Fakamatala Fakalahi E

ʻInitaviu Pōtoʻi Lea ke Kau ʻi he Ngaahi Kulupu EnglishConnect

Maʻanautolu ʻoku Nau Fakahoko ʻa e ʻInitaviu Leá

Ko e sivi ko ʻení ko ha ʻinitaviu nounou ia ʻoku totonu ke ʻoua naʻa toe laka hake ʻi he miniti ʻe nimá. ʻE tokoni ʻa e ʻinitaviu lea ko ʻení ke fakapapauʻi pe ko e EnglishConnect 1 pe EnglishConnect 2 ʻoku totonu ke fakahū ki ai ha taha akó. Fakaʻaongaʻi ʻa e laʻipepa ngāue ko ʻení ke fakahoko ʻaki e ʻinitaviú mo fakafuofuaʻi ʻa e tali ʻa e tokotaha ʻoku ʻinitaviú.

“ʻInitaviu Pōtoʻi Lea” ʻOku Lava ke Pākí

Ko Hono Fakaʻuhingaʻi ʻo e Ngaahi Ola ʻo e ʻInitaviu Leá

ʻOku totonu ke fakamaaka ʻa e tali takitaha ʻi he tuʻunga ko ʻení:

• 0 = ʻikai lava ʻo tali e fehuʻí

• 1 = ʻoku siʻisiʻi pe ʻikai malava ke tali; tali ʻaki ha foʻi lea pē ʻe taha

• 2 = lava ke tali ʻaki ha ngaahi kupuʻi lea ako maʻuloto pea lahi e ngaahi fehalaākí

• 3 = fai ha tali fenāpasi pea ʻikai ha ngaahi kupuʻi lea ako maʻuloto, neongo ʻoku lahi ha ngaahi fehalaaki

• 4 = fai ha tali fenāpasi pea siʻi e ngaahi fehalaākí

• Maaka Fakakātoá: 0–7 = EnglishConnect 1

• Maaka Fakakātoá: 8–11 = EnglishConnect 2

• Maaka Fakakātoá: 12+ = EnglishConnect 2 pea fakaafeʻi ke kole hū ki he EnglishConnect 3

Kapau ʻoku meimei ke maaka 1 pē ʻa e kau akó, ʻoku totonu ke fakahū kinautolu ʻi he EnglishConnect 1. Kapau ʻoku meimei maaka 2 pē mo 3 ʻa e kau akó, ʻoku totonu ke fakahū kinautolu ʻi he EnglishConnect 2. Kapau ʻoku meimei ke maaka 3 pē mo 4 ʻa e kau akó, te nau kei lava pē ʻo ʻalu ki he EnglishConnect 2 kapau ʻe fiemaʻu ka ʻe lava foki ke fakaafeʻi kinautolu ke nau kole hū ki he EnglishConnect 3 ( vakai, englishconnect.org/join).

ʻInitaviu Leá

Tokoni ke ongoʻi fiemālie ʻa e tokotaha ʻoku ʻinitaviú ki he lahi taha ʻe lavá ʻaki hano fokotuʻu ha ʻātakai anga fakakaumeʻa. Talitali lelei ʻa e taha ʻoku ʻinitaviú pea fakafeʻiloaki koe. Hangē ko ʻení: “Hi. My name is . What’s your name?”

ʻEke ange ki ai ʻa e ngaahi fehuʻi ʻoku hiki atu ʻi he tēpile ʻi laló.

Fehuʻi	Maaka (0–4)
Fehuʻi 1. Tell me about yourself. What do you like to do? (Kapau ʻoku ʻikai mahino ʻeni ki he tokotaha akó, te ke lava ʻo ʻahiʻahi fehuʻi ange, “What are your hobbies?”)
Fehuʻi 2. Tell me about your family. Who is in your family?
Fehuʻi 3. Where are you from? Tell me about your city.
Fehuʻi 4. What did you do last weekend? (ʻOku faingataʻa ange ʻa e lea ʻi he taimi kuohilí, ko ia, fai ʻa e fehuʻi ko ʻení ʻo kapau naʻe lelei ʻa e tokotaha akó ʻi he kotoa ʻo e ngaahi fehuʻi kehé.)
Fehuʻi Maaka Fakakātoá