« ជំនាញសិក្សាព្រះគម្ពីរ ៖ ទិដ្ឋភាពទូទៅ » ព្រះគម្ពីរគោលលទ្ធិ និងសេចក្ដីសញ្ញា សៀវភៅសិក្សាសម្រាប់គ្រូបង្រៀនថ្នាក់សិក្ខាសាលា ( ឆ្នាំ ២០២៥ )
« ជំនាញសិក្សាព្រះគម្ពីរ ៖ ទិដ្ឋភាពទូទៅ » ព្រះគម្ពីរគោលលទ្ធិ និងសេចក្ដីសញ្ញា សៀវភៅសិក្សាសម្រាប់គ្រូបង្រៀនថ្នាក់សិក្ខាសាលា
ជំនាញសិក្សាព្រះគម្ពីរ
ជំនាញសិក្សាព្រះគម្ពីរ
ទិដ្ឋភាពទូទៅ
ជំនាញសិក្សាព្រះគម្ពីរអាចជួយយើងឲ្យមានបទពិសោធន៍ដ៏កាន់តែប្រសើរក្នុងការសិក្សាព្រះគម្ពីរ ហើយជួយយើងឲ្យខិតទៅកាន់តែជិតព្រះអង្គសង្រ្គោះព្រះយេស៊ូវគ្រីស្ទ ។ ការផ្ដោតទៅលើព្រះយេស៊ូវគ្រីស្ទ ការកត់ចំណាំពន្យល់ ការស្វែងរកសេចក្ដីពិត ការប្រើឧបករណ៍សិក្សាព្រះគម្ពីរ និងការយល់ដឹងពីបរិបទ ទាំងអស់នេះសុទ្ធតែអាចជួយធ្វើឲ្យការសិក្សាព្រះគម្ពីរកាន់តែមានអត្ថន័យ ។
យោបល់ស្ដីពីល្បឿន ៖ មេរៀនទាំងនេះអាចត្រូវបានបង្រៀននៅពេលណាក៏បាន ។ ទោះជាយ៉ាងណាក៏ដោយ វាអាចមានប្រសិទ្ធភាពក្នុងការបង្រៀនមេរៀនជំនាញសិក្សាព្រះគម្ពីរមួយ ឬច្រើន ចាប់ពីដើមឆ្នាំសិក្សាទៅ បន្ទាប់មកធ្វើការណែនាំជំនាញមួយទៀតរៀងរាល់ពីរបីសប្តាហ៍ម្ដង ។ ការណ៍នេះនឹងអនុញ្ញាតឲ្យសិស្សរៀន និងអនុវត្តជំនាញទាំងនេះបានពេញមួយឆ្នាំ ។
រៀបចំខ្លួនបង្រៀន
ព័ត៌មានខាងក្រោមនេះ ផ្តល់ឲ្យអ្នកនូវគំនិតខ្លះៗអំពីអ្វីដែលអ្នកអាចត្រូវរៀបចំទុកជាមុនសម្រាប់មេរៀននីមួយៗ ។
ការផ្ដោតទៅលើព្រះយេស៊ូវគ្រីស្ទនៅក្នុងព្រះគម្ពីរ
គោលបំណងមេរៀន ៖ ដើម្បីជួយសិស្សឲ្យផ្ដោតទៅលើព្រះអង្គសង្រ្គោះ ខណៈដែលកំពុងសិក្សាព្រះគម្ពីរ ជាពិសេសព្រះគម្ពីរគោលលទ្ធិ និងសេចក្ដីសញ្ញា ។
-
ការរៀបចំសិស្ស ៖ សូមអញ្ជើញសិស្សឲ្យស្វែងរកព្រះនាម ឬព្រះបរមងារមួយរបស់ព្រះយេស៊ូវគ្រីស្ទនៅក្នុងព្រះគម្ពីរគោលលទ្ធិ និងសេចក្ដីសញ្ញា ដែលមានអត្ថន័យចំពោះពួកគេ ហើយបានរៀនដោយបានរៀបចំខ្លួនដើម្បីចែកចាយនូវអ្វីដែលពួកគេបានរកឃើញ ។
-
សម្ភារដែលត្រូវបង្ហាញ ៖ រូបភាពព្រះអង្គសង្គ្រោះមួយដែលព្រិល និងរូបភាពមួយទៀតដែលច្បាស់
-
វីដេអូ ៖ « ‘Nombre’ – What Should We Name Him? » ( ១:៤៧ )
ការស្វែងរកសេចក្ដីពិតនៃដំណឹងល្អនៅក្នុងព្រះគម្ពីរ
គោលបំណងមេរៀន ៖ ដើម្បីជួយបង្កើនសមត្ថភាពរបស់សិស្សក្នុងការស្វែងរកសេចក្ដីពិតនៃដំណឹងល្អនៅក្នុងព្រះគម្ពីរ ហើយខិតទៅកាន់តែជិតព្រះអម្ចាស់ ។
-
ការរៀបចំសិស្ស ៖ ជាផ្នែកមួយនៃការសិក្សាព្រះគម្ពីរប្រចាំថ្ងៃរបស់ពួកគេ សូមអញ្ជើញសិស្សឲ្យខិតខំស្វែងរកសេចក្ដីពិតនៃដំណឹងល្អ ដែលនឹងជួយដល់ពួកគេនៅក្នុងជីវិតរបស់ពួកគេ ហើយជញ្ជឹងគិតពីអ្វីដែលពួកគេបានធ្វើដើម្បីស្វែងរកសេចក្ដីពិតទាំងនោះ ។
-
វីដេអូ ៖ « Parable of the Gems » ( ៦:៤៧; សូមមើលពីនាទីទី ២:១៣ ដល់នាទីទី ៤:២០ )
-
សម្ភារដែលត្រូវបង្ហាញ ៖ រូបភាពយុវនារីម្នាក់ដែលកំពុងរាវរកគ្រាប់ត្បូងក្នុងខ្សាច់នៅលើឆ្នេរសមុទ្រ
-
សំណៅចែក ៖ « ការស្វែងរកសេចក្ដីពិតនៅក្នុងព្រះគម្ពីរ »
-
ឯកសារនានា ៖ សន្លឹកក្រដាសសម្រាប់សិស្សម្នាក់ៗ
ការកត់ចំណាំពន្យល់ព្រះគម្ពីរ
គោលបំណងមេរៀន ៖ ដើម្បីជួយសិស្សឲ្យគូសចំណាំ និងបន្ថែមកំណត់ចំណាំទៅក្នុងព្រះគម្ពីររបស់ពួកគេតាមរបៀបមួយ ដែលធ្វើឲ្យការសិក្សារបស់ពួកគេកាន់តែមានអត្ថន័យ ហើយនាំពួកគេឲ្យខិតកាន់តែជិតព្រះវរបិតាសួគ៌ និងព្រះយេស៊ូវគ្រីស្ទ ។
-
ការរៀបចំសិស្ស ៖ ជាផ្នែកមួយនៃការសិក្សាព្រះគម្ពីរប្រចាំថ្ងៃរបស់ពួកគេ សូមអញ្ជើញសិស្សឲ្យគូសសម្គាល់នូវអ្វីដែលមានអត្ថន័យចំពោះពួកគេ ជាពិសេសពាក្យ ឬឃ្លានានា ដែលជួយពួកគេឲ្យយល់ ឬទទួលអារម្មណ៍ពីសេចក្ដីស្រឡាញ់របស់ព្រះវរបិតាសួគ៌ និងព្រះយេស៊ូវគ្រីស្ទ ។ ពួកគេអាចមករៀនដោយបានរៀបចំខ្លួនដើម្បីចែកចាយនូវអ្វីដែលពួកគេបានគូសចំណាំ និងមូលហេតុអ្វី ។
-
សម្ភារដែលត្រូវបង្ហាញ ៖ ឧទាហរណ៍ពីរបីស្ដីពីរបៀបដែលមនុស្សអាចគូសចំណាំព្រះគម្ពីររបស់ពួកគេ ( ផងដែរ ប្រសិនបើមានប្រយោជន៍ សូមរៀបចំវិធីមួយដើម្បីបង្ហាញពីរបៀបគូសចំណាំព្រះគម្ពីរនៅក្នុងកម្មវិធីបណ្ណាល័យដំណឹងល្អ ) ។
-
វីដេអូ ៖ « A Marking System That Works for You » ( ១:៥៦ ); « Marking Scriptures » ( ១:៤៥ )
ឧបករណ៍សិក្សាព្រះគម្ពីរ
គោលបំណងមេរៀន ៖ ដើម្បីជួយសិស្សឲ្យពង្រីកការសិក្សាព្រះគម្ពីរផ្ទាល់ខ្លួនរបស់ពួកគេ និងពង្រឹងទំនាក់ទំនងរបស់ពួកគេជាមួយព្រះវរបិតាសួគ៌ និងព្រះយេស៊ូវគ្រីស្ទ តាមរយៈការប្រើឧបករណ៍សិក្សាព្រះគម្ពីរ ។
-
ការរៀបចំសិស្ស ៖ សូមអញ្ជើញសិស្សឲ្យមករៀនដោយបានរៀបចំខ្លួនដើម្បីចែកចាយឧបករណ៍ដែលមានទាំងប៉ុន្មាន ដែលជួយដល់យើងក្នុងពិភពលោកសព្វថ្ងៃនេះ ដែលគ្មានកាលពី ៥០ ឆ្នាំមុននោះទេ ។ សូមឲ្យពួកគេត្រៀមខ្លួនដើម្បីពន្យល់ពីរបៀបដែលឧបករណ៍ទាំងនេះធ្វើឲ្យមានភាពខុសគ្នានៅក្នុងជីវិតរបស់យើង ។
-
សម្ភារដែលត្រូវបង្ហាញ ៖ រូបភាពបុរសម្នាក់ជាមួយនឹងនង្គ័ល ម៉ាស៊ីនច្រូតកាត់ទំនើបមួយ មនុស្សម្នាក់ជិះសេះ និងយន្តហោះមួយ
ការយល់ដឹងពីបរិបទនៃព្រះគម្ពីរ
គោលបំណងមេរៀន ៖ ដើម្បីជួយសិស្សឲ្យយល់ពីរបៀបដែលបរិបទនៃព្រះគម្ពីរ អាចធ្វើឲ្យការសិក្សាព្រះគម្ពីរកាន់តែមានអត្ថន័យ ។
-
ការរៀបចំសិស្ស ៖ សូមអញ្ជើញសិស្សឲ្យត្រៀមខ្លួនសម្រាប់មេរៀននេះ ដោយការអានក្បាលកណ្ឌ មុនពេលសិក្សាកណ្ឌមួយនៃព្រះគម្ពីរគោលលទ្ធិ និងសេចក្ដីសញ្ញា ។ សូមឲ្យពួកគេរកមើលភាពខុសគ្នាដែលវាមាន នៅពេលយើងយល់ពីខ្លឹមសារនៃកណ្ឌនេះ ។
-
សម្ភារដែលត្រូវបង្ហាញ ៖ រូបភាពបុរសម្នាក់រុញបុរសម្នាក់ទៀត និងរូបភាពបុរសម្នាក់រុញបុរសម្នាក់ទៀតចេញពីឡាន ( ផងដែរ ប្រសិនបើមានប្រយោជន៍ សូមរៀបចំវិធីមួយដើម្បីបង្ហាញពីធនធានបន្ថែមសម្រាប់បរិបទនៅក្នុងកម្មវិធីបណ្ណាល័យដំណឹងល្អ ) ។