Ngaahi Potufolofola ʻo e Fakataukei Fakatokāteliné mo e Ngaahi Kupuʻi Lea Mahuʻingá

Ko e lisi ʻeni ʻo e kotoa e ngaahi potufolofola fakataukei fakatokāteline ʻe 100 fakataha mo ha kiʻi fakamatala nounou ʻo e potufolofola takitaha.

Ko Hono Maʻu ʻo e ʻIlo Fakalaumālié

Lea Fakatātā 3:5–6. Falala ki he ʻEikí ʻaki ho lotó kotoa, pea te Ne fakatonutonu ho ngaahi ʻalungá.

ʻĪsaia 5:20. Malaʻia ʻa kinautolu ʻoku ui ʻa e koví ko e lelei, mo e leleí ko e kovi.

Sione 7:17. Fai ʻa e finangalo ʻo e ʻOtuá ke ʻiloʻi ʻa ʻEne tokāteline.

1 Kolinitō 2:5, 9–11. Te tau toki lava pē ʻo ʻiloʻi ʻa e ngaahi meʻa ʻa e ʻOtuá ʻi he Laumālié.

2 Tīmote 3:15–17. ʻE lava ʻe he ngaahi folofolá ʻo ngaohi koe ke ke poto ki he fakamoʻuí.

Sēmisi 1:5–6. Kapau ʻokú ke masiva ʻi he potó, kole ki he ʻOtuá.

2 Nīfai 28:30. ʻOku foaki ʻe he ʻOtuá ʻa e ʻiló ʻi he ʻotu lea ki he ʻotu lea.

2 Nīfai 32:3. ʻE lava ke tau ʻilo ʻa e meʻa kotoa ʻoku totonu ke tau faí, ʻo kapau te tau keinanga ʻi he folofola ʻa Kalaisí.

2 Nīfai 32:8–9. Kapau te tau lotu maʻu pē, ʻe hanga ʻe he ʻOtuá ʻo fakatapui ʻetau ngāué ki he lelei ʻa hotau laumālié.

Mōsaia 4:9. Tui ki he ʻOtuá pea ʻokú Ne maʻu ʻa e poto kotoa pē.

ʻEta 12:6. ʻOku maʻu ha fakamoʻoni hili hono ʻahiʻahiʻi ʻo e tuí.

Molonai 10:4–5. ʻOku fakahā ʻe he Laumālie Māʻoniʻoní ʻa e moʻoní kiate kinautolu ʻoku kole ʻi he loto fakamātoato ki he ʻOtuá.

T&F 6:36 Sio kia Kalaisi ʻi he fakakaukau kotoa pē.

T&F 8:2–3. ʻOku lea ʻa e Laumālie Māʻoniʻoní ki hotau ʻatamai mo e lotó.

T&F 88:118. Fekumi ki he ʻiló ʻi he ako pea mo e tui.

Ngaahi Tefito Fakatokāteliné

1. Ko e Toluʻi ʻOtuá

Hepelū 12:9. Ko e ʻOtuá ʻa e Tamai ʻo hotau laumālié.

2 Nīfai 26:33. ʻOku tatau ʻa e taha kotoa ki he ʻOtuá.

3 Nīfai 11:10–11. Naʻe fakahoko ʻe Sīsū Kalaisi ʻa e finangalo ʻo e Tamaí ʻi he meʻa kotoa pē.

3 Nīfai 12:48. ʻOku fakaafeʻi kitautolu ʻe Sīsū Kalaisi ke tau hoko ʻo haohaoa.

3 Nīfai 18:15, 20–21. Leʻo mo lotu maʻu ai pē ʻi he huafa ʻo Sīsū Kalaisí.

T&F 29:10–11. ʻE toe hāʻele mai ʻa Kalaisi ʻi he mālohi mo e nāunau.

T&F 130:22–23. ʻOku maʻu ʻe he Tamaí mo e ʻAló ʻa e sino ʻo e kakano mo e hui.

