Doktrina ug mga Pakigsaad 135–136

Doktrina ug mga Pakigsaad 135–136

Katibuk-ang Pagpasabot

Gipahibalo sa Doktrina ug mga Pakigsaad 135 ang pagmartir ni Propeta Joseph Smith ug mipamatuod kon sa unsang paagi kita gipanalanginan sa Ginoo pinaagi niya. Human sa kamatayon ni Joseph, dili na segurado ang mga miyembro sa Simbahan kon kinsa nay mangulo nila pero nakat-onan nila nga ang mga yawe sa gingharian gihuptan sa Kurom sa Napulog Duha ka Apostoles ubos ni Brigham Young. Naghinayhinay pagbiyahe sa kasadpan paingon sa Salt Lake City ang mga Santos. Daghang uban pang pioneer sa tibuok kalibotan ang mipadayon sa pagpakita sa susamang hugot nga pagtuo sa Ginoo.

Dapita ang mga tigkat-on sa pagpakigbahin: Sayon ra ang pagdapit sa mga estudyante sa pagpakigbahin pinaagi sa pag-aghat ug kahigayonan sa pagpakigbahin. Pangita og kahigayonan sa leksiyon diin pwede nimong dapiton ang mga estudyante sa pagpamalandong sa ilang gibati bahin sa usa ka butang, ug dayon hangyoa silang ipakigbhain ang ilang gibati o isulat ang ilang mga pagbati dayon ipakigbahin kini. Ang paghatag sa mga estudyante og kahigayonan sa pagsulti sa ilang gihunahuna ug gibati makatabang nga makabaton silag kompiyansa sa pagpahayag og pamatuod. Alang sa dugang pa kon sa unsang paagi kini gibuhat sa Manluluwas, tan-awa ang seksiyon nga “Naghatag ang Manluluwas og mga Oportunidad alang sa mga Tawo nga Matudloan pinaagi sa Espiritu Santo” diha sa Pagtudlo Sumala sa Pamaagi sa Manluluwas. Makakita ka usab og ehemplo kon unsaon kini sa pagbuhat diha sa leksiyon niining semanaha nga nag-ulohang “Doktrina ug mga Pakigsaad 135.”

Pangandam sa pagtudlo

Ang mosunod nga impormasyon naghatag og mga ideya kon unsa ang gikinahanglan nimong andamon daan alang sa matag leksiyon.

Doktrina ug mga Pakigsaad 135

Katuyoan sa leksiyon: Aron matabangan ang mga estudyante nga mapalig-on ang ilang pagpamatuod kang Joseph Smith isip Propeta sa Pagpahiuli sa Dios.

• Pagpangandam sa estudyante: Dapita ang mga estudyante nga pamalamdongan ang ilang mga pamatuod kang Joseph Smith isip ang Propeta sa Pagpahiuli ug kon unsa ang iyang nahimo aron tabangan silang modangop kang Jesukristo (tan-awa sa Doktrina ug mga Pakigsaad 135:3).

• Larawan nga ipakita: Ang Propeta Joseph Smith

• Mga Bidyo: “Joseph Smith—Prophet of the Restoration” (13:09; tan-awa gikan sa time code 0:00 hangtod 3:04) o “Joseph Smith: The Prophet of the Restoration” (1:02:04; tan-awa gikan sa time code 55:50 hangtod 59:51); “Shall We Not Go On in So Great a Cause?” (18:46; tan-awa gikan sa time code 15:52 hangtod 16:28)

• Musika: Usa ka pagrekord sa “Pagdayeg sa Tawo” (Mga Himno, num. 19)

Pagpuli diha sa Kapangulohan

Katuyoan sa leksiyon: Aron tabangan ang mga estudyante nga madugangan ang ilang pasalig nga ang Ginoo padayon nga mogiya sa Iyang buluhaton bisan pa og mamatay ang usa ka propeta.

• Pagpangandam sa estudyante: Ikonsidear ang pagdapit sa mga estudyante sa pagsiksik sa mga kasulatan, pamahayag sa mga lider sa Simbahan, ug uban pang balaanong gitudlo nga mga kapanguhaan nga makatabang nila nga masayod nga ang propeta sa Simbahan mao nga pinili sa Ginoo nga sulugoon.

• Handout: “Kinsa ang mosunod human sa pagkamatay ni Joseph Smith”

Doktrina ug mga Pakigsaad 136

Katuyoan sa leksiyon: Aron tabangan ang mga estudyante nga masabtan nga panalanginan sila sa Langitnong Amahan samtang naningkamot silang tumanon ang ilang pakigsaad sa pagsunod sa Iyang mga sugo.

• Pagpangandam sa estudyante: Daghan tingalig kahigayonan ang mga estudyante nga makakat-on bahin sa mga pakigsaad gikan sa ilang pagtuon sa Doktrina ug mga Pakigsaad. Dapita silang pamalandongan ang mga panalangin nga ilang nadawat samtang naningkamot sila sa paghimo ug pagtuman sa ilang pakigsaad nga sundon ang mga sugo sa Ginoo.

• Ipakita nga mga item: Larawan sa gitabonang karomata; mapa sa agianan sa pioneerl

• Mga Bidyo: “The Trek Continues!” (13:30; tan-awa gikan sa time code 5:14 hangtod 11:02); “Watched Over by God: Elizabeth Panting’s Journey to Zion” (16:20; tan-awa gikan sa time code 07:50 hangtod 11:16)

• Mga aytem nga andamon: Mga kapilian nga istorya gikan sa Mga Santos: Ang Istorya sa Simbahan ni Jesukristo sa Ulahing mga Adlaw, vol. 2, Walay Dili Balaang Kamot, 1846–1893 (2020), 72–118 ug gikan sa “Mga Pioneer” o “Ang Panaw sa Kasadpan” sa ChurchofJesusChrist.org

Mga Pioneer sa Matag Yuta

Mga Katuyoan sa leksiyon: Aron tabangan ang mga estudyante nga makabaton og tinguha nga mahimong mga pioneer pinaagi sa pag-andam sa dalan aron sundon sa uban si Jesukristo.

• Pagpangandam sa estudyante: Dapita ang mga estudyante sa pagkat-on bahin sa usa ka katigulangan nga mipasakop sa Simbahan ni Jesukristo sa mga Santos sa Ulahing mga Adlaw ug pamalandongan kon sa unsang paagi napanalanginan sila tungod sa desisyon sa ilang katigulangan. Kon ang mga estudyante usa sa unang mipasakop sa Simbahan diha sa ilang pamilya, pwede nilang pamalandongan kon nganong mipili sila sa pagsunod kang Jesukristo pinaagi sa pagpabunyag ug kon sa unsang paagi kini makaimpluwensiya sa umaabot nga mga henerasyon. Dayon pwede nimong dapiton ang mga estudyante sa pagpakigbahin sa ilang istorya diha sa klase.

• Hulagway nga ipakita: Usa ka kariton

• Bidyo: “LDS Women Are Incredible!” (16:18; tan-awa gikan sa time code 2:12 hangtod 3:05)

• Handout: “Mga Pioneer sa tibuok Kalibotan”