Manwal ng Titser ng Seminary para sa Doktrina at mga Tipan

Mga Nilalaman
Pahina ng Pamagat
Pambungad sa Manwal ng Titser ng Seminary para sa Doktrina at mga Tipan
Mga Lesson sa Doktrina at mga Tipan
- Ang Proklamasyon ng Pagpapanumbalik
- Doktrina at mga Tipan 1
- Joseph Smith—Kasaysayan 1:1–26
- Doktrina at mga Tipan 2; Joseph Smith—Kasaysayan 1:27–65
- Doktrina at mga Tipan 3–5
- Doktrina at mga Tipan 6–9
- Doktrina at mga Tipan 10–11
- Doktrina at mga Tipan 12–17; Joseph Smith—Kasaysayan 1:66–75
- Doktrina at mga Tipan 18
- Doktrina at mga Tipan 19
- Doktrina at mga Tipan 20–22
- Doktrina at mga Tipan 23–26
- Doktrina at mga Tipan 27–28
- Doktrina at mga Tipan 29
- Doktrina at mga Tipan 30–36
- Doktrina at mga Tipan 37–40
- Doktrina at mga Tipan 41–44
- Doktrina at mga Tipan 45
- Doktrina at mga Tipan 46–48
- Doktrina at mga Tipan 49–50
- Doktrina at mga Tipan 51–57
- Doktrina at mga Tipan 58–59
- Doktrina at mga Tipan 60–63
- Doktrina at mga Tipan 64–66
- Doktrina at mga Tipan 67–70
- Doktrina at mga Tipan 71–75
- Doktrina at mga Tipan 76
- Doktrina at mga Tipan 77–80
- Doktrina at mga Tipan 81–83
- Doktrina at mga Tipan 84
- Doktrina at mga Tipan 85–87
- Doktrina at mga Tipan 88
- Doktrina at mga Tipan 89–92
- Doktrina at mga Tipan 93
- Doktrina at mga Tipan 94–97
- Doktrina at mga Tipan 98–101
- Doktrina at mga Tipan 102–105
- Doktrina at mga Tipan 106–108
- Doktrina at mga Tipan 109–110
- Doktrina at mga Tipan 111–114
- Doktrina at mga Tipan 115–120
- Doktrina at mga Tipan 121–123
- Doktrina at mga Tipan 124
- Doktrina at mga Tipan 125–128
- Doktrina at mga Tipan 129–132
- Doktrina at mga Tipan 133–134
- Doktrina at mga Tipan 135–136
- Doktrina at mga Tipan 137–138
- Ang Mga Saligan ng Pananampalataya at Mga Opisyal na Pahayag 1 at 2
- Ang Mag-anak: Isang Pagpapahayag sa Mundo
- Ang Buhay na Cristo
Mga Lesson sa Paghahanda sa Buhay
- Doctrinal Mastery: Paghahanap ng mga Sagot sa Aking mga Tanong
- Mga Kasanayan sa Pag-aaral ng mga Banal na Kasulatan
- Para sa Lakas ng mga Kabataan: Paggawa ng mga Pagpili
- Pagkakaroon ng Pag-asa sa Sariling Kakayahan
- Pisikal at Emosyonal na Kalusugan
- Paghahanda para sa Edukasyon at Trabaho sa Hinaharap
- Tagumpay sa Paaralan
- Paghahanda ng Missionary
- Paghahanda para sa Templo
- Mga Turo ng mga Lider ng Simbahan
Apendiks

Lesson 100—Doktrina at mga Tipan 88:1–13, 41–50: Ang Liwanag ni Cristo

“Lesson 100—Doktrina at mga Tipan 88:1–13, 41–50: Ang Liwanag ni Cristo,” Manwal ng Titser ng Seminary para sa Doktrina at mga Tipan (2025)

“Doktrina at mga Tipan 88:1–13, 41–50,” Manwal ng Titser ng Seminary para sa Doktrina at mga Tipan

Lesson 100: Doktrina at mga Tipan 88

Doktrina at mga Tipan 88:1–13, 41–50

Ang Liwanag ni Cristo

isang larawan ni Cristo, na nakatuon sa liwanag

Habang nasa Kirtland, Ohio, si Joseph Smith at ang ilang mataas na saserdote o high priest ay nanalangin sa Ama sa Langit para sa isang paghahayag hinggil sa pagtatayo ng Sion. Ang paghahayag ay nagturo ng mga katotohanan tungkol sa kapangyarihan at kahalagahan ng Liwanag ni Jesucristo. Layunin ng lesson na ito na tulungan ang mga estudyante na makadama ng mas malalim na pagpapahalaga sa impluwensya ng Liwanag ni Cristo sa kanilang buhay.

