“Eberi 3–9. Itita: ‘Te Ruanimate, E Nga Am Tokanikai?,’” Nakomai, Iriirai—Ibukin te Moanrinan: Te Nu Tetamenti 2023 (2022)
“Eberi 3–9. Te Itita,” Nakomai, Iriirai—Ibukin te Moanrinan: 2023
Eberi 3–9
Itita
“Te Ruanimate, E Nga Am Tokanikai?”
Kabongana am tai ma ataei ni buokiia n nora te Itia bwa te tai ni kukurei iroun te Tia Kamaiu ao ni kananoa aia kakaitau ibukin Ana anga karea. Iango ake n te kabwarabwara aei e kona ni bibitaki ni buokiko n reireia ataei n aia roro nako.
Kaunga te Tibwatibwa
Kaota tamnein te Tia Kamaiu i Ketetemwane, iaon te kaibangaki, ao imwiin mangautina (taraa te tamnei n te kabwarabwara n te wiiki aei inanon Nakomai, Iriirai—Ibukiia Aomata n Tatabemaniia ao Utu ao Gospel Art Book, nambwa. 56–60). Tuangiia ataei bwa a na tibwa are ataia n te bwai ae riki n te tamnei.
Reirei te Reirei: Ataei aika a Uarereke Riki
Iesu Kristo bon au Tia Kamaiu.
Ngkai ko wareka taekan Ana Mwakuri ni Kamaiu Iesu Kristo, iangoia bwa ko na kanga ni buokiia ataei n namakinna mwaitin ana tangira Iesu ibukiia.
Waaki ni Kakukurei aika a Kona ni Karaoaki
-
Kaota tamnein Iesu, ao tuangiia ataei bwa a na tibwaia bwa tera ae ataia iaon te bwai are E karaoia ibukira. Kaota am koaua iaon ana tangira te Tia Kamaiu ao Mwaakana ni kamaiura man ara bure. Taua ieta te tirotaam, ao kariaia ataei bwa a na taraia temanna imwiin temanna. Ngkai a karaoa anne ataei, atonga, “Iesu e tangira [atan te ataei], ao E kona ni buoka [atan te ataei] ni manga maeka ma Tamara are i Karawa.”
-
Kaota tamnein Iesu Ngke E Tataro i Ketetemwane (Gospel Art Book, nambwa 56) ngkai ko karakina karakinan Iesu ngke e korakai i Ketetemwane ibukn aia bure kaain aonaaba (taraa Mataio 26:36–46; Ruka 22:39–44). Taekina koauana bwa ibukin Korakaina, a kona ni kabwaraaki ara bure ngkana ti karaoi rinerine aika a kairua. Ko kona naba ni kabonganaa “Mwakoro 51: Iesu E Korakai n te Onaroka i Ketetemwane” (inanon Karaki man te Nu Tetemanti, 129–32, ke te witeo ae e irekereke ma ngaia iaon ChurchofJesusChrist.org).
-
Uaia n anenea te anene n taekan ana tangira Iesu ibukira, n aron “I Feel My Savior’s Love” (Aia Boki n Anene Ataei, 74–75). Buokiia ataei ni katebenakoi taeka man te anene ake a kabwarabwaraa ana tangira te Tia Kamaiu. Tera ae e buokiira n namakina Ana tangira? Ti na kangaa ni buokiia tabeman n namakina Ana tangira?
E a Manga Uti,, iroun Greg Olsen
Ibukina bwa e mate Iesu ao E a manga uti, N na manga maiu.
Ko na kanga ni buokiia ataei ni mataata bwa ibukin Iesu Kristo, ngaira ao aomata aika ti tangiriia ti na bane ni mangauti n te bong teuana?
Waaki ni Kakukurei aika a Kona ni Karaoaki
-
Reireiniia ataei karakin te Itita ni kabonganai tamnein Kristo i Ketetemwane, iaon te kaibangaki, ao imwiin manga utina (taraa Gospel Art Book, nambwa 56–60 ao te tamnei ae bwanin n te iteraniba inanon te kamataata n te wiiki aei inanon Nakomai, Iriirai—Ibukiia Aomata n Tatabemaniia ao Utu). Kariaia tabeman ataei n taua ieta te tamnei ngkai ko karakina te karaki. Tuangiia ataei taekaia tabeman aomata ake a nora Iesu imwiin mangautina, n aron Maria (taraa Ioane 20:1–18) ke Toma (taraa Ioane 20:24-29).
-
Taungiia ataei bwa bukin tera ti bukamarua te Itita. Kamataataa bwa n tain te Itita ti bukamarua te bong are e a mangauti iai Iesu Kristo. Titiraki ngkana iai te ataei ae e tangiria n tibwaia bwa tera ae a kakaraoia aia utu ni kauringa manga utin Iesu Kristoa.
-
Kabwarabwaraa bwa te mangauti nanona te manga maiu imwiin matera. Kaota am koaua bwa ibukin Iesu Kristo, tina manga kautaki—ti na manga maiu imwiin matera, ao n aki kona ni manga mate.
