« គោលលទ្ធិ និងសេចក្ដីសញ្ញា ៨៤ ៖ ទិដ្ឋភាពទូទៅ » សៀវភៅសិក្សាព្រះគម្ពីរគោលលទ្ធិ និងសេចក្ដីសញ្ញា សម្រាប់គ្រូបង្រៀនថ្នាក់សិក្ខាសាលា ( ឆ្នាំ ២០២៥ )
« គោលលទ្ធិ និងសេចក្តីសញ្ញា ៨៤ » សៀវភៅសិក្សាព្រះគម្ពីរគោលលទ្ធិ និងសេចក្ដីសញ្ញា សម្រាប់គ្រូបង្រៀនថ្នាក់សិក្ខាសាលា
គោលលទ្ធិ និងសេចក្តីសញ្ញា ៨៤
គោលលទ្ធិ និងសេចក្តីសញ្ញា ៨៤
ទិដ្ឋភាពទូទៅ
បន្ទាប់ពីត្រឡប់មកផ្ទះវិញពីបេសកកម្មរបស់ពួកគាត់ ពួកអែលឌើរមួយក្រុមបានជួបជាមួយព្យាការី យ៉ូសែប ស្ម៊ីធ ។ នៅពេលកំពុងអធិស្ឋានជាមួយគ្នា ព្យាការីបានទទួលវិវរណៈមួយដែលផ្តល់នូវការយល់ដឹងអំពីអំណាចនៃភាពជាព្រះដែលមានសម្រាប់ស្ត្រី និងបុរសតាមរយៈពិធីបរិសុទ្ធបព្វជិតភាព ។ ព្រះអង្គសង្គ្រោះក៏បានពន្យល់ផងដែរអំពីសម្បថ និងសេចក្ដីសញ្ញាដែលអនុវត្តចំពោះអំណាចបព្វជិតភាពរបស់ទ្រង់ ហើយបានបញ្ជាពួកសិស្សរបស់ទ្រង់ឲ្យថ្លែងទីបន្ទាល់អំពីដំណឹងល្អរបស់ទ្រង់ទៅកាន់ពិភពលោកទាំងមូល ។
សួរសំណួរដែលនាំឲ្យមានវិចារណញាណ ៖ វិចារណញាណផ្ទាល់ខ្លួន និងស្វ័យវាយតម្លៃអាចយាងអញ្ជើញព្រះវិញ្ញាណបរិសុទ្ធដើម្បីជួយសិស្សម្នាក់មើលឃើញអ្វីៗ « តាមដែលមាននៅពេលនេះ ហើយ … តាមដែលនឹងមាននៅពេលខាងមុខ » ( យ៉ាកុប ៤:១៣ ) ។ ស្វ័យវាយតម្លៃដែលមានប្រសិទ្ធភាព ជួយសិស្សឲ្យពិចារណាអំពីការយល់ដឹងបច្ចុប្បន្នរបស់ពួកគេ និងភាពទាក់ទងចំពោះសេចក្តីពិតនៃដំណឹងល្អ ក៏ដូចជារបៀបរស់នៅតាមសេចក្តីពិតផងដែរ ។ សម្រាប់ព័ត៌មានបន្ថែមទៀតអំពីរបៀបដែលព្រះអង្គសង្គ្រោះបានធ្វើការណ៍នេះ សូមមើលផ្នែក « ព្រះអង្គសង្គ្រោះបានប្រទានឱកាសនានាដល់មនុស្សដើម្បីឲ្យព្រះវិញ្ញាណបង្រៀនពួកគេ » នៅក្នុង ការបង្រៀនតាមរបៀបរបស់ព្រះអង្គសង្គ្រោះ ។ អ្នកក៏អាចឃើញឧទាហរណ៍មួយអំពីរបៀបធ្វើកិច្ចការនេះក្នុងមេរៀននៅសប្ដាហ៍នេះផងដែរ ដែលមានចំណងជើងថា « គោលលទ្ធិ និងសេចក្តីសញ្ញា ៨៤:១–៣២ » ។
រៀបចំខ្លួនបង្រៀន
ព័ត៌មានខាងក្រោមផ្តល់ឲ្យអ្នកនូវគំនិតខ្លះៗអំពីអ្វីដែលអ្នកអាចត្រូវរៀបចំទុកជាមុនសម្រាប់មេរៀននីមួយៗ ។
គោលលទ្ធិ និងសេចក្តីសញ្ញា ៨៤:១–៣២
