Сургаал ба Гэрээ 94–97

Сургаал ба Гэрээ 94–97

Тойм

1832 оны 12-р сарын сүүлээр Их Эзэн гэгээнтнүүдэд Огайогийн Көртландад ариун сүм барих зарлиг буулгажээ. 1833 оны 6-р сар болоход тэд барилгын ажлыг эхлүүлээгүй байв. Их Эзэн Өөрийн хүмүүсийг сахилгажуулж, Өөрийн өргөөг барих зарлигаа батлан хэлсэн. Миссурийн Сүмийн удирдагчдыг Иосеф Смитээс зааварчилгаа хүсэх үед Их Эзэн тэдэнд ариун сүм барихыг мөн зарлиглажээ.

Ярилцлагад өдөөдөг асуулт тавь. Багшийг суралцагчидтай, суралцагчдыг бие биетэйгээ харилцах үед хичээл дээр утга учиртай ярилцлага өрнөдөг. Олон суралцагчид хариулах боломж олгох хамаарал бүхий асуултуудыг тавь. Мөн та ангийнхныхаа санал сэтгэгдэлд хариулахад суралцагчдыг урих асуултууд тавьж болно. Аврагч бусдыг идэвхтэй суралцагч болоход хэрхэн урьсан талаар илүү ихийг мэдэхийг хүсвэл Аврагчийн арга барилаар заах нь гарын авлагын “Аврагч бусдад суралцах үүргээ хүлээхэд нь тусалсан” хэсгийг үзнэ үү. Та энэ долоо хоногийн “Сургаал ба Гэрээ 95” гэсэн гарчигтай хичээлд идэвхтэй оролцоход нь суралцагчдад туслахын тулд асуултууд ашиглах жишээг харж болно.

Заахад бэлтгэ

Дараах мэдээлэл хичээл бүрд урьдчилан бэлтгэх шаардлагатай зүйлсийн талаарх санаануудыг багшид өгнө.

Сургаал ба Гэрээ 95

Хичээлийн зорилго: Их Эзэний ариун сүмд Түүнийг шүтэн бишрэх хүслээ нэмэгдүүлэхэд суралцагчдад туслах.

• Суралцагчийн бэлтгэл: Суралцагчдыг ариун сүмийн мэдлэгээр нь дамжуулан Их Эзэн тэднийг хэрхэн адисалж байсан талаар тэмдэглэлдээ бичихэд урь. Энэ нь тэднийг туршлагаа ангийнхантайгаа хуваалцахад бэлтгэх болно.

• Тараах материал: “Көртландын ариун сүмийг барихад гаргасан золиослол”

• Видео: “Temples Are a Beacon” (2:50)

Сургаал ба Гэрээ 97

Хичээлийн зорилго: Зүрх сэтгэлдээ цэвэр ариун болоход суралцагчдад туслах.

• Суралцагчийн бэлтгэл: Өсвөр үеийнхний бат бөх байдлын төлөө: Сонголт хийхэд туслах хөтөч ([товхимол, 2022], 36–37)-ийн хавсралт дахь ариун сүмийн зөвшөөрлийн бичиг олгох асуултуудын нэг эсвэл түүнээс дээш асуултад хариулах хариултуудаа тунгаан бодоход суралцагчдыг урь. Энэ нь цэвэр ариун байдлын талаар суралцахад бэлтгэхэд тэдэнд тусална.

• Ашиглах эд зүйлс: Нэг шилтэй юм уу савтай ус, Өсвөр үеийнхний бат бөх байдлын төлөө: Сонголт хийхэд туслах хөтөч товхимлын хувиудыг бэлтгэх эсвэл үүнд нэвтрэх боломжтой байх

• Видео: “Би ариун сүм харах дуртай” (16:13; 7:34-өөс 8:46 хүртэл үзнэ үү)

Төгс эзэмших сургаалын дадлага 7

Хичээлийн зорилго: Төгс эзэмших сургаалын хэсгүүд, тэдгээрийн заадаг сургаалыг төгс эзэмшиж, сүнслэг мэдлэг олж авах бурханлаг зарчмуудыг суралцах, ашиглах боломжийг суралцагчдад олгох.

• Суралцагчийн бэлтгэл: Суралцагчдыг цээжлэхийг хүсэж буй төгс эзэмших сургаалын судрын нэг хэсгийг сонгоход урь. Төгс эзэмших сургаал аппликэйшн эсвэл бусад эх сурвалж ашиглан уг хэсгийг цээжлэх цаг гаргахад тэднийг урамшуул.

• Ашиглах эд зүйлс: Цээжлэхэд туслах карт хийх жижиг цаас юм уу картууд