Սեմինարիա
Դաս 52․ Վարդապետություն և Ուխտեր 38․15–27, 34–42. Եղեք մեկ

«Վարդապետություն և Ուխտեր 38․15–27, 34–42․ Եղեք մեկ», Վարդապետություն և Ուխտեր․ Սեմինարիայի ուսուցչի ձեռնարկ (2025 թ․)

«Վարդապետություն և Ուխտեր 38․15–27, 34–42», Վարդապետություն և Ուխտեր․ Սեմինարիայի ուսուցչի ձեռնարկ

Դաս 52. Վարդապետություն և Ուխտեր 37–40

Վարդապետություն և Ուխտեր 38․15–27, 34–42

Եղեք մեկ

Փրկիչը սպասավորում է

Տերը ցուցումներ տվեց Իր Սրբերին, երբ նրանք պատրաստվում էին մեծ զոհաբերություններ անել՝ Օհայոյում հավաքվելու համար: Սրբերին տրված Իր հայտնության մեջ Փրկիչը բացահայտեց Իր բնավորությունը և հրավիրեց Իր ժողովրդին ապրել Իր նման: Այս դասը կօգնի ուսանողներին ավելի նմանվել Փրկչին՝ արժևորելով ուրիշներին և ձգտելով միասնության:

Հնարավոր ուսումնական վարժություններ

Տերը կամենում է, որ մենք դառնանք այնպիսին, ինչպիսին Ինքն է:

Կարող եք սկսել դասը՝ յուրաքանչյուր ուսանողի առաջարկելով գրել իր հետաքրքրություններից հինգը: Այնուհետև դասարանը բաժանեք փոքր խմբերի: Առաջարկեք նրանց կիսվել իրենց հետաքրքրություններով և ընդհանուր հետաքրքրությունների ցուցակ կազմել: Այնուհետև խնդրեք նրանց քննարկել, թե ինչու է երբեմն դժվար տարբեր հետաքրքրություններ ունեցող մարդկանց համար միասնական լինելը և ինչու է միասնությունը կարևոր Քրիստոսի աշակերտների համար:

Առաջարկեք ուսանողներին մտածել մի մարդու մասին, ում իրենք կարող էին ավելի լավ վերաբերվել կամ ում հետ կարող էին ավելի լավ հարաբերություններ ունենալ: Խրախուսեք ուսանողներին ոգեշնչում փնտրել Սուրբ Հոգու միջոցով, որը կօգնի իրենց ավելի լավ վերաբերվել այդ մարդուն կամ բարելավել իրենց հարաբերությունները այդ մարդու հետ: Առաջարկեք նրանց մտածել, թե ինչպես կարող է այս մոտեցումը հարաբերություններին օգնել միասնության ձևավորմանը:

1830 թվականի դեկտեմբերին Ջոզեֆ Սմիթն աշխատում էր Աստվածաշնչի ոգեշնչված վերանայման վրա և ստացավ այն, ինչն այժմ գրված է Թանկագին Մարգարիտի Մովսես 6–7 գլուխներում: Այս գլուխները Ենովք անունով մարգարեի և նրա ժողովրդի մասին են: Նրանց առաքինության և միաբանության շնորհիվ Տերը կոչեց այս մարդկանց Սիոն:

Վարդապետություն և Ուխտեր 38 գլխում Փրկիչը հրահանգեց Սրբերին հավաքվել Օհայոյում: Նա ուսուցանեց նրանց Իր բնավորության մասին և ընդգծեց Սիոնի կառուցման սկզբունքները: Այս սկզբունքներին հնազանդվելը կօգնի Սրբերին պատրաստվել ստանալու Փրկչի օրենքը և օժտվելու Նրա զորությամբ (տես Վարդապետություն և Ուխտեր 38.32)։

Կարդացեք Վարդապետություն և Ուխտեր 38․24–27 հատվածները՝ փնտրելով այն հատկանիշները, որոնք Հիսուս Քրիստոսը ցանկանում է, որ մենք զարգացնենք։

Երբ ուսանողները կարդան Վարդապետություն և Ուխտեր 38.24–27 հատվածները, կարող եք նշել 24–25 հատվածների կրկնվող արտահայտությունը։ Կարող եք նաև առաջարկել մի քանի ուսանողի դերախաղով ներկայացնել 26–27 հատվածների առակը։

  • Ձեր կարծիքով, ի՞նչ է նշանակում «գնահատի իր եղբորը, ինչպես ինքն իրեն»։ (Տես Մատթեոս 22․36–39, Հովհաննես 13․34–35, Հակոբ 2․17–19)։

  • Ի՞նչ կարող ենք սովորել Փրկչի մասին  26–27 հատվածների առակից։

  • Ի՞նչ են մեզ ուսուցանում 24–27 հատվածներն այն մասին, թե ինչպես մենք կարող ենք նմանվել Հիսուս Քրիստոսին։

    Օգնեք ուսանողներին բացահայտել նմանատիպ մի սկզբունք. Մենք կարող ենք նմանվել Հիսուս Քրիստոսին, եթե գնահատենք ուրիշներին և ձգտենք միասնության որպես Նրա աշակերտներ:

    Օգտագործեք ստորև բերված հարցերից մի քանիսը կամ այլ հարցեր, որոնց մասին մտածում եք՝ օգնելու ուսանողներին հասկանալ այս սկզբունքը: Կարող եք առաջարկել ուսանողներին քննարկման ընթացքում մտածել այն մարդկանց մասին, ում հետ իրենք ցանկանում են ավելի լավ հարաբերություններ ունենալ:

  • Ինչո՞ւ է Հիսուս Քրիստոսը ուրիշներին գնահատելու օրինակ հանդիսանում: Ինչո՞ւ է Նա միասնությունը խրախուսելու օրինակ հանդիսանում:

  • Ինչո՞ւ է երբեմն դժվար Եկեղեցու այլ անդամների հետ միավորվելը:

  • Ի՞նչ փոփոխության կարող է բերել ձեր կյանքում ավելի շատ սեր ցուցաբերելն ուրիշների հանդեպ և ավելի միավորված լինելը Եկեղեցու հետ:

Ցուցադրեք «Մեկ Քրիստոսում» (4:48) տեսանյութը, որը հասանելի է ChurchofJesusChrist.org կայքում՝ օգնելու ուսանողներին հասկանալ, թե ինչպես է Փրկիչն օգնում մեզ դառնալ միասնական:

4:48

Կարդացեք Վարդապետություն և Ուխտեր 38․34–36, 39–42 հատվածները և փնտրեք, թե ինչպես էին հրավիրվել միավորվելու Օհայոյի հավաքին պատրաստվող Սրբերը:

  • Ի՞նչ գտաք, որը օգնեց Օհայո տեղափոխվողներին գնահատել միմյանց և լինել միասնական:

Ուրիշներին գնահատելու և միասնություն ձգտելու մեր ջանքերը

դասընթացի պատկերակՕգտագործեք մարգարեների խոսքերը՝ ընդգծելու վարդապետությունն ու սկզբունքները. Այդ հմտությունը զարգացնելու համար տես «Ուսուցանեք սուրբ գրություններով և վերջին օրերի մարգարեների խոսքերով» դասընթացը՝ Ուսուցիչների կատարելագործման հմտություններ ուսուցողական նյութում։ Կարող եք կիրառել հմտությունը՝ «պատրաստելով հրավերներ, որոնք օգնում են ուսանողներին սուրբ գրություններում գտած ճշմարտությունները կապել ապրող մարգարեների ասած խոսքերի հետ», ինչպես ցույց է տրված երեց Ռենլանդի ստորև ներկայացվող ելույթում:

Տասներկու Առաքյալների Քվորումից երեց Դեյլ Գ. Ռենլանդը ուսուցանել է այն եղանակների մասին, որոնցով մենք կարող ենք միասնական լինել՝ որպես Քրիստոսի աշակերտներ։ Կարդացեք ելույթը կամ դիտեք «Քրիստոսի խաղաղությունը չեզոքացնում է թշնամանքը» տեսանյութը (12:39, դիտել 4:49-ից մինչև 6:32-ը) ChurchofJesusChrist.org կայքում:

12:51
Երեց Դեյլ Գ. Ռենլանդ

Միասնությունը ջանքեր է պահանջում։ Այն զարգանում է, երբ մեր սրտերում սեր ենք զարգացնում Աստծո հանդեպ, և կենտրոնանում ենք մեր հավերժական ճակատագրի վրա: Մենք միավորված ենք մեր գլխավոր ընդհանուր ինքնությամբ՝ որպես Աստծո զավակներ և վերականգնված ավետարանի ճշմարտություններին մեր նվիրվածությամբ: Մեր սերն առ Աստված և Հիսուս Քրիստոսի մեր աշակերտությունն առաջացնում են անկեղծ մտահոգություն ուրիշների հանդեպ: Մենք գնահատում ենք ուրիշների էությունների, տեսակետների և տաղանդների խճանկարը: Եթե չենք կարողանում Հիսուս Քրիստոսին հետևելու մեր աշակերտությունը վեր դասել մեր անձնական հետաքրքրություններից և տեսակետներից, պետք է վերանայենք մեր առաջնահերթությունները և փոխվենք:

Մենք, գուցե, հակված ենք ասել. «Իհարկե մենք կարող ենք ունենալ միասնություն, եթե միայն դուք համաձայնվեք ինձ հետ»: Ավելի լավ մոտեցում է հարցնել. «Ի՞նչ կարող եմ անել միասնություն խթանելու համար»: Ինչպե՞ս կարող եմ արձագանքել այս մարդուն, որպեսզի օգնեմ նրան մոտենալ Քրիստոսին: Ի՞նչ կարող եմ անել, որպեսզի նվազեցնեմ հակառակությունը և կառուցեմ Եկեղեցու կարեկից ու հոգատար համայնք:

Երբ սերն առ Քրիստոս պարուրում է մեր կյանքը, անհամաձայնություններին մոտենում ենք հեզությամբ, համբերությամբ և բարությամբ: Մենք ավելի քիչ ենք մտահոգվում մեր սեփական զգացողություններով և ավելի շատ՝ մեր մերձավորով: Մենք «ձգտում ենք զսպվածության և միավորման» [Դալլին Հ․ Օուքս, «Պաշտպանենք մեր աստվածայնորեն ոգեշնչված սահմանադրությունը», Լիահոնա», մայիս 2021 թ․, 107]: Մենք չենք մասնակցում «կասկածելի վիճաբանությունների», դատում նրանց, ում հետ համաձայն չենք, կամ փորձում ստիպել նրանց սայթաքել [տես Հռովմեացիս 14․1–3, 13, 21]։ Փոխարենը, մենք ենթադրում ենք, որ նրանք, ում հետ մենք համաձայն չենք, անում են այն ամենն, ինչ կարող են՝ իրենց կյանքի փորձառությունների միջոցով: (Դեյլ Գ. Ռենլանդ, «Քրիստոսի խաղաղությունը չեզոքացնում է թշնամանքը», Լիահոնա, նոյեմբեր 2021 թ., 84):

Խնդրեք ուսանողներին կիսվել, թե ինչպես են իրենք օրհնվել՝ ձգտելով գնահատել ուրիշներին և միավորվել որպես Քրիստոսի աշակերտներ:

Առաջարկեք ուսանողներին աղոթքով գնահատել, թե որքան լավ զգացողություններ են իրենք ունենում, երբ գնահատում եք ուրիշներին և ամրապնդում նրանց հետ հարաբերությունները:

Ուսանողների համար օգտակար կլինի իրենց օրագրում պատասխանել ստորև ներկայացվող հարցերին:

Աղոթքով ընտրեք մի հարաբերություն, որը ցանկանում եք ամրապնդել որևէ մարդու կամ մարդկանց խմբի հետ: Պատասխանեք հետևյալ հարցերից մեկին կամ մի քանիսին.

  • Ի՞նչ կարող եք անել այդ մարդուն կամ մարդկանց գնահատելու և նրանց հանդեպ սեր ցուցաբերելու համար:

  • Ինչպե՞ս կարող եք դիմել Փրկչին՝ հաղթահարելու ձեր առջև ծառացած խոչընդոտները:

  • Ինչո՞ւ դա անելը կօգնի ձեզ ավելի շատ նմանվել Փրկիչին: