« មេរៀនទី ១៥៩—ការប្រកាសអំពីក្រុមគ្រួសារ ផ្នែកទី ២ ៖ ‹ កូនចៅជាមរដកមកពីព្រះយេហូវ៉ា › » សៀវភៅសិក្សាព្រះគម្ពីរគោលលទ្ធិ និងសេចក្ដីសញ្ញា សម្រាប់គ្រូបង្រៀនថ្នាក់សិក្ខាសាលា ( ឆ្នាំ២០២៥ )
« ការប្រកាសអំពីក្រុមគ្រួសារ ផ្នែកទី ២ » ព្រះគម្ពីរគោលលទ្ធិ និងសេចក្ដីសញ្ញាសៀវភៅសិក្សា សម្រាប់គ្រូបង្រៀនថ្នាក់សិក្ខាសាលា
ព្យាការីរបស់ព្រះអម្ចាស់បានប្រកាសអំពីសារៈសំខាន់នៃកូនចៅនៅក្នុងផែនការរបស់ព្រះវរបិតាសួគ៌ ។ ភរិយា និងស្វាមីទាំងឡាយ អាចចូលរួមក្នុងផែនការរបស់ព្រះដោយការនាំកូនចៅមកក្នុងពិភពលោកនេះ ហើយចិញ្ចឹមពួកគេដោយសេចក្ដីស្រឡាញ់ និងសេចក្ដីសុចរិត ។ មេរៀននេះអាចជួយសិស្សយល់ពីសារៈសំខាន់នៃព្យាការីការមានកូន និងការថែទាំកូនចៅនៅក្នុងផែនការរបស់ព្រះវរបិតាសួគ៌ ។
សកម្មភាពរៀនសូត្រដែលអាចមាន
ការណែនាំដ៏ទេវភាពពីការប្រកាសអំពីក្រុមគ្រួសារ
សូមពិចារណាចាប់ផ្តើមថ្នាក់រៀនដោយការចែកចាយសាច់រឿង ឬអ្វីមួយស្រដៀងគ្នា ដែលបំពេញតម្រូវការសិស្សរបស់អ្នកបានខ្លាំងបំផុត ។ អ្នកអាចរៀបចំពួកគេជាគូៗ ដើម្បីពិភាក្សាសំណួរបន្ទាប់ពីសាច់រឿងនេះ ។
គ្រីស្ទីន និងមិត្តភក្តិពីរនាក់របស់នាងកំពុងពិភាក្សាអំពីអនាគតរបស់ពួកគេ និងអ្វីដែលពួកគេចង់បានក្នុងជីវិត ។ នៅពេលប្រធានបទងាកទៅនិយាយពីក្រុមគ្រួសារ គ្រីស្ទីន និយាយថានាងរំភើបចិត្តដើម្បីរៀបការ និងមានកូន នៅពេលនាងធំឡើង ។ មិត្តភក្តិរបស់នាងម្នាក់និយាយថា « ខ្ញុំចង់រៀបការ ប៉ុន្តែគ្មានផ្លូវដែលខ្ញុំនឹងព្យាយាមចិញ្ចឹមកូននៅក្នុងពិភពលោកដ៏ឆ្កួតលីលានេះទេ » ។ មិត្តភក្តិម្នាក់ទៀតនិយាយថា « ខ្ញុំនឹងយកកូននៅថ្ងៃណាមួយ ប៉ុន្តែខ្ញុំគិតថាខ្ញុំមិនចង់រៀបការទេ » ។ បន្ទាប់ពីបានស្តាប់យោបល់របស់មិត្តភក្តិនាងហើយ គ្រីស្ទីន ឆ្ងល់ថាហេតុអ្វីបានជាអារម្មណ៍របស់នាងអំពីការមានកូនហាក់ដូចជាខុសពីគេ ។
-
ហេតុអ្វីបានជាមិត្តភក្តិរបស់ គ្រីស្ទីន មានអារម្មណ៍បែបនេះ ?
