1828–1829 он

Мартин Харрис Иосефт туслав

Их Эзэнд найдаж сурах нь

Нэг өдөр Иосеф, Эмма хоёрыг Пэннсилваниад амьдарч байхад Мартин Харрис гэдэг найз нь тэдэн дээр зочилжээ. Мартин Нью-Йоркт том фермтэй байв. Тэрээр Иосефыг алтан ялтаснууд дээр ажиллаж байгааг олж мэдсэн байлаа. Тэр өмнө нь Иосефт тусалж байсан бөгөөд одоо түүнд туслах зүйл өөр байгаа эсэхийг мэдэхийг хүсжээ.

Гэгээнтнүүд, 1:49

Иосеф, Эмма хоёр талархав. Олон хүн Иосефыг худал ярьж байна гэж боддог байлаа. Алтан ялтаснууд жинхэнэ гэдэгт итгэдэг Мартин шиг найзтай байгаа нь сайн хэрэг болов.

Гэгээнтнүүд, 1:49

Иосефыг ялтаснуудыг орчуулж байх үед Мартин түүний хэлснийг нь бичиж авдаг байв. Мартин энэ агуу ажилд Их Эзэнд тусалж байгаадаа баяртай байлаа.

Гэгээнтнүүд, 1:50

Мартины эхнэр Лүси баяртай биш байлаа. Тэр Иосефт үнэхээр алтан ялтаснууд байгаа гэдэгт итгэсэнгүй. Иосеф Мартиныг мэхэлж байна гэж тэр боджээ. Тэр Мартиныг Нью-Йорк руу буцаж, Иосефт туслахаа болихыг хүсэж байв.

Гэгээнтнүүд, 1:49–50

Гэвч Мартин Иосефтой ажилласаар байв. Хэрэв тэдний ямар ажил хийж байгааг уншвал Лүси ч бас итгэнэ гэж тэр боджээ. Тэр Иосефоос Нью-Йорк руу эхнэртээ үзүүлэхээр орчуулсан хуудаснуудыг авч явж болох уу гэж асуув. Иосеф залбирч, Бурханаас асууя гэж хариулжээ.

Гэгээнтнүүд, 1:50–51

Их Эзэн Иосефт хэлэхдээ Мартинд хуудаснуудыг битгий өг гэв. Мартин Иосефоос дахин залбирахыг хүслээ. Иосеф залбирч, бас адилхан хариу авчээ. Гэвч Мартин тэр хуудаснуудыг эхнэртээ үзүүлэхийг үнэхээр их хүсэж байсан бөгөөд Иосеф найздаа туслахыг хүссэн аж. Иосеф гурав дахь удаагаа залбирав. Энэ удаа Бурхан Иосефт юу хийхээ өөрөө шийд гэж хэлжээ.

Гэгээнтнүүд, 1:51

Иосеф Мартинд хуудаснуудыг Нью-Йорк руу авч явж болох ч зөвхөн гэр бүлийнхээ зарим гишүүнд л үзүүлж болно гэж хэлжээ. Мөн тэр хуудаснуудыг хоёр долоо хоногийн дотор буцааж авчрах хэрэгтэй байлаа. Мартин зөвшөөрч, хуудаснуудыг авч явав.

Гэгээнтнүүд, 1:51

Мартиныг байхгүй үед Иосеф, Эмма хоёрын хүүхэд мэндэлжээ. Гэтэл хүүхэд нь нас барж, Эмма өвдөв. Эмма, Иосеф хоёр маш их гунигтай байлаа.

Гэгээнтнүүд, 1:51–52

Иосеф Эммад санаа зовж байлаа. Тэр бас Мартины талаар санаа зовж байв. Хоёр долоо хоног өнгөрсөн ч Мартин эргэж ирсэнгүй. Эмма ч мөн адил санаа зовж байлаа.

Гэгээнтнүүд, 1:52

Эмма Иосефт Нью-Йорк явж Мартиныг хай гэж хэлэв. Иосеф Мартинтай эцэг эхийнхээ гэрт уулзжээ. Иосеф Мартинаас хуудаснуудын талаар асуухад Мартин маш их гунигтай байлаа. Тэр хуудаснууд алдагдсан гэдгийг хэлэв. Тэр хаа сайгүй хайсан боловч олж чадаагүй аж.

Гэгээнтнүүд, 1:52–53

Иосеф маш их гуниглаж, айж байв. Тэр Мартинд хуудаснуудыг өгөх нь буруу байсныг мэдсэн. Тэр гэртээ хариад, юу болсныг Эммад хэлэв. Тэнгэр элч Моронай ирж, алтан ялтаснуудыг буцаан авлаа. Хэрэв Иосеф даруу байж, наманчлах юм бол ялтаснуудыг буцаан авч, дахин орчуулж болно гэж тэр хэлэв.

Сургаал ба Гэрээнүүд 3:5–11; 10:1–3; Гэгээнтнүүд, 1:53–54

Иосеф олон долоо хоногийн турш юу буруу хийснээ боджээ. Тэр залбирч, өршөөл гуйв. Бурхан түүнийг уучилжээ. Бурханы ажлыг зогсоохыг оролдож байсан хүмүүс хуудаснуудыг хулгайлсныг Тэр Иосефт хэлэв. Гэвч Бурханы ажлыг хэн ч зогсоож чадахгүй. Бурханд Өөрийн ажлыг үргэлжлүүлэх төлөвлөгөө байв.

Сургаал ба Гэрээнүүд 3:1–10; Гэгээнтнүүд, 1:54–55

Моронай ялтаснуудыг Иосефт буцааж өгөв. Хэрэв тэд даруу байж, Түүнд найдах юм бол Түүний ажилд олон арга замаар тусалж чадна гэж Бурхан Иосеф, Мартин хоёрт хэлжээ. Тэд Мормоны Номыг дэлхийд авчрахад тусалж чадна. Энэ ном газар бүрийн хүмүүст наманчилж, Есүс Христэд итгэхэд нь туслах болно.

Сургаал ба Гэрээнүүд 3:16–20; 5:21–35; Гэгээнтнүүд, 1:56–57