« ថ្ងៃទី ១៥-២១ ខែ មេសា បុណ្យអ៊ីស្ទើរ ៖ ‹ សេចក្តីស្លាប់អើយ ជ័យជម្នះរបស់ឯងនៅឯណា ? ›» ចូរមកតាមខ្ញុំ—សម្រាប់សាលាថ្ងៃអាទិត្យ ៖ ព្រះគម្ពីរសញ្ញាថ្មី ឆ្នាំ ២០១៩ ( ឆ្នាំ២០១៩ )

« ថ្ងៃទី ១៥-២១ ខែ មេសា បុណ្យអ៊ីស្ទើរ » ចូរមកតាមខ្ញុំ—សម្រាប់សាលាថ្ងៃអាទិត្យ ៖ ព្រះគម្ពីរសញ្ញាថ្មី ឆ្នាំ ២០១៩

ថ្ងៃទី ១៥-២១ ខែ មេសា

បុណ្យអ៊ីស្ទើរ

« សេចក្តីស្លាប់អើយ ជ័យជម្នះរបស់ឯងនៅឯណា ? »

នៅពេលអ្នករៀបចំបង្រៀននាសប្ដាហ៍នេះ សូមពិចារណាអំពីរបៀបដែលការពិភាក្សាអំពីអាទិត្យបុណ្យអ៊ីស្ទើរ នៅក្នុងថ្នាក់របស់អ្នកអាចស្ថាបនាសេចក្ដីជំនឿទៅលើព្រះយេស៊ូវគ្រីស្ទ និងដង្វាយធួនរបស់ទ្រង់ ។

កត់ត្រាចំណាប់អារម្មណ៍

អញ្ជើញឲ្យមានការចែកចាយ

ចូរសួរដល់សិស្សអំពីរបៀបដែលពួកគេនឹងចែកចាយចម្លើយចំពោះសំណួរដូចជា « តើដង្វាយធួនរបស់ព្រះយេស៊ូវគ្រីស្ទគឺជាអ្វី ? » និង « តើយើងអាចទទួលបានពរជ័យទាំងឡាយនៃដង្វាយធួនរបស់ព្រះគ្រីស្ទយ៉ាងដូចម្ដេច ? » តើពួកគេបានអានខគម្ពីរណាមួយនាសប្ដាហ៍នេះ ដែលជួយឆ្លើយសំណួរទាំងនេះដែរឬទេ ?

បង្រៀនគោលលទ្ធិ

ព្រះយេស៊ូវគ្រីស្ទរំដោះយើងពីអំពើបាប និងសេចក្ដីស្លាប់ ពង្រឹងភាពទន់ខ្សោយរបស់យើង ហើយលួងលោមចិត្តយើងនៅក្នុងការសាកល្បងរបស់យើង ។