សូមសុំឲ្យសិស្សជាច្រើនគូចែកចាយចម្លើយរបស់ពួកគេមួយចំនួន ។ អ្នកក៏អាចអញ្ជើញពួកគេឲ្យចែកចាយកង្វល់បន្ថែម ឬសំណួរដែលពួកគេមានអំពីកូនចៅ និងការចិញ្ចឹមបីបាច់ថែរក្សាផងដែរ ។ សូមផ្ដល់សំណៅចម្លងនៃ « ក្រុមគ្រួសារ ៖ ការប្រកាសដល់ពិភពលោក » សម្រាប់សិស្សប្រើប្រាស់ ។ សូមអញ្ជើញដៃគូនីមួយៗឲ្យសិក្សា កថាខណ្ឌ ៤–៦ ដោយរកមើលពាក្យ ឬឃ្លាដែលប្រកាសពីគោលលទ្ធិរបស់ព្រះអម្ចាស់ទាក់ទងនឹងកូនចៅ និងការចិញ្ចឹមបីបាច់ថែរក្សា ។ សូមលើកទឹកចិត្តសិស្សឲ្យគូសចំណាំពាក្យ ឬឃ្លាដែលមានអត្ថន័យ នៅពេលពួកគេសិក្សា ។ ប្រសិនបើចាំបាច់ សូមចង្អុលបង្ហាញថាឃ្លា « បង្កើតកូនចៅឲ្យចម្រើនជាច្រើនឡើង ឲ្យមានពាសពេញលើផែនដី » សំដៅលើការមានកូន ហើយឃ្លា « អំណាចពិសិដ្ឋនៃការបង្កើតកូន » សំដៅលើទំនាក់ទំនងផ្លូវភេទ ។ សូមពិចារណាសួរសំណួរដូចខាងក្រោមនេះ ។
-
តើសេចក្តីពិតអ្វីខ្លះអំពីកូនចៅ និងការចិញ្ចឹមបីបាច់ថែរក្សាដែលអ្នករកឃើញ ?
-
អ្នកគិតថា ហេតុអ្វីបានជាព្រះអម្ចាស់សព្វព្រះទ័យឲ្យស្វាមី និងភរិយាមានកូន ប្រសិនបើពួកគាត់អាចមាន ?
-
តើមានហេតុផលអ្វីខ្លះដែលស្វាមី ឬភរិយាប្រហែលជាមិនចង់មានកូន ?
មុនពេលបន្តទៅមុខទៀត អ្នកអាចអញ្ជើញសិស្សឲ្យកត់ត្រាគំនិត និងអារម្មណ៍ផ្ទាល់ខ្លួនមួយចំនួនអំពីគោលលទ្ធិរបស់ព្រះអម្ចាស់ទាក់ទងនឹងកូនចៅ និងការចិញ្ចឹមបីបាច់ ។ សូមលើកទឹកចិត្តសិស្សឲ្យស្វែងរកឥទ្ធិពលនៃព្រះវិញ្ញាណបរិសុទ្ធ ដើម្បីជួយពួកគេឲ្យយល់អំពីសារៈសំខាន់នៃការមានកូន និងការថែទាំកូនចៅជាផ្នែកនៃផែនការរបស់ព្រះវរបិតាសួគ៌ ។
ការស្វែងរកប្រភពដ៏ទេវភាពផ្សេងទៀតដើម្បីការយល់ដឹង
សូមពិចារណាអំពីការបង្ហាញសេចក្ដីថ្លែងការណ៍ពិតបីយ៉ាងដូចខាងក្រោមពីការប្រកាសអំពីក្រុមគ្រួសារ ។ សូមពន្យល់ថា សិស្សនឹងប្រើសេចក្តីថ្លែងការណ៍ទាំងនេះ ដើម្បីអនុវត្តការស្វែងរកប្រភពដែលបានចាត់តាំងដ៏ទេវភាពដើម្បីការយល់ដឹងបន្ថែម ។ អ្នកអាចរៀបចំសិស្សជាក្រុមដែលមានគ្នាបីនាក់ ដោយសិស្សម្នាក់ៗសិក្សាសេចក្ដីពិតផ្សេងគ្នា ។ ប្រហែលជាសិស្សអាចជ្រើសរើសសេចក្តីថ្លែងការណ៍របស់ពួកគេតាមរបៀបប្រកបដោយភាពច្នៃប្រឌិត ។ ឧទាហរណ៍ សិស្សដែលក្មេងជាងគេ ឬខ្ពស់ជាងគេក្នុងក្រុមនីមួយៗអាចជ្រើសរើសមុនគេដើម្បីសិក្សា ។
-
« ព្រះបញ្ញត្តិរបស់ព្រះសម្រាប់កូនចៅរបស់ទ្រង់ ដើម្បីបង្កើតកូនចៅឲ្យចម្រើនជាច្រើនឡើង ឲ្យមានពាសពេញលើផែនដី នោះនៅតែឲ្យប្រតិបត្តិនៅឡើយ » ។
-
« អំណាចពិសិដ្ឋនៃការបង្កើតកូន គឺត្រូវបានប្រើរវាងតែបុរស និងស្រី ដែលបានរៀបអាពាហ៍ពិពាហ៍យ៉ាងស្របច្បាប់ ជាប្តី និងប្រពន្ធប៉ុណ្ណោះ » ។
-
« ឪពុកម្ដាយមានកាតព្វកិច្ចដ៏ពិសិដ្ឋ ដើម្បីចិញ្ចឹមបីបាច់កូនចៅរបស់ខ្លួនដោយក្ដីស្រឡាញ់ និងសេចក្ដីសុចរិត » ។
សូមលើកទឹកចិត្តសិស្សឲ្យប្រើធនធានដូចជា សេចក្ដីណែនាំដល់បទគម្ពីរទាំងឡាយ ឬកម្មវិធីបណ្ណាល័យដំណឹងល្អ ដើម្បីស្វែងរកព័ត៌មានបន្ថែមអំពីសេចក្តីថ្លែងការណ៍នៃសេចក្តីពិតរបស់ពួកគេ ។ ប្រសិនបើពួកគេត្រូវការការណែនាំ សូមផ្ដល់យោបល់ឲ្យស្វែងរកពាក្យដូចជា « ឲ្យចម្រើនជាច្រើនឡើង » « អំណាចនៃការបង្កើតកូន » ឬ « ឪពុកម្តាយសុចរិត » ។ សូមអញ្ជើញពួកគេឲ្យរកមើលសេចក្ដីថ្លែងការណ៍ដោយថ្នាក់ដឹកនាំសាសនាចក្រ វគ្គបទគម្ពីរ ឬអត្ថបទទស្សនាវដ្ដីសាសនាចក្រ ដែលធ្វើឲ្យការយល់ដឹងរបស់ពួកគេកាន់តែស៊ីជម្រៅ ។
នៅពេលសិស្សរៀបចំខ្លួនរួចហើយ សូមលើកទឹកចិត្តពួកគេឲ្យចែកចាយជាមួយក្រុមរបស់ពួកគេនូវអ្វីដែលពួកគេបានរៀន ។ សូមពិចារណាសួរសំណួរមួយចំនួនខាងក្រោមនេះ ។
-
តើអ្នកបានរៀនអ្វីខ្លះអំពីសេចក្ដីថ្លែងការណ៍នៃសេចក្ដីពិតទាំងនេះ ដែលអ្នកមានអារម្មណ៍ថាសំខាន់ ?
-
ហេតុអ្វីបានជាវាទាមទារសេចក្តីជំនឿលើព្រះយេស៊ូវគ្រីស្ទ ដើម្បីរស់នៅតាមសេចក្តីពិតទាំងនេះនៅក្នុងពិភពលោកបច្ចុប្បន្ន ?
-
តើគំរូអ្វីខ្លះដែលអ្នកបានឃើញពីរបៀបដែលការរស់នៅតាមសេចក្តីពិតទាំងនេះអាចនាំទៅរកសេចក្តីស្រឡាញ់កាន់តែច្រើន ខណៈពេលដែលការមិនយកចិត្តទុកដាក់លើសេចក្តីពិតទាំងនេះអាចនាំទៅរកការឈឺចាប់ ឬសោកស្តាយ ?
-
តើអ្នកអាចធ្វើអ្វីឥឡូវនេះ ដើម្បីរៀបចំខ្លួនរស់នៅតាមសេចក្ដីពិតទាំងនេះដោយស្មោះត្រង់នៅពេលអនាគត ?
