« ថ្ងៃទី ៩–១៥ ខែ សីហា ។ គោលលទ្ធិ និងសេចក្ដីសញ្ញា ៨៨ ៖ ‹ ចូរតាំង…គេហដ្ឋាននៃព្រះ ›» ចូរមកតាមខ្ញុំ—សម្រាប់ថ្នាក់បឋមសិក្សា ៖ គោលលទ្ធិ និង សេចក្ដីសញ្ញា ឆ្នាំ ២០២១( ឆ្នាំ ២០២០ )
« ថ្ងៃទី ៩–១៥ ខែ សីហា ។ គោលលទ្ធិ និង សេចក្តីសញ្ញា ៨៨ »ចូរមកតាមខ្ញុំ—សម្រាប់ថ្នាក់បឋមសិក្សា ៖ ឆ្នាំ ២០២១
ថ្ងៃទី ៩–១៥ ខែ សីហា
គោលលទ្ធិ និង សេចក្តីសញ្ញា ៨៨
« ចូរតាំង…គេហដ្ឋាននៃព្រះ »
គោលលទ្ធិ និង សេចក្តីសញ្ញា ៨៨:១១៨ប្រឹក្សាថា « បង្រៀនគ្នាទៅវិញទៅមកនូវពាក្យសម្ដីនៃប្រាជ្ញាវាងវៃ » ។ តើ « ពាក្យសម្ដីនៃប្រាជ្ញាវាងវៃ » នៅក្នុង គោលលទ្ធិ និងសេចក្តីសញ្ញា ៨៨ ហាក់ដូចជាទាក់ទងច្រើនបំផុតចំពោះកុមារដែលអ្នកបង្រៀនអ្វីខ្លះ ?
កត់ត្រាចំណាប់អារម្មណ៍របស់អ្នក
អញ្ជើញឲ្យចែកចាយ
សូមប្រាប់កុមារថាព្រះវរបិតាសួគ៌ និងព្រះយេស៊ូវគ្រីស្ទ មានព្រះទ័យចង់ឲ្យយើងបន្តរៀនសូត្រនៅក្នុងជីវិតរបស់យើង ។ បន្ទាប់មក សូមឲ្យពួកគេចែកចាយអំពីអ្វីមួយដែលពួកគេកំពុងរៀននៅឯផ្ទះ សាលារៀន ឬព្រះវិហារ ។
បង្រៀនគោលលទ្ធិ ៖ កុមារតូចៗ
គោលលទ្ធិ និង សេចក្តីសញ្ញា ៨៨:៦៣
ព្រះមានព្រះទ័យចង់ឲ្យខ្ញុំនៅជិតទ្រង់ ។
តើអ្នកអាចធ្វើអ្វីខ្លះដើម្បីជួយកុមារដែលអ្នកបង្រៀនឲ្យមានអារម្មណ៍ថាមានវត្តមានរបស់ព្រះនៅក្នុងជីវិតរបស់ពួកគេ ?
សកម្មភាពដែលអាចជ្រើសរើស
-
នៅពេលអ្នកអាន គោលលទ្ធិ និង សេចក្ដីសញ្ញា ៨៨:៦៣ សូមអញ្ជើញកុមារឲ្យសម្តែងតាមពាក្យដែលពួកគេបានឮ ។ ឧទាហរណ៍ ពួកគេអាចសម្តែងជារកមើលអ្វីមួយ ឬគោះទ្វារ ។
-
សូមឲ្យកុមារកាន់រូបភាពរបស់ព្រះយេស៊ូវ នៅខាងមុខថ្នាក់រៀន នៅពេលដែលកុមារផ្សេងទៀតឈរនៅពីក្រោយថ្នាក់ ។ សូមឲ្យកុមារបោះជំហានទៅមុខរាល់ពេលពួកគេឮអ្នកនិយាយអ្វីមួយដែលពួកគេអាចធ្វើ ដើម្បីមកកាន់តែជិតព្រះអង្គសង្រ្គោះ ហើយឈានថយក្រោយវិញ រាល់ពេលពួកគេឮអ្នកនិយាយអ្វីមួយដែលធ្វើឲ្យយើងនៅឆ្ងាយពីព្រះអង្គសង្រ្គោះ ។ សូមថ្លែងទីបន្ទាល់របស់អ្នកថា នៅពេលយើងព្យាយាមទៅជិតព្រះអម្ចាស់ នោះទ្រង់ក៏មកជិតយើងដែរ ។
គោលលទ្ធិ និង សេចក្ដីសញ្ញា ៨៨:១១៨
ព្រះវរបិតាសួគ៌មានព្រះទ័យចង់ឲ្យខ្ញុំរៀន ។
« ការអប់រំគឺជាផ្នែកមួយដ៏សំខាន់នៃផែនការរបស់ព្រះវរបិតាសួគ៌ ក្នុងការជួយអ្នកឲ្យប្រែក្លាយកាន់តែដូចទ្រង់ ។… ការអប់រំដែលអ្នកទទួលបាននឹងមានសារប្រយោជន៍ដល់អ្នកក្នុងអំឡុងពេលជីវិតរមែងស្លាប់ និងនៅក្នុងជីវិតបន្ទាប់ទៀត (ដើម្បីកម្លាំងនៃយុវជនទំព័រ៩).។
សកម្មភាពដែលអាចជ្រើសរើស
-
សូមដាក់បង្ហាញរូបភាពសាលារៀនមួយ ឬគូររូបភាពសាលារៀនមួយនៅលើក្តារខៀន ហើយសូមអញ្ជើញកុមារឲ្យចែកចាយថាតើអ្វីទៅជាសាលារៀន ហើយមានអ្វីកើតឡើងនៅទីនោះ ។ សូមប្រាប់ពីសាលារៀនដែលយ៉ូសែប ស្ម៉ីធ បានចាប់ផ្តើម ( សូមមើល ជំពូកទី ៣១ ៖ ព្យាការី និងវិវរណៈសម្រាប់សាសនាចក្រ » ដំណើររឿង គោលលទ្ធិ និងសេចក្ដីសញ្ញា ទំព័រ ១៩៩-២២ ) ។ សូមបង្ហាញរូបភាពផ្ទះ ព្រះវិហារ និងព្រះវិហារបរិសុទ្ធ ហើយសួរពួកគេថា តើកន្លែងទាំងនេះគឺដូចជាសាលារៀនយ៉ាងដូចម្តេច ។
-
សូមច្រៀងចម្រៀងមួយបទអំពីការរៀនសូត្រ ដូចជាបទ « ស្វែងរក គិត អធិស្ឋានសៀវភៅចម្រៀងកុមារទំព័រ ៦៦ ) ។ សូមសួរកុមារតើពួកគេរីករាយនឹងការរៀនអំពីអ្វី ។
-
សូមអាន គោលលទ្ធិ និងសេចក្ដីសញ្ញា ៨៨:១១៨ ហើយសូមគូសបញ្ជាក់ពីឃ្លា « បង្រៀនគ្នាទៅវិញទៅមក » ។ សូមចែកចាយប្រាជ្ញាដែលអ្នកបានរៀនពីកុមារម្នាក់ៗនៅក្នុងថ្នាក់របស់អ្នក ហើយសូមអញ្ជើញពួកគេឲ្យចែកចាយប្រាជ្ញាដែលពួកគេបានរៀន ។
រូបភាពកុមារកំពុងសិក្សាព្រះគម្ពីរយើងគួរតែស្វែងរកប្រាជ្ញា និងការរៀនសូត្រ ។
គោលលទ្ធិ និង សេចក្ដីសញ្ញា ៨៨:១១៩
ព្រះវិហារបរិសុទ្ធគឺជាដំណាក់របស់ព្រះ ។
សូមពិចារណាពីរបៀបដែលអ្នកនឹងជួយកុមារឲ្យមានសេចក្តីស្រឡាញ់ចំពោះព្រះវិហារបរិសុទ្ធ ហើយមានបំណងប្រាថ្នាចង់ថ្វាយបង្គំព្រះអម្ចាស់នៅទីនោះ នៅពេលពួកគេធំឡើង ។
សកម្មភាពដែលអាចជ្រើសរើស
-
សូមបង្ហាញដល់កុមារនូវរបៀបបង្កើត « កំពូល »ព្រះវិហារបរិសុទ្ធ ដោយការលើកដៃឡើងផ្គុំគ្នា ហើយយកចុងម្រាមដៃទៅប៉ះនឹងគ្នា ។ សូមអាន គោលលទ្ធិ និងសេចក្ដីសញ្ញា ៨៨:១១៩ ហើយសូមឲ្យកុមារធ្វើជារាងកំពូលរាល់ពេលពួកគេឮពាក្យ « គេហដ្ឋាន » ។ សូមពន្យល់ថា ព្រះវរបិតាសួគ៌មានព្រះទ័យចង់ឲ្យយ៉ូសែប ស្ម៉ីធ និងពួកបរិសុទ្ធសាងសង់ព្រះវិហារបរិសុទ្ធមួយឡើង ឬ « គេហដ្ឋាននៃព្រះ » មួយឡើង ។ សូមបង្ហាញរូបភាពព្រះវិហារបរិសុទ្ធមួយដែលនៅជិតៗ ខណៈអ្នកនិយាយអំពីភាពខុសគ្នារវាងព្រះវិហារបរិសុទ្ធ និងសាលាប្រជុំរបស់សាសនាចក្រ ។
-
សូមចែកចាយទីបន្ទាល់របស់អ្នកពីព្រះវិហារបរិសុទ្ធនេះ ហើយសូមច្រៀងជាមួយគ្នានូវបទចម្រៀងអំពីព្រះវិហារបរិសុទ្ធ ដូចជាបទ « ខ្ញុំចូលចិត្តមើលព្រះវិហារបរិសុទ្ធ » ( សៀវភៅចម្រៀងកុមារទំព័រ ៩៩ ) ។ សូមអញ្ជើញកុមារឲ្យគូររូបខ្លួនពួកគេផ្ទាល់កំពុងធ្វើដំណើរទៅកាន់ព្រះវិហារបរិសុទ្ធ ។
បង្រៀនគោលលទ្ធិ ៖ កុមារធំៗ
គោលលទ្ធិ និង សេចក្ដីសញ្ញា ៨៨:៦៨, ៧៤
ព្រះយេស៊ូវ គ្រីស្ទ អាចធ្វើឲ្យខ្ញុំស្អាតពីអំពើបាប ។
ញែកឲ្យបរិសុទ្ធមានន័យថា ត្រូវបានធ្វើឲ្យស្អាត និងបរិសុទ្ធ ។ តើអ្នកអាចជួយកុមារដែលអ្នកបង្រៀនឲ្យយល់ថា ពួកគេអាចញែកឲ្យបរិសុទ្ធ នៅពេលពួកគេធ្វើតាមព្រះយេស៊ូវ គ្រីស្ទ យ៉ាងដូចម្តេច ?
សកម្មភាពដែលអាចជ្រើសរើស
-
សូមអញ្ជើញកុមារម្នាក់ឲ្យអាន គោលលទ្ធិ និងសេចក្តីសញ្ញា ៨៨:៦៨ ឲ្យឮៗ ហើយកុមារម្នាក់ទៀតអាន ខទី ៧៤ ។ សូមឲ្យកុមារស្តាប់រកឃ្លាដែលមាននៅក្នុង-ខទាំងពីរនេះ ។ តើយើង « ញែកខ្លួនយើងជាបរិសុទ្ធ » យ៉ាងដូចម្តេច ? ( ប្រសិនបើចាំបាច់ សូមជួយកុមាររកមើល « ការញែកខ្លួនជាបរិសុទ្ធ » នៅក្នុងសេចក្តីណែនាំដល់បទគម្ពីរទាំងឡាយ ) ។ សូមគូររូបបេះដូង ដៃ និងជើងនៅលើក្តារខៀន ។ សូមជួយកុមារគិតអំពីអត្ថន័យនៃពាក្យ ដើម្បី « ឲ្យបានបរិសុទ្ធ » និង « លាង » ចិត្ត ដៃ និងជើងរបស់យើង ។ តើព្រះអង្គសង្រ្គោះជួយយើងធ្វើបែបនេះយ៉ាងដូចម្តេច ? តើយើងអាចប្រើចិត្ត ដៃ និងជើងរបស់យើងឲ្យក្លាយកាន់តែដូចទ្រង់យ៉ាងដូចម្តេចខ្លះ ?
