“Lesona 20— Fanazaran-tena amin’ny fifehezana fotopampianarana 1: Fanaovana tsianjery sy fahazoana fahalalana ara-panahy,” Boky torolalana ho an’ny mpampianatra seminera: Fotopampianarana sy Fanekempihavanana (2025)
Fanazaran-tena amin’ny Fifehezana fotompampianarana 1,” Fotopampianarana sy Fanekempihavanana: Boky torolalana ho an’ny mpampianatra seminera
Lesona 20: Fotopampianarana sy Fanekempihavanana 6–9
Fanazaran-tena amin’ny fifehezana fotompampianarana 1
Fanaovana tsianjery sy fahazoana fahalalana ara-panahy
Ny fifehezana fotopampianarana dia ahafahana manampy ireo mpianatra hanorina ny fototry ny fiainan’izy ireo amin’i Jesoa Kristy sy ny filazantsarany. Ity lesona ity dia manome fahafahana ireo mpianatra hianatra ireo andalan-tsoratra masina fifehezana fotopampianarana sy ireo fahamarinana ao anatiny ary koa ny fianarana sy fampiharana ireo fitsipika masina mba hahazoana fahalalana ara-panahy.
Sahanasa fianarana azo atao
Famerenana Fifehezana fotopampianarana: Ataovy tsianjery
Mety ho efa nampahafantatra ny andalan-tsoratra masina fifehezana fotopampianarana vitsivitsy ao amin’ny Fotopampianarana sy Fanekempihavanana tamin’ireo mpianatra ianao tamin’ity taona ity. Mety ho tafiditra amin’izany ny Joseph Smith—Tantara 1:15–20, Fotopampianarana sy Fanekempihavanana 1:30, ary Fotopampianarana sy Fanekempihavanana 1:37–38. Ity sahanasa manaraka ity dia manome fahafahana ny mpianatra hamerina hijery ireo andalan-tsoratra masina telo ireo sy hizatra amin’ireo andalan-tsoratra masina fifehezana fotopampianarana sivy manaraka avy ao amin’ny Joseph Smith—Tantara 1:15–20 ka hatramin’ny Fotopampianarana sy Fanekempihavanana 49:15–17. Raha tsapanao fa hahasoa kokoa ny mpianatrao, dia azonao atao ny manisy fanamboarana mba hampifantoka izany fotsiny amin’ireo andalan-tsoratra masina fifehezina fotopampianarana izay nianaran’ireo mpianatra hatreto.
Ity sahanasa ity dia tokony haharitra 10–15 minitra fotsiny mba hahafahana manana fotoana ampy hanaovana fampiharana ny fifehezana fotopampianarana any aoriandriana amin’ny lesona.
Mitondrà fitaovana fantatry ny mpianatra sy hain’izy ireo mampiasa ao an-dakilasy. Tafiditra amin’izany ny fanodinan-drindra (tournevis), tantanana (marteau) ary tsofa.
-
Amin’ny fotoana toy ny ahoana ianao no ho feno fankasitrahana noho ny fananana ny iray amin’ireo fitaovana ireo?
Avelao hizara ny mpianatra maromaro. Mety hizara zavatra niainana manokana izy ireo na haka sary an-tsaina toe-javatra maro. Afaka miala voly sy maneho ny fahaiza-mamorona ao aminy ny mpianatra rehefa mamaly.
-
Ao anatin’ny toe-javatra manao ahoana ianao no ho feno fankasitrahana noho ny nanaovanao tsianjery ny soratra masina?
Ireo andalan-tsoratra masina fifehezana fotopampianarana dia soratra masina voafantina izay afaka manampy manokana anao sy ny hafa. Ato amin’ny seminera dia manana fahafahana hianatra tsianjery toko sy andinin-tsoratra masina sy andian-teny manan-danja avy amin’ireo andalan-tsoratra masina fifehezana fotopampianarana ianao. Azonao atao mihitsy aza ny manandrana manao tsianjery ny andininy iray manontolo amin’ny sasany amin’ireo andalan-tsoratra masina ireo.
Vakio sy asio marika ao amin’ny soratra masinao ireto andalan-tsoratra masina manaraka ireto. Misafidiana iray na roa izay heverinao fa manan-danja indrindra aminao.
Asehoy ny tabilaon’ny andalan-tsoratra masina fifehezana fotopampianarana sy ireo andian-teny manan-danja ao amin’ny soratra masina. Omeo fotoana ampy ny mpianatra hanisy marika ny andalan-tsoratra masina tsirairay.
|
Toko sy andinin-tsoratra masina fifehezana fotopampianarana |
Andian-teny manan-danja ao amin’ny soratra masina |
|---|---|
Toko sy andinin-tsoratra masina fifehezana fotopampianarana | Andian-teny manan-danja ao amin’ny soratra masina I Joseph Smith “dia nahita Olona roa, izay mihoatra ny famaritana rehetra ny famirapiratany sy ny voninahiny.” |
Toko sy andinin-tsoratra masina fifehezana fotopampianarana | Andian-teny manan-danja ao amin’ny soratra masina Ny Fiangonan’i Jesoa Kristy no “ilay hany fiangonana marina sy velona eto ambonin’ny tany manontolo.” |
Toko sy andinin-tsoratra masina fifehezana fotopampianarana | Andian-teny manan-danja ao amin’ny soratra masina “Na amin’ny alalan’ny feoko na amin’ny alalan’ny feon’ny mpanompoko, dia iray ihany izany.” |
Toko sy andinin-tsoratra masina fifehezana fotopampianarana | Andian-teny manan-danja ao amin’ny soratra masina “Banjino Aho amin’ny eritreritra rehetra; aza miroanàhana, aza matahotra.” |
Toko sy andinin-tsoratra masina fifehezana fotopampianarana | Andian-teny manan-danja ao amin’ny soratra masina “Hiteny anao ao an-tsainao sy ao am-ponao Aho, amin’ny alalan’ny Fanahy Masina.” |
Toko sy andinin-tsoratra masina fifehezana fotopampianarana | Andian-teny manan-danja ao amin’ny soratra masina Ny Fisoronana Aharôna no “mihazona ny fanalahidin’ny fanompoan’ny anjely sy ny an’ny filazantsaran’ny fibebahana ary ny batisa.” |
Toko sy andinin-tsoratra masina fifehezana fotopampianarana | Andian-teny manan-danja ao amin’ny soratra masina “Lehibe ny hasarobidin’ny olona eo imason’ Andriamanitra.” |
Toko sy andinin-tsoratra masina fifehezana fotopampianarana | Andian-teny manan-danja ao amin’ny soratra masina “Akory ny ho halehiben’ny fifalianareo raha mitondra fanahy maro ho Ahy!” |
Toko sy andinin-tsoratra masina fifehezana fotopampianarana | Andian-teny manan-danja ao amin’ny soratra masina “Izaho, [Jesoa Kristy], dia efa nijaly tamin’ireo zavatra rehetra ireo ho an’ny rehetra.” |
Toko sy andinin-tsoratra masina fifehezana fotopampianarana | Andian-teny manan-danja ao amin’ny soratra masina “Ny tenin[’ny mpaminany] dia horaisinareo toa ireny avy amin’ny vavako ireny.” |
Toko sy andinin-tsoratra masina fifehezana fotopampianarana | Andian-teny manan-danja ao amin’ny soratra masina “Fa haneho ny tenako avy any an-danitra amin’ny hery sy ny voninahi-dehibe Aho … ka hitoetra amim-pahamarinana miaraka amin’ny olona eto an-tany arivo taona.” |
Toko sy andinin-tsoratra masina fifehezana fotopampianarana | Andian-teny manan-danja ao amin’ny soratra masina “Ny fanambadiana dia voatendrin’ Andriamanitra.” |
Makà fotoana hiezahana mitadidy ny toko sy andinin-tsoratra masina sy ny andian-teny manan-danja amin’ny andalan-tsoratra masina iray na roa izay manan-danja indrindra aminao. Eritrereto koa ny toe-javatra iray izay mety hahatonga ny fitadidiana ny toko sy andinin-tsoratra masina sy ny andian-teny manan-danja ho fitahiana, na ho an’ny tenanao na ho an’olon-kafa.
Omeo fotoana ampy ny mpianatra hanombohana ny fianarana tsianjery ireo toko sy andinin-tsoratra masina sy ireo andian-teny manan-danja ao amin’ny soratra masina izay nofidiny. Mety hanampy ny mpianatra ny fampahafantarana azy fa ny appli Maîtrise de la doctrine dia afaka manampy azy ireo hitadidy ireo andalan-tsoratra masina fifehezana fotopampianarana ihany koa.
Rehefa nahazo fotoana ampy ny mpianatra dia amporisiho ny maromaro amin’izy ireo hanao fanazaran-tena hizara ireo andian-teny manan-danja ao amin’ny soratra masina izay natombony natao tsianjery. Azonao atao koa ny manasa azy ireo hanazava hoe nahoana no mety hahasoa azy ireo ny mianatra tsianjery ireo toko sy andinin-tsoratra masina sy andian-teny ireo.
Amporisiho ny mpianatra hanohy hianatra tsianjery ireo toko sy andinin-tsoratra masina sy andian-teny manan-danja ao amin’ny soratra masina mandritra ny taona. Afaka manao tsianjery ny andalan-tsoratra masina manontolo koa izy ireo raha tiany.
Mianatra sy mampihatra ireo fitsipiky ny fahazoana fahalalana ara-panahy
Ny ambiny amin’ny lesona dia mifantoka amin’ny fanampiana ireo mpianatra hampihatra ireo fitsipiky ny fahazoana fahalalana ara-panahy amin’ny toe-javatra tena misy eo amin’ny fiainana. Mialoha ny hamakiana ilay toe-javatra etsy ambany dia mety hilaina ny manasa ny mpianatra hamerina hijery ireo fitsipiky ny fahazoana fahalalana ara-panahy. Ireo sahanasa famerenana naroso dia tafiditra ao amin’ny fizarana ao amin’ny tovana mitondra ny lohateny hoe “Sahanasa famerenana fifehezana fotopampianarana”. Ny famariparitana ireo fitsipika dia hita ao amin’ny andiam-pehezanteny 5–12 ao amin’ny fizarana hoe “Mahazo fahalalana ara-panahy” ao amin’ny Tahirin-kevitra fototra ho an’ny fifehezana fotopampianarana (2023).
Nanomboka nandalina ny Joseph Smith—Tantara sy ny Fotopampianarana sy Fanekempihavanana i Ava ary nahafinaritra izany. Na izany aza, dia nahita fanehoan-kevitra ratsy tao amin’ny tambajotran-tserasera momba ny Mpaminany Joseph Smith izy izay nampisafotofoto sy nampanahy azy.
Raha ilaina dia azonao atao ny mametraka fanontaniana fanohizana toy ny hoe “Nahoana izy no mety ho sahiran-tsaina na nanahy?”
Zarao ho vondrona kely ny mpianatra ary asao izy ireo hieritreritra ny fomba mety hanampian’ireo fitsipiky ny fahazoana fahalalana ara-panahy an’i Ava amin’io toe-javatra io. Raha ilaina dia azonao atao ny mampiseho ny sasany na ny rehetra amin’ireto sahanasa manaraka ireto ary manasa ny vondrona hamita azy ireo ao anatin’ny fikarohan’izy ireo hevitra.
Mamakafaka ireo hevi-dehibe sy ireo fanontaniana amin’ny fomba fijery mibanjina ny mandrakizay
-
Mitanisà mpaminany telo tamin’ny lasa izay narahan’ny olona sasany tamim-pinoana na dia tsy nanao izany aza ny hafa ary mety ho nanakiana azy ireo mihitsy aza.
