« គោលលទ្ធិ និងសេចក្ដីសញ្ញា ៦៤–៦៦ ៖ ទិដ្ឋភាពទូទៅ » ព្រះគម្ពីរគោលលទ្ធិ និងសេចក្ដីសញ្ញា សៀវភៅសិក្សាសម្រាប់គ្រូបង្រៀនថ្នាក់សិក្ខាសាលា ( ឆ្នាំ ២០២៥ )
« គោលលទ្ធិ និងសេចក្ដីសញ្ញា ៦៤–៦៦ » ព្រះគម្ពីរគោលលទ្ធិ និងសេចក្ដីសញ្ញា សៀវភៅសិក្សាសម្រាប់គ្រូបង្រៀនថ្នាក់សិក្ខាសាលា
គោលលទ្ធិ និងសេចក្តីសញ្ញា ៦៤–៦៦
គោលលទ្ធិ និងសេចក្តីសញ្ញា ៦៤–៦៦
ទិដ្ឋភាពទូទៅ
យ៉ូសែប ស្ម៊ីធ និងពួកអែលឌើរផ្សេងទៀតបានត្រឡប់ទៅរដ្ឋអូហៃអូវិញពីរដ្ឋមិសសួរី ។ ក្នុងអំឡុងពេលធ្វើដំណើរ ពួកអែលឌើរមួយចំនួនមានការខ្វែងគំនិតគ្នា ប៉ុន្តែភាគច្រើនបានផ្សះផ្សាគ្នានូវអារម្មណ៍ទាស់ទែងរបស់ពួកគេហើយ ។ ខណៈដែលកំពុងត្រៀមខ្លួនផ្លាស់ទៅរស់នៅនៅទីក្រុងហៃរាំ រដ្ឋអូហៃអូ និងពេលកំពុងជួយអ្នកដទៃឲ្យត្រៀមខ្លួនជាស្រេចដើម្បីធ្វើដំណើរទៅរដ្ឋមិសសួរី យ៉ូសែប ស្ម៊ីធ បានទទួលវិវរណៈនេះនៅក្នុង គោលលទ្ធិ និងសេចក្តីសញ្ញា ៦៤ ។ នៅក្នុងវិវរណៈនេះ ព្រះអម្ចាស់បានបញ្ជាសមាជិកសាសនាចក្រឲ្យអភ័យទោសឲ្យគ្នាទៅវិញទៅមក ហើយបានបង្រៀនពួកគេអំពីការលះបង់ដែលទ្រង់តម្រូវឲ្យមាន ។ នៅក្នុង គោលលទ្ធិ និងសេចក្ដីសញ្ញា ៦៥ ព្រះអង្គបានបើកសម្ដែងថា ដំណឹងល្អនឹងទៅដល់គ្រប់ជាតិសាសន៍ដើម្បីត្រៀមខ្លួនសម្រាប់ការយាងមកជាលើកទីពីរ ហើយថាពួកបរិសុទ្ធត្រូវអធិស្ឋានទូលសូមឲ្យមានការរីកចម្រើនដល់នគរព្រះ ។
លើកទឹកចិត្តឲ្យរៀបចំសម្រាប់បទពិសោធន៍រៀនសូត្រ ៖ មានរបៀបជាច្រើនដែលសិស្សអាចរៀបចំចិត្ត និងគំនិតរបស់ខ្លួនដើម្បីរៀនដំណឹងល្អ ។ របៀបទាំងនេះមួយចំនួនរួមមាន ការអធិស្ឋានសូមវិវរណៈ ការបង្កើតឲ្យមានបំណងចង់រៀនសូត្រ ការប្រែចិត្ត ការសិក្សា ការឆ្លើយតបនឹងសំណួរ ការមានឆន្ទៈរួមចំណែក និងការត្រៀមខ្លួនដើម្បីបង្រៀនអ្នកដទៃ ។ សម្រាប់ព័ត៌មានបន្ថែមទៀតអំពីរបៀបដែលព្រះអង្គសង្គ្រោះបានធ្វើការណ៍នេះ សូមមើលផ្នែក « ព្រះអង្គសង្គ្រោះបានអញ្ជើញអ្នកដទៃឲ្យរៀបចំខ្លួនដើម្បីរៀន » នៅក្នុង ការបង្រៀនតាមរបៀបរបស់ព្រះអង្គសង្គ្រោះ ។ អ្នកអាចក៏ឃើញឧទាហរណ៍មួយអំពីរបៀបធ្វើកិច្ចការនេះនៅខាងក្រោមមេរៀននេះផងដែរ ដែលមានចំណងជើងថា « គោលលទ្ធិ និងសេចក្តីសញ្ញា ៦៤:២០–៤៣ » ។
រៀបចំខ្លួនបង្រៀន
ព័ត៌មានខាងក្រោមផ្តល់ឲ្យអ្នកនូវគំនិតខ្លះៗអំពីអ្វីដែលអ្នកអាចត្រូវរៀបចំទុកជាមុនសម្រាប់មេរៀននីមួយៗ ។
គោលលទ្ធិ និងសេចក្តីសញ្ញា ៦៤:១–១៧
