Doktrina at mga Tipan 88

Doktrina at mga Tipan 88

Buod

Noong huling bahagi ng Disyembre ng 1832 at sa unang bahagi ng Enero ng 1833, naghayag ang Panginoon ng isang mensahe na tinawag ni Joseph Smith bilang “dahon ng olibo.” Ang mensaheng ito ng kapayapaan mula sa Panginoon ay naghayag ng maraming katotohanan ng walang hanggang kahalagahan, kabilang na ang kapangyarihang ginagamit Niya upang pamahalaan ang Kanyang mga nilikha at ang katotohanan tungkol sa Kanyang walang hanggang batas. Itinuro ng Tagapagligtas ang tungkol sa Pagkabuhay na Mag-uli at na itinatakda ng batas na sinusunod natin ang kaluwalhatiang matatanggap natin kapag tayo ay nabuhay na mag-uli. Inanyayahan Niya ang Kanyang mga tagasunod na magsilapit sa Kanya. Siya ay nag-utos sa Kanyang mga tao na magtayo ng templo at nagbigay ng mga tagubilin na itatag ang Paaralan ng mga Propeta.

Pagsusuri sa kaalaman ng mga estudyante: Maaaring iba-iba ang kaalaman ng mga estudyante tungkol sa mga paksa ng ebanghelyo. Makatutulong na malaman kung gaano karami ang nalalaman nila tungkol sa isang bagay para matulungan sila na umunlad. Ang pag-anyaya sa kanila na ibahagi ang natutuhan nila o pagtatanong kung may mga tanong sila ay makatutulong sa iyo na matukoy ang mga bahagi ng lesson na kailangan nilang pagtuunan. Para sa karagdagang kaalaman kung paano ito ginawa ng Tagapagligtas, tingnan ang bahaging “Ang Tagapagligtas ay Palaging Handang Tumugon sa mga Pangangailangan ng Iba” sa Pagtuturo sa Paraan ng Tagapagligtas. Maaari ka ring makakita ng halimbawa ng kung paano ito gawin sa lesson sa linggong ito na may pamagat na “Doktrina at mga Tipan 88:14–41.”

Maghandang magturo

Ang sumusunod na impormasyon ay nagbibigay sa iyo ng mga ideya sa kung ano ang maaaring kailangan mong ihanda nang maaga para sa bawat lesson.

Doktrina at mga Tipan 88:1–13, 41–50

Layunin ng lesson: Tulungan ang mga estudyante na mas mapahalagahan ang impluwensya ng Liwanag ni Cristo sa kanilang buhay.

• Paghahanda ng estudyante: Maaari mong anyayahan ang mga estudyante na maglaan ng oras na tingnan ang kalangitan sa gabi o maghanap ng mga larawan ng kalawakan sa internet at pagnilayan ang kamaharlikaan ng Diyos na nakikita sa sansinukob.

• Handout: “Ang Liwanag ni Cristo (Bahagi 1 at Bahagi 2)”

Doktrina at mga Tipan 88:14–41

Layunin ng lesson: Tulungan ang mga estudyante na madagdagan ang kanilang kumpiyansa na matatanggap nila ang kaluwalhatiang selestiyal.

• Paghahanda ng estudyante: Sabihin sa mga estudyante na gumawa ng maikling listahan ng kung paano kapaki-pakinabang ang mga batas sa ating buhay. Hikayatin silang maging handa na ibahagi ang kanilang mga naisip.

Doktrina at mga Tipan 88:51–95

Layunin ng lesson: Tulungan ang mga estudyante na matanggap ang mga pagpapala ng paglapit sa Ama sa Langit at kay Jesucristo.

• Paghahanda ng estudyante: Sabihin sa mga estudyante na manalangin at itanong sa Ama sa Langit kung ano ang magagawa nila para mas mapalapit sa Kanya at kay Jesucristo.

• Video: “How I #HearHim: Elder Dale G. Renlund” (3:00)

Doktrina at mga Tipan 88:76–80, 117–141

Layunin ng lesson: Tulungan ang mga estudyante na matuto sa pamamagitan ng pananampalataya kay Jesucristo sa iba’t ibang sitwasyon.

• Paghahanda ng estudyante: Hikayatin ang mga estudyante na pagnilayan ang anumang ginagawa nila para malaman ang tungkol kay Jesucristo at mapalakas ang pananampalataya sa Kanya. Hikayatin sila na maghandang magbahagi sa klase ng mga ideya at progreso.

• Video: “Yakapin ang Bukas nang may Pananampalataya” (16:24; panoorin mula sa time code na 10:28 hanggang 11:20)

• Mga Item: Isang bag na ginagamit sa paaralan at ilang piraso ng papel