-
Kabongana nangoan te bai n reireiniia ataei bwa ti bane ni karekei rabwatara (nangoan te bai e tei ibukin te rabwata) ao te tamnei (e tei ibukin te bai). Ngkana ti mate, tamneira ao rabatara a maenako. Tamneira e reitinako ni maiu, ma rabwatara e aki. Ngkana ti a manga kautaki, tamneira ao rabatara a manga bootaki. Kariaia ataei bwa a na reke aia tai temanna imwin temanna ni karina baia inanon nangoan te bai ao ni manga butia.
-
Uaia n anenea anenen te Itia, n aron “Did Jesus Really Live Again?” ke “Jesus Has Risen” (Aia Boki n Anene Ataei, 64, 70), ao kaota nakoia ataei tamnein Iesu imwiin manga Utina (taraa Gospel Art Book, nambwa 59–61).
-
Kaota tamnein te aomata temanna ae ko kinaa ae e a tia ni mate. Kaota am koaua bwa teuanne ke neienne e na manga kautaki ibukin Ana Mwakuri ni Kamaiu Iesu Kristo.
-
Bane mataku n te witeo “Jesus Is Resurrected” ke “The Risen Lord Appears to the Apostles” (ChurchofJesusChrist.org). Ke kaota te witeo teuana iaon te Itita ae e kuneaki n Easter.ComeuntoChrist.org.
Reirei te Reirei: Ataei aika a Ikawai Riki
E korakai Iesu ibukiu i Ketetemwane ao iaon te kaibangaki.
Ngkai ko kamatebwaia koroboki aika a tabu n te wiiki aei, iangoia bwa ko na kangaa ni buokiia ataei ni karikirake aia onimaki iaon Iesu Kristo ao Ana Mwakuri ni Kamaiu.
Waaki ni Kakukurei aika a Kona ni Karaoaki
-
Wareware ma ataei n Ruka 22:39–44 ao kiibu tabeua aika a rineaki man Mataio 27:29–50. Kaoiia bwa a na kakaai taeka ake a buokiia ni mataata bwa tera ae e rinanona te Tia Kamaiu i Ketetemwane ao iaon te kaibangaki.
-
Buokiia ataei bwa a na kamatenanoa taekan te onimaki te kateniua. Kaota am koaua bwa iai mwaakan Iesu Kristo ni kamaiura man ara bure ao man te mate.
-
Buokiia ataei ni katauraoi marooro aika uarereke iaon Ana Mwakuri ni Kamaiu Iesu Kristo are a kona n tibwauaia ma tabeman. Kaungaia bwa a na kaira te kibu man booki aika tabu ao aia koaua n aia marooro. Ngkana a tangira buokaia, a na konaa ni wareka “Karaoa te mwakuri ni Kamaiu, Mwakuri ni Kamaiu” inanon Bwai ni Kairi nakon Koroboki aika Tabu (scriptures.ChurchofJesusChrist.org).
Ibukina bwa e mate Iesu ao E a manga uti, N na manga maiu.
Ataei ake ko reireiniia n te bong teuana a na rinanon maten temanna ae a tangiria ngkana a tuai n rinanona. Buokiia bwa a na ataia ae ibukina bwa e a mangauti Iesu Kristo, ti na manga bane ni manga kautaki.
Waaki ni Kakukurei aika a Kona ni Karaoaki
-
Kaoti tamnei n nambwa 57–59 inanon te Gospel Art Book, ao tuangiia ataei bwa a na katiteboi tamnei ma kiibu aikai: Mataio 27:29–38, 59–60; Ioane 20:10–18.
-
Kaoiia ataei ni bon wareka irouia “Te Mangauti” inanon Bwai ni Kairi nakon Koroboki aika Tabu (scriptures.ChurchofJesusChrist.org). ao kakaei bwaai ae a tangiria bwa a na reireiniia iai aia utu. Anganiia ataei te tai bwa a na tibwa te bwai ae a kunea.
-
Buokiia ataei n noria n te intekiti n atuun reirei n aia Boki n Anene Ataei ni kakaea te anene ae a tangiria n aneneia iaon Iesu Kristo ke te Mangauti. Bootaki ni anene, ao tuangiia ataei bwa tera ae a reiakina man te anene aei.
-
Kaota te witeo “Jesus Is Resurrected” (ChurchofJesusChrist.org), ao kaoiia tabeman ataei bwa a na tibwa aia koaua iaon ana Mwakuri ni Kamaiu ao Mangauti te Tia Kamaiu. (Ko na bae n tuangiia ataei bwa a na karaoa aei inanon tabeua te bong imwaain te kiraati bwa aonga ni tauraoi.) Kaoiia ataei bwa a na korei aia koaua are a na tibwaia ni mweengaia.
Kaungaa te Kamatebwai n te Mweenga
Ni buokiia ataei n tibwa te bwai are a reiakinna ma aia utu, kaungaia bwa a na anenea te anene iaon Iesu Kristo ni mweengaia n te wiiki aei.
Kanakoraoan Ara Anga reirei
Ana reiakinaki riki ataei man kaokiokana. Tai maaku ni kaokioki waaki ni kakukurei n te tai ae mwaiti, riki ma ataei aika a uarereke. Kaokiokan te bwai teuana e na buokiia ataei n uringa te bwai are ko reirei iaona.