“O Le Aiga: O Se Folafolaga i le Lalolagi”

“O Le Aiga: O Se Folafolaga i le Lalolagi”

Vaaiga Aoao

“O Le Aiga: O Se Folafolaga i le Lalolagi” o se saunoaga faaperofeta e fesoasoani ia i tatou ia malamalama ai i aoaoga a le Tama Faalelagi ma Iesu Keriso e uiga i le faaipoipoga ma le aiga. Na faaali mai e le Atua i lenei folafolaga le auala e ausia ai le filemu ma le fiafia o ni tagata taitoatasi ma ni aiga.

Taulai atu i upumoni e taitai atu ai i le liua ma fausia le faatuatua ia Iesu Keriso: Fesoasoani i tagata aoga ia iloa aoaoga faavae ma mataupu faavae e mafai ona uunaia ai a latou sootaga ma le Tama Faalelagi ma Iesu Keriso. Uunaia i latou e iloilo pe mafai faapefea e nei upumoni ona faaloloto lo latou liuaina ma fesoasoani ia i latou e faatino i le faatuatua. Mo nisi faamatalaga i le ala na faia ai e le Faaola lenei mea, tagai i le vaega o le “Na Aoao Atu e le Faaola Upumoni Ia e Taitai atu ai i le Liua ma Fausia ai le Faatuatua” i le Aoao Atu i le Ala a le Faaola. E mafai foi ona e vaai i se faataitaiga o le auala e faia ai lenei mea i le lesona o lenei vaiaso ua faaulutalaina “O le Folafolaga i le Aiga, Vaega 1.”

Ia saunia e aoao atu

O lenei faamatalaga e tuuina atu ai ia te oe ni manatu o mea atonu e manaomia ona muai saunia ai mo lesona taitasi.

O Le Folafolaga i le Aiga, Vaega 1

Faamoemoega o le lesona: Ina ia fesoasoani i tagata aoga ia malamalama lelei i le matafaioi tutotonu o aiga i le fuafuaga a le Tama Faalelagi.

• Sauniuniga a le tagata aoga: Valaaulia tagata aoga e faitau le folafolaga i le aiga ma faailoga o latou malamalamaaga pe matau ni fesili atonu o i ai.

• Anomea mo tagata aoga: Kopi faafuainumera pe lolomiina “O Le Aiga: O Se Folafolaga i le Lalolagi”; kopi lolomi o le lesona 7 o le tusi lesona a le inisitituti O Mea e Sauniuni ai mo Vasega e Faavavau mo tagata aoga e le mafai ona faaaogaina le Potutusi o le Talalelei

• Vitio: “Stand Strong against the Wiles of the World” (27:49; matamata mai le faailo taimi 19:31 i le 20:20); “Plan of Salvation—We’re Still a Family” (4:47)

O Le Folafolaga i le Aiga, Vaega 2

Faamoemoega o le lesona: Ina ia fesoasoani i tagata aoga ia malamalama i le taua o le iai ma le tausiaina o fanau i le fuafuaga a le Tama Faalelagi.

• Sauniuniga a le tagata aoga: Valaaulia tagata aoga e faalogologo pe faitau upu o le viiga “O Au o se Atalii o le Atua” (Viiga,nu. 301). Uunaia i latou e mafaufau i le taua o fanau i le fuafuaga a le Tama Faalelagi.

• Anomea mo tagata aoga: Kopi faafuainumera pe lolomiina o le “O Le Aiga: O Se Folafolaga i le Lalolagi”; o ni nai kopi lolomi o lauga nei e faasoa atu mo tagata aoga e le mafai ona maua le Potutusi o le Talalelei: Dallin H. Oaks, “Matua ma Fanau,” Liahona, Nov. 2018, 61–67; David A. Bednar, “Matou te Talitonu i le Mama,” Liahona, Me 2013, 41–44; Neil L. Andersen, “Fanau,” Liahona, Nov. 2011, 28–31

• Vitio: “Divine Love in the Father’s Plan” (14:46; matamata mai le faailo taimi 8:13 i le 8:47)

O Le Folafolaga i le Aiga, Vaega 3

Faamoemoega o le lesona: Ina ia fesoasoani i tagata aoga e faaaoga aoaoga a Iesu Keriso i a latou sootaga faaleaiga.

• Sauniuniga a le tagata aoga: Valaaulia tagata aoga e o mai saunia e faasoa mai taimi na latou maua ai le fiafia i o latou aiga.

• Anomea mo tagata aoga: Kopi faafuainumera pe lolomiina le “O Le Aiga: O Se Folafolaga i le Lalolagi”

Faataitaiga o le Atamai i Aoaoga Faavae 10

Faamoemoega o le lesona: Ina ia tuu atu i tagata aoga se avanoa e faasoa atu ai fuaitau o le atamai i aoaoga faavae e aoga i o latou olaga ma fesoasoani ia i latou e aoao ma faaaoga mataupu faavae paia mo le mauaina o le malamalama faaleagaga.

• Sauniuniga a le tagata aoga: Valaaulia tagata aoga e saunia e faasoa atu i le vasega se fuaitau o le atamai i aoaoga faavae tauloto sa anoa i o latou olaga ma pe aisea.

• Anomea mo tagata aoga: Ua lava kopi o se saunoaga a Elder Jeffrey R. Holland mo faigapaaga e faasoa atu (Jeffrey R. Holland, “Faauta i Lou Tina,” Liahona, Nov. 2015, 49)