គោលបំណងមេរៀន ៖ ដើម្បីជួយសិស្សឲ្យធ្វើតាមគំរូរបស់ព្រះយេស៊ូវគ្រីស្ទ ហើយកាន់តែមានចិត្តអភ័យទោស ។
-
ការរៀបចំសិស្ស ៖ សូមអញ្ជើញសិស្សឲ្យគិតពិចារណាពីមនុស្សម្នាក់នៅក្នុងជីវិតរបស់ពួកគេ ដែលអាចត្រូវការការអភ័យទោសរបស់ពួកគេ ។
-
វីដេអូ ៖ « Forgiveness: My Burden Was Made Light » ( ៨:២៤ ); « Happy and Forever » ( ១៣:០៩; សូមមើលពីនាទីទី ៩:៤៧ ដល់នាទីទី ១០:៣៩ ); « The Ministry of Reconciliation » ( ១៦:១២; សូមមើលពីនាទីទី ១០:១១ ដល់នាទីទី ១១:២៣ )
-
រូបភាពដែលត្រូវបង្ហាញ ៖ ព្រះអង្គសង្គ្រោះ
គោលលទ្ធិ និងសេចក្ដីសញ្ញា ៦៤:២០–៤៣
គោលបំណងមេរៀន ៖ ដើម្បីជួយសិស្សឲ្យមានបំណងប្រាថ្នាកាន់តែខ្លាំងឡើងដើម្បីថ្វាយចិត្ត និងគំនិតដែលស្ម័គ្រតាមរបស់ពួកគេដល់ព្រះអម្ចាស់ ។
-
ការរៀបចំសិស្ស ៖ មុនមេរៀននេះ សូមចែកឃ្លានេះឲ្យទៅសិស្ស « ព្រះអម្ចាស់ទ្រង់តម្រូវចិត្ត និងគំនិតដែលស្ម័គ្រតាម » ( គោលលទ្ធិ និងសេចក្ដីសញ្ញា ៦៤:៣៤ ) ។ សូមអញ្ជើញពួកគេឲ្យគិតអំពីអត្ថន័យនៃឃ្លានេះ ឬរបៀបដែលយើងអាចថ្វាយចិត្ត និងគំនិតដែលស្ម័គ្រតាមរបស់យើងដល់ព្រះអម្ចាស់ ។
-
លើកទឹកចិត្តឲ្យរៀបចំសម្រាប់បទពិសោធន៍រៀនសូត្រ ៖ គំនិតរៀបចំសិស្សលើកមុនគឺជាគំរូមួយនៃរបៀបដើម្បីលើកទឹកចិត្តឲ្យមានការរៀបចំខ្លួនសម្រាប់បទពិសោធន៍រៀនសូត្រ ។ សម្រាប់ការអនុវត្តបន្ថែមទៀតជាមួយនឹងការណ៍នេះ សូមមើលការបំពាក់បំប៉នដែលមានចំណងជើងថា « បង្កើតការអញ្ជើញដែលជួយសិស្សឲ្យរៀបចំខ្លួនសម្រាប់បទពិសោធន៍រៀនសូត្រលើកក្រោយ » ដែលមាននៅក្នុង ជំនាញអភិវឌ្ឍន៍គ្រូបង្រៀន ៖ អញ្ជើញឲ្យរៀនសូត្រដោយឧស្សាហ៍ ។
-
រូបភាពដែលត្រូវបង្ហាញ ៖ ចម្ការរបស់ អ៊ីសាក មួលី; ចិត្ត និងគំនិតដែលអាចទាញយកបានយ៉ាងងាយ
គោលលទ្ធិ និងសេចក្តីសញ្ញា ៦៥
គោលបំណងមេរៀន ៖ ដើម្បីជួយសិស្សឲ្យយល់ពីតួនាទីរបស់សាសនាចក្រក្នុងការរៀបចំពិភពលោកសម្រាប់ការយាងមកជាលើកទីពីររបស់ព្រះយេស៊ូវគ្រីស្ទ ។
-
ការរៀបចំសិស្ស ៖ សូមអញ្ជើញសិស្សឲ្យស្វែងរកភស្តុតាងនៃការរីកចម្រើនរបស់សាសនាចក្រ ។ ពួកគេអាចពិភាក្សាជាមួយឪពុក ឬម្ដាយ ឬសមាជិកម្នាក់ក្នុងវួដរបស់ពួកគេ អំពីរបៀបដែលពួកគេបានឃើញសាសនាចក្ររីកចម្រើនឡើងនៅទូទាំងពិភពលោក ។ សិស្សក៏អាចស្វែងរកភស្តុតាងបានផងដែរ ដោយប្រើ « Facts and Statistics » នៅលើគេហទំព័រ newsroom.ChurchofJesusChrist.org ។
-
វីដេអូ ៖ « Hope of Israel » ( ១:០១:៣៤; សូមមើលពីនាទីទី ៥១:៤២ ដល់នាទីទី ៥២:០៤ )