-
Inona avy no antony nanarahan’ireo olona sasany raha nanakiana kosa ireo hafa?
-
Ahoana no nitahian’ny Tompo ireo izay nanaraka ny mpaminaniny?
-
Nahoana ny fisaintsainana ireo zavatra momba ireo mpaminany teo aloha ireo no afaka manampy mba hahazoana fomba fijery tsara kokoa amin’ny fanaratsiana natao momba an’i Joseph Smith?
-
Raha milaza olana ara-tantara momba ny Mpaminany ny mpianatra dia mety hanampy ny mamaky ny andiam-pehezan-teny 9–10 ao amin’ny fizarana hoe “Mahazo fahalalana ara-panahy” ao amin’ny Tahirin-kevitra fototra momba ny fifehezana fotopampianarana (2023).
Mikatsaka fahatakarana misimisy kokoa amin’ny alalan’ireo loharanom-pahalalana nofidin’ Andriamanitra
-
Mitadiava loharanom-pahalalana nofidin’ Andriamanitra momba ny Mpaminany Joseph Smith izay heverinao fa afaka manampy an’i Ava. Mety hanampy anao amin’izany ireto manaraka ireto:
-
Mitadiava andininy ao amin’ny Joseph Smith—Tantara na ny Fotopampianarana sy Fanekempihavanana izay maneho ny zavatra azontsika atao rehefa manana fisalasalana na fanontaniana isika.
-
Jereo ny “Joseph Smith” ao amin’ny Torolalana ho an’ny Soratra Masina. Na tadiavo ny “Joseph Smith” ao amin’ny fizahana lohahevitra ao amin’ny gazetiboky Liahona ho an’ny volana misy fihaonamben’ny Fiangonana maneran-tany na ao amin’ny appli Médiathèque de l’Évangile.
-
Raha manana ao an-tsaina fanehoan-kevitra manaratsy manokana iray izay mety hataon’ny olona momba ny Mpaminany ianao, dia jereo ireo lohahevitra ao amin’ny fizarana Sujets et questions ao amin’ny tranonkala ChurchofJesusChrist.org mba hahitana fampahalalana mety hanampy. Azonao atao koa ny manoro hevitra an’ilay tanora handeha hiresaka amin’ny olona iray atokisana fantatrao.
-
Manao asa amim-pinoana
-
Tamin’ny alalan’i Joseph Smith no nitondran’ny Tompo izao manaraka izao: ny Bokin’i Môrmôna, ny Famerenana amin’ny laoniny ny Fiangonana marina sy velona eto an-tany, ireo fanekempihavanana sy ôrdônansy ilaina amin’ny fisandratana, ary ny ankamaroan’ny Fotopampianarana sy Fanekempihavanana. Saintsaino ireo fomba samihafa voafaritra tsara efa nitahian’ny Tompo ny fiainanao tamin’ny alalan’ireo zavatra ireo sy ny fomba ahafahan’izy ireo manampy amin’ny fanamafisana orina ny fijoroana ho vavolombelona anananao momba ny Mpaminany. Eritrereto ny zavatra nataonao mba hahazoana ireo fitahiana ireo. Ataovy lisitra ny fomba azonao hamporisihana an’i Ava amin’ny fanaovana asa amim-pinoana mba hanohizana ny fanamafisana orina ny fijoroana ho vavolombelona ananany momba an’i Joseph Smith amin’ny maha-mpaminanin’ Andriamanitra azy.
Rehefa avy nomena fotoana hikarohana hevitra sy mety hoe nanaovana ireo sahasana sasany voalaza etsy ambony ireo mpianatra dia amporisiho izy ireo hizara ny zavatra heveriny fa tena hanampy indrindra an’i Ava. Mamporisiha mpianatra maromaro hizara. Azonao atao ihany koa ny manontany hoe: “Inona no fomba hafa heverinao fa ahafahantsika mampiasa ireo fitsipiky ny fahazoana fahalalana ara-panahy mba hanampiana olona iray ao anatin’io toe-javatra io?”