Kinatibuk-ang Pagpasabot alang sa mga Kapikas

Kon madiskobre nimo nga ang imong kapikas dugay nang nagtan-aw og pornograpiya, kasagaran lang ang pagbati og lain-laing gikusgon sa emosyon. Tingali mobati ka og kasuko, kalibog, dili masaligon, gisalikway, mawad-an sa maayong panghunahuna, o makalitan. Tingali dili ka makahibalo kon unsaon sa pagsagubang, asa moduol, o unsa ang imong kinahanglang sunod nga mga lakang.

Importante ang mahibalo nga kasagaran adunay daghang hinungdan nga motulod ngadto sa paggamit og pornograpiya, ug usahay mahimong komplikado kini. Ang imong kapikas tingali dili makasabot sa hingpit ngano nga siya nalambigit sa paggamit og pornograpiya. Apan palihog ayaw basola ang imong kaugalingon.

Samtang magpadayon ka nga may pagtuo, mahimong hupayon nimo ang imong kaugalingon sa pagkahibalo nga wala ka mag-inusara. Si Elder Dieter F. Uchtdorf mitudlo: “Dili kamo mobati og kamingaw, kaguol, kasakit, o kasagmuyo hangt[o]d sa hangt[o]d. Kita adunay matinud-anong saad sa Dios nga dili gay[o]d Siya makalimot ni mosalikway niadtong nahigugma Kaniya. Pagbaton sa pagla[o]m ug pagtuo niana nga saad.”¹

Mubo nga sulat

1. Dieter F. Uchtdorf, “Kamo Importante ngadto Kaniya,”Okt. 2011 kinatibuk-ang komperensiya.