Սեմինարիա
Դաս 175․ Նպատակներ դնել․ Ավելի նմանվել Երկնային Հորը և Հիսուս Քրիստոսին

«Դաս 175․ Նպատակներ դնել․ Ավելի նմանվել Երկնային Հորը և Հիսուս Քրիստոսին», Վարդապետություն և Ուխտեր․ Սեմինարիայի ուսուցչի ձեռնարկ (2025)

«Նպատակներ դնել», Վարդապետություն և Ուխտեր․ Սեմինարիայի ուսուցչի ձեռնարկ

Դաս 175․ Երիտասարդներին զորացնելու համար․ Ընտրություններ կատարել

Նպատակներ դնել

Ավելի նմանվել Երկնային Հորը և Հիսուս Քրիստոսին

ճամփորդը՝ ճանապարհի վրա

Երկնային Հայրը ցանկանում է, որ Իր բոլոր զավակները հավերժական կյանք ստանան (տես Մովսես 1.39)։ Անձնական նպատակներ դնելով՝ մենք կարող ենք առաջադիմել Աստծուն նմանվելու և Նրա ներկայություն վերադառնալու մեր ջանքերում։ Այս դասը կօգնի ուսանողներին արդյունավետորեն նպատակներ դնել և ծրագրեր կազմել՝ ձգտելով ավելի նմանվել Աստծուն՝ Նրա օգնությամբ:

Հնարավոր ուսումնական վարժություններ

Ո՞ւր եք դուք գնում Ինչպե՞ս եք այնտեղ հասնելու

Ցուցադրեք աշխարհի քարտեզը կամ ձեր տարածաշրջանի քարտեզը: Խնդրեք ուսանողներին ասել, թե որ վայրերն են իրենք այցելել կամ կցանկանային այցելել: Ուսանողներին երկու րոպե տվեք՝ ստեղծելու ծրագիր, որը կօգնի որևէ մեկին մեկնել այդ վայր: Այդ ծրագիրը կարող է ներառել այնպիսի կետեր, ինչպիսիք են՝ ուղևորության համապատասխան եղանակը, մանրամասն երթուղին և ծախսերը: Ուսանողները կարող են կիսվել իրենց ծրագրով դասընկերոջ հետ:

  • Ճամփորդության ծրագիր ստեղծելն ինչպե՞ս կարող է առնչվել մեր մահկանացու կյանքի հետ:

Տասներկու Առաքյալների Քվորումից նախագահ Մ․ Ռասսել Բալլարդը կիսվել է հետևյալով.

Նախագահ Մ․ Ռասսել Բալլարդ

Գիտակցումը, թե ուր եք գնում և ինչպես եք հասնելու այնտեղ, կարող է ձեր կյանքին տալ իմաստ, նպատակ և կատարելություն:

Ոմանք դժվարանում են տարբերակել նպատակը և ծրագիրը, քանի դեռ չեն սովորել, որ նպատակը՝ նպատակակետն է կամ վերջնակետը, մինչդեռ ծրագիրը այն երթուղին է, որով դուք հասնում եք այնտեղ: (Մ․ Ռասսել Բալլարդ, «Վերադառնալ և ստանալ», Լիահոնա, մայիս 2017, 62)

  • Որո՞նք են նպատակների և ծրագրերի նպատակները:

    Առաջարկեք ուսանողներին մտածել իրենց անձնական նպատակների և ծրագրերի մասին՝ խորհելով հետևյալ հարցերի շուրջ.