2. Ko e Palani ʻo e Fakamoʻuí

Mōsese 1:39. Ko e ngāue mo e nāunau ʻo e ʻOtuá ke fakahoko ʻa e moʻui taʻe-faʻa-mate mo e moʻui taʻengata ʻa e tangatá.

ʻĒpalahame 3:22–23. Naʻe fili ʻa ʻĒpalahame ʻoku teʻeki ai fāʻeleʻí.

Sēnesi 1:26–27. Naʻe ngaohi ʻe he ʻOtuá ʻa e Tangatá ʻi Hono tataú.

Sosiua 24:15. Mou filli he ʻahó ni ʻa ia te mou tauhí.

Sione 17:3. Ko e moʻui taʻengatá ko hono ʻiloʻi ʻo e ʻOtuá mo Sīsū Kalaisi.

1 Kolinitō 6:19–20. Ko ho sinó ko ha temipale.

1 Kolinitō 15:20–22. ʻE toetuʻu kotoa pē ʻia Kalaisi.

1 Kolinitō 15:40–42. ʻOku ʻi ai ha nāunau ʻe tolu ʻi he Toetuʻú.

1 Pita 4:6. Ko e malangaʻi ʻa e ongoongoleleí ki he kakai pekiá.

Fakahā 20:12. ʻE tuʻu ʻa e tokotaha kotoa ʻi he ʻao ʻo e ʻOtuá ke fakamāuʻi.

2 Nīfai 2:22–25. Naʻe hinga ʻa ʻĀtamá koeʻuhí ke ʻi ai ʻa e faʻahinga ʻo e tangatá.

2 Nīfai 2:27. ʻOku tau tauʻatāina ke fili.

T&F 76:22–24. ʻOku moʻui ʻa Sīsū Kalaisi pea ko e Tupuʻanga ia ʻo e ngaahi māmaní.

3. Ko e Fakalelei ʻa Sīsū Kalaisí

ʻĪsaia 1:18. Kapau te tau fakatomala, ʻe hangē ʻetau angahalá ko e ʻuha hinaekiakí.

ʻĪsaia 53:3–5. Ne fua ʻe Sīsū Kalaisi ʻa ʻetau loto mamahí pea mamahi koeʻuhí ko ʻetau angahalá.

Mātiu 11:28-30. Kapau te tau haʻu kia Sīsū Kalaisi, te Ne fakamaʻamaʻa ʻetau ngaahi kavengá mo ʻomi kiate kitautolu ʻa e fiemālié.

Luke 24:36–39. Naʻe toetuʻu ʻa Sīsū Kalaisí ʻi he sino ʻo e kakano mo e hui.

Sēmisi 2:17–18. Ko e tui kae ʻikai ngāué ʻoku mate ia.

Mōsaia 3:19. Liʻaki ʻa e tangata fakakakanó pea hoko ko ha Taha Anga-Māʻoniʻoni ʻo fakafou ʻi he Fakaleleí.

ʻAlamā 7:11–13. Ne aʻusia ʻe Sīsū Kalaisi ʻetau ngaahi mamahí pea ikunaʻi e angahalá mo e maté.

ʻAlamā 34:9–10. Kuo pau ke ʻi ai ha Fakalelei.

Hilamani 5:12 Langa hoʻo fakavaʻé ʻia Kalaisi.

ʻEta 12:27. ʻE lava ʻe he Fakamoʻuí ke ngaohi e meʻa vaivaí ke mālohi.

T&F 18:10–11. ʻOku mahuʻinga lahi ʻa e laumālié.

T&F 19:16–19. Ne mamahi ʻa e Fakamoʻuí ko ʻetau ngaahi angahalá kae lava ke tau fakatomala.

T&F 58:42–43. Kuo pau ke tau vete pea siʻaki e angahalá kae fakatomala.

4. Ko e Fakafoki Maí ʻo e Ongoongoleleí

Mōsese 7:18. Saione–loto taha mo fakakaukau taha ʻi he māʻoniʻoni

ʻĪsaia 29:13–14. Ko ha ngāue lahi mo fakaofo ʻa hono fakafoki mai ʻo e ongoongoleleí.