តើសិស្សក្នុងថ្នាក់អ្នកយល់ថា ព្រះយេស៊ូវគ្រីស្ទក៏អាចលួងលោមយើងនៅក្នុងការសាកល្បងរបស់យើង ហើយពង្រឹងភាពទន់ខ្សោយរបស់យើង បន្ថែមពីលើការយកឈ្នះលើអំពើបាប និងសេចក្ដីស្លាប់ដែរឬទេ ? របៀបមួយដើម្បីជួយពួកគេរកឃើញគោលការណ៍ទាំងនេះ គឺអាចជាការសរសេរពាក្យទាំងនេះនៅលើក្ដារខៀន ៖ អំពើបាប សេចក្ដីស្លាប់ ការសាកល្បង ភាពទន់ខ្សោយ ។ ចូរសុំឲ្យសិស្សម្នាក់ៗអានខគម្ពីរមួយនៃខគម្ពីរដែលបានសរសេរទាំងនេះនៅក្នុង « ធនធានបន្ថែមទាំងឡាយ » ហើយពិចារណាអំពីរបៀបដែលព្រះអង្គសង្គ្រោះ ជួយយើងយកឈ្នះ ឬស៊ូទ្រាំនឹងរឿងទាំងនេះ ។ សិស្សអាចសរសេរនូវអ្វីដែលពួកគេរៀនចេញពី បទគម្ពីរទាំងនេះនៅក្រោមចំណងជើងនីមួយៗ ហើយចែកចាយទីបន្ទាល់របស់ពួកគេអំពីព្រះអង្គសង្គ្រោះ និងដង្វាយធួនរបស់ទ្រង់ ។
តើខគម្ពីរទាំងឡាយបង្រៀនយើងអ្វីខ្លះអំពីថ្លៃដែលព្រះយេស៊ូវគ្រីស្ទបានបង់សម្រាប់សេចក្ដីសង្គ្រោះរបស់យើង ? ឧទាហរណ៍ សូមមើល លូកា ២២:៣៩–៤៤, ម៉ូសាយ ៣:៧ និង គោលលទ្ធិ និង សេចក្តីសញ្ញា ១៩:១៦–១៩ ។ តើព្រះវរបិតាសួគ៌បង់ថ្លៃអ្វី ? ( សូមមើល យ៉ូហាន ៣:១៦) ។

ការឆ្កាងព្រះគ្រីស្ទ ដោយ លូអីស ផាកកឺ
ពីមុនថ្នាក់រៀន សូមពិចារណាអំពីការអញ្ជើញឲ្យសិស្សមួយចំនួននាំយកពាក្យស្រង់មួយមកពីសារលិខិតសន្និសីទមួយមក ដែលពិពណ៌នាអំពីរបៀបដែលព្រះអង្គសង្គ្រោះប្រទានពរដល់យើងតាមរយៈដង្វាយធួនរបស់ទ្រង់ ( សម្រាប់ព័ត៌មានបន្ថែម សូមមើល « ធនធានបន្ថែមទាំងឡាយ » ) ។ តើការបង្រៀនរបស់ពួកព្យាការីសម័យទំបើបពង្រីកការយល់ដឹងរបស់យើងអំពីពរជ័យទាំងឡាយនៃដង្វាយធួនរបស់ព្រះអង្គសង្គ្រោះយ៉ាងដូចម្ដេច ? តើពួកលោកបានពង្រឹងទីបន្ទាល់របស់យើងអំពី ព្រះចេស្តាដង្វាយធួនរបស់ទ្រង់យ៉ាងដូចម្ដេច ?