  • Որքա՞ն հաճախ եք ձեր առջև նպատակներ դնում և դրանց հասնելու ծրագրեր կազմում:

  • Ի՞նչ հաջողություններ և դժվարություններ եք ունեցել:

  • Ո՞ւր հույս ունեք, որ ձեր նպատակներն ու ծրագրերը կտանեն ձեզ:

Դասի ողջ ընթացքում խրախուսեք ուսանողներին առաջնորդություն խնդրել Սուրբ Հոգուց, երբ իրենք զարգանում են և աշխատում են իրագործել իրենց նպատակները և ծրագրերը:

Աստված մեզ օրինակ է տվել

Հետևյալ խոսքերը ցուցադրելիս կարող եք առաջին պարբերությունից հեռացնել «իրագործելու տղամարդու [և կնոջ] անմահությունն ու հավերժական կյանքը» արտահայտությունը և «փրկություն» բառը: Խնդրեք ուսանողներին ազատ տեղերում լրացնել Աստծո նպատակը և Նրա ծրագրի անվանումը: Այնուհետև ուսանողները կարող են կարդալ Մովսես 1․39 կամ Ալմա 42․5 հատվածները՝ գտնելու նախագահ Բալլարդի օգտագործած բառերը: Կարող եք բացատրել, որ «մարդ» բառի օգտագործումը Մովսես 1․39 և այլ սուրբ գրություններում (օրինակ՝ Ծնունդ 1․27, Մորմոն 9․17) վերաբերում է ընդհանուր բոլոր մահկանացուներին կամ մարդկանց, հետևաբար վերաբերում է և տղամարդկանց, և կանանց:

Նախագահ Բալլարդը շարունակել է ուսուցանել.

Նախագահ Մ․ Ռասսել Բալլարդ

Աստված՝ մեր Երկնային Հայրը, տվել է մեզ նպատակ դնելու և ծրագիր կազմելու կատարյալ օրինակ: Նրա նպատակն է «իրագործել տղամարդու [և կնոջ] անմահությունն ու հավերժական կյանքը» [Մովսես 1․39], իսկ դրան հասնելու Նրա միջոցները՝ փրկության ծրագիրն է: …

… Ես համոզված եմ, որ երջանկության կարևոր բանալին իմանալն է, թե ինչպես սահմանել մեր սեփական նպատակները և կազմել մեր սեփական ծրագրերը՝ մեր Երկնային Հոր հավերժական ծրագրի շրջանակներում: (Մ․ Ռասսել Բալլարդ, «Վերադառնալ և ստանալ», Լիահոնա, մայիս 2017, 63)

  • Այս խոսքերից ի՞նչ եք սովորում ձեր սեփական նպատակների և ծրագրերի մասին:

    Ճշմարտություններից մեկը, որ ուսանողները կարող են բացահայտել այն է, որ մենք կարող ենք երջանկություն զգալ՝ աշխատելով իրագործել մեր անձնական նպատակները, որոնք օգնում են մեզ հետևել Աստծո ծրագրին: Օգնեք ուսանողներին հասկանալ, որ Աստված Փրկչի միջոցով հնարավոր է դարձրել, որ մենք հավերժ ապրենք կամ անմահություն ստանանք: Նա նաև ցանկանում է, որ մենք նմանվենք Իրեն և Հիսուս Քրիստոսին և վերադառնանք ապրելու Իրենց հետ կամ ստանանք հավերժական կյանք: Աստծո փրկության ծրագիրը հնարավոր է դարձնում այս օրհնությունները:

  • Ձեր կարծիքով, մենք ինչո՞ւ կարող ենք երջանկություն զգալ, երբ մեր նպատակներն օգնում են մեզ հետևել Աստծո ծրագրին (տես Նեփի 2․25, Մոսիա 2․41)։

    Կարդացեք Ղուկաս 2․52 հատվածը՝ փնտրելով, թե ինչպես էր Փրկիչը զարգանում երիտասարդ տարիներին՝ հետևելով Իր Հոր ծրագրին:

  • Այս ոլորտներում Փրկչի զարգացման օրինակին հետևելն ինչո՞ւ կարող է մեծացնել մեր երջանկությունը:

Օրինակ զարգացման համար

Ուսանողներին ցուցադրեք Անձնական զարգացում․ Երիտասարդների ուղեցույց գրքույկը։ Կարող եք առաջարկել ուսանողներից մեկին կիսվել, թե ինչպես կարող է այն օգտագործվել նպատակներ ստեղծելու և ծրագրեր կազմելու համար: Անհրաժեշտության դեպքում բացատրեք, որ մեզ առաջարկվում է հետևել Հիսուս Քրիստոսի օրինակին՝ նպատակներ սահմանելով հետևյալ ոլորտներից յուրաքանչյուրում․ հոգևոր, սոցիալական, մտավոր և ֆիզիկական:

Աշխատաթերթի պատկերակՈրպեսզի պատրաստեք ուսանողներին աշխատել իրենց սեփական նպատակների վրա, կարող եք վերանայել «Օրինակ զարգացման համար» բաժինը Երիտասարդների ուղեցույց գրքույկում ([2019], 7–15) կամ տրամադրել «Օրինակ զարգացման համար» վերնագրով աշխատաթերթը: Ուսանողներին բաժանեք չորս հոգանոց խմբերի՝ յուրաքանչյուր ուսանող պետք է ուսումնասիրի օրինակի տարբեր հատվածներ: Այնուհետև նրանք կարող են բացատրել իրենց սովորածը իրենց խմբերին:

Կարող եք նաև դիտել «Video: Goal Setting Process» տեսանյութը (3:42) ChurchofJesusChrist.org կայքում։

3:42

Video: Goal setting process

Օրինակ զարգացման համար

Բացահայտեք ձեր կարիքները, պարգևները և տաղանդները: Փորձեք տալ նմանատիպ հարցեր․

Ես ի՞նչ պետք է սովորեմ կամ փոխեմ իմ կյանքում։

Ի՞նչ տաղանդներ կամ հմտություններ եմ ցանկանում ձեռք բերել։

Հոգևոր ի՞նչ սովորություններ պետք է զարգացնեմ կամ բարելավեմ։

Ինչպե՞ս կարող եմ պահել ուխտերը, որոնք կապել եմ մկրտվելիս։

Ո՞ւմ կարող եմ ծառայել։

«Դու պետք է քննես այն քո մտքում. հետո … հարցնես ինձ, թե արդյոք դա ճիշտ է» (Վարդապետություն և Ուխտեր 9.8):

Ծրագրեք՝ բարելավվելու համար: Փորձեք տալ նմանատիպ հարցեր․

  • Ինչո՞ւ է դա կարևոր ինձ համար։

  • Ինչպե՞ս դա կօգնի ինձ ավելի նմանվել Հիսուս Քրիստոսին։

  • Ի՞նչ գործողություններ կարող եմ կատարել դրան հասնելու համար։

  • Կարո՞ղ եմ անել այդ գործողություններն ավելի փոքր քայլերի միջոցով։

  • Ի՞նչ ծրագրեր կարող եմ կազմել այժմ հետագա դժվարությունները հաղթահարելու համար։

«Քրիստոսի խոսքերը կասեն ձեզ բոլոր բաները, որ դուք պետք է անեք» (2 Նեփի 32․3)։

Խորհեք ձեր սովորածի շուրջ: Փորձեք տալ նմանատիպ հարցեր․

  • Ի՞նչ զարգացում եմ ես ապրել։

  • Ինչպե՞ս կարող եմ օգտագործել իմ սովորածը ուրիշներին ծառայելու համար։

  • Ինչպե՞ս են իմ գործողություններն օգնել ինձ ավելի մոտենալ Փրկչին։

  • Ինչպե՞ս կարող եմ շարունակել զարգանալ այդ ասպարեզում։

«Հարթիր քո ոտքերի ուղին» (Առակներ 4․26)։

Գործեք՝ հավատքում աճելու համար։ Երբ փակուղի մտնեք, փորձեք տալ նմանատիպ հարցեր․

  • Ի՞նչն էր ստացվում։ Ինչո՞ւ։

  • Ի՞նչը չէր ստացվում։ Ինչո՞ւ ոչ։

  • Ուրիշ ի՞նչ կարող եմ փորձել։

  • Որտե՞ղ կարող եմ գտնել լրացուցիչ գաղափարներ։

  • Կարո՞ղ եմ բաժանել իմ նպատակը ավելի փոքր քայլերի կամ գործողությունների։

  • Ի՞նչ կարող եմ սովորել խոչընդոտներից։

«Ճշմարիտ ասում եմ. [դուք] պետք է ջերմեռանդ ներգրավված լինեք բարի գործի մեջ և շատ բաներ անեք [ձեր] ազատ կամքով» (Վարդապետություն և Ուխտեր 58.27):

  • Ձեր կարծիքով, ո՞ր հարցերը կարող են օգտակար լինել՝ ձեր նպատակներն ու ծրագրերն իրագործելու համար աշխատելիս: Ինչո՞ւ։

  • Այս օրինակն ինչպե՞ս կարող է օգնել ձեզ Երկնային Հորը և Հիսուս Քրիստոսին ավելի նմանվելու ձեր ջանքերում:

  • Երկնային Հայրը և Հիսուս Քրիստոսն ինչպե՞ս կարող են օգնել ձեզ ձեր ջանքերում:

Բացահայտեք, ծրագրեք, գործեք և խորհեք

Ժամանակ տրամադրեք ուսանողներին՝ աշխատելու իրենց անձնական նպատակների վրա: Ցուցադրեք ստորև ներկայացվող հրահանգները.

Ընտրեք այն վերնագիրը, որը լավագույնս նկարագրում է ձեզ, և կատարեք համապատասխան հրահանգներից մեկը կամ մի քանիսը: Խնդրեք օգնություն Սուրբ Հոգուց և օգտագործեք «Օրինակ զարգացման համար» նյութը (գտնվում է Երիտասարդների ուղեցույց գրքույկում կամ աշխատաթերթում)։

  • Ես որոշակի նպատակներ կամ ծրագրեր չեմ կազմել։

  • ա. Բացահայտեք, թե ինչի վրա պետք է աշխատեք հետևյալ ոլորտներից մեկում կամ մի քանիսում․ հոգևոր, սոցիալական, մտավոր, ֆիզիկական:

    բ. Ստեղծեք ծրագրեր, որոնք կօգնեն ձեզ հասնել այդ նպատակներին։

    գ. Գրեք ձեր նպատակներն ու ծրագրերը ձեր Երիտասարդների ուղեցույցում կամ ուսումնական օրագրում:

  • Ես ունեմ նպատակներ և ծրագրեր, որոնց իրագործման վրա աշխատում եմ։

  • ա. Եթե հարմար է, օգտագործեք դասի ժամանակը, որպեսզի գործեք՝ ձեր որոշ ծրագրերի և նպատակների համապատասխան։

    բ. Խորհեք, թե ինչ եք սովորել և ինչ առաջընթաց եք ունեցել՝ գործելով ձեր նպատակներին և ծրագրերին համապատասխան:

    գ. Գրեք ձեր մտքերը և անհրաժեշտության դեպքում ճշգրտեք ձեր նպատակները կամ ծրագրերը ձեր Երիտասարդների ուղեցույցում կամ ուսումնական օրագրում:

Բավարար ժամանակ տրամադրելուց հետո առաջարկեք մի քանի ուսանողի կիսվել այն հաջողություններով և դժվարություններով, որ իրենք ունեցել են՝ իրենց նպատակների իրագործման վրա աշխատելիս:

Ուսանողներին առաջարկեք գործել իրենց անձնական նպատակներին համապատասխան։ Բացատրեք, որ նպատակներին համապատասխան աշխատելը հավատքի դրսևորում է: Վկայեք, որ Հիսուս Քրիստոսը գիտի մեր ուժեղ և թույլ կողմերը: Երկնային Հայրը կօգնի մեզ հասնել հաջողության, եթե մենք դիմենք Նրան: