Сургаал ба Гэрээний семинарын багшийн гарын авлага

Агуулга
Нүүр хуудас
Сургаал ба Гэрээний семинарын багшийн гарын авлагын оршил
Сургаал ба Гэрээний хичээлүүд
- Сэргээлтийн тунхаг
- Сургаал ба Гэрээ 1
- Иосеф Смит—Түүх 1:1–26
- Сургаал ба Гэрээ 2; Иосеф Смит—Түүх 1:27–65
- Сургаал ба Гэрээ 3–5
- Сургаал ба Гэрээ 6–9
- Сургаал ба Гэрээ 10–11
- Сургаал ба Гэрээ 12–17; Иосеф Смит—Түүх 1:66–75
- Сургаал ба Гэрээ 18
- Сургаал ба Гэрээ 19
- Сургаал ба Гэрээ 20–22
- Сургаал ба Гэрээ 23–26
- Сургаал ба Гэрээ 27–28
- Сургаал ба Гэрээ 29
- Сургаал ба Гэрээ 30–36
- Сургаал ба Гэрээ 37–40
- Сургаал ба Гэрээ 41–44
- Сургаал ба Гэрээ 45
- Сургаал ба Гэрээ 46–48
- Сургаал ба Гэрээ 49–50
- Сургаал ба Гэрээ 51–57
- Сургаал ба Гэрээ 58–59
- Сургаал ба Гэрээ 60–63
- Сургаал ба Гэрээ 64–66
- Сургаал ба Гэрээ 67–70
- Сургаал ба Гэрээ 71–75
- Сургаал ба Гэрээ 76
- Сургаал ба Гэрээ 77–80
- Сургаал ба Гэрээ 81–83
- Сургаал ба Гэрээ 84
- Сургаал ба Гэрээ 85–87
- Сургаал ба Гэрээ 88
- Сургаал ба Гэрээ 89–92
- Сургаал ба Гэрээ 93
- Сургаал ба Гэрээ 94–97
- Сургаал ба Гэрээ 98–101
- Сургаал ба Гэрээ 102–105
- Сургаал ба Гэрээ 106–108
- Сургаал ба Гэрээ 109–110
- Сургаал ба Гэрээ 111–114
- Сургаал ба Гэрээ 115–120
- Сургаал ба Гэрээ 121–123
- Сургаал ба Гэрээ 124
- Сургаал ба Гэрээ 125–128
- Сургаал ба Гэрээ 129–132
- Сургаал ба Гэрээ 133–134
- Сургаал ба Гэрээ 135–136
- Сургаал ба Гэрээ 137–138
- Итгэлийн тунхаг ба Албан тунхаг 1, 2
- Гэр бүл: Дэлхий дахинаа өргөх тунхаг
- Амьд Христ
Амьдралд бэлтгэх хичээл
- Төгс эзэмших сургаал: Асуултуудынхаа хариултыг олох
- Судар судлах ур чадвар
- Өсвөр үеийнхний бат бөх байдлын төлөө: Сонголт хийх нь
- Бие даах чадвар хөгжүүлэх
- Бие махбодын болон сэтгэл санааны эрүүл мэнд
- Ирээдүйн боловсрол, ажилд бэлдэх
- Сургуульдаа амжилттай сурах
- Номлогчийг бэлтгэх
- Ариун сүмийн бэлтгэл
- Сүмийн удирдагчдын сургаалууд
Хавсралт

142-р хичээл: Төгс эзэмших сургаалын дадлага 9: Сүнслэг мэдлэг олж авах ба цээжлэх

“142-р хичээл—Төгс эзэмших сургаалын дадлага 9: Сүнслэг мэдлэг олж авах ба цээжлэх,” Сургаал ба Гэрээний семинарын багшийн гарын авлага (2025)

“Төгс эзэмших сургаалын дадлага 9,” Сургаал ба Гэрээний семинарын багшийн гарын авлага

142-р хичээл: Сургаал ба Гэрээ 129–132

Төгс эзэмших сургаалын дадлага 9

Сүнслэг мэдлэг олж авах ба цээжлэх

Төгс эзэмших сургаал Есүс Христэд болон Түүний сайн мэдээн дээр амьдралаа суурилуулахад суралцагчдад тусална. Энэ хичээл суралцагчдад төгс эзэмших сургаалын хэсгүүдийн эшлэл, тэдгээртэй холбоотой судрын түлхүүр үг хэллэгүүдийг цээжлэх дадлага хийх боломжийг олгоно. Мөн энэ нь сүнслэг мэдлэг олж авахад туслах тэнгэрлэг зарчмуудыг мэдэж авч, амьдралдаа хэрэгжүүлэхэд тэдэнд тусална.

