« ថ្ងៃទី ២៨ ខែ មីនា–ថ្ងៃទី ៣ ខែមេសា ។ និក្ខមនំ ៧–១៣ ៖ ‹ ចូរនឹកចាំពីថ្ងៃនេះ គឺពីថ្ងៃដែលអ្នករាល់គ្នាបានចេញពីស្រុកអេស៊ីព្ទ › » ចូរមកតាមខ្ញុំ—សម្រាប់ថ្នាក់អង្គការបឋមសិក្សា ៖ ព្រះគម្ពីរសញ្ញាចាស់ ឆ្នាំ ២០២២ ( ឆ្នាំ ២០២១ )
« ថ្ងៃទី ២៨ ខែ មីនា–ថ្ងៃទី ៣ ខែ មេសា ។ និក្ខមនំ ៧–១៣ » ចូរមកតាមខ្ញុំ—សម្រាប់ថ្នាក់អង្គការបឋមសិក្សា ៖ ឆ្នាំ ២០២២
ការរចនារូបភាពនៃម៉ូសេ និង អើរ៉ុន នៅក្នុងតុលាការរបស់ព្រះចៅផារ៉ោនដោយ រ៉ូប៊ើតធី បារេត
ថ្ងៃទី ២៨ ខែ មីនា–ថ្ងៃទី ៣ ខែ មេសា
និក្ខមនំ ៧–១៣
« ចូរនឹកចាំពីថ្ងៃនេះ គឺពីថ្ងៃដែលអ្នករាល់គ្នាបានចេញពីស្រុកអេស៊ីព្ទ »
នៅពេលបងប្អូនអាន និក្ខមនំ ៧–១៣ ចូរគិតអំពីសេចក្តីពិតនៅក្នុងជំពូកនេះពង្រឹងសេចក្តីជំនឿរបស់បងប្អូន ទៅលើព្រះយេស៊ូវ គ្រីស្ទយ៉ាងម៉េច ។ តើបងប្អូនអាចជួយកុមារដែលបងប្អូនបង្រៀនឲ្យមានបទពិសោធន៍ស្រដៀងគ្នានេះដោយរបៀបណា ?
កត់ត្រាចំណាប់អារម្មណ៍របស់បងប្អូន
អញ្ជើញឲ្យចែកចាយ
ដាក់រូបភាពបីបួនដែលតំណាងឲ្យអ្វីនៅក្នុង និក្ខមនំ ៧–១៣ ( ដូចជា កង្កែប បក្សី និងសត្វចៀម ) នៅខាងក្រោមកម្រាលនៅលើតុ ។ សូមអញ្ជើញកុមារបីបួននាក់យករូបភាពមួយ ពីក្រោមកម្រាលតុ ហើយអញ្ជើញសិស្សឲ្យចែកចាយអំពីអ្វីដែលពួកគេបានរៀនអំពីរូបភាពនេះនៅឯគេហដ្ឋានសប្តាហ៍នេះ ។
បង្រៀនគោលលទ្ធិ ៖ កុមារតូចៗ
ព្រះអម្ចាស់មានព្រះចេស្ដាលើអ្វីៗគ្រប់យ៉ាង ។
ពួកសាសន៍អ៊ីស្រាអែល ត្រូវបានចាប់ជាឈ្លើយ ហើយមិនអាចរំដោះខ្លួនរបស់ពួកគេបានឡើយ ប៉ុន្តែព្រះអម្ចាស់បានបង្ហាញព្រះចេស្តារបស់ទ្រង់និងបានរំដោះពួកគេ ។ តើបងប្អូនអាចប្រើរឿងនេះដើម្បីជួយកុមារឲ្យទុកចិត្តទៅលើព្រះអម្ចាស់ និងព្រះចេស្តារបស់ទ្រង់ដោយរបៀបណា ?