គោលលទ្ធិដ៏នៅអស់កល្បជានិច្ចអំពីកូនចៅ
សូមពិចារណាថ្លែងទីបន្ទាល់អំពីសារៈសំខាន់នៃកូនចៅនៅក្នុងផែនការដ៏អស់កល្បជានិច្ចរបស់ព្រះ ហើយចែកចាយសេចក្តីថ្លែងការណ៍ដូចខាងក្រោមនេះ ។
ប្រធាន ដាល្លិន អេក អូក នៃគណៈប្រធានទីមួយ បានពន្យល់ពីសារៈសំខាន់នៃកូនចៅនៅក្នុងផែនការរបស់ព្រះ ។
![]()
រូបភាព
ប្រធាន ដាល្លិន អេក អូក
គោលលទ្ធិដ៏អស់កល្ប … ផ្ដល់នូវទស្សនវិស័យពិសេសមួយចំពោះកូនចៅផងដែរ ។ តាមរយៈទស្សនវិស័យនេះ យើងមើលទៅការបង្កើតកូន និងការចិញ្ចឹមបីបាច់កូនចៅ គឺជាផ្នែកនៃផែនការដ៏ទេវភាព ។ វាគឺជាកាតព្វកិច្ចដ៏មានអំណរ និងពិសិដ្ឋសម្រាប់អស់អ្នកដែលត្រូវបានផ្ដល់អំណាចដើម្បីធ្វើដូច្នេះ ។ ហេតុដូច្នោះហើយ យើងត្រូវបានបញ្ជាឲ្យបង្រៀន ហើយការពារ និងព្យាយាមផ្សព្វផ្សាយពីគោលការណ៍ និងការអនុវត្តនានា ដែលផ្ដល់នូវលក្ខខណ្ឌពិសេសបំផុត ដើម្បីមានការអភិវឌ្ឍ និងសុភមង្គលដល់កូនចៅដែលនៅក្រោមផែនការរបស់ព្រះ ។ ( ដាល្លិន អេក អូក « សេចក្ដីស្រឡាញ់ដ៏ទេវភាពក្នុងផែនការរបស់ព្រះវរបិតា » Liahona ខែឧសភា ឆ្នាំ២០២២ ទំព័រ ១០២ )
-
តើអ្នកបានឃើញកូនចៅគឺជាពរជ័យដល់គ្រួសាររបស់អ្នក ឬអ្នកដទៃដែលអ្នកស្គាល់ដោយរបៀបណា ?
-
តើការនាំកូនចៅមកក្នុងពិភពលោក ហើយចិញ្ចឹមបីបាច់ពួកគេដោយក្ដីស្រឡាញ់អាចជួយអ្នកឲ្យប្រែក្លាយកាន់តែដូចព្រះវរបិតាមាតាសួគ៌ដោយរបៀបណា ?
សូមពិចារណាបង្ហាញការបំផុសគំនិតខាងក្រោម ហើយអញ្ជើញសិស្សឲ្យវាយតម្លៃការយល់ដឹងរបស់ពួកគេអំពីអ្វីដែលពួកគេបានរៀននៅថ្ងៃនេះដោយស្ងៀមស្ងាត់ ។
វាយតម្លៃការយល់ដឹងរបស់អ្នកអំពីសេចក្តីថ្លែងការណ៍ដូចខាងក្រោមនេះដោយឆ្លើយតបនៅក្នុងសៀវភៅកំណត់ហេតុការសិក្សារបស់អ្នកដោយប្រើ យល់ស្របយ៉ាងខ្លាំង យល់ស្រប យល់ស្របខ្លះ ឬ មិនប្រាកដ ។ សូមសរសេរដោយសង្ខេបពីមូលហេតុដែលអ្នកជ្រើសរើសការឆ្លើយតបនីមួយៗ ។
-
ខ្ញុំយល់ពីមូលហេតុដែលព្រះបញ្ញត្តិរបស់ព្រះដែលឲ្យបង្កើតកូនជាច្រើនឡើង ហើយមានពាសពេញលើផែនដី នៅតែអនុវត្តសព្វថ្ងៃនេះដដែល ។
-
ខ្ញុំយល់ថាហេតុអ្វីបានជាអំណាចដ៏ពិសិដ្ឋនៃការបង្កើតកូនគឺត្រូវប្រើតែរវាងស្ត្រី និងបុរសដែលបានរៀបការដោយស្របច្បាប់ប៉ុណ្ណោះ ។
-
ខ្ញុំយល់ថាហេតុអ្វីបានជាឪពុកម្ដាយត្រូវចិញ្ចឹមកូនចៅដោយសេចក្ដីស្រឡាញ់ និងសេចក្តីសុចរិត ។
ប្រសិនបើសិស្សមានសំណួរ ឬកង្វល់បន្ថែមអំពីគោលលទ្ធិរបស់ព្រះអម្ចាស់ទាក់ទងនឹងកូនចៅ ឬអំពីច្បាប់ព្រហ្មចារីភាព សូមលើកទឹកចិត្តពួកគេឲ្យស្វែងយល់បន្ថែមជាមួយឪពុកម្ដាយ ឬថ្នាក់ដឹកនាំសាសនាចក្រ ។
ដើម្បីបញ្ចប់ សូមអញ្ជើញសិស្សពីរបីនាក់ឲ្យសង្ខេបនូវអ្វីដែលពួកគេបានរៀនអំពីសារៈសំខាន់នៃការមានកូន និងការថែទាំកូនចៅ គឺជាផ្នែកនៃផែនការរបស់ព្រះវរបិតាសួគ៌ ។