« ថ្ងៃទី ១១–១៧ ខែ មេសា ។ បុណ្យអ៊ីសស្ទើរ ៖ ‹ ទ្រង់នឹងបំផ្លាញសេចក្តីស្លាប់ឲ្យសូន្យបាត់ទៅជាដរាប › » ចូរមកតាមខ្ញុំ—សម្រាប់ថ្នាក់អង្គការបឋមសិក្សា ៖ ព្រះគម្ពីរសញ្ញាចាស់ ឆ្នាំ ២០២២ ( ឆ្នាំ ២០២១ )
« ថ្ងៃទី ១១–១៧ ខែ មេសា ។ បុណ្យអ៊ីសស្ទើរ » ចូរមកតាមខ្ញុំ—សម្រាប់ថ្នាក់អង្គការបឋមសិក្សា ៖ ឆ្នាំ ២០២២
រចនារូបភាព ផ្នូរទទេ ដោយ ម៉ារីណា គ្រីស្ទឈីកូ
ថ្ងៃទី ១១–១៧ ខែ មេសា
បុណ្យអ៊ីស្ទើរ
« ទ្រង់នឹងបំផ្លាញសេចក្តីស្លាប់ ឲ្យសូន្យបាត់ទៅជាដរាប »
នៅពេលបងប្អូនរៀបចំបង្រៀន សូមពិចារណាអំពីរបៀបជួយកុមារបង្កើនការយល់ដឹងដ៏ស៊ីជម្រៅ និងទីបន្ទាល់នៃដង្វាយធួននៃព្រះយេស៊ូវ គ្រីស្ទ ។
កត់ត្រាចំណាប់អារម្មណ៍របស់បងប្អូន
អញ្ជើញឲ្យចែកចាយ
សូមសួរកុមារថាតើក្រុមគ្រួសាររបស់ពួកគេបានធ្វើអ្វីខ្លះ ដើម្បីប្រារព្ធពិធីបុណ្យអ៊ីសស្ទើរ ។ តើពួកគេបានធ្វើអ្វីខ្លះដើម្បីចងចាំអំពីការរស់ឡើងវិញរបស់ព្រះយេស៊ូវ គ្រីស្ទ ?
បង្រៀនគោលលទ្ធិ ៖ កុមារតូចៗ
ព្រះយេស៊ូវគ្រីស្ទគឺជាព្រះអង្គសង្រ្គោះរបស់ខ្ញុំ ។
ថ្ងៃអាទិត្យបុណ្យអ៊ីសស្ទើរ គឺជាឱកាសមួយដ៏ល្អ ដើម្បីបង្រៀនកុមារអំពី ដង្វាយធួនរបស់ព្រះអង្គសង្គ្រោះនៅក្នុងសួនច្បារគែតសេម៉ានី និងការសុគតរបស់ទ្រង់នៅលើឈើឆ្កាង ។ រឿងនេះអាចជួយពួកគេឲ្យមានអារម្មណ៍នៃសេចក្ដីស្រឡាញ់របស់ព្រះយេស៊ូវចំពោះពួកគេ ។
សកម្មភាពដែលអាចជ្រើសរើស
-
សូមបង្ហាញរូបភាព របស់ព្រះអង្គសង្គ្រោះនៅក្នុង គម្រោងមេរៀនសប្ដាហ៍នេះ នៅក្នុង ចូរមកតាមខ្ញុំ—សម្រាប់បុគ្គលម្នាក់ៗ និងក្រុមគ្រួសារ ឬ រូបភាពការពលិកម្មរបស់ព្រះអង្គសង្គ្រោះ ( សូមមើល សៀវភៅរូបភាពដំណឹងល្អ ល.រ. ៥៦, ៥៧, ៥៨ ) ហើយសូមឲ្យកុមារចែកចាយជាមួយបងប្អូននូវអ្វីដែលពួកគេដឹងអំពីព្រឹត្តិការណ៍ដែលបានពិពណ៌នានៅក្នុងរូបភាព ។ សូមប្រាប់កុមារអំពីការរងទុក្ខរបស់ព្រះយេស៊ូវ នៅក្នុងសួនច្បារគែតសេម៉ានី និងនៅលើឈើឆ្កាង ( សូមមើល ម៉ាថាយ ២៦:៣៦-៤៦; ២៧:៣៥-៥០; លូកា ២២:៣៩-៤៦; យ៉ូហាន ១៩:១៦–៣០;« ជំពួកទី ៥១ ៖ ព្រះយេស៊ូវគ្រីស្ទរងទុក្ខនៅក្នុងសួនច្បារគែតសេម៉ានី » នៅក្នុង ដំណើររឿងព្រះគម្ពីរសញ្ញាថ្មី ( ទំព័រ ១២៩–១៣២ ) ។ សូមចែកចាយទីបន្ទាល់របស់បងប្អូនថា ព្រះយេស៊ូវ ស្ម័គ្រព្រះទ័យរងទុក្ខ និងសុគតសម្រាប់យើង ពីព្រោះទ្រង់ស្រឡាញ់យើង ។ សូមអញ្ជើញឲ្យកុមារចែកចាយនូវអារម្មណ៍របស់ពួកគេអំពីព្រះយេស៊ូវ គ្រីស្ទ ។
-
សូមអាន យ៉ូហាន ១០:៩ ទៅកាន់កុមារដោយសង្កត់ធ្ងន់ទៅលើព្រះបន្ទូលរបស់ព្រះយេស៊ូវ « ខ្ញុំជាទ្វារ » ។ ពីព្រោះព្រះយេស៊ូវបានរងទុក្ខសម្រាប់អំពើបាបរបស់យើង ទ្រង់សុគត ហើយមានព្រះជន្មរស់ឡើងវិញ ទ្រង់ធ្វើឲ្យពួកយើងម្នាក់ៗអាចរស់នៅជាមួយព្រះម្តងទៀត ។ សូមប្រើទ្វារបន្ទប់រៀនរបស់បងប្អូន ដើម្បីបង្រៀនថាព្រះយេស៊ូវ គឺដូចជា មាត់ទ្វារ ដែលអនុញ្ញាតឲ្យយើងត្រឡប់ទៅរកព្រះវរបិតាសួគ៌វិញ ។
-
សូមអាន អេសាយ ៥៣:៦ ដល់កុមារ ហើយសូមបង្ហាញរូបភាព ឬ គំនូររបស់សត្វចៀម ។ សូមឲ្យកុមារម្នាក់ដាក់រូបភាពនៅជ្រុងម្ខាងនៃបន្ទប់ដែលឆ្ងាយជាងគេ ។ សូមពន្យល់ថានៅពេលដែលយើងជ្រើសរើសខុស យើងវង្វេងចេញឆ្ងាយពីព្រះវរបិតាសួគ៌ ដូចសត្វចៀមដែលវង្វេងដូច្នោះដែរ ។ បន្ទាប់មកអញ្ជើញកុមារឲ្យនាំចៀមត្រឡប់មកវិញ ហើយថ្លែងទីបន្ទាល់របស់បងប្អូនថា ដោយសារការរងទុក្ខរបស់ព្រះយេស៊ូវ គ្រីស្ទ និងការសុគត សម្រាប់យើង នោះទ្រង់អាចនាំយើងឲ្យត្រឡប់ទៅជួបព្រះវរបិតាសួគ៌វិញ ។ ( បងប្អូនអាចបង្ហាញរូបភាពនៃព្រះយេស៊ូវជាអ្នកគង្វាលចៀម ដូចជា រូបភាព លេខ ៦៤ នៅក្នុង សៀវភៅរូបភាពដំណឹងល្អ ) ។
-
សូមច្រៀងចម្រៀងមួយបទជាមួយកុមារអំពីព្រះយេស៊ូវ គ្រីស្ទ ដូចជាបទ « ខ្ញុំស្គាល់ក្តីស្នេហ៍ព្រះសង្គ្រោះ » សៀវភៅចម្រៀងកុមារ ទំព័រ ៤២–៤៣ ) ។ សូមជួយកុមារកត់សម្គាល់អំពីអារម្មណ៍នៃភាពសុខសាន្ត និង សេចក្តីស្រឡាញ់ដែលពួកគេមានកាលដែលពួកគេកំពុងច្រៀង ។ ហើយក៏សូមចង្អុលបង្ហាញពាក្យនានានៅក្នុងបទចម្រៀងដែលពិពណ៌នាអំពីសេចក្តីស្រឡាញ់របស់ព្រះអង្គសង្គ្រោះ ។ តើយើងអាចចែកចាយសេចក្តីស្រឡាញ់របស់ទ្រង់ជាមួយនឹងមនុស្សដទៃបានដោយរបៀបណា ?
ព្រះយេស៊ូវបានសុគត ហើយបានមានព្រះជន្មរស់ឡើងវិញសម្រាប់ខ្ញុំ ។
តើបងប្អូនអាចជួយកុមារឲ្យរៀនថា ដោយសារការមានព្រះជន្មរស់ឡើងវិញរបស់ព្រះគ្រីស្ទ នោះយើងនិងមនុស្សជាទីស្រឡាញ់របស់យើងអាចរស់ឡើងវិញនៅថ្ងៃណាមួយដោយរបៀបណា ?
