« ការប្រសូតរបស់ព្រះយេស៊ូវគ្រីស្ទ » គោលការណ៍ទាំងឡាយនៃដំណឹងល្អ ( ឆ្នាំ ២០២៣ )
មគ្គុទ្ទេសក៍សិក្សាដំណឹងល្អ
ការប្រសូតរបស់ព្រះយេស៊ូវគ្រីស្ទ
« ដ្បិតមានបុត្រមួយកើតដល់យើង ព្រះទ្រង់ប្រទានបុត្រាមួយមកយើងហើយ »
ការប្រារព្ធខួបនៃការប្រសូតរបស់ព្រះយេស៊ូវរៀងរាល់រដូវបុណ្យគ្រីស្ទម៉ាស់ម្តងៗ រំឭកយើងអំពីសារៈសំខាន់នៃដំណើររឿងអំពីការប្រសូត ។ ខណៈពេលដែលយើងមិនដឹងច្រើនអំពីកាលៈទេសៈនៃការប្រសូតរបស់ព្រះយេស៊ូវ យើងដឹងអំពីទីសំគាល់ និងការណ៍ដ៏អស្ចារ្យដែលបានប្រទានមក និងមនុស្សដែលបានធ្វើជាសាក្សីថាព្រះរាជបុត្រានៃព្រះបានយាងមកផែនដីហើយ ។ អំណរគុណ និងសេចក្តីស្រឡាញ់របស់បងប្អូនចំពោះព្រះយេស៊ូវគ្រីស្ទនឹងកើនឡើង នៅពេលដែលបងប្អូនព្យាយាមរៀនអំពីព្រឹត្តិការណ៍ដ៏ពិសិដ្ឋនេះ ។
ផ្នែកទី ១
ការរៀនអំពីការប្រសូតរបស់ព្រះយេស៊ូវគ្រីស្ទតាមរយៈការព្យាករណ៍ពីបុរាណ
គ្រប់ព្យាការីទាំងអស់ចាប់តាំងពីសម័យរបស់ លោកអ័ដាម បានធ្វើជាសាក្សីអំពីព្រះយេស៊ូវគ្រីស្ទ ហើយទន្ទឹងរង់ចាំដោយការរំពឹងទុកយ៉ាងខ្លាំងដល់ពេលដែលព្រះមែស៊ីនឹងយាងមក និងធ្វើឲ្យមានសេចក្ដីសង្គ្រោះ និងជីវិតដ៏អស់កល្បជានិច្ចអាចធ្វើទៅបានសម្រាប់មនុស្សជាតិទាំងអស់ ។ « ហេណុកបានឃើញថ្ងៃនៃការយាងមករបស់កូនមនុស្ស គឺនៅក្នុងសាច់ឈាម ហើយព្រលឹងគាត់បានអរសប្បាយ » ( ម៉ូសេ ៧:៤៧ ) ។ អេសាយ បានព្យាករណ៍ថា « ដ្បិតមានបុត្រមួយកើតដល់យើង ព្រះទ្រង់ប្រទានបុត្រាមួយមកយើងហើយ » ( អេសាយ ៩:៦ ) ។ នីហ្វៃបានឃើញការនិមិត្តមួយអំពី ម៉ារា និងការប្រសូតមករបស់ព្រះមែស៊ីដែលបានសន្យា ( សូមមើល នីហ្វៃទី១ ១១:១៣–២៣ ) ។ អ័ប៊ីណាដៃ បានធ្វើជាសាក្សីថា « ព្រះអង្គទ្រង់ផ្ទាល់នឹងយាងចុះមកក្នុងចំណោមកូនចៅមនុស្ស ហើយទ្រង់នឹងប្រោសលោះរាស្ត្រទ្រង់ » ( ម៉ូសាយ ១៥:១ ) ។ នៅពេលបងប្អូនសិក្សាអំពីការព្យាករ និងការបង្រៀនអំពីការប្រសូតរបស់ទ្រង់ បងប្អូនអាចចាប់ផ្ដើមមើលឃើញថាវាមានសារៈសំខាន់ប៉ុណ្ណាសម្រាប់ព្រះវរបិតាក្នុងការបញ្ជូនព្រះបុត្រារបស់ទ្រង់ ព្រះយេស៊ូវគ្រីស្ទ មកកាន់ផែនដី ។
ការណ៍ទាំងឡាយដែលត្រូវពិចារណា
-
ពួកព្យាការីបានធ្វើទីបន្ទាល់ថាទីសម្គាល់ និងការណ៍ដ៏អស្ចារ្យនោះនឹងជាសញ្ញានៃការប្រសូតរបស់ព្រះយេស៊ូវគ្រីស្ទទៅដល់ប្រជាជននៅក្នុងព្រះគម្ពីរមរមន ។ សូមអាន ហេលេមិន ១៤:១–៩ និង នីហ្វៃទី៣ ១:៤–២២ ។ ហេតុអ្វីបានជាបណ្តាជនបដិសេធមិនជឿសារលិខិតរបស់ពួកព្យាការី ? តើបងប្អូនមានភស្ដុតាងអ្វីខ្លះដែលបង្ហាញថាព្រះយេស៊ូវគ្រីស្ទនៅមានព្រះជន្មសព្វថ្ងៃនេះ ហើយកំពុងតែឈោងមករកបុត្រាបុត្រីទាំងអស់របស់ព្រះដោយសេចក្តីស្រឡាញ់ ?
