ej pād ilo aikuj n̄an jeļā kōn gospel in. Kwaļo̧k n̄an ajri ro bwe aer iakwe im waanjon̄ok ko rem̧m̧an remaron̄ jipan̄ armej in lo elmen an gospel in em̧m̧an. Jipan̄ ajri ro ļōmņake ļo̧k wāween ko remaron̄ kwaļo̧k waanjon̄ok im iakwe ko rem̧m̧an n̄an armej ro rej ļōmņaki.

• Kajjitōk ippān mijenede ro rej jerbal aolep raan ak juon mijenede eo ej kab ro̧o̧ltok n̄an kwaļo̧k bwebwenato eo an Ammōn ilo Alma 17–18. Kajjitōk ippāer n̄an kwaļo̧k ta eo raar ekkatak kōn jerbal in mijenede jān Ammōn im jerbale kōn kijejeto ko aer. Kōnono ippān ajri ro wāween ko remaron̄ in ļoor waanjon̄ok eo an Ammōn.

• Āinwōt juon kūlaaj, je juon laajrak ioon boot eo kōn men ko ajri ro remaron̄ jerbale ippān ro uwaan baam̧le eo. Elmen an naaj jerbal in jipan̄ kein kōjeraam̧m̧an aolepān baam̧le eo?

Alma 18:24–43; 19:16–34

Imaron̄ kwaļo̧k gospel eo n̄an ro jet.

Elmen am̧ maron̄ kōjerbal bwebwenato ko ilo eoon kein n̄an im̧we ajri ro n̄an erom̧ mijenede ro āinwōt kar Ammōn im Abish?

Makūtkūt ko Maron̄ Kōm̧m̧ani

• Kwaļo̧k pija ko rej bōk jikin jet iaan m̧ool ko Ammōn eaar kwaļo̧ki n̄an Kiin̄ Lamonai me ej waļo̧k ilo Alma 18:24–40 (lale peij in m̧akūtkūt eo an wiik in). Kajjitōk ippān ajri ro n̄an āinwōt n̄e rej mijenede n̄an kwaļo̧k ta eo rejeļā kōn m̧ool kein n̄an doon.

• Riiti bwebwenato in Abish n̄an ajri ro (lale Alma 19:16–20, 28–29). Kajjitōk ippān ajri ro n̄an bōk kūņaer āinwōt n̄e rej Abish ilo aer kōļļaļļaļ ilo kōjem in kūlaajruum̧ eo im kam̧ool ta eo eaar waļo̧k Alma 19:1–17. Elmen ad maron̄ āinwōt Abish n̄an kam̧ool kōn m̧ool ko jej jeļā?

Kōketak Ekkatak ilo M̧weo

Kajjitōk ippān ajri ro n̄an lukkuun kōm̧m̧ane juon kōttōbar ippān baam̧le eo aer n̄an kwaļo̧k gospel in ippān ro jet.

Kōkōm̧anm̧anļo̧k Ad Katakin

Bar ro̧o̧lļo̧k im lale kūr ko n̄an kōm̧m̧ane. N̄e kwoj kajjitōk ippān juon ajri n̄an kōm̧m̧ane ta eo raar ekkatak, bar ro̧o̧lļo̧k im lale kajjitōk eo ilo wiik eo tok juon. Menin ej kwaļo̧k n̄an ajri ro bwe kwoj kea elmen an gospel in kōjeraam̧m̧an mour ko aer. Ilo aer kwaļo̧k en̄jake ko aer, renaaj kajoor im naaj jipan̄ doon mour kōn gospel in (lale Teaching in the Savior’s Way, 35).