O Mataupu Faavae o le Faatuatua ma le Folafolaga Aloaia 1 ma le 2

O Mataupu Faavae o le Faatuatua ma le Folafolaga Aloaia 1 ma le 2

Vaaiga Aoao

I tausaga ina ua mavae le maliu o le Perofeta o Iosefa Samita, na faalauteleina ai e le Ekalesia tusitusiga paia o le Au Paia o Aso e Gata Ai e ala i le faaopoopoina o Mataupu Faavae o le Faatuatua i le Penina Tau Tele, ma le Folafolaga Aloaia 1 ma le 2 i le Mataupu Faavae ma Feagaiga. O Mataupu Faavae o le Faatuatua o ni tautinoga puupuu se 13 o talitonuga na tusia e le Perofeta o Iosefa Samita. O leFolafolaga Aloaia 1 o loo i ai tusitusiga mai ia Peresitene Uilifoti Uitilafi na faaalia mai e le Alii mo le Au Paia e taofi le faia o faaipoipoga autaunonofo i le faaiuga o le vaitaimi o le 1800. O leFolafolaga Aloaia 2 o le faasilasilaga lea o se faaaliga i le 1978 ia Peresitene Spencer W. Kimball lea na maua ai se faamaoniga atili e alofa le Tama Faalelagi i Ana fanau uma ma “e tutusa uma lava i latou i le Atua” (2 Nifae 26:33). O lena faasilasilaga na mafai ai e alii agavaa uma ona maua le perisitua a le Atua ma tagata agavaa uma o le Ekalesia ina ia faaeeina i le malumalu.

Faamalosia ai o le suesueina patino ma le iloiloga. Fai atu ni fesili musuia ina ia mafai ai e tagata aoga ona iloa mea ua uma ona latou iloa ma talitonu i ai. Uunaia tagata aoga e valaaulia le Agaga Paia e fesoasoani ia i latou e faailoa mai mea e manaomia ona latou iloa, ma molimau atu ai i upumoni latou te sailia. Mo nisi faamatalaga i le ala na faia ai e le Faaola lenei mea, tagai i le vaega lea “Na Saunia e le Faaola Avanoa mo Tagata ina ia Aoaoina e le Agaga Paia” i le Aoao Atu i le Ala a le Faaola. E mafai foi ona e vaai i se faataitaiga o le auala e faia ai lenei mea i le lesona o lenei vaiaso ua faaulutalaina “Folafolaga Aloaia 1.”

Ia saunia e aoao atu

O lenei faamatalaga e tuuina atu ai ia te oe ni manatu o mea atonu e manaomia ona muai saunia ai mo lesona taitasi.

Mataupu Faavae o le Faatuatua

Faamoemoega o le lesona: E fesoasoani ai i tagata aoga e faalolotoina lo latou malamalama i le aoaoga faavae a le Faaola e ala i le suesueina o upumoni o loo i ai i Mataupu Faavae o le Faatuatua.

• Sauniuniga a le tagata aoga: Valaaulia tagata aoga e faitau Mataupu Faavae o le Faatuatua 13 ma taumafai e tauloto se Mataupu Faavae e taua ia i latou. Uunaia i latou e o mai saunia e faasoa mai po o le fea mataupu faavae o le faatuatua na latou filifilia ma tauloto atu i isi tagata o le vasega.

• Vitio: “O le Mataupu Faavae o le Faatuatua” (4:43); “O le Aoaoga Faavae ma Mataupu Faavae o loo I Ai i Mataupu Faavae o le Faatuatua” (14:28; matamata mai le faailo taimi 13:09 i le 14:07)

• Pepa e tufa atu: “Gaoioiga Su’esu’e o Mataupu Faavae o le Faatuatua”

Folafolaga Aloaia 1

Faamoemoega o le lesona: E fesoasoani i tagata aoga ia malamalama ai e faatonutonu e le Alii Lana Ekalesia e ala i faaaliga faaauau i Ana perofeta.

• Sauniuniga a le tagata aoga: Valaaulia tagata aoga e mafaufau loloto ona fesili atu lea i aiga po o uo pe na faapefea ona faamanuiaina i latou ona o loo faaauau pea ona faaali mai e Iesu Keriso Lona finagalo e ala mai i Ana perofeta.

• Anotusi e faaali atu: Gaoioiga o le iloiloga faaletagata lava ia i le amataga o le lesona

• Vitio: “Welcom Message” (4:27; matamata mai le faailotaimi 0:42 seia oo i le 1:14)

Folafolaga Aloaia 2

Faamoemoega o le lesona: Ina ia fesoasoani i tagata aoga e faatino i le faatuatua pe a latou feagai ma tulaga le mautonu po o fesili faaleagaga.

• Sauniuniga a le tagata aoga: Valaaulia tagata aoga e faitau le folasaga o le Folafolaga Aloaia 2 e aoao ai e uiga i tulaga na oo atu ai i lenei tautinoga.

• Vitio: “Struggling with the History of Race and the Priesthood—His Grace” (4:03)

Iloilo Lou Aoaoina 10

Faamoemoega o le lesona: Ina ia fesoasoani i tagata aoga e manatua ma iloilo pe na faapefea i le suesueina o le Mataupu Faavae ma Feagaiga ona fesoasoani i lo latou tuputupu a’e faaleagaga.

• Sauniuniga a le tagata aoga: Valaaulia tagata aoga e aumai i le vasega se ata patino o se tagata po o se aafiaga latou te faamoemoe e manatua pea.

• Aitema e aumai: Ata patino; paluni po o ata o paluni ua feulaina i lapopoa eseese

• Vitio: “Spiritually Defining Memories” (16:43; matamata mai le faailotaimi 15:31 seia oo i le 16:09)

• Ata: O vaega eseese po o mea na tutupu o loo faaalia ai le Toefuataiga o le talalelei