ʻIsikeli 37:15–17. Kuo hoko ʻo taha ʻa e Tohi Tapú mo e Tohi ʻa Molomoná.

Taniela 2:44. ʻE fokotuʻu ʻa e puleʻanga ʻo e ʻOtuá ʻo laui kuongá.

Ngāue 3:19–21. Ne kikiteʻi ʻe Pita hono Fakafoki mai ʻo e ongoongoleleí.

2 Tesalonaika 2:1–3. Naʻe tomuʻa kikiteʻi e hē mei he mooní.

Siosefa Sāmita—Hisitōlia 1:15–20. Ne uiuiʻi ʻa Siosefa Sāmita ʻe he Otuá ʻi he ʻUluaki Mata-Meʻa-Hā-Maí, ke hoko ko ha palōfita.

T&F 1:30. Ko e siasi moʻoni mo moʻui pē taha

T&F 135:3. Naʻe ngāue ʻa Siosefa Sāmita maʻa hotau fakamoʻuí.

5. Kau Palōfitá mo e Fakahaá

Selemaia 1:4–5. Naʻe tomuʻa fakanofo ʻa Selemaia ke hoko ko ha palōfita.

ʻIsikeli 3:16–17. ʻOku ʻomi ʻe he kau tangata leʻo ʻa e ʻEikí ʻa e ngaahi fakatokanga meiate Ia.

ʻĀmosi 3:7. ʻOku fakahā ʻe he ʻOtuá ʻa ʻene fakapulipulí ki Heʻene kau palōfitá.

Sione 15:16. ʻOku fili pea fakanofo ʻe he ʻEikí ʻa e kau ʻaposetoló mo e kau palōfitá.

ʻEfesō 2:19–20. Ko e makatuʻunga e Siasi ʻo e ʻEikí ko e kau ʻaposetolo mo e kau palōfita.

ʻEfesō 4:11–14. ʻOku tokoni ʻa e kau ʻaposetoló mo e kau pālofitá ki hono fakahaohaoaʻi e Kaingālotú.

T&F 1:37–38. ʻOku tatau pē ʻa e leʻo ʻo e ʻEikí mo ʻEne kau tamaioʻeikí.

T&F 21:4–6 ʻI heʻetau tali ʻa e ngaahi lea ʻa e palōfitá ʻi he faʻa kātaki mo e tui, ʻe hanga ʻe he ʻOtuá e ngaahi mālohi ʻo e fakapoʻulí.

6. Lakanga Fakataulaʻeikí mo e Ngaahi Kī ‘o e Lakanga Fakataulaʻeikí

Mātiu 16:15–19. Naʻe talaʻofa ʻe Sīsū Kalaisi ke langa ʻa Hono Siasí pea foaki mai e ngaahi kī ʻo e puleʻangá.

T&F 13:1. Ngaahi Kī ʻo e Lakanga Taulaʻeiki Faka-ʻĒloné

T&F 42:11. Kuo pau ke uiuiʻi e kau fakafofonga ʻo e ʻEikí ʻe ha taha ʻokú ne maʻu e mafaí.

T&F 107:8. Ko e mafai ʻo e Lakanga Taulaʻeiki Faka-Melekisētekí

T&F 121:36, 41–42. ʻOku makatuʻunga ʻa e mālohi ʻo e lakanga fakataulaʻeikí ʻi he anga-māʻoniʻoni ʻa e tokotaha ko iá.

7. Ngaahi Ouaú mo e Ngaahi Fuakavá

ʻEkesōtosi 19:5–6. Tauhi ʻeku ngaahi fuakavá, pea te mou hoko ko ha puleʻanga māʻoniʻoni.

Saame 24:3–4. Kuo pau ke maʻa hotau nimá mo hotau lotó ka tau tuʻu ʻi he ʻao ʻo e ʻEikí.

Sione 3:5. Kuo pau ke fanauʻi kitautolu ʻi he vaí pea mo e Laumālie ka tau hū ki he puleʻanga ʻo e ʻOtuá.