សកម្មភាពសម្រាប់ការរៀនសូត្រជាមួយអ្នកដទៃ
-
សូមមើលវីដេអូ « Why We Need a Savior » ( ២:១៥ ) ចូរនិយាយគ្នាអំពីសំណួរ « តើជីវិតនឹងមានលក្ខណៈបែបណាប្រសិនបើគ្មានព្រះអង្គសង្រ្គោះទេនោះ ? បងប្អូនក៏អាចពិភាក្សាអំពីមូលហេតុដែលសារលិខិតនៃការប្រសូតរបស់ព្រះយេស៊ូគួរតែបន្តនាំសេចក្តីអំណរ និងសេចក្ដីសុខសាន្តដ៏អស្ចារ្យដល់ពិភពលោក ។
ស្វែងយល់បន្ថែមទៀត
-
ដាល្លិន អេក អូក « Prophetic Announcements of Christ’s Birth » ( ការប្រជុំធម្មនិដ្ឋានបុណ្យគ្រីស្ទម៉ាស់របស់គណៈប្រធានទីមួយ ថ្ងៃទី ៤ ខែ ធ្នូ ឆ្នាំ ២០១៦ ) នៅលើបណ្ណាល័យដំណឹងល្អ
ផ្នែកទី ២
សាក្សីជាច្រើនបានថ្លែងទីបន្ទាល់ថាព្រះអង្គសង្គ្រោះបានប្រសូតហើយ
ដោយសារតែការប្រសូតរបស់ព្រះយេស៊ូវគ្រីស្ទគឺជាព្រឹត្តិការណ៍ដ៏សំខាន់បំផុតមួយក្នុងប្រវត្តិសាស្ត្រ ព្រះបានរៀបចំសាក្សីជាច្រើនដើម្បីធ្វើជាសាក្សីទាំងពីមុន និងក្រោយពេលព្រឹត្តិការណ៍នោះបានកើតឡើង ។ ក្នុងចំណោមសាក្សីមួយចំនួនទាំងនេះមាន ទេវតាកាព្រីយ៉ែល ( លូកា ១:២៦–៣៣ ), ម៉ារា ( លូកា ១:៤៦–៤៩ ), បងប្អូនជីដូនមួយរបស់ម៉ារា អេលីសាបិត ( លូកា ១:៤១–៤៥ ), ស៊ីម្មាន ( លូកា ២:១៦–១៧ ), ស៊ីម៉ាក់ (លូកា ២:២៥–៣៣), អាណ ( លូកា ២:៣៦–៣៨ ) និងពួកហោរពីទិសខាងកើត ( ម៉ាថាយ ២:១–២, ៩–១១ ) ។
ការណ៍ទាំងឡាយដែលត្រូវពិចារណា
-
សូមអានសារលិខិតបុណ្យគ្រីស្ទម៉ាស់ ឆ្នាំ ២០២០ របស់ប្រធាន រ័សុល អិម ណិលសុន « អំណោយដ៏ទេវភាព » ដោយស្វែងរកនិមិត្តរូបដ៏មានអត្ថន័យមួយចំនួនដែលទាក់ទងទៅនឹងការប្រសូតរបស់ព្រះយេស៊ូវគ្រីស្ទ ។ តើនិមិត្តរូបទាំងនេះអាចបង្រៀនបងប្អូនអំពីបេសកកម្មក្នុងជីវិតរមែងស្លាប់របស់ព្រះយេស៊ូគ្រីស្ទយ៉ាងដូចម្ដេច ?