Mga Posibleng Aktibidad sa Pag-aaral

Mga bagay na ating nadarama

Maaari mong itanong sa mga estudyante ang sumusunod at ilista ang kanilang mga sagot. Maaari mo ring ipatalakay sa kanila ang tanong sa maliliit na grupo at pagkatapos ay ipasulat sa pisara ang kanilang mga sagot.

Ano ang mga halimbawa ng mga bagay na nadarama ninyo ngunit hindi ninyo nakikita?

Maaaring ilista ng mga estudyante ang mga bagay na tulad ng init, hangin, pagmamahal, pasasalamat, pananampalataya, at iba pa.
Bakit maaaring mahalaga na malaman na may mga bagay na nadarama ninyo ngunit hindi nakikita?

Maaari mong anyayahan ang mga estudyante na maghanap ng inspirasyon upang matukoy ang impluwensya ng Diyos sa kanilang buhay.

Mga Gawain ng Liwanag ni Cristo

Nagtipon-tipon si Joseph Smith at siyam na elder ng Simbahan sa itaas ng Tindahan ni Newel K. Whitney sa Kirtland, Ohio. Ninais nila na mas maunawaan pa ang kanilang mga tungkulin sa pagtatayo ng Sion. Inanyayahan ni Joseph ang bawat tao na maghalinhinan sa pananalangin upang malaman ang kalooban ng Panginoon. Matapos manalangin, natanggap ng Propeta ang tinatawag natin ngayon na Doktrina at mga Tipan 88.

Sa pagsisimula ng mga estudyante sa pagbabasa ng sumusunod, tiyakin na nauunawaan nila na ang talata 6 ay tumutukoy kay Jesucristo.

Basahin ang Doktrina at mga Tipan 88:6–13, at alamin kung ano ang maituturo sa inyo ng mga talatang ito tungkol kay Jesucristo at sa Kanyang liwanag.

Ano ang natutuhan ninyo mula sa mga talatang ito tungkol sa Liwanag ni Cristo?

Sa iba’t ibang ideya na maaaring ibahagi ng mga estudyante, tulungan silang matukoy ang katotohanan na ang Liwanag ni Cristo ay nagbibigay ng liwanag at buhay sa lahat ng Kanyang mga nilikha.

Tulungan ang mga estudyante na makita kung paano makakaapekto sa kanilang buhay sa araw-araw ang pag-unawa sa impluwensya ng Diyos sa pamamagitan ng Liwanag ni Cristo. Ang sumusunod na tanong ay isang paraan upang magawa ito.
Ano ang ilang sitwasyon na kinahaharap ng kabataan kung saan makikinabang sila sa pagkilala sa impluwensya ng Diyos? Bakit?

Ang Liwanag ni Cristo

Bigyang-kahulugan ang Liwanag ni Cristo

Basahin ang Doktrina at mga Tipan 88:12–13, at maghanap ng mga paglalarawan sa Liwanag ni Cristo.

Basahin ang sumusunod na kahulugan ng Liwanag ni Cristo:

“[Ang Liwanag ni Cristo ay] banal na lakas, kapangyarihan, o [impluwensya] na nanggagaling sa Diyos sa pamamagitan ni Cristo at nagbibigay ng buhay at ilaw sa lahat ng bagay. Ito ang batas kung saan ang lahat ng bagay ay pinamamahalaan sa langit at sa lupa (D&T 88:6–13). Tinutulungan din nito ang mga tao na maunawaan ang mga katotohanan ng ebanghelyo at tinutulungang ilagay sila sa daan ng ebanghelyo na [humahantong] sa kaligtasan.” (Gabay sa mga Banal na Kasulatan, “Ilaw, Liwanag ni Cristo,” scriptures.ChurchofJesusChrist.org)

Paano mo ibubuod ang naunawaan mo tungkol sa kung ano ang Liwanag ni Cristo?
Sa iyong palagay, paano ka personal na naiimpluwensyahan ng Liwanag ni Cristo?

Ang Liwanag ni Cristo bilang ating konsensya o budhi

Ang isang manipestasyon ng Liwanag ni Cristo ay ang ating konsensya. Sumulat ng isang kahulugan na mauunawaan ng isang bata sa Primary ayon sa pagkaunawa mo kung ano ang konsensya.