ប្រហែលជាកម្មវត្ថុមេរៀនសាមញ្ញមួយ អាចជួយគូសបង្ហាញពីភាពខុសគ្នារវាងការត្រូវបានស្អាតពីអំពើបាប និងការធ្វើឲ្យបានល្អឥតខ្ចោះ ៖ អ្នកអាចសរសេរនៅលើក្ដារខៀននូវពីរបីបន្ទាត់ដំបូងចេញមកពី មរ៉ូណៃ ១០:៣២ ប៉ុន្តែដាក់បញ្ចូលការប្រកប ឬកំហុសឆ្គងខាងវេយ្យករណ៍ ។ បន្ទាប់មកអញ្ជើញសិស្សឲ្យលុបកំហុសឆ្គងនោះចោល ។ តើរឿងនេះដោះស្រាយបញ្ហាបានឬទេ ? តើមានមេរៀនអ្វីខ្លះ ដែលយើងបានរៀនមកពីខគម្ពីរនេះ និងកម្មវត្ថុមេរៀននេះអំពីឥទ្ធិពលនៃដង្វាយធួនអាចមានចំពោះយើង ? សេចក្ដីថ្លែងការណ៍នេះមកពី ប្រធាន ឌៀថើរ អេស្វ អុជដូហ្វ ក៏អាចជួយផងដែរ ៖ « បើសេចក្ដីសង្គ្រោះមានន័យថាគ្រាន់តែជាការលុបចោលកំហុស និងអំពើបាបរបស់យើង នោះសេចក្ដីសង្គ្រោះ—ថ្វីបើវាអស្ចារ្យក្តី—គង់តែវាមិនបានបំពេញតាមព្រះរាជបំណងដ៏ខ្ពស់របស់ព្រះវរបិតាមានចំពោះយើងនោះទេ ។ គោលបំណងរបស់ទ្រង់គឺខ្ពង់ខ្ពស់ណាស់ ៖ « ទ្រង់មានព្រះរាជបំណងឲ្យបុត្រា និងបុត្រីរបស់ទ្រង់ប្រែក្លាយដូចជាទ្រង់ » (« The Gift of Grace » Ensign ឬ Liahona ខែ ឧសភា ឆ្នាំ ២០១៥ ទំព័រ ១០៨ ) ។
ដំណើររឿង និងរឿងប្រៀបប្រដូចនានា អាចជួយយើងយល់ដឹងអំពីដង្វាយធួនរបស់ព្រះគ្រីស្ទ ។ ឧទាហរណ៍ អែលឌើរ ជែហ្វ្រី អ័រ ហូឡិន ចែកចាយរឿងមួយអំពីបងប្អូនប្រុសពីរនាក់កំពុងឡើងតាមជ្រលងភ្នំមួយនៅក្នុងសារលិខិតរបស់លោក « Where Justice, Love, and Mercy Meet » (Ensign ឬ Liahona ខែ ឧសភា ឆ្នាំ ២០១៥ ទំព័រ ១០៤-៦ ) ។ ក៏មានវីដេអូមួយដែលមានចំណងជើងដូចគ្នានេះនៅលើ LDS.org ផងដែរ ។ ឬអ្នកអាចមើលជាមួយគ្នានូវរឿង « Handel’s Messiah: Debtor’s Prison » (LDS.org សូមមើលការពិពណ៌នានៅក្នុង « ធនធានបន្ថែមទាំងឡាយ » ) ហើយពិភាក្សាអំពីរបៀបដែលដង្វាយធួនរបស់ព្រះយេស៊ូវគ្រីស្ទរំដោះយើងពីការជាប់ឃុំឃាំងរបស់យើង ។