-
សូមពន្យល់ថា ព្រះអម្ចាស់មានព្រះទ័យចង់ឲ្យប្រជារាស្រ្តរបស់ទ្រង់ត្រូវបានញែកខ្លួនជាបរិសុទ្ធ ពីមុនពួកគេអាចទៅព្រះវិហារបរិសុទ្ធបាន ។ សូមពិចារណាការអញ្ជើញយុវជន ឬយុវនារីដែលមានបណ្ណចូលព្រះវិហារបរិសុទ្ធមកលេងថ្នាក់របស់អ្នក ។ សូមអញ្ជើញពួកគាត់ឲ្យបង្ហាញដល់កុមារថាតើបណ្ណចូលព្រះវិហារបរិសុទ្ធមានទម្រង់ដូចម្តេច សូមពិភាក្សាពីរបៀបដែលពួកគាត់រស់នៅដើម្បីមានភាពស័ក្តិសមកាន់បណ្ណនេះ ហើយសូមចែកចាយហេតុអ្វីបានជាវាសារសំខាន់ដើម្បីមានបណ្ណចូលព្រះវិហារបរិសុទ្ធ ទោះបីជាយើងមិនរស់នៅជិតព្រះវិហារបរិសុទ្ធក្តី ។
គោលលទ្ធិ និង សេចក្ដីសញ្ញា ៨៨:៧៧–៨០, ១១៨
ព្រះវរបិតាសួគ៌មានព្រះទ័យចង់ឲ្យខ្ញុំរៀន ។
អ្នកអាចជួយកុមារយល់ថា ការរៀនសូត្រទាំងបញ្ហាខាងវិញ្ញាណ និងខាងសាច់ឈាមសំខាន់ អាចរៀបចំពួកគេឲ្យបម្រើព្រះអម្ចាស់ ។
សកម្មភាពដែលអាចជ្រើសរើស
-
សូមសរសេរនៅលើក្តារខៀននូវពាក្យអ្វីខ្លះហេតុអ្វីរបៀប។ សូមអញ្ជើញកុមារឲ្យអាន គោលលទ្ធិ និង សេចក្តីសញ្ញា ៨៨:៧៧-៧៩ជាដៃគូ ហើយធ្វើបញ្ជីមួយពីពាក្យ អ្វីខ្លះដែលព្រះអម្ចាស់ចង់ឲ្យយើងរៀន ។ បន្ទាប់មក សូមឲ្យពួកគេស្វែងរក ខទី ៨០ ដើម្បីរកមើលអំពី ហេតុអ្វីទ្រង់ចង់ឲ្យយើងរៀន ។ ពួកគេអាចស្វែងរក ខទី ១១៨ ដើម្បីស្វែងរកពីរបៀបដែលយើងគួររៀន ។ តើយើងរៀនអ្វីខ្លះ មកពីខគម្ពីរទាំងនេះអំពីរបៀបដែលព្រះអម្ចាស់តម្រិះមើលលើការអប់រំ និងការរៀនសូត្រ ?
-
សូមដាក់តាំងផែនទីពិភពលោក ហើយសូមអានជាមួយគ្នា គោលលទ្ធិ និង សេចក្ដីសញ្ញា ៨៨:៧៩ ។ ហេតុអ្វីវាសំខាន់ចំពោះយើងដើម្បីរៀនអំពីប្រទេសផ្សេង និងវប្បធម៌ផ្សេង ? ប្រសិនបើអ្នក ឬកុមារដែលអ្នកបង្រៀនធ្លាប់បានទៅលេង ឬ រស់នៅប្រទេសផ្សេង សូមបង្ហាញវត្ថុដែលតំណាងឲ្យវប្បធម៌ប្រទេសនោះ ហើយសូមចែកចាយអ្វីៗដែលអ្នកបានរៀន ។
គោលលទ្ធិ និង សេចក្ដីសញ្ញា ៨៨:១១៩-២៦
« ចូរតាំង…គេហដ្ឋាននៃព្រះ »
ការណែនាំរបស់ព្រះអម្ចាស់ទាក់ទងនឹង « គេហដ្ឋាននៃព្រះ » អាចជាការណែនាំដ៏មានអត្ថប្រយោជន៍មួយសម្រាប់យើង នៅពេលដែលយើងស្ថាបនាជីវិត និងគេហដ្ឋានរបស់យើងឡើង ។
សកម្មភាពដែលអាចជ្រើសរើស
-
សូមអញ្ជើញកុមារឲ្យជ្រើសរើសពាក្យប្រាំពីរម៉ាត់ដែលពិពណ៌នាពីគេហដ្ឋានរបស់ពួកគេ ឬផ្ទះដែលពួកគេបានទៅលេង ។ បន្ទាប់មកសូមឲ្យពួកគេអាន គោលលទ្ធិ និង សេចក្តីសញ្ញា ៨៨:១១៩ ហើយស្វែងរកពាក្យប្រាំពីរម៉ាត់ដែលព្រះអម្ចាស់បានពិពណ៌នាពីគេហដ្ឋានរបស់ទ្រង់ ។ សូមជួយកុមារឲ្យគិតពីវិធីទាំងឡាយដែលពួកគេអាចធ្វើឲ្យផ្ទះរបស់ពួកគេក្លាយជា « គេហដ្ឋាននៃព្រះ » ។
-
សូមឲ្យកុមារម្នាក់ៗនូវឃ្លាដកស្រង់ចេញពី គោលលទ្ធិ និង សេចក្ដីសញ្ញា ៨៨:១១៩-២៦ ដើម្បីគូរ ។ នៅពេលពួកគេបង្ហាញរូបភាពរបស់ពួកគេដល់គ្នាទៅវិញទៅមក សូមឲ្យកុមារស្វែងរកខគម្ពីរទាំងឡាយ ដើម្បីទស្សន៍ទាយថាតើរូបភាពនេះតំណាងឲ្យឃ្លាមួយណា ។
-
សូមសរសេរនៅលើក្តារខៀនធ្វើនិងមិនធ្វើ ។សូមអញ្ជើញកុមារអាន គោលលទ្ធិ និងសេចក្តី សញ្ញា ៨៨:១១៩-២៦ហើយសូមធ្វើបញ្ជីដែលព្រះអម្ចាស់មានព្រះទ័យចង់ឲ្យពួកបរិសុទ្ធធ្វើ ឬមិនត្រូវធ្វើ ដើម្បីរៀបចំរៀនសូត្រនៅក្នុងព្រះវិហារបរិសុទ្ធ ។ ពួកគេអាចមើលពាក្យដែលមិនស្គាល់នៅក្នុងវចនានុក្រម ។ សូមអញ្ជើញកុមារឲ្យជ្រើសរើសអ្វីមួយដែលពួកគេនឹងចាប់ផ្តើមធ្វើ ឬអ្វីមួយដែលពួកគេនឹងឈប់ធ្វើ ។
លើកទឹកចិត្តឲ្យមានការរៀនសូត្រនៅឯគេហដ្ឋាន
សូមអញ្ជើញកុមារឲ្យសរសេរ ឬគូររូបភាពពីអ្វីមួយដែលពួកគេបានរៀនដែលពួកគេចង់ចែកចាយជាមួយក្រុមគ្រួសាររបស់ពួកគេ ។
ការអភិវឌ្ឍន៍ការបង្រៀនរបស់យើង
សូមជួយកុមារតូចៗចូលរួមនៅក្នុងការពិភាក្សាដំណឹងល្អ ។ អ្នកអាចត្រូវគិតអំពីវិធីច្នៃប្រឌិតនានាដើម្បីចែកចាយការពិភាក្សាដំណឹងល្អជាមួយកុមារតូចៗ ។ ឧទាហរណ៍ អ្នកអាចយកអ្វីមួយមកថ្នាក់ដើម្បីឲ្យកុមារអាចកាន់នៅពេលដល់វេនពួកគេត្រូវនិយាយ ។