Mpangilio wa Kufundisha

Katika nyenzo hii, utapata mpangilio ufuatao wenye hatua‑tatu zinazojirudia katika kila muhtasari: alika kushiriki, fundisha mafundisho, na himiza kujifunza nyumbani. Mara nyingi, unapofundisha, vipengele vya mpangilio huu vinaweza kuingiliana au kutokea kwa utaratibu tofauti. Kwa mfano, fikiria kuwa kushiriki na wengine ni fursa ya kufundisha mafundisho, na kufundisha mafundisho kunapaswa kuhusishe mialiko ya kushiriki. Vivyo hivyo, kuhimiza kujifunza nyumbani kunaweza kutokea katika mjadala mzima wa darasa. Ruhusu marekebisho katika mpangilio huu yatokee kiuhalisia, ukifuata ushawishi wa Roho ili kukidhi mahitaji ya watoto unaowafundisha.

Alika Kushiriki

Kama sehemu ya kila darasa, waalike watoto kuelezea hisia zao, utambuzi, uzoefu na shuhuda kuhusu kanuni unazofundisha. Maoni yao yanaweza kujumuisha uzoefu ambao wamepata wakijifunza nyumbani. Unaweza pia kurejea kile walichojifunza wiki iliyopita na kuuliza jinsi kilivyogusa maisha yao.

Fundisha Mafundisho

Njoo, Nifuate—Kwa Ajili ya Watu Binafsi na Familia inaweza kukusaidia kuelewa vizuri zaidi mafundisho ambayo utawafundisha watoto. Fikiria mistari gani ya maandiko, dondoo, uzoefu, maswali, na nyenzo zingine ambazo unaweza kuzitumia ili kuwasaidia watoto kujifunza na kutenda juu ya kanuni za injili. Tafuta njia za ubunifu kuwasaidia wawe na msisimko juu ya kile wanachojifunza.

Himiza Kujifunza Nyumbani

Kwa sababu nyumbani ni kitovu cha kujifunza injili, mojawapo ya malengo yako kama mwalimu wa Msingi ni kuhimiza kujifunza nyumbani. Ni kwa jinsi gani unaweza kuwasaidia watoto kushiriki na familia zao kile walichojifunza darasani? Ni kwa jinsi gani unaweza kuwahimiza watoto na wazazi wao kuendelea kujifunza kutoka katika Mafundisho na Maagano nyumbani?