សកម្មភាពសម្រាប់ការរៀនសូត្រជាមួយអ្នកដទៃ
-
សូមមើល វីដេអូនេះជាមួយគ្នា The Christ Child ( ១៧:៥៦ ) ។ បន្ទាប់មកសូមពិភាក្សាអំពីសំណួរថា « តើយើងមានអារម្មណ៍យ៉ាងណាចំពោះការប្រសូតរបស់ព្រះយេស៊ូវគ្រីស្ទនៅពេលយើងពិចារណាអំពីតួនាទីនៃព្រឹត្តិការណ៍ដ៏សំខាន់នោះនៅក្នុងផែនការរបស់ព្រះសម្រាប់សេចក្ដីសង្គ្រោះរបស់យើង ? ប្រសិនបើបងប្អូនកំពុងរៀនជាមួយកុមារ សូមអញ្ជើញពួកគេឲ្យគូរទិដ្ឋភាពដែលពួកគេចូលចិត្តចេញពីខ្សែភាពយន្តនេះ ។ សូមលើកទឹកចិត្តពួកគេឲ្យចែកចាយគំនិតរបស់ពួកគេអំពីការប្រូសូតរបស់ព្រះយេស៊ូវគ្រីស្ទ ។
ស្វែងយល់បន្ថែមទៀត
-
ឌៀថើរ អេហ្វ អុជដូហ្វ « Seeing Christmas through New Eyes » ( ការប្រជុំធម្មនិដ្ឋានបុណ្យគ្រីស្ទម៉ាស់របស់គណៈប្រធានទីមួយ ថ្ងៃទី ៥ ខែ ធ្នូ ឆ្នាំ ២០១០ ) នៅលើបណ្ណាល័យដំណឹងល្អ
-
បូនី អិល អូស្ការសុន « Christmas Is Christlike Love » ( ការប្រជុំធម្មនិដ្ឋានបុណ្យគ្រីស្ទម៉ាស់របស់គណៈប្រធានទីមួយ ថ្ងៃទី ៧ ខែ ធ្នូ ឆ្នាំ ២០១៤ ) នៅលើបណ្ណាល័យដំណឹងល្អ; វីដេអូដែលមាននៅលើ ChurchofJesusChrist.org/media
ផ្នែកទី ៣
ការសិក្សាអំពីការប្រសូតរបស់ព្រះយេស៊ូវអាចធ្វើឲ្យយើងខិតទៅកាន់តែជិតទ្រង់
ប្រធាន អ៊ែសរ៉ា ថាហ្វ ប៊ែនសឹន បានពន្យល់ថា ៖ « ទីបន្ទាល់របស់សាក្សីដែលបានតែងតាំងពុំបានធ្វើឲ្យមានចម្ងល់ពីរឿងភាពជាបិតារបស់ព្រះយេស៊ូវគ្រីស្ទទេ ។ ព្រះគឺជាព្រះវរបិតានៃរោងឧបោសថខាងសាច់ឈាមរបស់ទ្រង់ ហើយម៉ារាដែលជាស្ត្រីរមែងស្លាប់គឺជាម្តាយរបស់ទ្រង់ ។ … ទ្រង់មិនមែនជាកូនរបស់ យ៉ូសែប និងព្រះវិញ្ញាណបរិសុទ្ធទេ ។ ទ្រង់គឺជាព្រះរាជបុត្រានៃព្រះវរបិតាដ៏អស់កល្បជានិច្ច ! »
ព្រះយេស៊ូវគ្រីស្ទត្រូវបានគេហៅថាជាព្រះរាជបុត្រាសំណព្វតែមួយគត់ ពីព្រោះទ្រង់ជាបុត្រតែមួយគត់របស់ព្រះវរបិតាដែលបានប្រសូតក្នុងសាច់ឈាម ( សូមមើល នីហ្វៃទី១ ១១:១៣–២២ ) ។ ទ្រង់ត្រូវបានបញ្ជូនមកទីនេះដើម្បីធ្វើតាមព្រះរាជបំណងរបស់ព្រះវរបិតារបស់ទ្រង់ —ដើម្បីលោះបាបរបស់មនុស្សជាតិទាំងអស់ ( សូមមើល យ៉ូហាន ៣:១៦–១៧ ) ។
ការណ៍ទាំងឡាយដែលត្រូវពិចារណា
-