Боломжит суралцах үйл ажиллагаа

Төгс эзэмших сургаалын давтлага: Цээжлэх

Хоосон усны сав, дүүрэн устай хэд хэдэн аяга харуул. Аягануудыг усаар дүүргэ. Нэг суралцагчийг өөрийн цээжилсэн төгс эзэмших сургаалын судрын эшлэл, түлхүүр үг хэллэгийг уншихад урь. Суралцагч судрын хэсгийг унших бүрдээ усны сав руу нэг аяга ус хийнэ.

Судрыг цээжлэх нь хэцүү цаг үед усаа нөөцөлсөнтэй адил байж болох талаар та юу гэж бодож байна вэ?
Эш татах цээжилсэн судрууд байсан ч болоосой гэж хүсэж болох нөхцөл байдал юу байж болох вэ?

Судрын хэсэг толгойд нь орж ирсэн үеэ бодохыг суралцагчдаас хүсэх талаар бод. Шүлэг юм уу ерөнхий сургаалын тодорхой үг хэллэг санаанд нь орж ирсэн байж магадгүй. Туршлагаа хуваалцахад суралцагчдыг урь.

Биднийг судрын хэсгүүдтэй танилцах тусам Ариун Сүнс тэдгээрийг хэрэгтэй үед нь оюунд тань сануулах болно гэдгийг онцол (Иохан 14:26-г үзнэ үү). Өнөөдөр та төгс эзэмших сургаалын судрын зарим хэсгийг илүү сайн мэддэг болоход хэсэг хугацааг зарцуулах болно гэдгийг суралцагчдад мэдэгд. Дараах нь үүнийг хийж гүйцэтгэх нэг арга зам юм. Цээжлэх нэмэлт үйл ажиллагаанууд нь “Төгс эзэмших сургаалыг давтах үйл ажиллагаа” хэсгийн хавсралтад бий.

Цээжлэх үйл ажиллагаа

Төгс эзэмших сургаалын судрын аль хэсгийг ангид давтмаар байгаагаа сонго. Энэ үйл ажиллагаа хоёроос дөрвөн хэсэг дээр ажиллахад илүү үр дүнтэй байх болно.

Суралцагч бүрд хоосон цаас өг. Тэднийг төгс эзэмших сургаалын хэсгүүд, түлхүүр үг хэллэгүүдийг цаасан дээр бичихэд урь. Дараа нь тэднийг нэг эшлэл болон түлхүүр үг хэллэгийг үг бүрээр нь салгаж хайчлахад урь. Тэгээд суралцагчид хайчилсан хэсгүүдийг хольж, дарааллаар нь буцаан нийлүүлж болно. Тэд энэ даалгавраа амархан биелүүлж чадвал дараагийн эшлэл, түлхүүр үг хэллэгээр үйл ажиллагааг давтахад урь. Хэрэв тэд эшлэл, түлхүүр үг хэллэгүүдийг хангалттай сайн сурсан бол бүх эшлэл, түлхүүр үг хэллэгийг хольж, дарааллаар нь буцаан нийлүүлэх гэж оролдож болно.

Эсвэл та суралцагчдыг Doctrinal Mastery аппликэйшныг ашиглан цээжлэх дадлага хийхэд урьж болно.

Хэрэв танд хангалттай цаг байгаа бол цээжилсэн эшлэл, түлхүүр үг хэллэгээ хуваалцаж, усны сав руу аягатай усыг хийхэд хэдэн суралцагчийг урьж болно.

Хичээлийн дараа төгс эзэмших сургаалыг давтахад хангалттай цаг гаргахын тулд цээжлэх үйл ажиллагаа зөвхөн 10–15 минут үргэлжлэхийг анхаар.

Сүнслэг мэдлэг олж авах зарчмуудыг мэдэж авч, хэрэгжүүлэх

Хэрэв та суралцагчдыг сүнслэг мэдлэг олж авах зарчмыг давтах хэрэгтэй гэж бодож байгаа бол Төгс эзэмших сургаалыг судлах үндсэн материал (2023)-ын “Сүнслэг мэдлэг олж авах” хэсгийн 5–12-р догол мөрийг давтах цаг гаргаж өг. Санал болгож буй давтах үйл ажиллагааг “Төгс эзэмших сургаалыг давтах үйл ажиллагаа” хавсралт хэсэгт оруулсан.

Дараах жишээнүүдийн аль нэгийг эсвэл таны суралцагчдын хэрэгцээ шаардлагад нийцүүлэн зохиосон жишээг сонгоход суралцагчдыг урь. Суралцагчдыг нэг жишээ сонгосны дараа, хүн яагаад ингэж мэдэрч болох тухай ярилц. Ингэснээр суралцагчдад жишээг илүү бодитой мэдрэхэд нь тусална.

