Վերջին տարիներին Եկեղեցու ղեկավարները շեշտում են Տիրոջ մարգարեությունը, որ Նա «կարագացնի Իր աշխատանքը» (ՎևՈւ 88.73): Փրկության աշխատանքը ներառում է անդամների միսիոներական աշխատանքը, նորադարձների պահպանումը, քիչ ակտիվ անդամների ակտիվացումը, տաճարային և ընտանեկան պատմության աշխատանքները և ավետարանի ուսուցումը: Այս դասը կօգնի ուսանողներին ավելի լավ հասկանալ այս աշխատանքին մասնակցելու իրենց պարտականությունը` որպես Հիսուս Քրիստոսի Վերջին Օրերի Սրբերի Եկեղեցու անդամներ։
Ասացեք ուսանողներին, որ իր մահից կարճ ժամանակ առաջ Նախագահ Ջոզեֆ Ֆ․ Սմիթը տեսիլք տեսավ հոգիների աշխարհի վերաբերյալ, որն այժմ գրված է Վարդապետություն և Ուխտեր 138-ում: Նա իմացավ, որ վերջին տնտեսության ղեկավարները և «ուրիշ շատերը» նախաերկրային աշխարհում նախապատրաստվել են այս աշխարհում իրենց տրվող պարտականություններին։ Ուսանողներից մեկին հրավիրեք բարձրաձայն կարդալ Վարդապետություն և Ուխտեր 138․53-56 հատվածները, մինչ դասարանը կհետևի նրան, փնտրելով պարտականությունները, որոնք տրվել էին այս ղեկավարներին նախաերկրային աշխարհում։
Ի՞նչ պարտականություններ էին տրվել այս ղեկավարներին նախաերկրային աշխարհում։ Նրանք ի՞նչ նախապատրաստություն ստացան այնտեղ:
Ի՞նչ պարտականություններ կարող էին ձեզ տրված լինել նախաերկրային աշխարհում։ Դուք ի՞նչ հնարավոր նախապատրաստություն եք ստացել: (Երբ ուսանողները կիսվեն իրենց մտքերով, օգնեք նրանց ներկայացնել այս սկզբունքը․ Նախաերկրային կյանքում մենք նախապատրաստվել ենք գալու երկիր ժամանակների լրության տնտեսությունում՝ աշխատելու մարդկանց հոգիների փրկության համար։)
Ցուցադրեք Նախագահ Թոմաս Ս․ Մոնսոնի հետևյալ խոսքերը և խնդրեք որևէ ուսանողի բարձրաձայն կարդալ այն.
Նկար
Նախագահ Թոմաս Ս. Մոնսոն
«Դուք պատկերացնո՞ւմ եք, որ վերականգնված Եկեղեցին 98 տարեկան էր, երբ ուներ 100 ցից: Բայց ավելի քան 30 տարի անց, Եկեղեցին կազմավորեց իր երկրորդ 100 ցցերը: Եվ դրանից ընդամենը ութ տարի անց Եկեղեցին ուներ ավելի քան 300 ցից: Այսօր [2014] մենք ունենք ավելի քան 3000 ամուր ցից:
Ինչո՞ւ է այս աճը տեղի ունենում արագացված տեմպերով: Արդյո՞ք այն պատճառով, որ մեզ ավելի լավ են ճանաչում: Այն պատճառով, որ մենք ունենք հրաշալի հավաքատնե՞ր:
Այս բաները կարևոր են, բայց պատճառը, որ Եկեղեցին այսօր գնալով աճում է, այն է, որ Տերը նշել է այդ մասին: Վարդապետություն և Ուխտերում Նա ասել է. «Ահա, ես կարագացնեմ իմ աշխտանքն իր ժամանակին» [ՎևՈւ 88․73]:
Մենք՝ որպես մեր Երկնային Հոր հոգևոր զավակներ, ուղարկվել ենք երկիր այս ժամանակահատվածում, որպեսզի մասնակցենք այս հիանալի աշխատանքի արագացմանը» («Արագացնել աշխատանքը» Ensign, հունիս 2014, 4):
Համաձայն Նախագահ Մոնսոնի խոսքերի, մենք ինչո՞ւ ենք երկիր ուղարկվել այս ժամանակներում։ (Երբ ուսանողները կիսվեն իրենց պատասխաններով, օգնեք նրանց հասկանալ այս սկզբունքը․ Մենք պարտավորություն ունենք մասնակցելու Երկնային Հոր աշխատանքի արագացմանը։)
Ի՞նչ եղանակներով եք դուք ականատես եղել Աստծո աշխատանքի «արագացմանը»: (Այս հարցն ունի շատ պատասխաններ, ներառյալ միսիոներական ծառայության տարիքի փոփոխությունը, միսիոներների թվի աճը, տաճարների թվի աճը և գործիքների զարգացումը, որոնք ավելի են հեշտացնում ընտանեկան պատմության աշխատանքները:)
Նշեք, որ այս պատասխանները փաստում են այն մասին, որ վարագույրի երկու կողմերում էլ Տերն արագացնում է Իր աշխատանքը։ Բացատրեք, որ Եկեղեցու ղեկավարները փրկության աշխատանքի հետ կապված շեշտադրում են հինգ ոլորտներ և խնդրում են, որ մեզանից յուրաքանչյուրը մասնակցություն ցուցաբերի այս ոլորտներում, որպեսզի արագացնի Աստծո աշխատանքը այս վերջին օրերում։ Ցուցադրեք Յոթանասունի Նախագահությունից Երեց Լ․ Ուիթնի Քլեյթոնի հետևյալ խոսքերը և խնդրեք որևէ ուսանողի բարձրաձայն կարդալ այն: Թող դասարանը ներկայացնի հինգ ոլորտները, որոնք փրկության աշխատանքի մի մասն են կազմում․
Նկար
Երեց Լ. Ուիթնի Քլեյթոն
«Ապրող մարգարեները և առաքյալներն ուսուցանում են մեզ, որ «Հիսուս Քրիստոսի Եկեղեցու անդամներն առաջ են ուղարկվում «աշխատելու նրա այգում՝ մարդկանց հոգիների փրկության համար» (ՎևՈւ 138.56): Փրկության այս աշխատանքը ներառում է անդամների միսիոներական աշխատանքը, նորադարձին պահպանելը, քիչ ակտիվ անդամների ակտիվացումը, տաճարային և ընտանեկան պատմության աշխատանքները և ավետարանի ուսուցումը» [Handbook 2: Administering the Church (2010), 5.0]” (“The Work of Salvation: Then and Now,” Ensign, Sept. 2014, 63):
Երբ ուսանողները ներկայացնեն հինգ ոլորտները, գրատախտակին գրեք հետևյալը.
Մեզանից յուրաքանչյուրը կարող է աջակցել Տիրոջ աշխատանքի արագացմանը
Հանձնարարեք ուսանողներից մեկին կարդալ Վարդապետություն և Ուխտեր 88․73 հատվածը և խնդրեք դասարանին հետևել նրան։ Ապա բացատրեք ուսանողներին, որ մեզանից յուրաքանչյուրը պիտի ձգտի մեծացնել Տիրոջ աշխատանքի արագացմանն ուղղված մեր աջակցությունը։ Դասի վերջում ուսանողներին բաժանեք թերթիկներ և բացատրեք, որ այդ թերթիկը կօգնի նրանց մտածել այն մասին, թե ինչպես կարող են մեծացնել իրենց աջակցությունը։ Հրավիրեք ուսանողներին ընտրել և մտքում կարդալ թերթիկում տրված նյութերից մեկը կամ մի քանիսը և պատրաստվել պատասխանելու թերթիկի վրա տրված հարցերին։
Երբ ուսանողները բավարար ժամանակ ունենան կարդալու և նախապատրաստվելու համար, ուսանողներից մեկին հրավիրեք բարձրաձայն կարդալ առաջին հարցը: Ապա խնդրեք մի քանի ուսանողների պատասխանել թերթիկի երեք հարցերին՝ կենտրոնանալով անդամների միսիոներական աշխատանքի վրա։ Այդ վարժությունը կրկնեք բոլոր հինգ հարցերի համար։
Օգնեք ուսանողներին զգալ ճշմարտությունը և փրկության աշխատանքին մասնակցելու կարևորությունը` տալով հետևյալ հարցերը.
Դուք ի՞նչ օրհնություններ եք ստացել, երբ մասնակցել եք փրկության աշխատանքի այս ոլորտներից մեկին կամ մի քանիսին։ Ի՞նչ փորձառություն եք ունեցել այս ոլորտներից մեկին մասնակցելու ընթացքում, որը ձեզ համար հատուկ նշանակություն է ունեցել։
Ցուցադրեք Առաջին Նախագահությունից Նախագահ Դիտեր Ֆ․ Ուխդորֆի հետևյալ միտքը և որևէ ուսանողի հրավիրեք բարձրաձայն կարդալ այն.
Նկար
Նախագահ Դիտեր Ֆ. Ուխդորֆ
«Երբ ավարտվի մահկանացու կյանքի մեր ժամանակը, մենք ի՞նչ փորձառություններով կկարողանանք կիսվել մեր կյանքի այս կարևոր ժամանակահատվածում մեր իսկ կատարած աջակցության և Տիրոջ աշխատանքը առաջ տանելու մասին: Մենք կկարողանա՞նք ասել, որ ծալել ենք մեր թևքերը և աշխատել մեր ողջ սրտով, զորությամբ, մտքով և ուժով: Թե՞ մենք պետք է խոստովանենք, որ հիմնականում դիտողի դերում ենք եղել: («Դուք քնա՞ծ եք Վերականգնման ընթացքում» Ensign կամ Լիահոնա, մայիս 2014, 59):
Հրավիրեք ուսանողներին ծրագրել, թե ինչ են անելու, որպեսզի ավելի լիարժեք մասնակցեն փրկության աշխատանքին՝ հարցնելով.
Ի՞նչ եղանակներ եք տեսել, որոնց միջոցով ուրիշներն օգնել են արագացնել Տիրոջ աշխատանքը։
Դուք ի՞նչ եղանակներով եք ծրագրում աջակցել Տիրոջ աշխատանքի արագացմանը։
Ինչպե՞ս է Վերականգնման վերաբերյալ մեր գիտելիքը և վկայությունը մղում մեզ ավելի լիարժեք մասնակցել փրկության աշխատանքին։
Հրավիրեք մի քանի ուսանողների կիսվել և վկայել մի բանի մասին, ինչը նրանք սովորել են ավետարանի Վերականգնման վերաբերյալ այս դասընթացի ուսումնասիրության միջոցով։ Վերջում վկայեք Մարգարե Ջոզեֆ Սմիթի միջոցով ավետարանի Վերականգնման ճշմարտացիության մասին:
Խորհեք հետևյալ հարցերի շուրջ՝ կապված հինգ ոլորտներից յուրաքանչյուրի հետ, որոնք փրկության աշխատանքի մի մասն են․
Ինչպե՞ս կարող են Աստծո աշխատանքի այս ոլորտում ձեր ներդրած ջանքերը ուրիշներին մոտեցնել փրկության օրհնություններին։
Դուք ի՞նչ փորձառություններ եք ունեցել և ի՞նչ օրհնություններ եք ստացել, երբ մասնակցել եք Տիրոջ փրկության աշխատանքի այս ոլորտին։
Դուք ի՞նչ կարող եք անել` անկախ Եկեղեցու ձեր ներկայիս կոչումից, որպեսզի աջակցություն ցույց տաք փրկության աշխատանքի այս ոլորտին։
Անդամների միսիոներական աշխատանքը
Տասներկու Առաքյալների Քվորումից Երեց Նիլ Լ․ Անդերսենն ուսուցանել է.
Նկար
Երեց Նիլ Լ. Անդերսեն
«Եղբայրներ և քույրեր, անշուշտ Տերն ունի ավելի շատ ոգեշնչված միսիոներներ ծառայության համար, բայց Նա նաև արթնացնում է շատ ավելի բարի և ազնիվ մարդկանց մտքերը և սրտերը՝ Իր միսիոներներին ընդունելու համար: Դուք արդեն գիտեք նրանց կամ կծանոթանաք նրանց հետ: Նրանք ձեր ընտանիքներում և ձեր հարևանների մեջ են: Նրանք անցնում են ձեր կողքով փողոցում, նստում են ձեր կողքին դպրոցում և շփվում են ձեզ հետ համացանցում: Դուք շատ կարևոր մաս եք այս բացվող հրաշքում:
Եթե դուք լիաժամկետ միսիոներ չեք և ձեր բաճկոնին չեք կրում միսիոներական կրծքանշան, այժմ ժամանակն է, որ գրեք մեկը ձեր սրտին, գրեք, ինչպես Պողոսն է ասում, «ոչ թէ թանաքով, այլ կենդանի Աստուծոյ Հոգովը» [Բ Կորնթացիս Գ․3]: …Բոլորս պետք է ունենանք մեր ներդրումն այս հրաշքի մեջ» (“It’s a Miracle,” Ensign or Liahona, May 2013, 78)։
Նորադարձների պահպանումը
Տասներկու Առաքյալների Քվորումից Երեց Մ. Ռասսել Բալլարդը հայտարարել է.
Նկար
Երեց Մ. Ռասսել Բալլարդ
«Ես և դուք պետք է անենք ամենը, ինչ կարող ենք, որպեսզի տեսնենք, որ Եկեղեցու յուրաքանչյուր անդամ գտնում է լիարժեք ընկերակցություն և վայելում է բոլոր օրհնությունները, որ ավետարանը կարող է առաջարկել։
Նախագահ Գորդոն Բ․ Հինքլին հիշեցրել է ձեզ և ինձ Տիրոջ գործընկերը լինելու մեր պարտականության մասին՝ իրականացնելու Եկեղեցու հետ կապված Նրա ծրագրերը։ Արբանյակային հեռարձակման միջոցով Նախագահ Հինքլին ասել է․
«Տերը մեզ հանձնարարագիր է տվել ուսուցանելու ավետարանն ամեն արարածի։ Սրա համար կպահանջվեն թե լիաժամկետ, թե ցցի յուրաքանչյուր միսիոների լավագույն ջանքերը։ Այն կպահանջի յուրաքանչյուր եպիսկոպոսի, յուրաքանչյուր եպիսկոպոսի խորհրդականի, ծխի խորհրդի յուրաքանչյուր անդամի լավագույն ջանքերը» (‘Find the Lambs, Feed the Sheep,’ Ensign, May 1999, 107)։ Այն կպահանջի յուրաքանչյուր անդամի լավագույն ջանքերը» (“Members Are the Key,” Ensign, Sept. 2000, 10)։
Քիչ ակտիվ անդամների ակտիվացումը
«Մեր դերն է՝ ընկղմվել մեր շուրջը գտնվողներին սիրելու և ծառայելու մեջ՝ սփոփել կարիքի մեջ գտնվող մեր աշխատակցին, հրավիրել մեր ընկերներին մկրտության, օգնել տարեց հարևանին այգու գործերում, հրավիրել քիչ ակտիվ անդամին ճաշի կամ օգնել մերձավորին` կատարել իր ընտանեկան պատմության աշխատանքը: Սրանք բոլորը բնական, ուրախությամբ լի ճանապարհներ են, որոնցով կարելի է մեր կյանք հրավիրել քիչ ակտիվ անդամներին և նրանց, ովքեր մեր հավատքից չեն և, հետևաբար, դեպի ավետարանի լույսը: Նրանց հետ ուրախ ժամանակի և մեր կյանքի սուրբ պահերի անցկացումը իրականում կարող է լինել առավել արդյունավետ եղանակը, որով բոլորս կարող ենք աշխատել Հիսուս Քրիստոսի «այգում՝ մարդկանց հոգիների փրկության համար» (ՎևՈւ 138․56)» («Արագացնել փրկության աշխատանքը», Ensign, հոկ․ 2013, 36)։
Տաճարային և ընտանեկան պատմության աշխատանքը
Տասներկու Առաքյալների Քվորումից Երեց Քվենթին Լ Քուքը ուսուցանել է.
Նկար
Երեց Քվենթին Լ. Քուք
Եկեղեցու ղեկավարությունը պարզ կերպով կոչ է արել աճող սերնդին ունենալ իրենց նախաձեռնությունը տեխնոլոգիայի կիրառման մեջ` Եղիայի ոգին զգալու, իրենց նախնիներին փնտրելու և նրանց համար տաճարային արարողություններ կատարելու համար: Ողջերի ու մահացածների փրկության աշխատանքն արագացնելու դժվար մասը կատարվելու է ձե՛ր միջոցով, երիտասարդնե՛ր» («Արմատներ և ճյուղեր», Ensign կամ Լիահոնա, մայիս 2014, 46)։
Ուսուցանել ավետարանը
«Ավետարանն ուսուցանելու պարտականությունը չի սահմանափակվում` տրվելով միայն նրանց, ովքեր ունեն պաշտոնական կոչում որպես ուսուցիչներ։ Որպես Հիսուս Քրիստոսի Վերջին Օրերի Սրբերի Եկեղեցու անդամ դուք պարտականություն ունեք ուսուցանելու ավետարանը: Որպես ծնող, որդի, դուստր, ամուսին, կին, եղբայր, քույր, Եկեղեցու ղեկավար, դասարանի ուսուցիչ, տնային ուսուցիչ, այցելող ուսուցիչ, աշխատակից, հարևան կամ ընկեր, դուք ունեք ուսուցանելու հնարավորություններ։ Երբեմն դուք կարող եք բացահայտ կերպով ուսուցանել հենց ձեր ասածների և ձեր բերած վկայության միջոցով։ Եվ դուք միշտ ուսուցանում եք օրինակով» (Ուսուցում, չկա ավելի մեծ կոչում․ Ռեսուրսային Ուղեցույց Ավետարանի ուսուցման համար [1999], 3–4)։