« ‹ ក្រុមគ្រួសារ ៖ ការប្រកាសដល់ពិភពលោក ›—ទិដ្ឋភាពទូទៅ » សៀវភៅសិក្សាព្រះគម្ពីរគោលលទ្ធិ និងសេចក្ដីសញ្ញា សម្រាប់គ្រូបង្រៀនថ្នាក់សិក្ខាសាលា ( ឆ្នាំ២០២៥ )
« ‹ ក្រុមគ្រួសារ ៖ ការប្រកាសដល់ពិភពលោក › » សៀវភៅសិក្សាព្រះគម្ពីរគោលលទ្ធិ និងសេចក្ដីសញ្ញា សម្រាប់គ្រូបង្រៀនថ្នាក់សិក្ខាសាលា
« ក្រុមគ្រួសារ ៖ ការប្រកាសដល់ពិភពលោក »
« ក្រុមគ្រួសារ ៖ ការប្រកាសដល់ពិភពលោក »
ទិដ្ឋភាពទូទៅ
« ក្រុមគ្រួសារ ៖ ការប្រកាសដល់ពិភពលោក » គឺជាប្រសាសន៍របស់ព្យាការីដើម្បីជួយយើងឲ្យយល់ពីការបង្រៀនរបស់ព្រះវរបិតាសួគ៌ និងព្រះយេស៊ូវគ្រីស្ទអំពីអាពាហ៍ពិពាហ៍ និងគ្រួសារ ។ ព្រះបានបើកសម្ដែងនៅក្នុងការប្រកាសនេះពីរបៀបដើម្បីទទួលបានសេចក្តីសុខសាន្ត និងសុភមង្គលជាបុគ្គល និងជាក្រុមគ្រួសារ ។
ផ្ដោតលើសេចក្តីពិតដែលនាំឲ្យមានការប្រែចិត្តជឿ និងស្ថាបនាសេចក្តីជំនឿលើព្រះយេស៊ូវគ្រីស្ទ ៖ ជួយសិស្សឲ្យរកឃើញគោលលទ្ធិ និងគោលការណ៍ទាំងឡាយដែលអាចមានឥទ្ធិពលលើទំនាក់ទំនងរបស់ពួកគេជាមួយព្រះវរបិតាសួគ៌ និងព្រះយេស៊ូវគ្រីស្ទ ។ សូមលើកទឹកចិត្តពួកគេឲ្យវិភាគពីរបៀបដែលសេចក្ដីពិតទាំងនេះអាចធ្វើឲ្យការប្រែចិត្តជឿរបស់ពួកគេបានកាន់តែស៊ីជម្រៅ និងជួយពួកគេឲ្យធ្វើសកម្មភាពដោយសេចក្តីជំនឿ ។ សម្រាប់ព័ត៌មានបន្ថែមទៀតអំពីរបៀបដែលព្រះអង្គសង្គ្រោះបានធ្វើការណ៍នេះ សូមមើលផ្នែក « ព្រះអង្គសង្គ្រោះបានបង្រៀនសេចក្តីពិតដែលនាំទៅការប្រែចិត្តជឿ និងស្ថាបនាសេចក្តីជំនឿ » នៅក្នុង ការបង្រៀនតាមរបៀបរបស់ព្រះអង្គសង្គ្រោះ ។ អ្នកក៏អាចមើលឧទាហរណ៍មួយអំពីរបៀបធ្វើកិច្ចការនេះនៅក្នុងចំណងជើងមេរៀននៅសប្ដាហ៍នេះបានផងដែរ « ការប្រកាសអំពីក្រុមគ្រួសារ ផ្នែកទី ១ » ។
រៀបចំខ្លួនបង្រៀន
ព័ត៌មានខាងក្រោមផ្តល់ឲ្យអ្នកនូវគំនិតខ្លះៗអំពីអ្វីដែលអ្នកអាចត្រូវរៀបចំទុកជាមុនសម្រាប់មេរៀននីមួយៗ ។
ការប្រកាសអំពីក្រុមគ្រួសារ ផ្នែកទី ១
គោលបំណងមេរៀន ៖ មេរៀននេះអាចជួយសិស្សឲ្យយល់កាន់តែច្បាស់ អំពីតួនាទីដ៏សំខាន់នៃក្រុមគ្រួសារនៅក្នុងផែនការរបស់ព្រះវរបិតាសួគ៌ ។
-
ការរៀបចំសិស្ស ៖ សូមអញ្ជើញសិស្សឲ្យអានការប្រកាសអំពីក្រុមគ្រួសារ ហើយគូសចំណាំការយល់ដឹងរបស់ពួកគេ ឬកត់ចំណាំសំណួរដែលពួកគេអាចមាន ។
-
សម្ភារសម្រាប់សិស្ស ៖ ច្បាប់ចម្លងជាឌីជីថល ឬដែលបោះពុម្ពនៃ « ក្រុមគ្រួសារ ៖ ការប្រកាសដល់ពិភពលោក » ច្បាប់ចម្លងដែលបានបោះពុម្ពនៃ មេរៀនទី ៧ នៃសៀវភៅសិក្សាសម្រាប់ថ្នាក់វិទ្យាស្ថាន ឯកសាររៀបចំសម្រាប់ថ្នាក់ គ្រួសារដ៏អស់កល្បជានិច្ច សម្រាប់សិស្សដែលមិនអាចចូលប្រើបណ្ណាល័យដំណឹងល្អបាន ។
-
វីដេអូ ៖ « Stand Strong against the Wiles of the World » ( ២៧:៤៩ សូមមើលចាប់ពីនាទីទី ១៩:៣១ ដល់ ២០:២០ ) « Plan of Salvation—We’re Still a Family » ( ៤:៤៧ )
ការប្រកាសអំពីក្រុមគ្រួសារ ផ្នែកទី ២
គោលបំណងមេរៀន ៖ ដើម្បីជួយសិស្សឲ្យយល់អំពីសារៈសំខាន់នៃការមាន និងការមើលថែកុមារនៅក្នុងផែនការរបស់ព្រះវរបិតាសួគ៌ ។
-
ការរៀបចំសិស្ស ៖ សូមអញ្ជើញសិស្សឲ្យស្ដាប់ ឬអានទំនុកនៃទំនុកតម្កើងបទ « ខ្ញុំជាកូនរបស់ព្រះ » ( ទំនុកតម្កើង ល.រ. ១៨៨ ) ។ សូមលើកទឹកចិត្តពួកគេឲ្យគិតអំពីសារៈសំខាន់នៃកុមារនៅក្នុងផែនការរបស់ព្រះវរបិតាសួគ៌ ។
-
សម្ភារសម្រាប់សិស្ស ៖ ច្បាប់ចម្លងជាឌីជីថល ឬដែលបោះពុម្ពនៃ « ក្រុមគ្រួសារ ៖ ការប្រកាសដល់ពិភពលោក » ច្បាប់ចម្លងនៃសុន្ទរកថាដែលបានបោះពុម្ពចំនួនពីរបីច្បាប់ ដើម្បីចែកចាយសិស្សដែលមិនអាចចូលប្រើបណ្ណាល័យដំណឹងល្អបាន ៖ ដាល្លិន អេក អូក « Parents and Children » Liahona ខែវិច្ឆិកា ឆ្នាំ២០១៨ ទំព័រ ៦១–៦៧ ដេវីឌ អេ បែដណា « We Believe in Being Chaste » Liahona ខែឧសភា ឆ្នាំ២០១៣ ទំព័រ ៤១–៤៤ នែល អិល អាន់ឌើរសិន « Children » Liahona ខែវិច្ឆិកា ឆ្នាំ២០១១ ទំព័រ ២៨–៣១
-
វីដេអូ ៖ « សេចក្ដីស្រឡាញ់ដ៏ទេវភាពក្នុងផែនការរបស់ព្រះវរបិតា » ( ១៤:៤៦ សូមមើលចាប់ពីនាទីទី ៨:១៣ ដល់ ៨:៤៧ )
ការប្រកាសអំពីក្រុមគ្រួសារ ផ្នែកទី ៣
គោលបំណងមេរៀន ៖ ដើម្បីជួយសិស្សអនុវត្តការបង្រៀនរបស់ព្រះយេស៊ូវគ្រីស្ទនៅក្នុងទំនាក់ទំនងគ្រួសាររបស់ពួកគេ ។
-
ការរៀបចំសិស្ស ៖ សូមអញ្ជើញសិស្សឲ្យមករៀនដោយរៀបចំខ្លួនដើម្បីចែកចាយពីគ្រាដែលពួកគេបានដកពិសោធន៍សុភមង្គលជាមួយនឹងក្រុមគ្រួសាររបស់ពួកគេ ។
-
សម្ភារសម្រាប់សិស្ស ៖ ច្បាប់ចម្លងជាឌីជីថល ឬដែលបោះពុម្ពនៃ « ក្រុមគ្រួសារ ៖ ការប្រកាសដល់ពិភពលោក »
ការអនុវត្តចំណេះចំណានខាងគោលលទ្ធិទី ១០
គោលបំណងមេរៀន ៖ ដើម្បីផ្តល់ឱកាសឲ្យសិស្សចែកចាយវគ្គបទគម្ពីរចំណេះចំណានខាងគោលលទ្ធិ ដែលមានអត្ថន័យនៅក្នុងជីវិតរបស់ពួកគេ ហើយជួយពួកគេរៀន និងអនុវត្តតាមគោលការណ៍ដ៏ទេវភាពនៃការទទួលបានចំណេះដឹងខាងវិញ្ញាណ ។
-
ការរៀបចំសិស្ស ៖ សូមអញ្ជើញសិស្សឲ្យរៀបចំខ្លួនចែកចាយជាមួយថ្នាក់ទាំងមូលនូវវគ្គបទគម្ពីរចំណេះចំណានខាងគោលលទ្ធិ ដែលមានអត្ថន័យនៅក្នុងជីវិតរបស់ពួកគេ និងហេតុអ្វី ។
-
សម្ភារសម្រាប់សិស្ស ៖ ច្បាប់ចម្លងនៃសេចក្តីថ្លែងការណ៍ដោយអែលឌើរ ជែហ្វ្រី អ័រ ហូឡិន គ្រាប់គ្រាន់សម្រាប់ដៃគូចែកចាយ ( ជែហ្វ្រី អ័រ ហូឡិន « Behold Thy Mother » Liahona ខែវិច្ឆិកា ឆ្នាំ២០១៥ ទំព័រ ៤៩ )