“Ang Pamilya: Usa ka Pamahayag ngadto sa Kalibotan”

“Ang Pamilya: Usa ka Pamahayag ngadto sa Kalibotan”

Kinatibuk-ang Pagpasabot

“Ang Pamilya: Usa ka Pamahayag ngadto sa Kalibotan” maoy usa ka propetikanhong pamahayag aron tabangan kitang masabtan ang mga pagtulun-an sa Langitnong Amahan ug ni Jesukristo bahin sa kaminyoon ug pamilya. Gipadayag sa Ginoo niini nga pamahayag kon unsaon pagkab-ot sa kalinaw ug kalipay ingon nga mga indibidwal ug mga pamilya.

Pagtutok sa mga kamatuoran nga mogdala ngadto sa pagkakabig ug pagtukod og hugot nga pagtuo kang Jesukristo: Tabangi ang mga estudyante sa pagdiskobre sa doktrina ug mga baroganan nga makaimpluwensiya sa ilang relasyon ngadto sa Langitnong Amahan ug ni Jesukristo. Dasiga sila sa pag-analisar kon sa unsang paagi kini nga mga kamatuoran makapalawom sa ilang pagkakabig ug makatabang kanila sa paglihok nga adunay hugot nga pagtuo. Alang sa dugang pa kon sa unsang paagi kini gibuhat sa Manluluwas, tan-awa sa seksiyon nga “Gitudlo sa Manluluwas ang mga Kamatuoran nga Naggiya ngadto sa Pagkakabig ug Paglig-on sa Hugot nga Pagtuo” diha sa Pagtudlo Sumala sa Pamaagi sa Manluluwas. Makakita usab kamo sa mga pananglitan kon unsaon sa pagbuhat niini diha sa leksiyon karong semanaha nga nag-ulohan og “Ang Pamahayag sa Pamilya, Bahin 1.”

Pangandam sa pagtudlo

Ang mosunod nga impormasyon naghatag kanimo og mga ideya kon unsa ang imong gikinahanglan nga andamon daan alang sa matag leksiyon.

Ang Pamahayag sa Pamilya, Bahin 1

Katuyoan sa leksiyon: Aron tabangan ang mga estudyante nga mas masabtan ang importanteng tahas sa mga pamilya sa plano sa Langitnong Amahan.

• Pagpangandam sa estudyante: Dapita ang mga estudyante sa pagbasa sa pamahayag sa pamilya ug sa pagmarka sa ilang mga panglantaw o pagtimaan sa ilang mga pangutana.

• Mga materyal para sa mga estudyante: Digital o nakaprinta nga mga kopya sa “Ang Pamilya: Usa ka Pamahayag ngadto sa Kalibotan”; nakaprinta nga mga kopya sa leksiyon 7 sa manwal sa institute nga Materyal sa Pagpangandam sa Klase sa Ang Mahangtoron nga Pamilya para sa mga estudyante nga walay akses sa Librarya sa Ebanghelyo

• Mga bidyo: “Stand Strong against the Wiles of the World” (27:49; tan-awa gikan sa time code 19:31 hangtod 20:20); “Plan of Salvation—We’re Still a Family” (4:47)

Ang Pamahayag sa Pamilya, Bahin 2

Katuyoan sa leksiyon: Aron tabangan ang mga estudyante nga makasabot sa kaimportante sa pagbaton ug pag-atiman sa mga anak diha sa plano sa Langitnong Amahan.

• Pagpangandam sa estudyante: Dapita ang mga estudyante nga maminaw o basahon ang mga pulong sa himno nga “Ako Anak sa Dios” (Mga Himno, no. 189). Dasiga silang maghunahuna sa kaimportante sa mga anak diha sa plano sa Langitnong Amahan.

• Mga materyal para sa mga estudyante: Digital o nakaprinta nga mga kopya sa “Ang Pamilya: Usa ka Pamahayag ngadto sa Kalibotan””; pipila ka nakaprinta nga kopya sa mosunod nga mga pakigpulong nga ipakigbahin ngadto sa mga estudyante nga walay akses sa Librarya sa Ebanghelyo: Dallin H. Oaks, “Mga Ginikanan ug mga Bata,” Liahona, Nob. 2018, 61–67; David A. Bednar, “Kita Nagtuo sa Pagkaputli,” Liahona, Mayo 2013, 41–44; Neil L. Andersen, “Mga Bata,” Liahona, Nob. 2011, 28–31

• Bidyo: “Divine Love in the Father’s Plan” (14:46; tan-awa gikan sa time code 8:13 hangtod 8:47)

Ang Pamahayag sa Pamilya, Bahin 3

Katuyoan sa leksiyon: Aron tabangan ang mga estudyante nga gamiton ang mga pagtulun-an ni Jesukristo diha sa ilang relasyon sa pamilya.

• Pagpangandam sa estudyante: Dapita ang mga estudyante nga motambong nga andam sa pagpakigbahin og mga hitabo dihang nakasinati silag kalipay uban ang ilang mga pamilya.

• Mga materyal para sa mga estudyante: Digital o nakaprinta nga kopya sa “Ang Pamilya: Usa ka Pamahayag ngadto sa Kalibotan”

Pagbansay 10 sa Doktrinal nga Kahanas

Katuyoan sa leksiyon: Aron hatagan og kahigayonan ang mga estudyante nga ipakigbahin ang mga tudling sa doktrinal nga kahanas nga makahuloganon sa ilang mga kinabuhi ug makatabang nila sa pagtuon ug paggamit sa balaang mga baroganan sa pag-angkon og espirituwal nga kahibalo.

• Pagpangandam sa estudyante: Dapita ang mga estudyante sa pagpangandam sa pagpakigbahin sa klase og tudling sa doktrinal nga kahanas nga mahahuloganon sa ilang mga kinabuhi ug kon ngano.

• Mga materyal para sa mga estudyante: Igo nga mga kopya sa pamahayag ni Elder Jeffrey R. Holland nga ipakigbahin sa mga magkapares (Jeffrey R. Holland, “Tan-awa ang Imong Inahan,” Liahona, Nob. 2015, 49)