ថ្ងៃដ៏អាប់អួរនៅគាល់កូថា ដោយ ជេ ឃើក រីឆាដ
សកម្មភាពដែលអាចជ្រើសរើស
-
សូមប្រាប់កុមារអំពីការសុគតនិងការរស់ឡើងវិញរបស់ព្រះយេស៊ូវ ( សូមមើល ម៉ាកុស ១៥-១៦ ) ។ សូមប្រើរូបភាពនៅក្នុងគម្រោងមេរៀនសប្តាហ៍នេះ រូបភាព ៥៧–៦០ នៅក្នុង សៀវភៅរូបភាពដំណឹងល្អ ឬ « ជំពូកទី ៥៤ ៖ ព្រះយេស៊ូវ បានមានព្រះជន្មរស់ឡើងវិញ » នៅក្នុង រឿងពីព្រះគម្ពីរសញ្ញាថ្មី ( ទំព័រ ១៣៩–១៤៤ ) ដើម្បីជួយកុមារមើលឃើញ ដំណើររឿង ។
-
សូមជួយកុមារយល់ថា ការរស់ឡើងវិញមានន័យថា បន្ទាប់ពីយើងស្លាប់ យើងនឹងរស់នៅម្តងទៀតជារៀងរហូតជាមួយរូបកាយដ៏ឥតខ្ចោះហើយនឹងមិនស្លាប់ទៀតឡើយ ។ សូមចែកចាយទីបន្ទាល់របស់បងប្អូនអំពីការរស់ឡើងវិញ ហើយសូមឲ្យកុមារបំពេញកិច្ចការទំព័រសកម្មភាពសម្រាប់សប្ដាហ៍នេះ ។ សូមអញ្ជើញកុមារឲ្យប្រើវាដើម្បីចែកចាយដំណើររឿងនៃការមានព្រះជន្មរស់ឡើងវិញរបស់ព្រះយេស៊ូវជាមួយក្រុមគ្រួសាររបស់ពួកគេ ។
-
សូមអាន អាលម៉ា ៤០:២៣ ឲ្យកុមារស្ដាប់ ។ បង្ហាញដៃដែលពាក់ស្រោមដៃរបស់បងប្អូនដល់ពួកគេ ។ សូមប្រាប់ពួកគេថាដៃរបស់បងប្អូន គឺដូចជាវិញ្ញាណ ហើយស្រោមដៃគឺដូចជារូបកាយ ។ ដោះស្រោមដៃចេញដើម្បីបង្ហាញថា នៅពេលយើងស្លាប់ វិញ្ញាណរបស់យើង និងចាកចេញពីរូបកាយរបស់យើង ។ សូមពាក់ស្រោមដៃវិញដើម្បីជាតំណាងនៃការរស់ឡើងវិញ ។
-
សូមច្រៀងជាមួយគ្នានូវចម្រៀងមួយបទអំពីការមានព្រះជន្មរស់ឡើងវិញរបស់ព្រះយស៊ូវ គ្រីស្ទ ដូចជាបទ « តើព្រះយេស៊ូវរស់ឡើងវិញឬ ?ឬ « ព្រះយេស៊ូវបានរស់ឡើងវិញ ( សៀវភៅចម្រៀងកុមារ៤៥,៤៤ ) ។ សូមថ្លែងទីបន្ទាល់របស់បងប្អូនថា ដោយសារតែព្រះយេស៊ូវ គ្រីស្ទ យើងនឹងបានរស់ឡើងវិញម្តងទៀតហើយនឹងមានរូបកាយដ៏ឥតខ្ចោះបន្ទាប់ពីយើងស្លាប់ ។
បង្រៀនគោលលទ្ធិ ៖ កុមារធំៗ
ព្រះយេស៊ូវ គ្រីស្ទបានរងទុក្ខដើម្បីខ្ញុំ ។
កាលបងប្អូនសិក្សាអំពីដង្វាយធួនរបស់ព្រះអង្គសង្គ្រោះ សូមពិចារណាអំពីរបៀបដែលបងប្អូនអាចជួយកុមារឲ្យយល់អំពីរបៀបដែលព្រះអង្គសង្គ្រោះ អាចប្រទានពរ និង ពង្រឹងដល់ពួកគេ ។
សកម្មភាពដែលអាចជ្រើសរើស
-
