“Tianuare 24–30. Mote 7: ‘Ao te Uea E Arania Ana Aomata Bwa Tion,’” Nakomai, Iriirai—Ibukin te Moanrinan: Te O Tetemanti 2022 (2021)
“Tianuare 24–30. Mote 7,” Nakomai, Iriirai—Ibukin te Moanrinan: 2022
Love One Another (Itangitangiri Imarenami), iroun Emma Donaldson Taylor
Tianuare 24–30
Mote 7
“Ao te Uea E Arania Ana Aomata Bwa Tion”
Moana am katauraoi man warekan Mote 7. Nakomai, Iriirai—Ibukiia Aomata n Tatabemaniia ao Utu e kona ni buokiko ni kamatatako n te mwakoro aei, ao iango aika oti inano a kona n anganiko iango n aron reiakinaia nakoia ataei.
Korei Am Namakin
Kaunga te Tibwatibwa
Kabanea tabeua te miniti bwa ko na rinanona ma ataei te bwai ae ataia ibukin te burabeti Enoka—n raonaki ma te bwai ae a reiakinna n te reirei n te wiiki ae nako. Ngkana e na ibuobuo, kaota te tamnei man te kamataata n te wiiki aei n Nakomai, Iriirai—Ibukiia Aomata n Tatabemaniia ao Utu.
Reirei te Reirei: Ataei aika a Uarereke
E tangiria te Atua bwa ti na itaitangiri imarenara.
Kiibu aikai a kabwarabwara aroia aomata mai i Tion. Ko na kanga ni buokiia ataei bwa a na moanna ni karikirakei katei aikai?
Waaki ni Kakukurei aika Kona ni Karaoaki
-
Tibwauai aia karaki ana aomata Enoka man “Enoka te Burabeti” (inanon Karaki man te O Tetemanti), ke kariaia ataei bwa ana taekina te karaki n oin aia taeka ni kabongana tamnein Enoka n te kamataata n te wiiki aei n Nakomai, Iriirai—Ibukiia Aomata n Tatabemaniia ao Utu. Ko kona naba n aneneia ma ataei te kauoua ni kibu n “Ira te Burabeti” (Aia Boki n Anene Ataei, 110–11) ni karekea te karaki.
-
Buokiia ataei bwa ana iangoi mwakuri aika a kaineti nakon te kibu n taeka “ti teuana nanoia ao teuana aia iango” (Mote 7:18). Kabwarabwara bwa te kibu n taeka aei e nanonaki bwa ana aomata Enoka a bwaina te tangira ao te akoi imarenaia. Kaoia bwa ana kabongana te iteraniba ibukin waaki ni kakukurei ni korea te kawai ae a kona iai ni kaota te tanrigira.
-
Anenea te anene iaon tangirakimi bon iroumi, n aron “Love at Home” (Boki n Anene, nambwa. 294). Uoti tamnei ake a kabwarabwarai kibu n taeka aika kakawaki ni buokiia ataei n reiakin taeka. Tuangiia ataei bwa ana tibwauai kawai aika a kona ni kaota iai te tangira nakoia imarenaia n te Moanrinan ao ni mwengaia. Ao imwiina tuangiia bwa ana katea kain aia iango n te kaotioti.
Ti riai ni kekeiaki n riki n ti “teuana nanora ao teuana ara iango” (Mote 7:18).
E tabeakiniia Natina te Atua.
Ko kona ni buokiia ataei n reireiniia ae Tamara are i Karawa ao Iesu Kristo a tabe ibukira ao ara mwakuri.
Waaki ni Kakukurei aika Kona ni Karaoaki
-
Buokiia ataei n iangoi bwaai ake a kakukureia Tamara are i Karawa. Wareka Mote 7:28 ma ataei, ao kabwarabwara ae e nanokawaki Tamara are i Karawa bukina bwa a bane ni buakaka aomata (tarai kiibu 32–33).
-
Kariaia ataei bwa ana korea tamnein te ubu ae kukurei n iteran te beeba are teuana ao te ubu ae nanokawaki n iterana are teuana. Aran tabeua mwakuri aika raoiroi, n aron taekinan te tataro, ao tabeua aika a buakaka, n aron taekinan te kewe, ao tuangakiia ataei bwa ana katea te ubu ae kukurei ke e nanokawaki ni kaotia bwa a kanga aia namakin Tamara are i Karawa ao Iesu Kristo ibukin rinerine n tatabeua nako.
-
Kaoia ataei bwa ana karaoa te takakaro are a katei n te kaotioti kain bwaai aika a kona ni karaoi are e kakukureia Tamara are i Karawa happy. Tuangiia ataei riki tabeman bwa ana ketina te bwai ae a karaoia. Tibwauaia ma ataei n tatabemaniia nako te bwai ae ko a tia n noriia iai ni karaoa te bwai ae kakukureiai Tamara are i Karawa.
E nako Iesu nako aon te aba.
Inanon miina, Enoka e noori boong aika kaitira, n irianaki ma Kauaokin Te Tia Kamaiu. Ko na kanga ni buokiia ataei ni kakantaninga te Kauaoki?
Waaki ni Kakukurei aika Kona ni Karaoaki
-
Tuangiia ataei bwa a na iangoia bwa e na roko te irua ae onoti ni kawariia. Tera ae ana karaoia ni katauraoia ibukin te roko? Tibwauai ana taeka te Uea nakon Enoka n Mote 7:60: “N [na] roko ni boong aika kaitira.” Tera tabeua kawai aika ti kona ni katauraoira iai ibukin manga okin Iesu?