សកម្មភាពដែលអាចជ្រើសរើស
-
សូមអានខគម្ពីរដែលបានជ្រើសរើសមកពី និក្ខមនំ ៧–១១ ដើម្បីបង្រៀនដល់កុមារអំពីគ្រោះចង្រៃទាំងដប់ដែលព្រះម្ចាស់បញ្ជូនមក លើ ស្រុកអេស៊ីព្ទ ( សូមមើលផងដែរ ព្យាការីម៉ូសេ » នៅក្នុង ដំណើររឿងព្រះគម្ពីរសញ្ញាចាស់ ) ។ សូមអញ្ជើញកុមារឲ្យគូររូបដែលពិពណ៌នាអំពីគ្រោះចង្រៃមួយចំនួន ។ សូមឲ្យកុមារលើករូបភាពរបស់ពួកគេឡើងនៅពេលបងប្អូនរំឮកពីគ្រោះចង្រៃទាំងនោះឡើងវិញ ។ សូមអានឃ្លាមកពី និក្ខមនំ ៧:៥ និង ៩:១៤ ដើម្បីពន្យល់អំពីមូលហេតុដែលព្រះអម្ចាស់បានបញ្ជូនគ្រោះចង្រៃមកកាន់ស្រុកអេស៊ីព្ទ ។
-
សូមចែកចាយជាមួយកុមារអំពីរបៀបដែលព្រះអម្ចាស់បានបង្ហាញដល់បងប្អូន « នៅគ្រប់លើផែនដី គ្មានអ្នកឯណាដូច [ អញ ] ឡើយ » ( និក្ខមនំ ៩:១៤ ) ។ សូមឲ្យកុមារចែកចាយអំពីរបៀបដែលពួកគេដឹងថា ព្រះអម្ចាស់មានព្រះចេស្តា ។
ពិធីសាក្រាម៉ង់ជួយខ្ញុំឲ្យចងចាំព្រះយេស៊ូវ ។
ពិធីបុណ្យរំលងបង្រៀនសាសន៍អ៊ីស្រាអែលអំពីព្រះអង្គសង្គ្រោះនិង ការពលិកម្មដែលនៅថ្ងៃមួយទ្រង់នឹងធ្វើសម្រាប់យើង ។ សព្វថ្ងៃនេះយើងបានទទួលទានសាក្រាម៉ង់ ដើម្បីចងចាំពីពលិកម្មរបស់ព្រះយេស៊ូវ ។
ពិធីសាក្រាម៉ង់ជួយយើងចងចាំអំពីព្រះយេស៊ូវ គ្រីស្ទ ។
សកម្មភាពដែលអាចជ្រើសរើស
-
សូមឲ្យកុមាររៀបរាប់ឈ្មោះវត្ថុនានាដែលយើងធ្វើដើម្បីជាការចងចាំពីព្រឹត្តិការសំខាន់ៗ ដូចជាថ្ងៃកំណើតនិងថ្ងៃឈប់សម្រាក ។ សូមអាន និក្ខមនំ ១៣:១០ ហើយពន្យល់ថាព្រះអម្ចាស់បានសុំកុមារនៃអ៊ីស្រាអែលឲ្យប្រារព្ធពិធីអបអរនៃពីធីបុណ្យរំលងរៀងរាល់ឆ្នាំដើម្បីជួយពួកគេចងចាំថាទ្រង់បានសង្គ្រោះពួកគេចញពីស្រុកអេស៊ីព្ទ ។ តើវិធីមួយចំនួនដែលយើងអាចចងចាំថា ព្រះយេស៊ូវបានសង្គ្រោះយើងពីអំពើបាបនិងសេចក្តីស្លាប់មានអ្វីខ្លះ ?
-
ប្រសិនបើអាចសូមទៅមើលតុសាក្រាម៉ង់ជាមួយកុមារ និងនិយាយអំពីរបៀបដែលពិធីសាក្រាម៉ង់បានជួយយើងនឹកចាំពីព្រះយេស៊ូវ គ្រីស្ទ ។ សូមច្រៀងរួមគ្នានូវបទ « The Sacrament » ( សៀវភៅចម្រៀងកុមារ ៧២ ) ឬ ចម្រៀងគារវភាពផ្សេងទៀតអំពីព្រះយេស៊ូវ គ្រីស្ទ ។ សូមជួយកុមារឲ្យស្គាល់អារម្មណ៍សុខសាន្តដែលពួកគេមាននៅពេលដែលពួកគេគិតអំពីព្រះអង្គសង្គ្រោះ ហើយអញ្ជើញឲ្យពួកគេឲ្យស្វែងរកអារម្មណ៍ នោះនៅពេលដែលពួកគេទទួលទានសាក្រាម៉ង់ ។
-
សូមឲ្យក្រដាសមួយសន្លឹកដល់កុមារជាមួយពាក្យដែលសរសេរពីលើថា « ខ្ញុំអាចនឹកចាំពីព្រះយេស៊ូវគ្រីស្ទ នៅក្នុងអំឡុងពេលសាក្រាម៉ង់ដោយ … » ។ សូមអញ្ជើញកុមារឲ្យគូររូបមួយដែលពួកគេអាចមើលនៅក្នុងអំឡុងពេលពិធីសាក្រាម៉ង់ដើម្បីជួយពួកគេនឹកចងចាំដល់ព្រះយេស៊ូវ ។
បង្រៀនគោលលទ្ធិ ៖ កុមារធំៗ
ព្រះអម្ចាស់មានព្រះចេស្ដាដើម្បីរំដោះខ្ញុំ ។
កុមារប្រឈមមុខនឹងឧបសគ្គ ហើយត្រូវការព្រះអម្ចាស់ជួយដល់ពួកគេ ។ ដំណើររឿងគ្រោះចង្រៃទាំងដប់ដែលព្រះអម្ចាស់បានបញ្ជូនមកដើម្បីដោះលែងសាសន៍អ៊ីស្រាអែល អាចជួយកុមារឲ្យយល់ថាទ្រង់ក៏មានព្រះចេស្តាដើម្បីជួយពួកគេផងដែរ ។
សកម្មភាពដែលអាចជ្រើសរើស
-
សូមឲ្យក្រដាសមួយសន្លឹកដល់កុមារ ហើយបែងចែកជាដប់វគ្គ ហើយអញ្ជើញកុមារឲ្យគូររូបភាពនៃគ្រោះចង្រៃដែលបានពិពណ៌នានៅក្នុងខគម្ពីរទាំងនេះ ៖ និក្ខមនំ ៧:១៧–១៨; ៨:១–៤; ៨:១៦–១៧; ៨:២០–២២; ៩:១–៦; ៩:៨–៩; ៩:២២–២៣; ១០:៤–៥; ១០:២១–២២; ១១:៤–៧ ។ តើគ្រោះចង្រៃបង្រៀនយើងអ្វីខ្លះអំពីព្រះចេស្តារបស់ព្រះ ? ហេតុអ្វីវាសំខាន់ដើម្បីដឹងអំពីព្រះចេស្តារបស់ទ្រង់ ?
-
សូមសួរកុមារអំពីគ្រានានា នៅពេលដែលពួកគេបានទទួលអារម្មណ៍ថាពួកគេបានត្រូវការជំនួយមកពីព្រះអម្ចាស់ ។ តើទ្រង់អាចជួយយើងនៅក្នុងស្ថានភាពទាំងនេះដោយរបៀបណា ? សូមលើកទឹកចិត្តពួកគេឲ្យនិយាយអំពីគ្រានានាដែលពួកគេ ឬក្រុមគ្រួសាររបស់ពួកគេ ដែលមានបទពិសោធន៍អំពីព្រះចេស្តារបស់ព្រះអម្ចាស់នៅក្នុងជីវិតរបស់ពួកគេ ។ សូមថ្លែងទីបន្ទាល់របស់បងប្អូនថា ព្រះអម្ចាស់មានព្រះចេស្តាដើម្បីជួយយើង ។
ព្រះអម្ចាស់អាចជួយខ្ញុំដើម្បីមានដួងចិត្តទន់ភ្លន់ ។
ផារ៉ោនបានជ្រើសរើសមានចិត្តរឹងរូស នៅពេលព្រះអម្ចាស់បានប្រាប់ទ្រង់ឲ្យដោះលែងកូនចៅអ៊ីស្រាអែល ។ តើបងប្អូនអាចបំផុសគំនិតដល់កុមារដែលបងប្អូនបង្រៀនឲ្យជ្រើសរើសដើម្បីមានចិត្តទន់ភ្លន់ ដូច្នេះទើបពួកគេនឹងមានឆន្ទៈដើម្បីបម្រើព្រះអម្ចាស់និងធ្វើតាមឆន្ទៈរបស់ទ្រង់ដោយរបៀបណា ?
សកម្មភាពដែលអាចជ្រើសរើស
-
សូមធ្វើបញ្ជីមួយអំពីសកម្មភាពមួយចំនួនដែលអាចបង្ហាញថាយើងមានចិត្តរឹងរូសជាមួយសិស្ស ( ឧទាហរណ៍ វាយគ្នាជាមួយបងប្អូនបង្កើត ឬមានចិត្តមិនចង់អធិស្ឋាន ) ។ តើយើងអាចបង្ហាញព្រះអម្ចាស់ថា យើងមានឆន្ទៈចង់មានដួងចិត្តទន់ភ្លន់យ៉ាងដូចម្ដេចខ្លះ ?
បុណ្យរំលង គឺជានិមិត្តសញ្ញានៃព្រះចេស្តានៃដង្វាយធួនរបស់ព្រះយេស៊ូវគ្រីស្ទ ។
បុណ្យរំលងបានបង្រៀនកូនចៅអ៊ីស្រាអែល ថាព្រះអម្ចាស់បានរំដោះ ពួកគេចេញពីស្រុកអេស៊ីព្ទ ។ បុណ្យរំលង ក៏ជានិមិត្តរូបនៃពលិកម្មដ៏ធួនរបស់ព្រះយេស៊ូវ គ្រីស្ទ ដែលបានរំដោះយើងចេញពីអំពើបាប និងសេចក្តីស្លាប់ ។ សព្វថ្ងៃនេះពិធីសាក្រាម៉ង់ជួយយើងឲ្យនឹកចាំអំពីពលិកម្មរបស់ព្រះយេស៊ូវ គ្រីស្ទ សម្រាប់យើង ។ ការបង្រៀនកុមារអំពីបុណ្យរំលង អាចជួយពួកគេឲ្យមានបទពិសោធន៍ប្រកបដោយអត្ថន័យជាមួយនឹងពិធីសាក្រាម៉ង់ ។
សកម្មភាពដែលអាចជ្រើសរើស
-
សូមឲ្យកុមារមួយចំនួនអាន និក្ខមនំ ១១:៥–៦ ដើម្បីរៀនអំពីគ្រោះចង្រៃចុងក្រោយដែលព្រះអម្ចាស់បានបញ្ជូនមកលើសាសន៍អេស៊ីព្ទ ។ សូមឲ្យកុមារផ្សេងទៀតអាន និក្ខមនំ ១២:៣ ;៥–៧;១៣ ដើម្បីរៀនអំពីរបៀបដែលកុមារនៃសាសន៍អ៊ីស្រាអែលត្រូវបានសង្គ្រោះពីគ្រោះចង្រៃនោះ ។
-
ដើម្បីជួយកុមារយល់ថា ព្រះអង្គសង្គ្រោះគឺជាកូនចៀម ដែលបានសង្គ្រោះយើង សូមបង្ហាញរូបភាពនៃកូនចៀម ។ សូមឲ្យកុមារអាន និក្ខមនំ ១២:៣–៧ ដើម្បីដឹងថាសត្វចៀមប្រភេទអ្វី ដែលព្រះចង់ឲ្យរាស្រ្តរបស់ទ្រង់ប្រើសម្រាប់អាហារបុណ្យរំលង ។ តើសត្វចៀមនោះដូចទៅនឹងព្រះយេស៊ូវយ៉ាងដូចម្តេចខ្លះ ? ( ឧទាហរណ៍ ព្រះយេស៊ូវល្អឥតខ្ចោះ ហើយព្រះយេស៊ូវបានបង្ហូរព្រះលោហិត ដើម្បីសង្គ្រោះយើង ) ។ តើនិមិត្តសញ្ញាអ្វីខ្លះទៀតដែលជួយយើងគិតអំពីព្រះយេស៊ូវ គ្រីស្ទ ?
-
សូមអានការអធិស្ឋាននៃពិធីសាក្រាម៉ង់ជាមួយគ្នា ( សូមមើល គោលលទ្ធិ និងសេចក្ដីសញ្ញា ២០:៧៧,៧៩ ) ។ តើពិធីសាក្រាម៉ង់ស្រដៀងគ្នាទៅនឹងពិធីបុណ្យរំលងយ៉ាងដូចម្ដេចខ្លះ ? តើយើងអាចធ្វើអ្វីដើម្បីគិតអំពីព្រះយេស៊ូវ នៅក្នុងអំឡុងពេលសាក្រាម៉ង់ ?
5:28 -
សូមចែកចាយទំនុកតម្កើងនៃពិធីសាក្រាម៉ង់មួយដែលបងប្អូនពេញចិត្តជាងគេ ( សូមមើល ទំនុកតម្កើង, លេខ. ១៦៩–៩៦ ) ហើយថ្លែងអំពីរបៀបដែលវាបានជួយបងប្អូនឲ្យចងចាំពីពលិកម្មរបស់ព្រះអង្គសង្គ្រោះ ។ សូមអញ្ជើញកុមារឲ្យចែកចាយទំនុកតម្កើតមួយដែលបានជួយពួកគេ ដូចគ្នា ។
សូមលើកទឹកចិត្តឲ្យមានការរៀនសូត្រនៅឯគេហដ្ឋាន
សូមអញ្ជើញកុមារឲ្យចែកចាយជាមួយគ្រួសាររបស់ពួកគេនូវអ្វីដែលពួកគេបានរៀនអំពីព្រះយេស៊ូវ គ្រីស្ទនៅក្នុងអំឡុងពេលថ្នាក់អង្គបឋមសិក្សាថ្ងៃនេះ ។
ការកែលម្អការបង្រៀនរបស់យើង
សូមជួយកុមារឲ្យស្រមើស្រមៃអំពីដំណើររឿងមួយ ។ នៅពេលកុមារស្រមៃពីរូបភាពមួយអំពីអ្វីដែលពួកគេបានរៀន នោះធ្វើឲ្យពួកគេអាចចងចាំបានកាន់តែល្អជាង ។ សូមរិះរកវិធីផ្សេងៗដើម្បីជួយកុមារឲ្យធ្វើការស្រមើស្រមៃពីដំណើររឿងមួយ នៅក្នុងព្រះគម្ពីរដោយប្រើប្រាស់សម្ភារជំនួយចក្ខុ ដូចជាការគូរូបភាពគំនូរ វីដេអូ តុក្កតាឬគំនូរព្រាង ។