សូមបំបែកកុមារជាបីក្រុម ហើយឲ្យវគ្គបទគម្ពីរមួយដល់ក្រុមនីមួយៗ ដូចខាងក្រោម ៖ អេសាយ ៥៣:៤–១២, អាលម៉ា ៧:១១–១៣, និង គោលលទ្ធិ និង សេចក្តីសញ្ញា ១៩:១៦-១៩ ។ សូមអញ្ជើញកុមារឲ្យរកមើលពាក្យនានា និង ឃ្លាដែលពិពណ៌នាអំពីការណ៍ទាំងឡាយ ដែលព្រះយេស៊ូវ គ្រីស្ទ បានរងទុក្ខដើម្បីយើង ។ សុំឲ្យពួកគេសរសេរចម្លើយរបស់ពួកគេនៅលើក្តារខៀន ហើយចែកចាយ អារម្មណ៍របស់ពួកគេអំពីព្រះអង្គសង្គ្រោះ បន្ទាប់ពីអានព្រះគម្ពីរទាំងនេះហើយ ។
-
សូមរៀបចំចម្រៀកក្រដាស ។ លើក្រដាសពាក់កណ្តាលសូមសរសេរសេចក្ដីយោងនៅក្នុងព្រះគម្ពីរសញ្ញាចាស់នៃការព្យាករណ៍អំពីព្រះយេស៊ូវ គ្រីស្ទ ។ ពាក់កណ្តាលទៀត សូមសរសេរសេចក្ដីយោងដូចគ្នានេះនៅក្នុងព្រះគម្ពីរសញ្ញាថ្មីអំពីរបៀបដែលការព្យាករណ៍ទាំងនេះបានបំពេញ ។(គម្រោងមេរៀនសប្ដាហ៍នេះ នៅក្នុង ចូរមកតាមខ្ញុំ—សម្រាប់បុគ្គល និងក្រុមគ្រួសារ សូមរៀបរាប់ឧទារហណ៍មួយចំនួន ) ។ សូមអញ្ជើញកុមារឲ្យអានខគម្ពីរទាំងនេះ ហើយផ្គូផ្គង ការព្យាករណ៍ទាំងឡាយជាមួយនឹងការបំពេញរបស់ពួកគេ ។
-
សូមជួយកុមារឲ្យទន្ទេញចាំមាត្រាទីបីនៃសេចក្ដីជំនឿ ។ តើខគម្ពីរនេះបានបង្រៀនយើងអ្វីខ្លះអំពី ដង្វាយធួនរបស់ ព្រះយេស៊ូវ គ្រីស្ទ និងផែនការរបស់ព្រះវរបិតាសួគ៌សម្រាប់បុត្រាបុត្រីរបស់ទ្រង់ ?
-
សូមសួរកុមារអំពីរបៀបដែលពួកគេនឹងពិពណ៌នាអំពីដង្វាយធួននៃព្រះយេស៊ូវគ្រីស្ទចំពោះនរណាម្នាក់ ។ សូមលើកទឹកចិត្តពួកគេឲ្យប្រើព្រះគម្ពីរ ទំនុកតម្កើង ឬ រូបភាព ដើម្បីបញ្ជាក់អំពីអត្ថន័យនៃការបូជាដ៏ធួនរបស់ព្រះអង្គសង្គ្រោះចំពោះពួកគេ ។ តើយើងបានទទួលពរជ័យ ពីព្រោះដង្វាយធួនរបស់ព្រះអង្គសង្គ្រោះដោយរបៀបណា ?
ព្រះយេស៊ូវបានសុគត ហើយបានមានព្រះជន្មរស់ឡើងវិញសម្រាប់ខ្ញុំ ។
ភាពពិតនៃការមានព្រះជន្មឡើងវិញរបស់ព្រះយេស៊ូវ គ្រីស្ទ អាចនាំមកនូវសេចក្តីសង្ឃឹម និង សេចក្តីអំណរដ៏អស្ចារ្យសម្រាប់យើង—ជាពិសេស នៅពេលដែលយើងធ្លាប់មានមនុស្សជាទីស្រឡាញ់របស់យើងទទួលរមណភាព ។ តើបងប្អូនអាចជួយកុមាររកឃើញនូវការលួងលោមនៅក្នុងការរស់ឡើងវិញដោយរបៀបណា ?
