Fotopampianarana sy Fanekempihavanana 76

Fotopampianarana sy Fanekempihavanana 76

Topimaso ankapobeny

Rehefa nanao ny asa fandikan-teny azo avy amin’ny fanentanam-panahy ny Baiboly sy nisaintsaina ny soratra masina ny Mpaminany Joseph Smith sy i Sidney Rigdon, dia nahita fahitana niavaka. Nasehon’ny Mpamonjy azy ireo ny fahitana kely maromaro izay nanampy tamin’ny fampianarana ny momba ny anjara asany amin’ny maha-Mpamonjy ny olombelona rehetra Azy sy ny fahalavoan’i Satana ary ny filazalazana momba ny fanjakam-boninahitra tsirairay avy.

Mametraha fanontaniana izay manasa ny fandinihan-tena: Ny fandinihan-tena sy ny fanombanan-tena dia afaka manasa ny Fanahy Masina hanampy ny mpianatra tsirairay hahita ny zavatra “araka ny tena toetrany, sy … ny ho tena toetrany” (Jakoba 4:13). Ny fandinihan-tena mahomby dia manampy ireo mpianatra handinika ny fahatakarany ny fahamarinan’ny filazantsara amin’izao fotoana izao sy ny antony maha-zava-dehibe ireo fahamarinana ireo ary ny fomba hiainana izany. Raha mila fanazavana fanampiny momba ny fomba nanaovan’ny Mpamonjy izany dia jereo ny fizarana “Ny Mpamonjy dia nanolotra fahafahana ho an’ny olona mba ho ampianarin’ny Fanahy Masina” ao amin’ny Mampianatra araka ny fomban’ny Mpamonjy. Afaka mahita ohatra iray momba ny fomba hanaovana izany ianao ao amin’ny lesona ho an’ity herinandro ity izay mitondra ny lohateny hoe “Fotopampianarana sy Fanekempihavanana 76:71–112.”

Miomana hampianatra

Ity fampahalalana manaraka ity dia manome hevitra anao momba ny zavatra mety hilaina homanina mialoha ho an’ny lesona tsirairay.

Fotopampianarana sy Fanekempihavanana 76:1–19

Tanjon’ny lesona: Mba hanampiana ny mpianatra hianatra amin’ny alalan’ny herin’ny Fanahy Masina rehefa manokana fotoana hisaintsainana ny tenin’ny Mpamonjy izy ireo.

• Fanomanana ny mpianatra: Asao ny mpianatra hieritreritra ireo toe-javatra atrehiny na mety hatrehiny amin’izao fotoana izao izay ilany fahazoana fitarihana na tiany hahazoana fitarihana avy amin’ny Tompo amin’ny alalan’ny Fanahy Masina.

Fotopampianarana sy Fanekempihavanana 76:19–24

Tanjon’ny lesona: Mba hanampiana ny mpianatra hahatsapa fitomboan’ny fitiavana ho an’i Jesoa Kristy sy ny anjara asany ao amin’ny drafitry ny Ray any An-danitra.

• Fanomanana ny mpianatra: Amporisiho ny mpianatra hanoratra fehezan-teny iray izay tiany ho fantatry ny olona rehetra momba an’i Jesoa Kristy ary ho vonona ny hizara ny zavatra nosoratany.

• Fitaovana ilaina entina: Taratasy lehibe raha toa ka misafidy ny hangataka ny mpianatra mba hanoratra sy hampiseho ny heviny ianao; tahadika vita printin’ny“Velona ilay Mpanavotra ahy” (Fihirana sy hiran’ny ankizy, lah. 76) raha toa ka tsy manana boky fihirana ny mpianatra

• Votoatiny haseho: Torolalana ho an’ny sahanasa A sy B raha toa ka miasa irery na miaraka amin’ny vondrona ny mpianatra

Fotopampianarana sy Fanekempihavanana 76:50–70

Tanjon’ny lesona: Mba hanampiana ny mpianatra hahatsapa fanantenana fa afaka mahazo ny fisandratana izy ireo amin’ny alalan’i Jesoa Kristy.

• Fanomanana ny mpianatra: Asao ny mpianatra hamaky ny Fotopampianarana sy Fanekempihavanana 76:50–70 mba hitadiavana ny zavatra nosoratan’ny Mpaminany Joseph Smith sy i Sidney Rigdon momba ny fanjakana selestialy sy ireo izay handova izany.

• Votoatiny haseho: Tabilao hanampiana ny mpianatra handalina ny Fotopampianarana sy Fanekempihavanana 76:50–70

• Taratasy zaraina: “Fanantenana amin’ny alalan’i Jesoa Kristy”

Fotopampianarana sy Fanekempihavanana 76:71–112

Tanjon’ny lesona: Mba hanampiana ireo mpianatra ho lasa maherifo kokoa amin’ny tenivavolombelona ananany momba an’i Jesoa Kristy.

• Fanomanana ny mpianatra: Asao ny mpianatra hieritreritra ny dikan’ny hoe maherifo amin’ny tenivavolombelona ananan’izy ireo momba an’i Jesoa Kristy. Azon’izy ireo atao ny manombantombana ny halehiben’ny herim-pony ary mandinika ny fanatsarana azony atao.