សាក្សីទាំងឡាយនៅក្នុងព្រះគម្ពីរសញ្ញាចាស់ថ្លែងទីបន្ទាល់ថា ព្រះយេស៊ូវគ្រីស្ទ បានយកឈ្នះលើសេចក្ដីស្លាប់ ។

សូមពិចារណាធ្វើការរំឭកឡើងវិញអំពីដំណើររឿងបទគម្ពីរអំពីបុណ្យអ៊ីសស្ទើរដំបូង—ការរស់ឡើងវិញនៃព្រះយេស៊ូវគ្រីស្ទ ។ អ្នកអាចអញ្ជើញសិស្សម្នាក់ឲ្យប្រាប់រឿងនោះឡើងវិញតាមពាក្យសម្ដីរបស់គាត់ ( សូមមើល យ៉ូហាន ២០:១-១៧) ។ អ្នកក៏អាចបង្ហាញវីដេអូព្រះគម្ពីរប៊ីបផងដែរ ដូចជា « He Is Risen » (LDS.org ) ។
ប្រហែលជាថ្នាក់របស់អ្នកនឹងទទួលបានការយល់ដឹងកាន់តែជ្រៅជ្រះអំពីសារៈសំខាន់នៃការធ្វើជាសាក្សីអំពីការរស់ឡើងវិញរបស់ព្រះយេស៊ូវគ្រីស្ទ បើពួកគេនឹកស្រមៃថា ពួកគេគឺជាមេធាវី ឬអ្នកយកសារព័ត៌មានដែលកំពុងស៊ើបអង្កេតមើលការប្រកាសថា ព្រះគ្រីស្ទបានរស់ឡើងវិញនោះ ។ សូមអញ្ជើញពួកគេឲ្យរកមនុស្សនៅក្នុងបទគម្ពីរដែលអាចបម្រើក្នុងនាមជាសាក្សី ( សូមមើល ម៉ាថាយ ២៨:១-១០, លូកា ២៤:១៣-៣៥, យ៉ូហាន ២០:១៩–២៩, កូរិនថូសទី ១ ១៥:៣–៨, ៥៥–៥៨ ) ។ ពួកគេអាចសរសេរសេចក្ដីសង្ខេបមួយអំពីអ្វីដែលមនុស្សទាំងនេះអាចនឹងនិយាយ នៅពេលពួកគេធ្វើទីបន្ទាល់នៅក្នុងតុលាការ ឬនៅពេលពួកគេត្រូវបានសម្ភាសសម្រាប់របាយការណ៍សារព័ត៌មាន ។
របៀបមួយដើម្បីឲ្យយើងកាន់តែមានអំណរគុណខ្លាំងចំពោះការរស់ឡើងវិញរបស់ព្រះអង្គសង្គ្រោះ គឺត្រូវគិតអំពីរបៀបដែលយើងនឹងពន្យល់អំពីជំនឿរបស់យើងទៅកាន់អ្នកដទៃ ។ របៀបដែលសិស្សក្នុងថ្នាក់នឹងចែកចាយទីបន្ទាល់របស់ពួកគេអំពីព្រះយេស៊ូវគ្រីស្ទនៅក្នុងស្ថានភាពដូចខាងក្រោម ដូចជា ៖ សមាជិកគ្រួសារម្នាក់ទទួលរោគវិនិច្ឆ័យថា មានជំងឺធ្ងន់ធ្ងរមួយ, មិត្តម្នាក់បានបាត់បង់មនុស្សជាទីស្រឡាញ់របស់គាត់, អ្នកជិតខាងសួរថាហេតុអ្វីក៏អ្នកប្រារព្ធពិធីបុណ្យអ៊ីសស្ទើរ ។ សូមលើកទឹកចិត្តពួកគេឲ្យមើលលើបទគម្ពីរ ( ដូចជាបទគម្ពីរនៅក្នុង « ធនធានបន្ថែមទាំងឡាយ » ) នៅពេលពួកគេរៀបចំចម្លើយរបស់ពួកគេ ។ សូមអញ្ជើញសិស្សពីរបីនាក់ឲ្យចែកចាយគំនិតរបស់ពួកគេ ។

ព្រះយេស៊ូវគ្រីស្ទប្រទានសេចក្ដីសង្ឃឹម និង អំណរដល់ពួកយើង ។

យើងទាំងអស់គ្នាអាចមានសង្ឃឹម ហើយមានអំណរ ដោយសារតែព្រះអង្គសង្គ្រោះ ។ អ្នកអាចអាន យ៉ូហាន ១៦:៣៣ ហើយពិភាក្សាអំពីរបៀបដែលដង្វាយធួននៃព្រះយេស៊ូវគ្រីស្ទ ជួយយើងមានអំណរទោះយើងមានការសាកល្បងច្រើនក្ដី ។ តើយើងទទួលបានអំណរ ហើយត្រូវបានគាំទ្រអំឡុងពេលការសាកល្បងរបស់យើងយ៉ាងដូចម្ដេច ?
ការអានទីបន្ទាល់របស់ពេត្រុស នៅក្នុង ពេត្រុសទី ១ ១:៣-១១ អាចផ្ដល់ដល់សិស្សនូវក្ដីសង្ឃឹមច្រើនឡើងទៅលើដង្វាយធួនរបស់ព្រះយេស៊ូវគ្រីស្ទ ។ សូមផ្ដល់ពេលឲ្យពួកគេពិចារណាអំពីខគម្ពីរទាំងនេះ ហើយធ្វើការជាដៃគូដើម្បីស្វែងរកបទគម្ពីរដទៃទៀត ដែលពិពណ៌នាអំពីរបៀបទទួលបានសេចក្ដីសង្ឃឹមទៅលើព្រះយេស៊ូវគ្រីស្ទផងដែរ ( សូមមើល សេចក្ដីណែនាំដល់បទគម្ពីរទាំងឡាយ « សង្ឃឹម » ) ។ ពួកគេអាចប្រើបទគម្ពីរដែលពួកគេរកឃើញធ្វើជាបដាមួយដើម្បីដាក់តាំងនៅក្នុងគេហដ្ឋាន ឬអ៊ិនធើរណិតរបស់ពួកគេ ( សូមមើលឧទាហរណ៍អំពីរូបពាក្យដកស្រង់បំផុសគំនិតនៅ LDS.org ) ។ សិស្សអាចនឹងពិចារណាអំពីស្ថានភាពនានាអំពីសមាជិកគ្រួសារ ឬមិត្តភក្ដិណាដែលអាចនឹងត្រូវការមានអារម្មណ៍មានសេចក្ដីសង្ឃឹមច្រើន ។

លើកទឹកចិត្តឲ្យមានការរៀនសូត្រនៅឯគេហដ្ឋាន

តើមានអ្វីខ្លះដែលនឹងបំផុសគំនិតសិស្សឲ្យអាន ម៉ាថាយ ១៨ និង លូកា ១០ ? អ្នកអាចនឹងប្រាប់ពួកគេថា ជំពូកទាំងនេះមាននូវរឿងប្រៀបប្រដូចរបស់ព្រះអង្គសង្គ្រោះ ដែលគួរឲ្យចងចាំបំផុតចំនួនពីរ ដែលរឿងទាំងពីរនេះមាននូវមេរៀនសំខាន់ៗអំពីរបៀបដែលយើងគួរតែប្រព្រឹត្តនឹងគ្នាទៅវិញទៅមក ។

ធនធានបន្ថែមទាំងឡាយ

បុណ្យអ៊ីស្ទើរ

បទគម្ពីរអំពីដង្វាយធួនរបស់ព្រះអង្គសង្គ្រោះ ។

សារលិខិតអំពីដង្វាយធួនរបស់ព្រះអង្គសង្គ្រោះ ។

ប្រធាន ថូម៉ាស អេស ម៉នសុន « He Is Risen! » Ensign ឬ Liahona ខែ ឧសភា ឆ្នាំ ២០១០ ទំព័រ ៨៧-៩០ ។
អែលឌើ ឌី ថត គ្រីស្តូហ្វឺសិន « The Resurrection of Jesus Christ » Ensign ឬ Liahona ខែ ឧសភា ឆ្នាំ ២០១៤ ទំព័រ ១១១–១៤ ។
អែលឌើរ ដាល្លិន អេក អូក « Strengthened by the Atonement of Jesus Christ » Ensign ឬ Liahona ខែ វិច្ឆិកា ឆ្នាំ ២០១៥ ទំព័រ ៦១-៦៤ ។
ស៊ិស្ទើរ ខារូល អិម ស្ទីវិនស៍ « The Master Healer » Ensign ឬ Liahona ខែ វិច្ឆិកា ឆ្នាំ ២០១៦ ទំព័រ ៩-១២

ទំនុកតម្កើងអំពីដង្វាយធួនរបស់ព្រះអង្គសង្គ្រោះ ។

សិស្សអាចរីករាយច្រៀងទំនុកតម្កើងមួយចំនួនទាំងនេះ និងការអានបទគម្ពីរដែលជាប់ទាក់ទងគ្នា ដែលបានដកស្រង់នៅខាងក្រោមទំព័រ ។ សិស្សមួយចំនួនអាចនឹងរៀនទំនុកតម្កើងមួយចំនួនជាចំណែកនៃការសិក្សាបទគម្ពីរជាគ្រួសាររបស់ពួកគេនៅសប្ដាហ៍នេះ សូមលើកទឹកចិត្តពួកគេឲ្យចែកចាយបទពិសោធន៍របស់ពួកគេ ។

