Семинар
47-р хичээл: Сургаал ба Гэрээ 30–36, 1-р хэсэг: “Миний сайн мэдээг тунхагла”

“Сургаал ба Гэрээ 30–36, 1-р хэсэг: “Миний сайн мэдээг тунхагла’” Сургаал ба Гэрээний семинарын багшийн гарын авлага (2025)

“Сургаал ба Гэрээ 30–36, 1-р хэсэг,” Сургаал ба Гэрээний семинарын багшийн гарын авлага

47-р хичээл: Сургаал ба Гэрээ 30–36

Сургаал ба Гэрээ 30–36, 1-р хэсэг

“Миний сайн мэдээг тунхагла”

Сайн мэдээг номлож буй номлогчид

Сүм албан ёсоор зохион байгуулагдсанаас хойш хэдхэн сарын дараа Аврагч хэд хэдэн шинэ гишүүнийг номлолд үйлчлэхийг даалгажээ. Тэд сэргээгдсэн сайн мэдээг дөнгөж хүлээн авсан, энэ талаарх ойлголт нь хязгаарлагдмал байсан хэдий ч Их Эзэн энэ эрсийг Өөрийн сайн мэдээг “бүрээн дуу хоолой” (Сургаал ба Гэрээ 30:9) мэтээр тунхаглуулахаар дуудсан юм. Энэ хичээл нь Өөрийн сайн мэдээг бидэнд номлохыг зарлигласан Аврагчийн зарим шалтгааныг ойлгоход суралцагчдад тусална.

Боломжит суралцах үйл ажиллагаа

Энэ бол Сургаал ба Гэрээ 30–36-ийн талаар ярилцах хоёр хичээлийн эхнийх нь юм. 1-р хэсэг нь Их Эзэний биднээс Түүний сайн мэдээг хуваалцахыг хүсдэг шалтгаан дээр төвлөрөх ба 2-р хэсэг нь Түүний бидэнд өгдөг тусламж болон хэрхэн бусдад номлох тал дээр төвлөрөх болно. Хэрэв хичээлийн цаг хүрэлцэхгүй, Сургаал ба Гэрээ 30–36-ийн зөвхөн нэг хичээлийг заах боломжтой байвал хоёр хичээлийг хэрхэн үр дүнтэй нэгтгэж болох талаар бодож үзээрэй.

Сайн мэдээг номлох бидний үүрэг

Саяхан ирсэн номлолын дуудлагыг үзүүлж, чанга уншсанаар хичээлээ эхлүүл. Суралцагчдыг номлолд үйлчлэх талаар бодох үед юу нь сэтгэл догдлом байгааг мөн магадгүй санаа зовоож байгаа тухай мэдрэмжээ хуваалцахад урь.

Ерөнхийлөгч Рассэлл М.Нэлсон бүрэн цагийн номлолын үйлчлэлтэй холбоотой дараах зөвлөгөөг хуваалцжээ.

5:34
Ерөнхийлөгч Рассэлл М.Нэлсон

Өнөөдөр Их Эзэн зохистой, боломжтой залуу эрэгтэй бүрийг номлолд бэлтгэж, үйлчлээсэй хэмээн хүссэн гэдгийг би шийдвэр төгс батлан хэлье. Хожмын үеийн гэгээнтэн залуу эрэгтэйчүүдийн хувьд номлогчийн үйлчлэл бол санваарын үүрэг хариуцлага юм. …

Номлолд үйлчлэх боломжтой залуу эгч та нарын хувьд номлол мөн адил хүчирхэг боловч үйлчлэх эсэхээ сонгож болох боломж юм. Бид номлогч эгч нартаа хайртай, тэднийг чин сэтгэлээсээ угтан авдаг. Энэ ажилд та нарын оруулдаг хувь нэмэр үнэхээр агуу! Их Эзэн таныг номлолд үйлчлээсэй хэмээн хүсэж буй эсэхийг мэдэхийн тулд залбираарай. Тэгвэл Ариун Сүнс таны зүрх сэтгэл, оюунд хариулах болно.

Хайрт залуу найзууд минь, та нарын хүн нэг бүр Их Эзэнд амин чухал билээ. Тэрээр Израилыг цуглуулахад туслуулахаар та нарыг өнөөг хүртэл нөөцлөн хадгалсан. Сургаал заах номлол, үйлчлэлийн номлолын аль нь ч бай, та нарын номлолд үйлчлэх шийдвэр та нарыг болон бусад олон хүнийг адислах болно. …

Бүх номлогч Аврагчийн тухай зааж, гэрчилдэг. Дэлхий дээр сүнслэг харанхуй нэмэгдэх тусам Есүс Христийн гэрэл бүр илүү шаардлагатай болж байна. Хүн бүр Есүс Христийн сэргээгдсэн сайн мэдээний талаар мэдэж авах боломжийг хүртэх эрхтэй. Хүн бүр “бүх оюун ухааныг [давах]” [Филиппой 4:7] найдвар, амар амгаланг хаанаас олж болохыг мэдэх эрхтэй. (Рассэлл М.Нэлсон, “Амар амгалангийн сайн мэдээг номлох нь,” Лиахона, 2022 оны 5-р сар, 6–7)

  • Ерөнхийлөгч Нэлсоны мэдэгдлийн талаар та бүхэнд ямар мэдрэмж, бодол төрж байна вэ?

  • Есүс Христийн гэрэл дэлхийд урьд урьдынхаас илүү хэрэгтэй байгаа ямар нотолгоог та харж байна вэ?

Аврагчийн сайн мэдээг номлох нь зөвхөн бүрэн цагийн номлогчдын үүрэг төдийгүй Сүмийн бүх гишүүний хүлээдэг үүрэг хариуцлага гэдгийг тайлбарла. Өнөөдрийн хичээл нь бид яагаад Их Эзэний сайн мэдээг хуваалцдаг тухай Түүний сургаалд төвлөрнө гэдгийг суралцагчдад хэл. Энэ хичээлийг судлахад бэлтгэхэд нь суралцагчдад туслахаар дараах урилгыг хуваалцахыг бод.

Их Эзэн дагалдагчдаасаа бүрэн цагийн номлогчийн хувьд юм уу өдөр тутмын харилцаандаа яагаад сайн мэдээг номлохыг хүсдэг талаар аль хэдийн мэддэг зүйлээ тунгаан бод. Та эдгээр шалтгаанаа судлах тэмдэглэлдээ бичиж болно. Өнөөдөр судлах явцдаа та Их Эзэн яагаад Өөрийн сайн мэдээг хуваалцахыг дагалдагчдаасаа хүсдэг болохыг илүү сайн ойлгоход туслах сургаалыг хайж ол.

“Энэ цагаас хойш номло”

Хичээлээс өмнө дараах нэрсийг ангийн ханан дээр тарааж байрлуул. Үүнд: Бага Петр Витмер, Жон Витмер, Томас Б.Марш, Парлей П.Пратт, Зиба Петерсон, Эзра Тайре, Нортероп Свеет, Оорсон Пратт, Сидней Ригдон болон Эдвард Партриж. Уг нэрсийг таньж байгаа эсэхийг суралцагчдаас асуу. Эдгээр бүх эрэгтэй Сүм зохион байгуулагдсаны дараахан сайн мэдээг номлож, номлолд үйлчлэхээр Их Эзэнээр дуудагдсан гэдгийг тайлбарла. Тэдний зарим нь дуудлага авахаасаа сар хүрэхгүй хугацааны өмнө баптисм хүртсэн байсныг онцол.

тараах материалын шигтгээ зурагДараах суралцах үйл ажиллагаа нь биднээс Өөрийн сайн мэдээг номлохыг хүсдэг Аврагчийн зарим шалтгааныг ойлгоход суралцагчдад тусална. Суралцагчдыг бүлгүүдэд хуваарилаад, суралцагч бүрд дагалдах тараах материалыг тарааж өг. Судрын хэсгүүдээс нэгийг судлуулахаар бүлэг бүрд оноо.

Сургаал ба Гэрээ 30–36 дээрх Их Эзэний номлогчдод өгсөн зөвлөгөө

Доор жагсаасан хүмүүст өгсөн Аврагчийн зөвлөгөөг судлаад, дараах асуултуудыг авч ярилц.

Сургаал ба Гэрээ 31:1–5 (Томас Б.Марш)

  • Аврагч яагаад Өөрийнх нь сайн мэдээг хуваалцахыг биднээс хүсдэгийг ойлгоход туслах ямар үнэн эдгээр шүлэгт байна вэ?

  • Та яагаад Есүс Христ Өөрийн сайн мэдээг “агуу баяр хөөрийн баярт мэдээ” (3-р шүлэг) хэмээсэн гэж бодож байна вэ? Аврагчийн сайн мэдээ танд баяр баясгаланг хэрхэн авчирдаг вэ?

Сургаал ба Гэрээ 33:1–7, 10–12 (Эзра Тайре ба Нортероп Свеет)

  • Аврагч яагаад Өөрийнх нь сайн мэдээг хуваалцахыг биднээс хүсдэг болохыг ойлгоход туслах ямар үнэн эдгээр шүлэгт байна вэ?

  • Их Эзэн яагаад Өөрийнх нь сайн мэдээг “бүрээн дуу мэт” чанга дуу хоолойгоор тунхаглахыг хүсэх байсан бэ? (2-р шүлэг).

Сургаал ба Гэрээ 34:1–7 (Орсон Пратт)

  • Аврагч яагаад Өөрийнх нь сайн мэдээг хуваалцахыг биднээс хүсдэгийг ойлгоход туслах ямар үнэн эдгээр шүлэгт байна вэ?

  • Аврагчийн сайн мэдээг номлохоор дуудагдах нь яагаад үүнд зүгээр нэг итгэхээс “илүү адислагдсан” хэрэг гэж та бодож байна вэ?

Сургаал ба Гэрээ 35:1–3, 6–8, 12–13 (Сидней Ригдон)

  • Аврагч яагаад Өөрийнх нь сайн мэдээг хуваалцахыг биднээс хүсдэгийг ойлгоход туслах ямар үнэн эдгээр шүлэгт байна вэ?

  • Их Эзэн яагаад Өөрийн сайн мэдээг дэлхийн “үндэстнүүдэд” тунхаглуулахаар “эрдэмд боловсроогүй,” туршлагагүй хүмүүсийг дууддаг гэж та бодож байна вэ? (13-р шүлэг)

© 2023 by Intellectual Reserve, Inc. All rights reserved.

Суралцагчдыг эдгээр шүлгийг судалж, ярилцсаны дараа, юу сурч мэдсэнээ хуваалцахад урь. Ийн үйлдэх нэг арга зам бол Аврагч Өөрийнх нь сайн мэдээг хуваалцахыг биднээс хүсдэг шалтгаанууд гэх хэллэгийг самбарын голд бичих явдал юм. Дараа нь хэдэн суралцагч самбарт гарч ирээд, өөрсдийн судалсан хэсгээс олж мэдсэн санаагаа бичиж болно. Суралцагчдыг аль болох олон шалтгаан гаргаж ирэхэд урамшуул. Тэдний хуваалцаж болох хариултаас цөөн хэдэн жишээ дурдъя.

  • Түүний сайн мэдээ хүмүүст баяр баяслыг мэдрэхэд тусална (Сургаал ба Гэрээ 31:3-ыг үзнэ үү).

  • Бид Түүнд итгэх итгэлээ хөгжүүлж, наманчилж мөн Түүний сайн мэдээний ёслолуудыг хүлээн авахгүйгээр мөнх амьдралыг хүлээн авах боломжгүй (Сургаал ба Гэрээ 33:10–12-ыг үзнэ үү).

  • Тэрээр дэлхийг Түүний Хоёр дахь ирэлтэд бэлтгэлтэй байхыг хүсдэг (Сургаал ба Гэрээ 33:10; 34:6–7-г үзнэ үү).

  • Тэр биднийг хайрладаг ба бидний төлөө Өөрийн амийг өгсөн (Сургаал ба Гэрээ 34:3; 35:2-ыг үзнэ үү).

Суралцагчдыг олж мэдсэн үнэнүүдээ хуваалцсаны дараа, дараахтай адил цөөн асуулт тавихыг бод.

  • Эдгээр үнэнийг мэдсэн нь бүрэн цагийн номлогчдын хувьд юм уу өдөр тутмын харилцаандаа Аврагчийн сайн мэдээг бусадтай хуваалцахад биднийг хэрхэн урамшуулж чадах вэ?

  • Таны хувьд Аврагчийн сайн мэдээг хуваалцах хамгийн чухал шалтгаан юу вэ?

Өнөөдрийн ярилцсан үнэнүүдээ гэрчил. Суралцагчдыг хүлээж авсан өдөөлтийнхөө дагуу үйлдэхэд урамшуул. Тэднийг бүрэн цагийн номлолын үйлчлэлийн тухай ерөнхийлөгч Нэлсоны өгсөн зөвлөгөөг залбирч байгаад авч үзэхэд урь.