-
Kaoti tamnei n taai ngke e kaoti te Tia Kamaiu nakoia aomata (taraa Gospel Art Book, nambwa 60, 82, 83, ao 84). Tera ae a karaoia aomata n taian tamnei? Ana kanga aia namakin aomata ngke a kaitibo ma Iesu? Kariaia ataei bwa ana tibwaua aron aia namakin iroun Iesu ngkana E a manga oki.
-
Anenea te anene iaon taekan Mangaokin te Tia Kamaiu, n aron “When He Comes Again” (Aia Boki n Anene Ataei, 82–83), ao titirakiniia ataei aia iango ngkana e a mangaoki Iesu.
Reirei te Reirei: Ataei aika a Ikawai Riki
Ti kona ni katiteuanaaki n aroia ana aomata Tion.
Ngkana ko wareka taekan Tion, iango iaon katooto n te katiteuanaaki are ko a tia n noria. Ko na kanga ni buokiia n reireiniia ataei ni katiteuanaaki n aroia a na aomata Enoka?
Waaki ni Kakukurei aika Kona ni Karaoaki
-
Tuangiia ataei bwa ana kakaei taeka aika ana kabwarabwarai ana aomata Enoka, ae ataaki naba bwa Tion, ngkai a wareka Mote 7:18. Koroi taeka aikai bwa atuun rongorongo iaon te burakibooti, ao kaoia ataei bwa ana koreia, iaan atuuia n tatabeua nako, bwaai aika a kona ni karaoi bwa aonga n riki n aron ana aomata Enoka. Imwiin aia tibwatibwa, titirakiniia ataei bwa ana kanga ni karaoa mwengaia n riki n aron Tion. A kona ni kakaei tabeua iango inanon 4 Nibwaai 1:15–18.
-
Tuangiia ataei bwa ana wareka mwaitin te tai ae otioti iai te taeka “Tion” n Mote 7:18–21, 62–63, 68–69. N tainako ngkana e kaoti te taeka, buokiia ataei n ataia bwa tera ae taekinna te taeka anne ibukin Tion (taraa naba te Kairi nakon Koroboki aika Tabu, “Zion,” scriptures.ChurchofJesusChrist.org). Ti na kanga n riki n aroia aomata aika a kabwarabwaraaki inanon kiibu aikai?
-
Kabongana te iteraniba ibukin waaki ni kakukurei n te wiiki aei ni buokiia ataei n iangoi kawai aika a kona n ti “teuana nanoia ao teuana aia iango” (taraa Mote 7:18).
E tang te Atua ibukiia Natina.
Ko na kanga ni buokiia ataei ni kakoaua bwa e tabe te Atua ibukira ao ara mwakuri?
Waaki ni Kakukurei aika Kona ni Karaoaki
-
Tirirakiniia ataei te bwai ae karika tangin te Atua (taraa Mote 7:28–31). Kaoia ataei bwa ana ukeukera Mote 7:32–33, 37 ibukin rekeia. Tera ae a reireiniira kiibu aikai n aron ana namakin te Atua ibukiia Natina? Ti kanga n ataia bwa e tangiriira te Atua? Tibwaua am koaua n ana tangira te Atua ibukira.
-
Kakiba te baeki ni biin ke te boro nakon te ataei. Tuangaia teuanne ke neienne bwa e na kabanea te kibuntaeka “I kona ni kakukureia te Atua man …” ao manga kakiba te bwai anne nakon te ataei are temanna. Kaokiokia ni karokoa a bane n tia n reke aia tai ataei.
Iesu Kristo e na manga oki riki ni boong aika kaitira.
Ngkana ko wareka taekan te Kauaoki inanon Mote 7:60–67, iangoia bwa ko na kanga n reireiniia ataei ibukina n te kawaki ae kakukurei.
Waaki ni Kakukurei aika Kona ni Karaoaki
-
Bootaki ni wareka Mote 7:60–67, ao buokiia ataei n atai bwaai aika e taekin te Uea bwa ana riki ni boong aika kaitira. Titirakiniia bwa tera mai ibuakon bwaai aika ana riki aikai aika ingainga nanoia nako iai ao bukin tera.
-
Kaoia ataei bwa a na taekina te tai ngke a tataninga ibukin temanna bwa a na kawaria ke n okira mwengaia. E kanga aia namakin ataei? Tera ae a karaoia bwa aonga n tauraoi? Ti na kanga ni katarauraoira bwa ti na noora riki Iesu?
-
Kaota tamnein Kauaokin te Tia Kamaiu (ibukin te katooto, taraa Gospel Art Book, nambwa 66). Tuangiia ataei bwa ana korei oin aia tamnei iaon te Kauaoki, ae boboto iaon te bwai ae a warekia n Mote 7:60–67.
Kaungaa te Kamatebwai n te Mweenga
Ko na kanga ni kaungaiia ataei ao aia utu n reitinako ni kamatebwai man te O Tetemanti ni mwengaia? Ibukin te katooto, a kona ataei n tibwaua te bwai teuana ae a kakiba ke ni karan n te Moanrinan bwa mwakoron te reirei n te tairiki n te tairiki.
Kanakoraoan Ara Anga reirei
Buokiia ataei bwa ana marurung. “Ngkai ko reireiniia ataei, anganiia bwa a na katei, korei, karan, ao ni karaoi bwaai. Bwaai aikai a raka riki nakon waaki ni kakukurei—bwaai aika a kakaawaki bwa ana reiakinaki” (Reirei n ana Kawai te Tia Kamaiu, 25).