Basahin ang sumusunod na kahulugan at tingnan kung ano ang maaari mong idagdag sa iyong kahulugan:

“Ang [budhi ay] pagkilala sa tama at mali, na nagmumula sa Liwanag ni Cristo sa lahat ng tao (Moro. 7:16). Isinilang tayo na may likas na kakayahang makilala ang tama [sa] mali dahil sa ibinigay na Liwanag ni Cristo sa bawat tao (D&T 84:46). Ang bagay na ito ay tinatawag na budhi. Ang pagkakaroon nito ang siyang lumilikha ng pagiging may pananagutan natin bilang mga nilalang. Tulad ng ibang kakayahan, ang ating budhi ay maaaring manghina dahil sa kasalanan o maling paggamit.” (Gabay sa mga Banal na Kasulatan, “Budhi,” scriptures.ChurchofJesusChrist.org)

Basahin ang Doktrina at mga Tipan 84:45–46 at Moroni 7:16, at hanapin ang mga salita o parirala na naglalarawan kung paano kumikilos ang Liwanag ni Cristo bilang ating konsensya o budhi. Maaari mong i-cross-reference ang dalawang talata.

Ano ang isang parirala mula sa mga talatang ito na tumutulong sa iyo na maunawaan kung ano ang konsensya?
Sa palagay mo, bakit ka binigyan ng Ama sa Langit at ni Jesucristo ng konsensya?

Paano nakaiimpluwensya ang pakikinig o pagbabalewala sa iyong konsensya sa mga pagpiling ginagawa mo at sa iyong walang hanggang destinasyon?

Ang Liwanag ni Cristo ay nasa lahat

Kunwari ay hiniling sa iyong magbahagi ka ng maikling ideya sa Sunday School tungkol sa kung paano tratuhin at pakitunguhan nang mas mabuti ang lahat ng tao, lalo na ang mga taong iba kaysa sa iyo. Maaari mong gamitin ang sumusunod na resources at anupamang mahahanap mo na makatutulong.

Itinuro ni Pangulong Boyd K. Packer (1924–2015) ng Korum ng Labindalawang Apostol:

Habang mas natututuhan natin ang tungkol sa Liwanag ni Cristo, mas mauunawaan natin ang tungkol sa buhay at lalo nating mamahalin ang buong sangkatauhan. Tayo ay magiging mas mabubuting titser at missionary at magulang, at mas mabubuting kalalakihan at kababaihan at mga bata. Magkakaroon tayo ng mas malalim na paggalang sa ating mga kapatid sa Simbahan at sa mga taong hindi naniniwala. …

Ang Liwanag ni Cristo ay para sa lahat tulad ng mismong sikat ng araw. Saanman naroon ang tao, naroon ang Espiritu ni Cristo. Taglay ito ng bawat nabubuhay na nilalang. …

Kung mauunawaan natin ang realidad ng Liwanag ni Cristo sa lahat ng taong nakikita natin … at sa ating sarili, … magkakaroon tayo ng tapang at inspirasyon nang higit pa sa nalalaman natin dati. At dapat ngang ganito! At magiging ganito! Ang lahat ng ito ay dimensyon ng katotohanan ng ebanghelyo na nauunawaan lamang ng iilan. (Boyd K. Packer, “The Light of Christ,” Ensign, Abr. 2005, 8, 13–14)

Sumulat ng dalawa hanggang tatlong pangungusap tungkol sa kung paano makaiimpluwensya ang pag-unawa sa Liwanag ni Cristo sa pagtingin mo sa iba.

Ang Liwanag ni Cristo sa sansinukob

Naantig ka na ba sa kagandahan o karingalan ng mundong ito at ng sansinukob? Ano ang ipinadarama sa iyo ng mga ito?

Basahin ang Doktrina at mga Tipan 88:7–10, 45–47 at alamin ang natutuhan mo tungkol sa Liwanag ni Cristo, sa mundo, at sa sansinukob.

Ano ang matututuhan natin tungkol sa Panginoon mula sa Kanyang mga nilikha?
Kapag nakikita natin ang impluwensya ng Diyos sa sansinukob, paano ito makatutulong sa atin na makilala ang Kanyang impluwensya sa ating buhay?

Matapos magkaroon ng oras ang mga estudyante upang kumpletuhin ang mga istasyon, maaari mo silang bigyan ng pagkakataong ibahagi ang natutuhan at nadama nila. Maaaring makatulong ang mga sumusunod na tanong.

Ano ang natutuhan ninyo tungkol sa Liwanag ni Cristo na labis na nakaantig sa inyo?
Paano ninyo nakita ang impluwensya ng Liwanag ni Cristo sa inyong buhay?
Sa inyong palagay, paano makaiimpluwensya ang pagkilala sa Liwanag ni Cristo sa inyong buhay sa inyong kaugnayan sa Ama sa Langit at kay Jesucristo?

Maaari mong ibahagi kung paano ka naimpluwensyahan nang mas maunawaan mo ang Liwanag ni Cristo.

Karagdagang Resources

Ano ang pagkakaiba ng Liwanag ni Cristo at ng kaloob na Espiritu Santo?

Itinuro ni Pangulong Boyd K. Packer (1924–2015) ng Korum ng Labindalawang Apostol:

Ang lahat ng tao sa kahit saang dako ay may Espiritu ni Cristo [o Liwanag ni Cristo], at bagama’t ang Espiritu ng Espiritu Santo ay maaaring dumalaw sa sinuman, ang kaloob na Espiritu Santo ay natatamo “sa pamamagitan ng pagsunod sa mga batas at ordenansa ng Ebanghelyo” (Mga Saligan ng Pananampalataya 1:3), sa pamamagitan ng “pagbibinyag sa pamamagitan ng paglulubog para sa kapatawaran ng mga kasalanan; [at ang] pagpapatong ng mga kamay para sa kaloob na Espiritu Santo“ (Mga Saligan ng Pananampalataya 1:4). Hindi ito awtomatikong naroroon na katulad ng Espiritu ni Cristo. Ang kaloob na ito ay dapat ibigay ng isang taong may hawak ng awtoridad (tingnan sa Mga Saligan ng Pananampalataya 1:5). (Boyd K. Packer, “The Light of Christ,”,“ Ensign, Abr. 2005, 13)

Paano nakakaapekto ang pagiging nakaayon sa Liwanag ni Cristo sa paraan ng pagbabahagi natin ng ebanghelyo sa iba?

Ibinahagi ni Elder D. Todd Christofferson ng Korum ng Labindalawang Apostol:

2:3

Pagbabahagi ng Mensahe ng Pagpapanumbalik at ng Pagkabuhay na Mag-uli

Itinuro ni Elder Christofferson ang tungkol sa kahalagahan ng pagbabahagi ng mensahe ng Pagpapanumbalik at nagbigay ng tatlong kinakailangang gawin para matagumpay itong maibahagi.

Kung nananahan sa atin ang pagmamahal ni Cristo, malalaman ng iba na tunay ang pagmamahal natin sa kanila. Kung ang liwanag ng Banal na Espiritu ay nagliliwanag sa atin, pagniningasin nito ang Liwanag ni Cristo na nasa kanila. Ang ugali at ginagawa ninyo ay magpapadama na tunay at tapat ang inyong paanyaya na pumarito para maranasan ang kagalakan ng kabuuan ng ebanghelyo ni Jesucristo. (D. Todd Christofferson, “Pagbabahagi ng Mensahe ng Pagpapanumbalik at ng Pagkabuhay na Mag-uli,” Liahona, Mayo 2020, 112)

Maaari bang mawala ang Liwanag ni Cristo?

Itinuro ni Pangulong Boyd K. Packer (1924–2015) ng Korum ng Labindalawang Apostol:

Ang Liwanag ni Cristo ay nasa inyo na bago pa man kayo isinilang (tingnan sa D&T 93:23, 29–30), at sasamahan kayo nito sa bawat sandali ng inyong buhay at hindi mawawala kapag ang inyong mortal na katawan ay naging alabok. Lagi itong nariyan. …

Ipinaliwanag ni Pangulong Harold B. Lee: “Ang liwanag na iyon ay hindi kailanman lubusang maglalaho … [patungkol sa Liwanag ni Cristo] maliban kung makagawa tayo ng walang kapatawarang kasalanan. Ang liwanag nito ay maaaring napakalamlam kaya halos hindi natin ito makita, ngunit nariyan ito upang pagningasin natin upang lalo pang magningning na may pang-unawa at kaalaman. Maliban kung gawin natin ito, hindi tayo magtatagumpay. Ang ating gawaing misyonero ay mawawalan ng kabuluhan.” (Boyd K. Packer, ”The Light of Christ,” Ensign, Abr. 2005, 10, 14)

Sinabi ni Sister Sharon Eubank, dating Unang Tagapayo sa Relief Society General Presidency:

Ang isa sa [mga] pinakapangunahing pangangailangan natin upang umunlad ay ang manatiling nakakonekta sa pinagkukuhanan natin ng liwanag—si Jesucristo. Siya ang pinagmumulan ng ating lakas, ang Ilaw at Buhay ng Sanlibutan. Kung walang matibay na koneksyon sa Kanya, magsisimula tayong mamatay sa espirituwal. …

Sinabi ni Jesus, “Ako ang ilaw na nagliliwanag sa kadiliman, at ang kadiliman ay hindi ito naunawaan” [Doktrina at mga Tipan 6:21]. Ibig sabihin niyan ay gaano man ang pagtatangka ng kadiliman, hindi nito mapapatay ang ilaw na iyon. Hindi kailanman. Magtiwala na nariyan ang Kanyang liwanag para sa inyo. (Sharon Eubank, “Si Cristo: Ang Ilaw na Lumiliwanag sa Kadiliman,” Liahona, Mayo 2019, 73, 75)

Saan ko matututuhan pa ang tungkol sa Liwanag ni Cristo?

2:33

Patterns of Light: The Light of Christ

What is light? In this three part series, Elder David A. Bednar discusses how we receive and perceive light from God. Part 1 centers on the properties of light and how the Light of Christ affects all men and women everywhere.

“Ang Ilaw at ang Buhay ng Sanlibutan”

“Ang Liwanag ni Cristo”

Mga Karagdagang Aktibidad sa Pag-aaral

Mga karagdagang gawain ng Liwanag ni Cristo

Kung nais mo, maaari mong gamitin ang sumusunod na materyal para palitan ang isa sa mga bahagi o magdagdag ng karagdagang bahagi sa handout.

Mga Kaloob at Pagkamalikhain

Ang isa sa mga gawain ng Liwanag ni Cristo ay “nagpapabilis ng inyong mga pang-unawa” (Doktrina at mga Tipan 88:11). Maaari itong mangyari sa pamamagitan ng pagbibigay-inspirasyon sa inyo sa anumang marangal na gawaing ginagawa ninyo.

Itinuro ni Pangulong Boyd K. Packer (1924–2015) ng Korum ng Labindalawang Apostol:

Maliliwanagan ng Espiritu ni Cristo ang imbentor, siyentipiko, pintor, iskultor, kompositor, aktor, arkitekto, awtor upang lumikha ng magaganda at inspiradong mga bagay para sa pagpapala at ikabubuti ng buong sangkatauhan.

Mahihikayat ng Espiritung ito ang magsasaka sa kanyang bukid at ang mangingisda sa kanyang bangka. Mabibigyang-inspirasyon nito ang titser sa klase, ang missionary sa paglalahad niya ng talakayan. Mabibigyang-inspirasyon nito ang estudyanteng nakikinig. At ang napakahalaga, mabibigyang-inspirasyon nito ang mag-asawa, at ama at ina. (Boyd K. Packer, ““The Light of Christ,” Ensign, Abr. 2005, 10)

Sa inyong palagay, paano ninyo makikilala ang tulong na dumarating sa pamamagitan ng liwanag ng Tagapagligtas?
Anong gawain ang napagbuti o mapagbubuti ng Liwanag ni Cristo sa inyong buhay?

Ang Banal na Espiritu ng pangako

Upang matulungan ang mga estudyante na maunawaan ang kahulugan ng Doktrina at mga Tipan 88:3–5, maaari mong anyayahan ang mga estudyante na basahin ang mga talata at alamin kung ano ang ipinagkaloob ng Panginoon sa mga Banal na ito na nagtipon para manalangin.

Maaari mong ibahagi ang sumusunod na sipi upang mas maunawaan ang Banal na Espiritu ng Pangako.

Ipinaliwanag ni Elder David A. Bednar ng Korum ng Labindalawang Apostol:

Ang Banal na Espiritu ng Pangako ang nagpapatibay na kapangyarihan ng Espiritu Santo. Kapag naibuklod ng Banal na Espiritu ng Pangako, ang isang ordenansa, sumpaan, o tipan ay may bisa sa lupa at sa langit. (Tingnan sa D&T 132:7.) Ang pagtanggap ng “tatak ng pagsang-ayon” na ito mula sa Espiritu Santo ay bunga ng katapatan, integridad, at paninindigan sa paggalang sa mga tipan ng ebanghelyo “sa paglipas ng panahon” (Moises 7:21). Gayunman, maaaring mabalewala ang pagbubuklod na ito sa pamamagitan ng kasamaan at paglabag.

Ang pagdadalisay at pagbubuklod ng Banal na Espiritu ng Pangako ang pinakahuling hakbang sa proseso ng pagsilang na muli. (David A. Bednar, “Kinakailangan Ngang Kayo’y Ipanganak na Muli,” Liahona, Mayo 2007, 22).