Мөн та өөр жишээний сэдвүүдийг энэ хичээлийн төгсгөлд буй “Нэмэлт суралцах үйл ажиллагаа”-аас авах боломжтой.

1-р жишээ: Ариун сүмд гэрлэх талаараа эргэлздэг найз танд байдаг гэж төсөөл. Тэрээр ариун сүмийн гэрлэлтийг их зүйл шаарддаг бас маш том үүрэг хариуцлага гэж боддог. Түүнд ирж буй олон хүлээлт түүний санааг зовоодог.

2-р жишээ: Эмэгтэй найз тань танаас “Ариун сүмийн гэрлэлт үнэхээр шаардлагатай юу? Гэр бүлийн хос бие биедээ үнэхээр хайртай бол хуулийн дагуу гэр бүл болох нь хангалттай биш гэж үү?” гэж асууна.

Суралцаж байгаа зүйлээ ойлгоход нь суралцагчдад туслахын тулд дараах асуултуудыг тунгаан бодож, судлах тэмдэглэлдээ хариулах цаг гаргаж өг.

Та сүнслэг мэдлэг олж авах ямар зарчмыг хамгийн их тус болно гэж бодож байна вэ? Яагаад?
Төгс эзэмших сургаалын аль хэсэг тустай байж болох вэ?

Суралцагчдад хариултаа бэлдэх цаг гаргаж өгсний дараа тэднийг жижиг бүлгүүдэд хуваарил. Ярилцлагыг хялбар болгохын тулд бүлгийн ахлагч томилох нь тустай байж болно. Ахлагч хэн түрүүлж ярихыг сонгох юм уу сүнслэг мэдлэг олж авах зарчмуудыг ярилцах дарааллыг шийдэж болно. Бүлгүүдийг өмнөх асуултуудын хариултаа хуваалцаж, ярилцахад урь. Бүлгийн гишүүн бүрд хуваалцах хангалттай цаг өг.

Дараа нь та сүнслэг мэдлэг олж авах зарчмуудаас сонгогдоогүй аль нэгийг олж тогтооход бүлгүүдийг урьж, тэдгээр зарчим жишээнд хэрхэн хэрэгжиж болох талаар ярилцаж болно.

Сүнслэг мэдлэг олж авах зарчмуудын талаар ярилцах чадварыг шалгахын тулд бүлгүүдтэй харилцан ярилц. Шаардлагатай бол суралцагчдад утга учиртай яриа өрнүүлэхэд нь туслахын тулд дараах асуултуудыг ашигла.

Итгэлээр үйлдэх

Хэрэв хэн нэгэнд ариун сүмийн гэрлэлтийн талаар эргэлзэх, тээнэгэлзэх юм уу асуух зүйл гарвал Тэнгэрлэг Эцэг, Есүс Христ хоёроос хэрхэн тусламж эрэлхийлж болох вэ?
Ариун сүмийн гэрлэлтийн талаар эргэлзэж байгаа хүн өөр хэрхэн Есүс Христэд итгэх итгэлээр үйлдэж болох вэ?

Утга санаа болон асуултуудыг мөнхийн талаас нь шинжлэн судлах

Энэ жишээнд тусалж болох Тэнгэрлэг Эцэг, Түүний авралын төлөвлөгөөний талаар та юу мэдэх вэ?
Ариун сүмийн гэрлэлт хүний одоогийн болон үүрдийн амьдралд хэрхэн нөлөөлж болох вэ?

Тэнгэрээс томилогдсон эх сурвалжуудаар дамжуулан илүү гүн гүнзгий ойлголт олж авахыг эрэлхийлэх

Таны сонгосон жишээнд Сургаал ба Гэрээ 131:1–4 дээр заасан сургаал хэрхэн тусалж болох вэ?
Өөр ямар судар эсвэл бошиглогчдын хэлсэн үг тус болох вэ? (Жишээлбэл: Сургаал ба Гэрээ 132:19; 1 Коринт 11:11; Эхлэл 2:24). (Мөн та Gospel Library дээрээс “Мөнхийн гэрлэлт” гэж хайж болно.)
Энэ хүний таамаглалд мэдээллийн ямар эх сурвалж нөлөөлж байж болох вэ?

Суралцагчдыг сүнслэг мэдлэг олж авах зарчмуудыг ашиглаж, өөрсдийнхөө туршлагыг үнэлэхэд тусал. Дараах асуултууд тустай байж болно.

