Сургаал ба Гэрээ 23–26

Сургаал ба Гэрээ 23–26

Тойм

Аврагчийн Сүм зохион байгуулагдсанаас хойших сар, өдрүүдэд Иосеф Смитийн гэр бүлийн гишүүд болон бусад хүн Бурханы тэдэнд хүсдэг хүслийг мэдэх хүсэлтэй байв. Иосеф Их Эзэнээс асууж, тэдэнд зориулсан энэхүү илчлэлтийг хүлээн авчээ. Их Эзэн Иосефт Сүмийг хэрхэн удирдахын зэрэгцээ гэр бүлээ хэрхэн тэжээх тухай зааварласан. Их Эзэн Өөрийн хүслийг Эмма Смитэд илчлэв. Тэрээр нөхрөө тайтгаруулах үүрэг хариуцлагын хамт түүний бичээч болох, судруудыг тайлбарлах, Сүмийг ухуулах болон ариун дууллын цуглуулгыг бүтээх ажлын хүрээнд сонгогдсон хатагтай гэж нэрлэгдсэн юм.

[@src=177d04367fc011eca4f1eeeeac1e06c7608f45ee @img-type=tTraining icon] Есүс Христийн сургаалаас хувиараа суралц. Эцсийн өдрүүдэд Есүс Христийн сургаалыг өөрсдөө хувиараа судлах нь маш чухал юм. Ийн үйлдэх нэг арга зам болох нээлттэй хайх асуултуудыг тавих нь сайн мэдээний сургаал, зарчмуудыг өөрсдөө олж мэдэхэд нь суралцагчдад тусалдаг учир нарийн тодорхой хариулт руу хөтөлдөггүй асуултуудыг бүү тавь. Энэ талаар илүү ихийг Аврагчийн арга барилаар заах нь гарын авлагын “Аврагч сургаалаас суралцсан” хэсгээс үзнэ үү. Та энэ долоо хоногийн Сургаал ба Гэрээ 25, 1-р хэсэг гэсэн гарчигтай хичээл дээр хэрхэн үүнийг хэрэгжүүлж болох талаарх жишээг мөн харна уу.

Заахад бэлтгэ

Дараах мэдээлэл нь хичээл бүрд урьдчилан бэлтгэх шаардлагатай санаануудыг танд өгнө.

Сургаал ба Гэрээ 23–24

Хичээлийн зорилго: Энэ хичээл нь суралцагчдад Тэнгэрлэг Эцэг, Есүс Христ хоёр тэднийг мэддэг ба тэдний хувийн амьдралд удирдамж өгдөг гэдгийг мэдрэхэд тусална.

• Суралцагчийн бэлтгэл: Суралцагчдыг зөв шударга хүсэл эрмэлзэлтэй эсэхийг бодоход урь (Номлолд үйлчлэх, нийгэмдээ үйлчлэх, ариун сүмд гэрлэх гэх мэт.). Үүнтэй холбоотойгоор Их Эзэний зөвлөгөөг хэрхэн эрэлхийлэх тухай тунгаан бодохыг тэднээс хүс.

• Хэрэглэх материал: “Сургаал ба Гэрээ 23–24-ийн тараах материалын хуулбарууд. Их Эзэний зөвлөгөө

• Видео: “Тэнгэрлэг Эцэг намайг мэддэг” (3:18)

Сургаал ба Гэрээ 25, 1-р хэсэг

Хичээлийн зорилго: Энэ хичээл нь суралцагчдад Христтэй илүү адил болоход туслах арга замуудыг ойлгоход тусална.

• Суралцагчийн бэлтгэл: Суралцагчдыг бусдад тохинуулснаар Аврагчид үйлчлэх боломжтой байсан туршлагынхаа талаар тунгаан бодоход урь. Тэд уг туршлагын талаар үнэ цэнтэй ямар зүйлийг мэдэрсэн бэ?

• Үзүүлэх агуулга: Эмма Смитийн зураг

Сургаал ба Гэрээ 25, 2-р хэсэг

Хичээлийн зорилго: Энэ хичээл нь суралцагчдад дэлхийн зүйлсийг хойш тавиад, Их Эзэний адислалуудыг эрэлхийлэхэд тусална.

• Суралцагчийн бэлтгэл: Суралцагчдыг Их Эзэнийг дагахад дэлхийн ямар зүйлийг хойш тавьсан тухайгаа эцэг эх эсвэл Сүмийн удирдагчтайгаа ярилцахад урь.

• Хэрэглэх материал: Суралцагчдын хүсэл сонирхлыг үзүүлэх боломжтой хөл бөмбөгийн бөмбөг, сургуулийн тэмдэглэлийн дэвтэр, бяцхан хөгжмийн зэмсэг, судрууд гэх мэт төрөл бүрийн зүйлсийг багтаахуйц том сав.

• Видео:”Нас барагсдын авралаас ирдэг баяр баясгалан” (16:36) цагийн код 6:42-оос 7:44 хүртэл; ”Гэрээнүүд”(14:19) цагийн код 11:45-аас 13:46 хүртэл; “Бурхан яагаад бидэнд зарлигуудыг өгдөг вэ?” (0:39)