Ang Mga Artikulo sa Hugot nga Pagtuo ug Opisyal nga mga Pahayag 1 ug 2

Ang Mga Artikulo sa Hugot nga Pagtuo ug Opisyal nga mga Pahayag 1 ug 2

Kinatibuk-ang Pagpasabot

Mga tuig human sa kamatayon ni Propeta Joseph Smith, gipalapad sa Simbahan ang mga kasulatan sa Santos sa Ulahing mga Adlaw pinaagi sa pagdugang sa Mga Artikulo sa Hugot nga Pagtuo ngadto sa Perlas nga Labing Bililhon, ug ang Opisyal nga Pahayag 1 ug 2 sa Doktrina ug mga Pakigsaad. Ang mga Artikulo sa Hugot nga Pagtuo maoy 13 nga mugbong mga pahayag sa pagtuo nga gisulat ni Propeta Joseph Smith. Ang Opisyal nga Pahayag 1 naglangkob sa mga sinulat gikan kang Presidente Wilford Woodruff nga gipadayag sa Ginoo para sa mga Santos aron mahunong ang pagkontrata og dinaghang kaminyoon sa kataposang bahin sa mga 1800. Ang Opisyal nga Pahayag 2 mao ang pagpahibalo sa 1978 nga pagpadayag ni Presidente Spencer W. Kimball nga naghatag og dugang ebidensiya nga gihigugma sa Langitnong Amahan ang tanan Niyang mga anak ug nga “ang tanan managsama ngadto sa Dios” (2 Nephi 26:33). Kana nga pahibalo naghimong posible nga makadawat ang tanang angayang mga lalaki sa pagkapari sa Dios ug tanang angayan nga miyembro nga matugahan sa templo.

Awhaga ang pagsusi ug pagsukod sa kaugalingon. Pagsukna og dinasig nga mga pangutana aron ang mga estudyante makaila sa unsay ila nang nahibaloan ug gituohan. Awhaga ang mga estudyante sa pagdapit sa Espiritu Santo sa pagtabang kanila sa pag-ila kon unsay kinahanglan nilang masayran ug sa pagsaksi sa mga kamatuoran nga ilang gitinguha. Alang sa dugang pa kon sa unsang paagi kini gibuhat sa Manluluwas, tan-awa ang seksiyon nga “Naghatag ang Manluluwas og mga Oportunidad alang sa mga Tawo nga Matudloan pinaagi sa Espiritu Santo” diha sa Pagtudlo Sumala sa Pamaagi sa Manluluwas. Makakita pod kag pananglitan kon unsaon ni paghimo sa leksiyon karong semanaha nga nag-ulohang “Opisyal nga Pahayag 1.”

Pangandam sa pagtudlo

Ang mosunod nga impormasyon naghatag kanimo og mga ideya kon unsa ang imong gikinahanglan nga andamon daan alang sa matag leksiyon.

Ang mga Artikulo sa Hugot nga Pagtuo

Katuyoan sa leksiyon: Aron tabangan ang mga estudyante nga mas mapalawom ang ilang pagsabot sa doktrina sa Manluluwas pinaagi sa pagtuon sa mga kamatuoran nga naa sa Mga Artikulo sa Hugot nga Pagtuo.

• Pagpangandam sa estudyante: Dapita ang mga estudyante nga basahon ang 13 ka Artikulo sa Hugot nga Pagtuo ug sulayan sa pagmemorya ang usa nga makahuloganon kanila. Dasiga sila nga mosulod nga andam sa pagpakigbahin kon unsa nga artikulo sa hugot nga pagtuo ang ilang gipili ug i-recite kini sa ubang membro sa klase.

• Mga Bidyo: “The Articles of Faith” (4:43); “The Doctrines and Principles Contained in the Articles of Faith” (14:28; tan-awa gikan sa time code 13:09 hangtod 14:07)

• Handout: “Kalihokan sa Pagtuon sa mga Artikulo sa Hugot nga Pagtuo”

Opisyal nga Pahayag 1

Katuyoan sa leksiyon: Aron tabangan ang mga estudyante nga masabtan nga gidumala sa Ginoo ang Iyang Simbahan pinaagi sa padayon nga pagpadayag sa Iyang mga propeta.

• Pagpangandam sa estudyante: Dapita ang mga estudyante nga mamalandong ug dayon pangutan-on ang pamilya o mga higala kon sa unsang paagi sila napanalanginan kay padayong gipadayag ni Jesukristo sa Iyang kabubut-on pinaagi sa Iyang mga propeta.

• Sulod nga ipakita: Kalihokan sa pagsusi sa kaugalingon sa sinugdanan sa leksiyon

• Bidyo: ”Welcome nga Mensahe” (4:27; tan-awa gikan sa time code 0:42 hangtod 1:14)

Opisyal nga Pahayag 2

Katuyoan sa leksiyon: Aron tabangan ang mga estudyante nga molihok uban sa hugot nga pagtuo dihang makaatubang silag alanganin nga mga sitwasyon o espirituwal nga mga pangutana.

• Pagpangandam sa estudyante: Dapita ang mga estudyante sa pagbasa sa mga pasiuna sa Opisyal nga Pahayag 2 aron makakat-on bahin sa mga kahimtang nga mitultol niini nga pahayag.

• Bidyo: “Struggling with the History of Race and the Priesthood” (4:03)

Sukda ang Imong Nakat-onan 10

Katuyoan sa leksiyon: Aron tabangan ang mga estudyante sa paghinumdom ug sa pagsusi kon sa unsang paagi ang pagtuon sa Doktrina ug mga Pakigsaad nakatabang kanila nga molambo sa espirituhanong paagi.

• Pagpangandam sa estudyante: Dapita ang mga estudyante sa pagdala sa klase og personal nga litrato sa usa ka tawo o kasinatian nga gusto nilang mahinumdoman kanunay.

• Mga aytem nga dad-on: Personal nga litrato; mga balloon o litrato sa mga balloon nga lainlain og gidak-on ang pagkaburot

• Bidyo: “Spiritually Defining Memories” (16:43; tan-awa gikan sa time code 15:31 hangtod 16:09)

• Mga imahe: Lainlaing aspeto o panghitabo nga nagpakita sa Pagpahiuli sa ebanghelyo