Mōsaia 18:8–10. ʻOku tau fai ha fuakava mo e ʻOtuá ʻi he papitaisó.

3 Nīfai 27:20. Papitaiso pea fakamāʻoniʻoniʻi ʻaki hono maʻu e Laumālie Māʻoniʻoní.

T&F 82:10. ʻOku haʻisia ʻa e ʻEikí ʻi he taimi ʻoku tau fai ai ʻa e meʻa ʻokú Ne lea ʻakí.

T&F 84:20–22. ʻOku fakahā e mālohi ʻo e ʻOtuá ʻi he ngaahi ouau ʻo e lakanga fakataulaʻeikí.

8. Nofomalí mo e Fāmilí

Sēnesi 1:28. Fanafanau mo fakatokolahi ʻa e māmaní.

Sēnesi 2:24. Ke taha pē ʻa e husepānit mo e uaifí.

Sēnesi 39:9 Naʻe tekeʻi ʻe Siosefa ʻa e ʻahiʻahí.

Malakai 4:5–6. ʻE liliu ʻe ʻIlaisiā ʻa e loto ʻo e ngaahi tamaí mo e fānaú.

1 Kolinitō 11:11. ʻE toki lava pē ʻo fakahoko ʻa e palani ʻa e ʻEikí ʻi he ngāue fakataha ʻa ha tangata mo ha feine.

ʻAlamā 39:9. ʻIkai toe muimui ʻi he ngaahi holi ʻa ho matá.

T&F 49:15–17. Ko e mali ʻi he vahaʻa ʻo ha tangata mo ha fefiné ko e tuʻutuʻuni ia ʻa e ʻOtuá.

T&F 131:1–4. Ko e fuakava foʻou mo taʻengata ʻo e malí

9. Ngaahi Fekaú

ʻEkesōtosi 20:3–17. Fakahā mai ʻe he ʻOtuá ʻa e Ngaahi Fekau ʻe Hongofulú.

ʻĪsaia 58:6–7. ʻOku tokoniʻi kitautolu ʻe he ʻaukaí ke vete ʻa e ngaahi noʻo ʻo e angahalá, vete ʻa e ngaahi kavenga mamafá, pea tokangaʻi e masivá.

ʻĪsaia 58:13–14. Ko e ʻaho Sāpaté ko e ʻaho māʻoniʻoni ia ʻo e ʻEikí.

Malakai 3:8–10. ʻOku ʻomi ʻe he totongi vahehongofulú ʻa e ngaahi tāpuaki.

Mātiu 5:14–16. Tuku ke ulo atu hoʻomou māmá ko ha sīpinga ki he niʻihi kehé.

Mātiu 22:36–39. ʻOfa ki he ʻEikí; ʻofa ki ho kaungāʻapí.

Sione 14:15. Kapau ʻoku mou ʻofa kiate au, fai ʻeku ngaahi fekaú.

1 Nīfai 3:7 ʻOku teuteuʻi ʻe he ʻEikí ha hala ke talangofua ai ki Heʻene ngaahi fekaú.

Mōsaia 2:17. ʻI heʻetau tokoniʻi ʻa e niʻihi kehé, ʻoku tau tokoni ai ki he ʻOtuá.

Mōsaia 2:41. ʻOku ʻomi ʻe he talangofuá ʻa e ngaahi tāpuakí mo e fiefiá.

ʻAlamā 41:10. Kuo teʻeki ai hoko ʻa e faiangahalá ko e fiefia.

Molonai 7:45, 47–48. Ko e ʻofa faka-Kalaisí ko e ʻofa haohaoa ia ʻa Kalaisí.

T&F 18:15–16. Fiefia ʻi hono ʻomi e ngaahi laumālié kia Sīsū Kalaisí

T&F 64:9–11. ʻOku fie maʻu ke tau fakamolemoleʻi ʻa e kakai kotoa pē.

T&F 89:18–21. Ngaahi Tāpuaki ʻo e Lea ʻo e Potó.