Mataupu Faavae ma Feagaiga 88

Mataupu Faavae ma Feagaiga 88

Vaaiga Aoao

I le faaiuga o Tesema o le 1832 ma le amataga o Ianuari o le 1833, sa faaali mai ai e le Alii se savali na tofia Iosefa Samita o le “lau olive.” O lenei savali o le filemu mai le Alii na faaalia mai ai le tele o upumoni e taua e faavavau, e aofia ai le mana o loo Ia pulea ai Ana foafoaga ma le upumoni e uiga i Lana tulafono e faavavau. Na aoao mai le Faaola e uiga i le Toetu ma o le tulafono tatou te usiusitai i ai e fuafua ai le mamalu tatou te maua pe a toetu. Sa Ia valaaulia Ona soo e faalatalata atu ia te Ia. Sa Ia poloaiina Lona nuu e fausia se malumalu ma tuuina atu faatonuga e faatulaga ai le Aoga a Perofeta.

Iloiloina o le malamalama o tagata aoga: Atonu e eseese le malamalama o tagata aoga i autu o le talalelei. E mafai ona fesoasoani le filimaotiina po o le a le tele o mea latou te iloa e uiga i se mea e fesoasoani ia i latou e alualu ai i luma. O le valaaulia o i latou e faasoa mai mea na latou aoaoina pe fesili atu pe i ai ni a latou fesili e mafai ona fesoasoani ia te oe e fuafua ai vaega o le lesona e manaomia ona latou taulai i ai. Mo nisi faamatalaga i le ala na faia ai e le Faaola lenei mea, tagai i le vaega “Sa Sauni i Taimi Uma le Faaola e Tali atu i Manaoga o Isi” i le Aoao Atu i le Ala a le Faaola. E mafai foi ona e vaai i se faataitaiga o le auala e faia ai lenei mea i le lesona o lenei vaiaso ua faaulutalaina “Mataupu Faavae ma Feagaiga 88:14–41.”

Ia saunia e aoao atu

O lenei faamatalaga e tuuina atu ai ia te oe ni manatu o mea atonu e manaomia ona muai saunia mo lesona taitasi.

Mataupu Faavae ma Feagaiga 88:1–13, 41–50

Faamoemoega o le lesona: Ina ia fesoasoani i tagata aoga ia lagonaina se agaga faafetai sili atu mo le aafiaga o le Malamalama o Keriso i o latou olaga.

• Sauniuniga a le tagata aoga: Mafaufau e valaaulia tagata aoga e faaalu se taimi e tilotilo ai i le lagi i le po pe saili mo ata o avanoa i luga o le initoneti ma mafaufau loloto i le mamalu o le Atua e pei ona vaaia i le atulaulau o loo vaaia.

• Pepa e tufa atu: “O Le Malamalama o Keriso (Vaega 1 ma le Vaega 2)”

Mataupu Faavae ma Feagaiga 88:14–41

Faamoemoega o le lesona: Ina ia fesoasoani i tagata aoga ia faateleina lo latou mautinoa e mafai ona latou maua le mamalu selesitila.

• Sauniuniga a le tagata aoga: Valaaulia tagata aoga e faia se lisi puupuu pe faapefea ona aoga tulafono i o tatou olaga. Fautuaina i latou ia saunia e faasoa mai o latou manatu.

Mataupu Faavae ma Feagaiga 88:51–95

Faamoemoega o le lesona: Ina ia fesoasoani i tagata aoga ia maua faamanuiaga o le faalatalata atu i le Tama Faalelagi ma Iesu Keriso.

• Sauniuniga a le tagata aoga: Valaaulia tagata aoga e ole atu i le Tama Faalelagi i le tatalo po o le a se mea e mafai ona latou faia ia lagona ai le latalata atili atu ia te Ia ma Iesu Keriso.

• Vitiō: “E Faapefea ona Ou Lagona o Ia: Elder Dale G. Renlund” (3:00)

Mataupu Faavae ma Feagaiga 88:76-80,117–141

Faamoemoega o le lesona: Ina ia fesoasoani i tagata aoga e aoao e ala i le faatuatua ia Iesu Keriso i faatulagaga eseese.

• Sauniuniga a le tagata aoga: Fautuaina tagata aoga e mafaufau i soo se mea o latou faia e aoao ai e uiga ia Iesu Keriso ma faateleina le faatuatua ia te Ia. Valaaulia i latou e o mai saunia e faasoa manatu ma le tulaga o iai ma le vasega.

• Vitiō: “Opogi le Lumanai i le Faatuatua” (16:24; matamata mai le faailotaimi 10:28 e oo i le 11:20)

• Aitema: O se ato aoga ma ni fasipepa