Сүнслэг мэдлэг олж авах зарчмууд жишээнд хариулахад тань хэрхэн тусалсан бэ?
Та сүнслэг мэдлэг олж авах зарчмуудыг жишээнд хэрэгжүүлэх гэж оролдох үедээ ямар ямар бэрхшээлтэй тулгарсан бэ?
Та мөнхийн гэрлэлтийн талаар судалж, мэдэрсэн ямар зүйлийг санаж байх нь чухал гэж бодож байна вэ?

Нэмэлт эх сурвалж

Бусад зүйлтэй селестиел гэрлэлтийг харьцуулахад яг ямар байдаг вэ?

Ерөнхийлөгч Рассэлл М.Нэлсон ийн заасан.

2:3

Нэгэн өдөр дэлгүүрээс худалдаа хийж байхад орж ирсэн санаа маань сонголт ямар чухал болохыг сануулж билээ. Би үүнийг “худалдан авагчийн хэв маяг” гэж нэрлэдэг. Худалдан авах нь бидний өдөр тутмын амьдралын нэг хэсэг болохоор, эдгээр хэв маяг танил санагдаж магад.

Ухаалаг худалдан авагчид сонгохоосоо өмнө өөрсдийн боломжуудыг судалдаг. Тэд өөрсдийн хүссэн бүтээгдэхүүний чанар, эдэлгээнд гол анхаарлаа тавьдаг. Тэд хамгийн сайныг авахыг хүсдэг. Эсрэгээрээ, зарим худалдан авагч хямдхан зүйлсийг хайж мөн бусад нь дэндүү их мөнгө зарцуулдаг ч хожим гонсоймоор эдэлгээ даахгүй эд зүйл сонгосноо мэддэг. Мөн харамсалтай нь, хувийн үнэнч шударга байдлыг үл ойшоон, юу хүссэнээ хулгайлдаг хүн ч байдаг. Бид тэднийг хулгайч гэж нэрлэдэг.

Худалдан авагчийн хэв маягийг гэрлэлтийн талаарх сэдэвтэй хамаатуулж болох юм. Хайр сэтгэлтэй хосууд хамгийн чанартай гэрлэлтийг эсвэл удаан үргэлжлэхгүй гэрлэлтийг сонгосон байдаг. Эсвэл тэд алиныг нь ч сонгохгүйгээр, “гэрлэлтийн хулгайч” адил юу хүссэнээ ичиж зоволгүй хийдэг.

Дэлхий даяар хүмүүс гэрлэлтийн сэдвээр ярилцаж, маргалддаг бөгөөд гэр бүлийн амьдралын янз бүрийн зохицуулалт байдаг. Миний энэ сэдвээр ярьж байгаа гол зорилго бол эрэгтэй, эмэгтэй хүний хоорондын гэрлэлт ариун бөгөөд Бурханаас томилогдсон болохыг Их Эзэний төлөөлөгчийн хувьд зарлан тунхаглах явдал юм. Түүнчлэн би ариун сүмийн гэрлэлтийн ач холбогдлыг гэрчилж байна. Бүтээгчийн маань Өөрийн хүүхдүүдэд санал болгодог гэрлэлт бол хамгийн эрхэм, хамгийн удаан үргэлжилдэг гэрлэлт билээ. (Рассэлл M.Нэлсон, “Селестиел гэрлэлт,” 2008 оны 10-р сарын Ерөнхий чуулган, 128)

Нэмэлт суралцах үйл ажиллагаа

Хичээлийг эхлүүлэх өөр арга

Дараах зургийг үзүүлж, самбар дээр “Та хоосон худгаас ус авч чадахгүй” гэсэн хэллэгийг бич.

Энэ хэллэг бидний амьдралд ямар хамаатай гэж та бодож байна вэ?
Энэ хэллэг төгс эзэмших сургаалын хэсгүүдийг цээжлэхэд хэрхэн тустай вэ?

Өөр жишээ

Дараах хоёр жишээг сүнслэг мэдлэг олж авах зарчмуудыг хэрэгжүүлэх дадлагын нэг хэсэг болгон ашиглаж болно.

“Хэрэв би бусад зүйлдээ төлөх хангалттай мөнгөгүй байгаа бол аравны нэгээ төлөх ёстой юу?” (Сургаал ба Гэрээ 82:10; 119-ийг үзнэ үү.)
“Таныг найзтайгаа ярилцаж байхад түүний Бурханд итгэх итгэлийн талаар дурдагдсан гэж төсөөл. Тэд Бурханыг хүн бус, харин хаа сайгүй нэгэн зэрэг олддог оршихуй, хүч юм гэж заалгасан гэж танд хуваалцжээ. Найз чинь хуваалцсаныхаа дараа тан руу хараад, үнэн эсэхийг танаас асуув.” (Сургаал ба Гэрээ 130:22–23-ыг үзнэ үү.)