Pagtakda og mga Utlanan

Usa ka inahan migahin og daghang katuigan sa iyang kinabuhi sa pagpaningkamot nga matabangan ang usa ka anak nga lalaki kinsa grabeng nagumon sa pagkaadik ug ubang dili maayo nga mga pagpili. Gibati niya ang kapakyas tungod kay wala niya maluwas ang iyang anak nga lalaki gikan sa iyang mga pagpili. Ang iyang anak nga lalaki migahin og daghang katuigan nga layo sa pamilya. Samtang siya misugod sa hinay-hinay nga panaw balik ngadto sa pag-ugmad ug usa ka pakigrelasyon, siya mitakda og mga utlanan kon unsa ang iyang tugotan ug dili tugotan diha sa iyang panimalay. Kini nga mga utlanan nanalipod kaniya ug mipaseguro nga dili niya mapahinabo ang iyang pagkaadik. “Ang mga utlanan nga atong gitakda makatabang aron atong makab-ot ang espiritwal, emosy[o]nal, ug pisikal nga panginahanglan ug sa katap[o]san makatabang nga mobati kita nga luwas ug may kalinaw.”

Ang dili maayong mga pagpili molambo diha sa pagsekreto, ug ang pagpanglimbong maoy magpabuhi niini. Ang kausaban alang sa atong mga minahal mahitabo kon ilang maamgohan kon unsay mahimo sa pagsekreto ug pagpanglimbong aron mapahinabo ang dili maayo nilang mga pagpili. Kon ang atong mga minahal mamakak o molimbong kanato ug mobaliwala sa bati nilang kinaiya, mawala ang atong pagsalig kanila. Ang bukas ug matinud-anong komunikasyon maoy sinugdanan aron maugmad og balik ang pagsalig.