គោលបំណងមេរៀន ៖ ដើម្បីជួយសិស្សឲ្យយល់ពីសារៈសំខាន់នៃការទទួលបានអំណាចនៃភាពជាព្រះ ដែលព្រះយេស៊ូវគ្រីស្ទប្រទានតាមរយៈពិធីបរិសុទ្ធបព្វជិតភាពរបស់ទ្រង់ ។
ការរៀបចំសិស្ស ៖ សូមអញ្ជើញសិស្សឲ្យជញ្ជឹងគិតអំពីអ្វីដែលពួកគេដឹងអំពីពិធីបរិសុទ្ធបព្វជិតភាព និងមូលហេតុដែលវាមានសារៈសំខាន់ក្នុងជីវិតរបស់ពួកគេរៀងៗខ្លួនក្នុងនាមជាសមាជិកនៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ។
គោលលទ្ធិ និងសេចក្ដីសញ្ញា ៨៤:៣៣–៤៤
គោលបំណងមេរៀន ៖ ដើម្បីជួយសិស្សឲ្យយល់កាន់តែស៊ីជម្រៅអំពីសម្បថ និងសេចក្ដីសញ្ញានៃបព្វជិតភាព ។
-
ការរៀបចំសិស្ស ៖ សូមអញ្ជើញសិស្សឲ្យគិតអំពីរបៀបដែលពួកគេបានទទួលពរដោយការចុះ និងការរក្សាសេចក្ដីសញ្ញាជាមួយនឹងព្រះ ។ សូមឲ្យពួកគេរៀបចំខ្លួនដើម្បីចែកចាយពីរបៀបដែលការខិតខំគោរពសេចក្ដីសញ្ញារបស់ពួកគេបានបង្កើនអំណាចនៃព្រះក្នុងជីវិតរបស់ពួកគេ ។
-
សំណៅចែក ៖ « ធ្វើឲ្យការយល់ដឹងរបស់អ្នកអំពីសម្បថ និងសេចក្ដីសញ្ញានៃបព្វជិតភាពកាន់តែស៊ីជម្រៅ ( ផ្នែកទី ១ និង ផ្នែកទី ២ ) »
គោលលទ្ធិ និងសេចក្ដីសញ្ញា ៨៤:៤៩–១០២
គោលបំណងមេរៀន ៖ ដើម្បីជួយសិស្សឲ្យមានបំណងប្រាថ្នាដូចជាព្រះគ្រីស្ទក្នុងការចែកចាយដំណឹងល្អជាមួយមនុស្សគ្រប់រូបក្នុងពិភពលោក ។
-
ការរៀបចំសិស្ស ៖ សូមអញ្ជើញសិស្សឲ្យសួរនរណាម្នាក់អំពីពរជ័យនៃការទទួលយកព្រះអម្ចាស់ព្រះយេស៊ូវគ្រីស្ទ និងដំណឹងល្អដែលបានស្ដារឡើងវិញរបស់ទ្រង់ ។ បើអាចធ្វើបាន សូមអញ្ជើញពួកគេឲ្យសួរនរណាម្នាក់ដែលបានទទួលបុណ្យជ្រមុជទឹក បន្ទាប់ពីពួកអ្នកផ្សព្វផ្សាយសាសនាបានបង្រៀនពួកគេ ។
-
រូបភាពដែលត្រូវបង្ហាញ ៖ ផែនទីពិភពលោក
-
វីដេអូ ៖ « A Change of Heart » ( ៤:៣៩ )
ការអនុវត្តចំណេះចំណានខាងគោលលទ្ធិទី ៦
គោលបំណងមេរៀន ៖ ដើម្បីជួយសិស្សឲ្យយល់អំពីសេចក្តីពិតដែលបានបង្រៀននៅក្នុងវគ្គចំណេះចំណានខាងគោលលទ្ធិ ហើយរៀន និងអនុវត្តតាមគោលការណ៍ដ៏ទេវភាពសម្រាប់ការទទួលបានចំណេះដឹងខាងវិញ្ញាណ ។
ការរៀបចំរបស់សិស្ស ៖ សូមអញ្ជើញសិស្សឲ្យសួរសមាជិកគ្រួសារដែលមានវ័យចំណាស់ ឬអ្នកដឹកនាំសាសនាចក្រថា ហេតុអ្វីបានជាពួកគាត់ជ្រើសរើសបន្តសកម្មក្នុងសាសនាចក្រ ហើយស្មោះត្រង់ចំពោះដំណឹងល្អនៃព្រះយេស៊ូវគ្រីស្ទ ។