ផែនការរបស់ព្រះដើម្បីសង្គ្រោះបុត្រាបុត្រីរបស់ទ្រង់តម្រូវឲ្យមាន « ការបូជាមួយដ៏និរន្តរ៍ និងអស់កល្បជានិច្ច » ដែលគ្មានសត្វ ឬមនុស្សលោកណាអាចបំពេញបានឡើយ ។ វាត្រូវតែជាការបូជានៃព្រះរាជបុត្រានៃព្រះ ។ ( សូមមើល អាលម៉ា ៣៤:៩–១៤ ) ។ តើយើងដឹងអ្វីខ្លះអំពីលក្ខណៈនៃការប្រសូតរបស់ព្រះយេស៊ូវគ្រីស្ទដែលធ្វើឲ្យទ្រង់អាចធ្វើ « ការបូជាមួយដ៏និរន្តរ៍ និងអស់កល្បជានិច្ច » ដែលចាំបាច់ក្នុងផែនការរបស់ព្រះ ? ព្រះវរបិតាសួគ៌មិនបានបង្ហាញពីដំណើរការដែលព្រះយេស៊ូវបានក្លាយជាព្រះរាជបុត្រាសំណព្វតែមួយគត់នៅលើផែនដីនោះទេ យើងដឹងតែអ្វីដែលបានចែកចាយនៅក្នុងព្រះគម្ពីរប៉ុណ្ណោះ—ឧទាហរណ៍ ម៉ាថាយ ១:១៨–២៥; លូកា ១:២៦–៣៥; ម៉ូសាយ ១៥:១–៣; និង អាលម៉ា ៧:៩–១០ ។
-
នៅក្នុងសុន្ទរកថារបស់ប្រធាន ហ្គរដុន ប៊ី ហ៊ីងគ្លី « The Wondrous and True Story of Christmas » លោកបានមានប្រសាសន៍ថា ៖ បើមិនមានថ្ងៃបុណ្យគ្រីស្ទម៉ាស់ទេ នោះនឹងមិនមានថ្ងៃបុណ្យអ៊ីស្ទើរដែរ ។ ព្រះឱរសព្រះយេស៊ូវនៃភូមិបេថ្លេហិម នឹងក្លាយជាទារកធម្មតាម្នាក់ប្រសិនបើគ្មានព្រះគ្រីស្ទដ៏ប្រោសលោះនៃសួនច្បារគែតសេម៉ានី និងកាល់វ៉ារី ហើយការពិតដ៏ជោគជ័យនៃការរស់ឡើងវិញនោះ » ។ … ខ្ញុំប្រាថ្នាចង់ឲ្យអ្នករាល់គ្នាមានពេលមួយ ប្រហែលជាមួយម៉ោងប៉ុណ្ណោះដែលបានចំណាយពេលក្នុងការសញ្ជឹងគិត និងពិចារណាដោយស្ងប់ស្ងាត់អំពីភាពអស្ចារ្យ និងភាពរុងរឿងនៃរឿងនេះអំពីព្រះរាជបុត្រានៃព្រះ » ។ ហេតុអ្វីបានជាវាមានសារៈសំខាន់ក្នុងការភ្ជាប់ព្រឹត្តិការណ៍នៅបេថ្លេហិមជាមួយនឹងព្រឹត្តិការណ៍ទាំងនោះនៅឯសួនច្បារគែតសេម៉ានី និងកាល់វ៉ារី ?
សកម្មភាពសម្រាប់ការរៀនសូត្រជាមួយអ្នកដទៃ
-
វប្បធម៌ជាច្រើនអបអរសាទរការប្រសូតរបស់ព្រះគ្រីស្ទជាមួយនឹងប្រពៃណីនៃការជូនអំណោយ ។ សូមពិនិត្យឡើងវិញនូវអំណោយមួយចំនួនដែលប្រធាន រ័សុល អិម ណិលសុន បានលើកឡើងនៅក្នុងសុន្ទរកថារបស់លោក « Four Gifts That Jesus Christ Offers to You » ។ សូមសួរថា « តើអំណោយអ្វីខ្លះមកពីព្រះយេស៊ូវគ្រីស្ទដែលបានធ្វើឲ្យមានការផ្លាស់ប្ដូរនៅក្នុងជីវិតរបស់បងប្អូន ?
ស្វែងយល់បន្ថែមទៀត
-
នីហ្វៃទី២ ២៥:១២; អាលម៉ា ៥:៤៨; ៩:២៦; គោលលទ្ធិ និងសេចក្តីសញ្ញា ៩៣:១១
-
« Jesus Christ Is the Only Begotten Son of God » Liahona ខែ ធ្នូ ឆ្នាំ ២០១០ ទំព័រ ១៤-១៥
-
« To This End Was I Born » ( វីដេអូ ), នៅលើគេហទំព័រ ChurchofJesusChrist.org
-
« Glad Tidings of Great Joy: The Birth of Jesus Christ” ( វីដេអូ ), នៅលើគេហទំព័រ ChurchofJesusChrist.org
-
« The Birth of Jesus Christ: ‹ Good Tidings of Great Joy › »ការបង្រៀនរបស់ប្រធានសាសនាចក្រ ៖ យ៉ូសែប ហ្វីលឌីង ស៊្មីធ ( ឆ្នាំ ២០១៣ ) ទំព័រ ៣១១-៣១៨