Tomai e Suesue ai Tusitusiga Paia

Tomai e Suesue ai Tusitusiga Paia

Vaaiga Aoao

O tomai mo le suesueina o tusitusiga paia e mafai ona fesoasoani tatou te maua ai se aafiaga sili atu i le suesueina o tusitusiga paia ma fesoasoani ia i tatou e latalata atili atu ai i le Faaola o Iesu Keriso. O le taulai atu ia Iesu Keriso, faamatalaga, mauaina o upumoni, faaaogaina o meafaigaluega mo le suesueina o tusitusiga paia, ma le malamalama i le talaaga e mafai ona fesoasoani uma ia atili anoa ai le suesueina o tusitusiga paia.

Fautuaga i le aluga o lesona: O nei lesona e mafai ona aoao atu i soo se taimi. Peitai, atonu e aoga le aoao atu o se tasi pe sili atu foi o lesona mo le suesueina o tusitusiga paia agai i le amataga o le tausaga aoga, ona faalauiloa atu lea o se isi tomai i nai vaiaso taitasi. O lenei mea o le a mafai ai e tamaiti aoga ona aoao ma faataitai nei tomai i le aluga o le tausaga.

Sauni e aoao atu

O lenei faamatalaga e tuuina atu ai ia te oe ni manatu o mea atonu e manaomia ona muai saunia mo lesona taitasi.

Taulai atu ia Iesu Keriso i Tusitusiga Paia

Faamoemoega o le lesona: Ia fesoasoani i tamaiti aoga e taulai atu ai i le Faaola a o suesue i tusitusiga paia, aemaise lava le Mataupu Faavae ma Feagaiga.

• Sauniuniga a le tamaitiiti aoga: Valaaulia tamaiti aoga e sue se igoa po o se faalagiga o Iesu Keriso i le Mataupu Faavae ma Feagaiga e taua ia i latou ma o mai saunia e faasoa mai mea na latou mauaina.

• Aitema e faaali: Ata le manino o le Faaola ma se ata manino

• Vitio: “‘Nombre’ – What Should We Name Him?” (1:47)

O le sailiga o upumoni i tusitusiga paia

Faamoemoega o le lesona: Ina ia fesoasoani e faateleina le tomai o tamaiti aoga e saili upumoni o le talalelei i tusitusiga paia ma faalatalata atili atu ai i le Alii.

• Sauniuniga a le tamaitiiti aoga: O se vaega o a latou suesuega o tusitusiga paia i aso taitasi, valaaulia tamaiti aoga e taumafai e saili upumoni o le talalelei o le a fesoasoani ia i latou i o latou olaga ma mafaufau loloto i mea na latou faia e maua ai.

• Vitio: “O le Faataoto o Maa Taua” (6:47; matamata mai le faailotaimi 2:13 seia oo i le 4:20)

• Aitema e faaali: O se ata o se tamaitai talavou o loo saili mo maa taua i le oneone i luga o se matafaga

• Pepa e tufa atu: “Sailiga o Upumoni i Tusitusiga Paia”

• Anomea: Fasipepa mo tamaiti aoga taitasi

Faamatalaga o Mau

Faamoemoega o le lesona: Ia fesoasoani i tamaiti aoga e faailoga ma faaopoopo ni faamatalaga i a latou tusitusiga paia i se auala e atili taua ai a latou suesuega ma faalatalata atili atu ai i latou i le Tama Faalelagi ma Iesu Keriso.

• Sauniuniga a le tamaitiiti aoga: O se vaega o a latou suesuega o tusitusiga paia i aso taitasi, valaaulia tamaiti aoga e faailoga mea e taua ia i latou, aemaise lava upu po o fasifuaitau e fesoasoani latou te malamalama ai pe lagona ai le alofa o le Tama Faalelagi ma Iesu Keriso. E mafai ona latou o mai saunia e faasoa mai mea na latou faailogaina ma pe aisea.

• Aitema e faaali: O ni nai faataitaiga o le auala e mafai ai e tagata ona faailoga a latou tusitusiga paia (E le gata i lea, afai e aoga, saunia se auala e faaali atu ai le auala e maka ai mau i le polokalama o le Gospel Library.)

• Vitio: “O Se Faiga e Faailogaina Ai E Aoga mo Oe” (1:56); “Makaina o Tusitusiga Paia” (1:45)

Meafaigaluega mo le Suesueina o Tusitusiga Paia

Faamoemoega o le lesona: Ia fesoasoani i tamaiti aoga e faaleleia ai a latou suesuega patino o tusitusiga paia ma faamalosia ai lo latou sootaga ma le Tama Faalelagi ma Iesu Keriso e ala i le faaaogaina o meafaigaluega mo le suesueina o tusitusiga paia.

• Sauniuniga a le tamaitiiti aoga: Valaaulia tamaiti aoga e o mai saunia e faasoa mai ni meafaigaluega o loo maua e fesoasoani ia i tatou i le lalolagi i aso nei e lei maua i le 50 tausaga ua mavae. Fai atu ia i latou ia saunia e faamatala mai po o le a le eseesega e faia e nei meafaigaluega i o tatou olaga.

• Aitema e faaali: Ata o se alii ma se suotosina, o se masini e selesele ai i ona po nei, o se tagata o loo tietie i se solofanua, ma se vaalele

Malamalamaaga i le Talaaga o Tusitusiga Paia

Faamoemoega o le lesona: Ina ia fesoasoani i tamaiti aoga ia malamalama i le ala e mafai ai e le talaaga o tusitusiga paia ona atili anoa ai le suesueina o tusitusiga paia.

• Sauniuniga a le tamaitiiti aoga: Valaaulia tamaiti aoga e sauni mo lenei lesona e ala i le faitauina o le faaulutala o le vaega a o lei suesueina se vaega o le Mataupu Faavae ma Feagaiga. Fai atu ia i latou e vaavaai mo le eseesega na te faia i le malamalama ai i le anotusi o le vaega.

• Aitema e faaali: Ata o se alii o loo tuleia se isi tamaloa ma se ata o se alii o tulei ese se isi tamaloa mai se taavale (E le gata i lea, afai e aoga, saunia se auala e faaali atu ai punaoa faaopoopo mo le talaaga i le polokalama o le Gospel Library.)