សកម្មភាពដែលអាចជ្រើសរើស
-
ដាក់តាំង រូបភាព ៥៧–៥៩ នៅក្នុង សៀវភៅរូបភាពដំណឹងល្អ ។ សូមឲ្យកុមារផ្គូរផ្គងរូបភាពជាមួយបទគម្ពីរខាងក្រោម៖ ម៉ាថាយ ២៧:២៩–៣៨; ម៉ាថាយ ២៧:៥៩–៦០ និង យ៉ូហាន ២០:១១–១៨ ។ បន្ទាប់មកអញ្ជើញកុមារឲ្យដំណាលរឿងនៃការសុគត ការបញ្ចុះសព និងការរស់ឡើងវិញរបស់ព្រះយេស៊ូវ ជាពាក្យសម្តីរបស់ពួកគេផ្ទាល់ ។
-
សូមអាន យ៉ូប ១៤:១៤ ជាមួយកុមារ ។ សូមអញ្ជើញកុមារឲ្យចែកចាយតើពួកគេនឹងឆ្លើយតបសំណួររបស់យ៉ាកុប ដូចម្តេច ។ សូមជួយពួកគេស្វែងរកព្រះគម្ពីរ ដែលថ្លែងទីបន្ទាល់អំពី ការរស់ឡើងវិញ ( សូមមើលសេចក្តីណែនាំដល់បទគម្ពីរទាំងឡាយ « ការរស់ឡើងវិញ » scriptures.ChurchofJesusChrist.org) ។
-
សូមអាន ម៉ូសេ ១:៣៩ ជាមួយកុមារ ។ សូមសួរពួកគេ ប្រសិនបើពួកគេស្គាល់ពីភាពខុសគ្នារវាង « អមតភាព » និង « ជីវិតអស់កល្ប » ។ សូមអញ្ជើញពួកគេរកមើលចម្លើយ នៅឃ្លាទីមួយនៃ ជីវិតដ៏នៅអស់កល្បជានិច្ច » ( ប្រធានបទដំណឹងល្អ topics.ChurchofJesusChrist.org ) ។ តើនរណានឹងទទួលបានជីវិតអមតភាព ? តើមានតម្រូវការអ្វីខ្លះ ដើម្បីទទួលបានជីវិតអស់កល្បជានិច្ច ? សូមថ្លែងទីបន្ទាល់របស់បងប្អូនថា អំណោយដ៏មានតម្លៃទាំងពីរនេះ អាចកើតមានគឺដោយសារតែ ដង្វាយធួនរបស់ព្រះយេស៊ូវគ្រីស្ទ ។
-
សូមច្រៀងចម្រៀងមួយបទអំពីបុណ្យអ៊ីស្ទើរ ឬ ទំនុកតម្កើង ដូចជាបទ « ទ្រង់បញ្ជូនបុត្រាទ្រង់មក » ( សៀវភៅចម្រៀងកុមារ ទំព័រ ២០–២១ ) ឬ « ទ្រង់រស់ឡើងវិញ ! »( ទំនុកតម្កើង ទំព័រ ១២១ ) ។ សូមអញ្ជើញកុមារឲ្យចែកចាយអំពីអារម្មណ៍របស់ពួកគេ នៅពេលពួកគេច្រៀងចម្រៀងនេះ ។ តើចម្រៀងនេះបង្រៀនយើងអ្វីខ្លះអំពីព្រះវរបិតាសួគ៌ និងព្រះយេស៊ូវ គ្រីស្ទ ? សូមអញ្ជើញកុមារឲ្យសរសេរអំពីទីបន្ទាល់របស់ពួកគេចំពោះព្រះអង្គសង្គ្រោះ ដើម្បីចែកចាយនៅផ្ទះជាមួយក្រុមគ្រួសាររបស់ពួកគេ ។
សូមលើកទឹកចិត្តឲ្យមានការរៀនសូត្រនៅឯគេហដ្ឋាន
ដើម្បីជួយកុមារចែកចាយជាមួយក្រុមគ្រួសាររបស់ពួកគេអំពីអ្វីដែលពួកគេបានរៀននៅក្នុងថ្នាក់ សូមលើកទឹកចិត្តពួកគេច្រៀងចម្រៀងនៅផ្ទះក្នុងសប្តាហ៍នេះអំពីដង្វាយធួនរបស់ព្រះយេស៊ូវ គ្រីស្ទ ។
ការកែលម្អការបង្រៀនរបស់យើង
កុមារអាចទទួលស្គាល់ឥទ្ធិពលនៃព្រះវិញ្ញាណ ។ សូមបង្រៀនកុមារថា អារម្មណ៍ដែលពួកគេមាន នៅពេលពួកគេនិយាយ ឬច្រៀងអំពីព្រះយេស៊ូវ គ្រីស្ទ និងដំណឹងល្អរបស់ទ្រង់ គឺបានមកពី ព្រះវិញ្ញាណបរិសុទ្ធ ហើយថាអារម្មណ៍ទាំងនេះអាចស្ថាបនានូវទីបន្ទាល់របស់ពួកគេ ។