Atamai i Aoaoga Faavae: Mauaina o Tali i A’u Fesili

Atamai i Aoaoga Faavae: Mauaina o Tali i A’u Fesili

Vaaiga Aoao

O le auai i le atamai i aoaoga faavae e fesoasoani ai i tagata aoga e fausia o latou faavae faaleagaga i luga o Iesu Keriso. O se vaega o le atamai i aoaoga faavae e aofia ai le aoaoina ma le faaaogaina o mataupu faavae o le mauaina o le malamalama faaleagaga: faatino i le faatuatua, iloilo manatu faavae ma fesili faatasi ma se vaaiga e faavavau, ma saili le malamalama atili e ala i punaoa faalelagi ua filifilia. E mafai ona fesoasoani nei mataupu faavae i tagata aoga e talanoaina ai fesili po o atugaluga i o latou olaga.

Fautuaga o le saoasaoa: E ono sili atu le aoao atu o nei lesona i le amataga o le tausaga aoga. I nisi o eria o le lalolagi, o le amataga o le tausaga aoga e tupu mulimuli ane i le kalena faaletausaga, e pei o le tautoulu. Afai o le tulaga lea i la outou eria, mafaufau e aoao atu le lesona ua faaautuina “Faamalosia o Lou Faavae Faaleagaga” i le amataga o le kalena faaletausaga. E mafai ona fesoasoani lenei mea i tagata aoga e toe faamanatu ai manatu taua e fesootai ma le atamai i aoaoga faavae mai le ogatotonu ma faasolo atu ai i lo latou tausaga faaleaoaoga faaakatemia.

Ia saunia e aoao atu

O lenei faamatalaga e tuuina atu ai ia te oe ni manatu o mea atonu e manaomia ona muai tapena ai mo lesona taitasi.

Faamalosia o Lou Faavae Faaleagaga

Faamoemoega o le lesona: Ina ia fesoasoani i tagata aoga ia malamalama pe mafai faapefea e le atamai i aoaoga faavae ona faamanuia ai o latou olaga ma fesoasoani e fausia o latou faavae faaleagaga i luga o Iesu Keriso.

• Sauniuniga a le tagata aoga: Valaaulia tagata aoga e o mai saunia e faasoa mai ni faataitaiga o auala ua faamanuiaina ai o latou olaga i le atamai i aoaoga faavae. Afai e fou tagata aoga i le atamai i aoaoga faavae, mafaufau e tuu atu ia i latou e faitau le “Faatomuaga i le Atamai i Aoaoga Faavae” i le Pepa Autu o le Atamai i Aoaoga Faavae (2023).

• Ata: Toe faafouga o le Malumalu o Sate Leki

• Vitio: “Peresitene Nelson—Faavae o le Malumalu” (2:03); “O Le A le Atamai i Aoaoga Faavae?” (3:56)

• Anotusi e faaali atu: Faamatalaga e lima mo le iloiloga faaletagata lava ia

Sailia o Faaaliga Faaletagata Lava Ia mo A’u Fesili

Faamoemoega o le lesona: Ina ia fesoasoani i tagata a’oga ia malamalama pe mafai faapefea ona latou maua le taitaiga ma faaaliga mai le Atua e ala i le Agaga Paia.

• Sauniuniga a le tagata aoga: Valaaulia tagata aoga e mafaufau e uiga i lo latou malamalama i faaaliga faaleagaga ma pe o a nisi mea latou te ono mananao e iloa. E mafai foi ona e valaaulia i latou e fai atu i se tagata o le aiga po o se taitai talavou e faasoa mai se mau po o se aafiaga e uiga i le mauaina o faaaliga patino mai le Atua.

• Vitio: “Faaaliga mo le Ekalesia, Faaaliga mo o Tatou Olaga” (20:27; matamata mai le faailo taimi 17:44 seia oo i le 18:53)

Faatino i le Faatuatua ia Maua ai Tali

Faamoemoega o le lesona: Ina ia mafai ona fesoasoani i tagata a’oga ia malamalama i le ala e faatino ai ma le faatuatua ia Iesu Keriso a o latou sailia tali o a latou fesili.

• Sauniuniga a le tagata aoga: Valaaulia tagata a’oga e faitau le Mataupu Faavae ma Feagaiga 6:36 ma mafaufau loloto i lona uiga. E mafai foi ona latou taulotoina lenei fuaiupu ma mafaufau pe mafai faapefea ona fesoasoani ia i latou pe a feagai ma ni fesili faigata.

• Vitio: “Mauaina o le Malamalama Faaleagaga: Tala a Madison” (8:35; matamata mai le faailo taimi 0:00 i le 1:44 ma le 1:44 i le 8:35)

Suesueina o Autu ma Fesili o le Talalelei ma se Vaaiga e Faavavau

Faamoemoega o le lesona: Ina ia fesoasoani i tagata a’oga e iloilo manatu faavae ma fesili faatasi ma se vaaiga e faavavau e vaai i ai e pei ona faia e Iesu Keriso.

• Sauniuniga a le tagata aoga: Valaaulia tagata a’oga e faitau parakalafa 8-10 o le vaega “Mauaina o le Malamalama Faaleagaga” o le Pepa Autu o le Atamai i Aoaoga Faavae (2023).

• Ata: Vaaiga i le itu ma luma o le faatufugaga o le mata o le tagatana saunia e Michael Murphy

• Vitio: “Human Eye Artwork” (0:37); “O Le Mata o le Faatuatua” (15:15; matamata mai le faailo taimi 4:22 i le 4:47); “‘Faatufugaga O Le Aiga: O Se Folafolaga i le Lalolagi’” (0:22)

Liliu Atu i Punaoa Faalelagi ua Filifilia e Fesoasoani e Maua ai Tali

Faamoemoega o le lesona: Ina ia fesoasoani i tagata a’oga e malamalama i le taua o le saili o le mea moni mai punavai ua tuuina mai e le Tama Faalelagi ma Iesu Keriso.

• Sauniuniga a le tagata aoga: Valaaulia tagata aoga e mafaufau e uiga i punavai ua latou liliu atu i ai mo tali i fesili faaleagaga. Fautuaina i latou e o mai saunia i le vasega e faasoa mai ia le itiiti ifo ma le tasi se faataitaiga o se punavai ma pe na faapefea ona fesoasoani ia i latou.

• Pepa e tufa atu: “Filimaotiina o le Mea Moni mai le Mea Sese”