« គ្រឹះដ៏មាំមួន » ទំនុកតម្កើង លេខ ៣៧ ។
« ខ្ញុំរកក្តីសុខឯណា ? » ទំនុកតម្កើង លេខ ៦៩ ។
« ខ្ញុំឆ្ងល់យ៉ាងអស្ចារ្យ » ទំនុកតម្កើង លេខ ១១៥ ។
« ទ្រង់រស់ឡើងវិញ ! » ទំនុកតម្កើង លេខ ១២១ ។

វីដេអូអំពីបុណ្យអ៊ីសស្ទើរ

រាល់ឆ្នាំ សាសនាចក្រផលិតសារលិខិតបុណ្យអ៊ីសស្ទើរជាច្រើន ដែលមាននៅលើគេហទំព័រ mormon.org/easter ។

ព្រះយេស៊ូវគ្រីស្ទដោះយើងឲ្យរួច ។

នៅក្នុងឆ្នាំ ១៧៤១ ចច ហ្វ្រែឌើរីក ហែនដលបានតែងនិពន្ធបទមួយ អំពី ព្រះយេស៊ូវគ្រីស្ទ ដែលមានចំណងជើងថា ព្រះមែស៊ី ។ ហែនដល បានតាំងចិត្តថា ការប្រគំជាបន្ដបន្ទាប់អំពី ព្រះមែស៊ី នឹងត្រូវបរិច្ចាគបង់លោះថ្លៃឲ្យអ្នកជំពាក់បំណុលពីការជាប់ឃុំឃាំង ។ មានមនុស្សច្រើនជាង ១៤០ នាក់ដែលបានជាប់គុកដោយសារតែពួកគេពុំអាចបង់សងបំណុលរបស់ពួកគេនោះ ត្រូវបានដោះលែងឲ្យរួច ។ ការពន្យល់អំពីព្រឹត្តការណ៍នេះ ប្រធាន រ័សុល អិម ណិលសុន បានមានប្រសាសន៍ថា « បើគ្មានដង្វាយធួនរបស់ព្រះយេស៊ូវគ្រីស្ទទេ នោះយើងទាំងអស់គ្នានឹងត្រូវជំពាក់បំណុលដោយគ្មានក្ដីសង្ឃឹមឡើយ គឺដូចជាអ្នកទាំងឡាយដែលជាប់គុកដោយការជំពាក់បំណុលនោះដែរ ។ ព្រះដ៍ប្រោសលោះរបស់យើង ព្រះអម្ចាស់យេស៊ូវគ្រីស្ទ បានយាងមកបង់ថ្លៃបំណុលដែលទ្រង់់ពុំបានជំពាក់ ពីព្រោះយើងបានខ្ចីបំណុលដែលយើងពុំអាចសងបាន » ។ សម្រាប់វីដេអូមួយដែលពិពណ៌នាអំពីព្រឹត្តការណ៍នេះ សូមមើល « Handel’s Messiah: Debtor’s Prison » នៅលើ LDS.org។

ការកែលម្អការបង្រៀនរបស់យើង

ចូរធ្វើជាឧបករណ៍មួយរបស់ព្រះវិញ្ញាណ ។ គោលបំណងរបស់អ្នកក្នុងនាមជាគ្រូបង្រៀន គឺមិនមែនធ្វើបទបង្ហាញមួយទេ ប៉ុន្តែជួយអ្នកដទៃឲ្យទទួលឥទ្ធិពលនៃព្រះវិញ្ញាណបរិសុទ្ធដែលជាគ្រូបង្រៀនដ៏ពិត ។ ( សូមមើល ការបង្រៀនតាមរបៀបរបស់ព្រះអង្គសង្គ្រោះ ទំព័រ ១០) ។